أحد أقاربى يشك إن بنته تعانى من التوحد

**ღ امـ عزووزي ღ** · 06-05-2009, 04:52 PM

إن شاء الله يفيدونك بنات مصر العزيزات

ويارب تكون مجرد شكوك في غير محلها

دمتِ بود غاليتي

**قلب خالد** · 06-05-2009, 08:03 PM

ان شاء الله يفدوك البنات اللي من مصر

ويارب تكون مجرد شكوك

**semba155** · 06-05-2009, 10:24 PM

معنديش فكره والله بس ان شاء الله يكون خير

**اعشق ولدي** · 07-05-2009, 03:53 PM

حبيبتي يارب شكه يكون في غير محله ..

فيه في مصر مداارس توحد .. اعتقد اسم واحد منهم (( ابني ))

والثاانيه اسمها هابي وورلد ..

بس مؤسسه ابني CLD فيها دكتور وممكن يكشف عليها ويقووولكـ ..

وعنوانها 4 شارع النجمه . هليوبولس . مصر الجديده . القاهره .
تليفون : 26447317

**ياسمين شامي** · 07-05-2009, 08:22 PM

ان شاء الله يكون مجرد شك

ياارب

**ارغول** · 07-05-2009, 11:29 PM

السلام عليكم ان شاء الله ميكنش عنده حاجه بس كنت عايزه اعرف ما هي الاعراض اللي جعلته يشك في ذلك حتى نستفيد؟؟؟؟؟؟؟؟؟؟؟؟؟؟؟؟؟ وربنا يشفيه

**Oum Lina et Lilia** · 07-05-2009, 11:31 PM

إن شاء الله يفيدونك بنات مصر العزيزات
ان شاء الله يكون خير

**أختكم فى الله** · 08-05-2009, 01:42 AM

المشاركة الأصلية بواسطة اعشق ولدي

حبيبتي يارب شكه يكون في غير محله ..

فيه في مصر مداارس توحد .. اعتقد اسم واحد منهم (( ابني ))

والثاانيه اسمها هابي وورلد ..

بس مؤسسه ابني CLD فيها دكتور وممكن يكشف عليها ويقووولكـ ..

وعنوانها 4 شارع النجمه . هليوبولس . مصر الجديده . القاهره .
تليفون : 26447317

جزاكى الله كل خير
إن شاء الله أقوله ويتصل ويحدد ميعاد

**nanosa311** · 08-05-2009, 01:52 AM

المشاركة الأصلية بواسطة ارغول

السلام عليكم ان شاء الله ميكنش عنده حاجه بس كنت عايزه اعرف ما هي الاعراض اللي جعلته يشك في ذلك حتى نستفيد؟؟؟؟؟؟؟؟؟؟؟؟؟؟؟؟؟ وربنا يشفيه

وانا كمان عايزة اعرف ربنا يشفيها يارب

**أختكم فى الله** · 08-05-2009, 02:00 AM

المشاركة الأصلية بواسطة اعشق ولدي

حبيبتي يارب شكه يكون في غير محله ..

فيه في مصر مداارس توحد .. اعتقد اسم واحد منهم (( ابني ))

والثاانيه اسمها هابي وورلد ..

بس مؤسسه ابني CLD فيها دكتور وممكن يكشف عليها ويقووولكـ ..

وعنوانها 4 شارع النجمه . هليوبولس . مصر الجديده . القاهره .
تليفون : 26447317

جزاك الله كل خير وبارك الله فيكى بس ياترى تعرفى حاجة عن الدكتور ده كويس يعنى وثقة ولا متعرفيش

**اعشق ولدي** · 08-05-2009, 02:36 AM

المشاركة الأصلية بواسطة أختكم فى الله

جزاك الله كل خير وبارك الله فيكى بس ياترى تعرفى حاجة عن الدكتور ده كويس يعنى وثقة ولا متعرفيش

واياكي حبيبتي ..

ايوه نعرف الدكتور .. عشان اخويا عندو ولد مريض بالتوحد
وودوه كذا مركز ومؤسسه هنا في السعوديه .. بس ماكانش بيتقدم الا قليييييل
ودلونـا على مؤسسه ابني في مصر .. وراح اخويا ومراته وعياالهم مسافرين على مصر
وشافه الدكتور وكشف عليه وحدد حالته .. ومن وقتها اتنقلو للعيش في مصر عشان يدخلوه المؤسسه دي ..
وبصراحه ممتاااازه ماشاءالله ..

