السلام عليكن ورحمة الله وبركاته

كيف حالكم يا بنات ويا أمهات المنتدى

والله وحشتونى كتير جدا خالص أوى


أنا عندى ليكم كام سؤال تعبنى جدااا جدااا

أتمنى أنكم بجد تساعدونى لأنى بجد خلااااااااااص تعبت جداااا


أدم هيتم سنه بإذن الله كمان أسبوعين

1 _ الفترة دى أدم عصبى جداااا وبيصرخ بصوت عالى جداااااا وأوقات كتير يصرخ بدون سبب محدد فقط لملل لو ليخرج أو أى شئ ولو بسيط

محتاره جدااا

أعمل إيه معاه علشان دى مش تبقى عاده عنده

خايفى يتعود على الصوت العالى

وايه العقاب أو الشئ الى ممكن اعمله علشان انهى المرحله دى ...؟


2 _ أدم لدلوقتى بيصحى بالليل يرضع ... دا طبيعى ولا أتأخر فى الفطام الليلى



3 _ بخاف جدا أن أدم يكون جعان .. خاصة أنه لسه مش بيقول ممم على الأكل ازاى أعرف أنه شبعان من غير ما أغصبه على الاكل خاصة ان أدم حجمه صغير خالص بجد ونفسى يتخن شويه زى الاطفال فى سنه ربنا يحفظهم ويحفظه

4 _ أدم لسه مش مشى أزاى أساعده أنه يبدأ يمشى ويأخذ خطوه أولى


بارك الله فيكم

والله انا محتاره جدااا


وعارفه ان ما هيريحنى غير امهات المنتدى هنا

بارك الله فيكم

الله يبارك لك فيه ويخليهولك ويحفظه من كل شر
أعتقد إنه ممكن يكون بيسنن.....أفتكر إن إبنى لما كان فى سنه وكل ما تيجى تطلع له سنة كان بيبقى عصبى كده .....حاولى لما يعيط ما تزعقيش له وتحضنيه بهدوء وتقوليله هشششش و تغنيله لغاية ما يهدا...وإن شاء الله فترة وتعدى..
بالنسبة للرضاعة أعتقد لو شبعان قبل ما ينام مش هيصحى كتير ولو إن فيه أطفال حتى لو شبعانين بيصحوا عشان يحسوا بحنان الأم مش بسبب الجوع..

ممكن تنوعيله فى الوجبات وتعشيه كويس قبل ما ينام يعنى زبادى بالبسكوت ...وجبة سيريلاك بالتفاح ...بطاطس مهروسة بالكمون وصفار البيضة ....أرز بحليب ....موزة مهروسة ....وتحاولى تغيرى يعنى كل يوم حاجة عشان ميزهقش من الأكل...وإعرضى عليه الأكل من وقت للتانى من غير ما تعصبى عليه بس طبعا ميكونش بعد الرضاعة لأنه أكيد هيبقى شبعان بعد الرضاعة مباشرة....
يعنى لما تحسى إنه جعان إعرضى وجبة وإن شاء الله هياكل ...وبعدين ترضعيه بعد شويه..

بالنسبة للمشى سيبيه براحته عادى ممكن يتأخر لغاية سنة وشهرين أو سنة و3 شهور خاصة إنه ضعيف .....إنتى وقفيه على الكراسى أو لما تبقى قاعدة وقفيه بين رجليكى وإشغليه بأى لعبة عشان عضلات رجليه تقوى....

أنا أسفة عالإطالة بس أتمنى أكون أفدتك بأى حاجة...
ربنا يخليهولك وتشوفيه أحلى عريس فى الدنيا...

حبيبتي انا ولدي عمره سنه

نفس الشئ عصبي الظاهر انو هدا الجيل كده الله يهديهم

شكله ابنك يسنن لانه ابني كده كان يبكي كثير بعدين فتحت فمه لقيت طالعه الاضراس مسكين سرت اعطيه مسكن قبل النوم
على فكره انا كمان ولدي يرضع طبيعي
بالنسبه للمشى ولدي مشي بعد السنه باسبوعين فجأه لقيته يحاول لوحده دحين عمره سنة وشهر ما شاء الله يمشى بس يطيح كثير
وكمان ولدي نحييييييييييف بس انا اعطيه فيتامين

ريدوو بارك الله فيك

والله بحاول أشبعه قيب ما ينام بس مافيش فايده



ربنا يحفظ لك ابنك

والله النهارده حاولت اعمل بنصحتك واخده فى حضنى

نفعت كتير

بس تعبت كتير كتير

ربنا يبارك فيك يا غاليه

سمسمه

ربنا يبارك فى ابنك يارب

بس أدم لسه الاسنان العلويه عنده مش ظهرت

ربنا يهديهم ويبارك فيهم

شكرا لمرورك يا غاليه