ابنى قهرنى بجد وحاسة انى مش هقدراربيه ولا اسيطر عليه

بسم الله الرحمن الرحيم

اعذرونى وانا بتكلم لانى فى غاية الضيق من ابنى 9 شهور
مشكلتى معاه من الاول هى انى موجودة فى بيت اهلى لان زوجى بيعمل فى الخارج وابنى لقيى تدليل من الكل 4 افراد غيرى بيدلعوه وكتير بقولهم بلاش كدة علشان اقدر اسيطر عليه ومفيش فايدة
وفعلا بدئت البشاير تبان

يوم من يومياتى المريرة مع ابنى احمد

اى حاجة عاوزها يبكى لحد ما تتعمل وعاوزى اشيله على طول فى الصبح الكل بيكون فى الشغل وانا بكون وحدى معاه بعد الدقايق لحد ما يرجعو من الشغل لانى مش قادرة عليه وبيدمرلى اعصابى بجد يصحى من النوم اغسله وشه وافتحله قناة براعم يتفرج عيلها واحطه فى المشاية علشان احضرله الفطار فى 3 دقايق بالظبط واللى بيحصل منه انه ييجى قدام المطبخ بالمشاية وشايفنى قدامه ويبدا فى النوااااااح واى حد يدخل المطخ طول اليوم يعمل نفس التصرف مش فاهمة ليه بجد
بعد كدة اخده علشان يفطر وما ادراكم بيعذبنى علشان ياكل ما يرضاش يقعد غير دقيقتين بجد وبكون حاطاله كل اللعب علشان يلعب بيها وبكلمه والاعبه ومفيش فايدة يقوم وينزل ويتحرك يمين وشمال واكمله الاكل بطلوع الروح بجد-ماتتصوروش قد ايه موضوع الاكل بتاعه مسبلى عبئ نفسى رهيب
المهم بعد كدة اروح اغسله بقه وايديه واحطه فى المشاية يلعب مع اللعب والكارتون قدامه وانا اروح احضر الفطار بتاعى ويشتغل فى النواااح لحد ما اخلص اكل وساعات مش بفطر منه ولو فطرت يبقى باقصى سرعة مع تلف الاعصاب اللى بيسبه ليا لان صوته عالى جدا وانا طبيعتى احب الهدوء المهم نخلص الفطار بتاعى وارضعه وينام ساعة ولما يصحى يعذبتنى لحد ما يرجعو اهلى من الشغل وبعد كدة لما نحط الغدى ويلاقينا متجمعين على السفرة وهو فى المشاية بيلعب يخرب الدنيا ولازم حد يشيله وكمان مش بيسكت يزن و اللى بيشيله مش بيعرف ياكل منه خالص بعد كدة كلهم بيروحو ينامو وانا قاعدة مع البيه ونفسيتى بتتعب لانه بيعذبنى تانى لحد ما يصحو وندخل على وجبة الغدى بتاعته هو واجاركم الله اصعب من وجبة الفطار بمراحل بجد وهكذا نفس القصى لحد العشا وينام بالليل
مشكلتى الاهم معاه انه مش واخد على الناس خالص
الجو بقى جميل وقلت اخرج بيه علشان انا زهقت من القعدة فى البيت وخرجت بيه وخرب الدنيا مش عاوز حد يشيله فى الشارع غيرى انا رغم انه كان زمان وهو صغير عادى اى حد يشيله ويسكت والمشكلة فيا انى ضهرى فيه مشكلة وتاعبنى جدا منه ومش بقدر اشيله اكتر من 3 دقايق ورافض يتحط فى العربية بتاعة الشارع نهائى
انا لسة راجعة دلوقتى بيه من برة قلت اخرج واعوده كمان علشان عاوزة اوديه حضانة كمان شهرين وارجع شغلى واجاركم الله من اللى عمله حطيته فى العربية وخرب الدنيا قلت معلش اسيبه علشان يتعود وهسكت لما يلاقينى مطنشاه سبته يبكى ربع ساعة وبجد فرج الشارع عليا وفى الاخر شلته
ودى يومياتى مع احمد اينى جوا البيت تاعبنى ومعذبنى وبرة البيت مانعنى اخرج حتى الاسبوع اللى فات روحت بيه عند بنت عمى قعد ساكت فى الاول شوية وبعد كدة خرب الدنيا وتعبنى جدا واضطريت امشى
ابنى يا جماعة زلني بجد ومضايقنى جدا وووالله كرهنى فى الخلفة خالص
بفكر انى امشى واروح اعيش فى شقتى علشان اعرف اربيه واادبه بس المشكلة انى هعيش لوحدى وهعرض نفسى للمخاطر ونفس الوقت خايفة لو استمريت هنا الولد يضيع منى من كتر التدليل ومحدش يقولى سافرى برة بيه لاوبةه لان مش هينفع لاسباب كتير
اللى عندها حل تساعدنى وتقولى واللى معندهاش تدعيله بالهداية

معقولةانتى اللى بتشتكى من ابنك دانا دايما بتابع نصايحك

كل الموضوع حبيبتى انك ضاغطة على اعصابك قوى معرفش لية كدة
ولو انتى مستصعبة الموضوع ارجعى شقتك

بس نصيحتى ليكى الروتييييييييييييييين

مش لازم اول مايصحى من النوم اكل كدة على طول استنى مثلا ساعين يكون جاع قوى فمش هيغلبك وياكل عدل
بعدين مش لازم كل ماتزنقى تروحى حطاة ف المشاية لا
جربى تحطية ف الارض وحوالية اللعب
وكل ما يزن ماتشيليهوش قعدى جنبة ولاعبية شوية وسيبية
عشان ميتعبكيش ف النوم قللى نومة بالنهار
وشيلى من دمغاك انك طالما مشغلالة قناة الاطفال هيسكت
اتمنى اكون افدتك
ربنا يهديهولك ويهنيكى بية
انا عندى بنوتة وكنت هجنن على ولد
ربنا يخليهولك اللهم امين والحمد لله على كل حال

معقولة يا كوين احمد يعمل كل ده
اللى انتى بتحكيه ده مريت بيه كله لما ابنى كان مولود ولحد ست شهور
ادعى ربنا ده الحل الوحيد اللى عملته
بخصوص العربية انا كمان ابنى بيعمل كده بس باسيبه يعيط
لحد ما يسكت
ربنا يهديهولك يارب

الله يعينك عليه بصراحه الاولاد يبيلهم قلب من حديد ويالله يفيد فيهم
انصحك انك تستخدمين معاه كل طرق التاديب
وخليه مهما كانت ردة فعله يبكي لين يشبع وينام؟

لا أنصحكِ بترك الطفل يبكي لوحده ولمدة طويلة
فهذا يؤثر على نفسيته وبالتالي على تصرفاته .. وله عواقب وخيمة

ربما شيء يؤلمه أو يريد شرب ماء .. كان طفلي كثيراً ما يبكي والبعض ينصحني بإعطاءه الماء .. وفعلاً أعطيه الماء فيهدأ

وأحياناً يبكي لأنه يريد أن ينام .. أو يلعب

أو الحفاظ متسخ فيسبب له الحرقان

اعملي له الأمور التي يحبها
مثلاً سماع نشيدة يحبها أو إعطائه لعبة يحبها
دغدغته

شكرا ليكم كلكم ووالله بعمله كل حاجة وبدعى ربنا يهيديه لانه تعبنى خالص بجد

كتبت بواسطة om uomna

معقولةانتى اللى بتشتكى من ابنك دانا دايما بتابع نصايحك

كل الموضوع حبيبتى انك ضاغطة على اعصابك قوى معرفش لية كدة
ولو انتى مستصعبة الموضوع ارجعى شقتك

بس نصيحتى ليكى الروتييييييييييييييين

مش لازم اول مايصحى من النوم اكل كدة على طول استنى مثلا ساعين يكون جاع قوى فمش هيغلبك وياكل عدل
بعدين مش لازم كل ماتزنقى تروحى حطاة ف المشاية لا
جربى تحطية ف الارض وحوالية اللعب
وكل ما يزن ماتشيليهوش قعدى جنبة ولاعبية شوية وسيبية
عشان ميتعبكيش ف النوم قللى نومة بالنهار
وشيلى من دمغاك انك طالما مشغلالة قناة الاطفال هيسكت
اتمنى اكون افدتك
ربنا يهديهولك ويهنيكى بية
انا عندى بنوتة وكنت هجنن على ولد
ربنا يخليهولك اللهم امين والحمد لله على كل حال

حبيبتى ام يومنا انا نصايحى دايما فى اللى فات لكن الحاضر والمستقبل بتمشى كدة على قد ما اعرف وبحاول اقرا كتير قوى على النت علشان اعرف
فعلا انا اعصابى مشدودة ودا لان عندى مشاكل كدة تاعبانى شوية بس احمد ضاغط عليا جدا وبيتلف الباقى من اعصابى ومضايقنى جدا فى حكاية الخروج ياريت ترسى على جوا البيت بس
انش اء الله هطبق كلامك واغير الروتين
انا مش طول الوقت بحطه فى المشاية بحطه كتير فى الارض بس بقى يدخل على الحمام والمطبخ ويلكل اى حاجة يقابلها
الولاد فعلا صعبين جدا عن البنات ناس كتير قالولى كدة وجربو الولاد والبنات

كتبت بواسطة meshmesh_2005

معقولة يا كوين احمد يعمل كل ده
اللى انتى بتحكيه ده مريت بيه كله لما ابنى كان مولود ولحد ست شهور
ادعى ربنا ده الحل الوحيد اللى عملته
بخصوص العربية انا كمان ابنى بيعمل كده بس باسيبه يعيط
لحد ما يسكت
ربنا يهديهولك يارب

حبيبتى مشمش
طي بابنك بطل الحركات دى كلها فجاءة كدة بعد الشهر السادس -انا هزود الدعا بجد وربنا يهديه
هحاول تانى فى العربية وربنا يهيده ويسكت

هرة البنفسج ، طهر
انا بسيبه يعيط شوية وبعد كدة اسكته شوية
وبعمله كل حاجة تبسطه والله المعين ودعواكم ليا

ربنا معاكى ياكوين ويارب يهديه انا شايفة فعلا انك تغيرى الروتين خلي الاكل لما يجوع احسن واذا كان عالخروج مش لازم من اول ماتخرجى تحطيه فى العربية شيليه شوية ومثلا لو بتتفرجى على حاجة خليه يمسكها معاكى وكلميه ولما ياخد عالجو حطيه فى العربية ولو عيط كلميه وفرجيه عالحاجة من غير ماتشيليه جربى كده وربنا يسهل...ممكن اعرف اكله ايه يعنى الفطار والغدا والعشا ايه بالتفصيل عشان انا بنتى قد احمد تقريبا ومعلقة عالزبادى والعصير واحيانا الفاكهة وبسسس..ايوه نسيت اقولك ماتجربى تطلعيه البلكونة يتفرج عالناس من فوق وممكن لو عجبته تاكليه فيها...لو نفعت الحلول دى ابقى طمنينى وربنا يكون فى عونك