وانا لمن قرآت موضوعك اتصلت بزوجه اخويا وسآلتها وقالتلي ايوه فيها دكتور كويس
ولما يكشف عليها حيقرر اذا عندها توحد ولا لآ واعطتني العنووان اللي كتبتهولكـ

وربنا يسترها معاكي وتطلع بنتك سليمه .. بس اذا ممكن قوليلي ايه اللي لاحظو عليها عشان يقولك
انه شك انه عندها توحد؟؟

**ام الغلا كله** · 09-05-2009, 10:42 AM

ربي يشفيها .. وماتكون الا بنت سليمه معافاه ومجرد شكوك ووساويس شيطانيه..

**أختكم فى الله** · 09-05-2009, 04:07 PM

أنا نقلتلكم الكلام ده إللى كتباه والدتها فى أحد المنتديات المتخصصة فى الحاجات دى
وأتمنى إنها تكون مجرد وساوس وتكون البنت كويس أو حتى يكون التوحد نسبته بسيطة ويتم شفائها زى كتير غيرها إن شاء الله

السلام عليكم ورحمة الله وبركاته

أنا بنتى عندها سنة و5 شهورونص وهى طفلتى الأولى

هحاول أشرحلكم حالتها بإختصار بالإيجابيات والسلبيات

هى الحمد لله تواصلها البصرى معايا أنا وأبوها كويس يعنى لما بنكلمها وعينا فى عينيها مش بتهرب من عينيننا ولا حاجة وبتتفاعل معانا لما بنلاعبها ونضحكها وبتستجيب لبعض الأوامر البسيطة زى هاتى بوسة أو حضن أو إعملى باى
وتلعب معانا بالكورة يعنى أديهالها وتديهانى
ومش بتحب العزلة ولا الروتين بالعكس لما بغيرلها الروتين اليومى بتاعها بتكون فرحانة
ومش بترفض الأحضان ولا التقبيل بالعكس بتحبنا نحضنها ونبوسها
مش بتعمل أى عنف ضد نفسها ولا ضد الأخرين
كانت بتناغى لما كان عندها شهرين وقالت بابا وماما فى وقتها ودلوقتى مركزة على كلمة بابا أكتر وبتقول ماما قليل وبتتكلم كتير كلام مش مفهوم ومش موجه لحد

بس إللى قالقنى عليها
إنى لما بندهلها مش بترود عليا خالص ممكن ألفت نظرها بأى حاجة ممكن أغنيلها أو أعمل أى صوت تانى يلفت نظرها بتبصلى على طول بس لما أى حد يندهلها بتتجاهله خااااالص
وأوقات كتير بتقعد تحرك إيديها وتبصلها وممكن تعمل كدة وحد بيكلمها وتستمر فى كدة ومتبصلوش .. وكانت وهى عندها 6 شهور لما كانت تقعد ووراها مسند كانت تخبط دماغها فيه أكتر من مرة بس بطلت تعمل كدة خالص لما بدأت تسحف مع العلم إنها إتأخرت فى السحف سحفت سنة و4 شهور ولسة ممشيتش لحد دلوقتى بس الدكتور بيقول إن ده طبيعى
مش بتشاور على أى حاجة عايزاها بصباعها بس بتروح تيجيبها بنفسها
مثلا التيليفزيون بيكون مقفول بتفضل تبصله وبتكون عايزانى أفتحه بس محاولتش مرة تبصلى وتشاورلى عليه علشان أفتحهولها ولعبها بتروحلها بنفسها وتمسكها بس مجبتليش مرة لعبة توريهانى وتلفت نظرى ليها
ولما بشاورلها على حاجة مش بتبص على الشئ إللى بشورلها عليه بس بتبص على صباعى
وعندها لعب كتير بتلعب بيها بس لو جيبتلها لعبة جديدة بترفضها الأول وبعد وقت بتبدأ تتعود عليها بالتدريج
بصراحة الحاجات دى مخوفانى وقلقانى وبتحسسنى إنها مش طبيعية واحترت وتعبت شوية أقول البنت كويسة وشوية أقول لأ مش طبيعية

وقررت إن شاء الله أعرضها على دكتور متخصص بس لسة معرفش حد وياريت حد من سكان القاهرة يقولى على دكتور كويس
بس لحد ما ألاقى الدكتور ده ياريت يا جماعة تساعدونى بخبرتكم وجزاكم الله كل خير

**azmiralda000** · 09-05-2009, 11:56 PM

اختى فى مركز فى جسر السويس
هو لعلاج صعوبات النطق و صعوبات التعلم
بيتهيألى ممكن يشخصوا التوحد و يعالجوه و ربنا سبحانه و تعالى هو الشافى المعافى

المركز هو للدكتورة وفاء وافى
مركز التخاطب الشامل
مصر الجديده 10 ش محمد الزمر جسر السويس
22406301

أحد أقاربى يشك إن بنته تعانى من التوحد

أحد أقاربى يشك إن بنته تعانى من التوحد

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق