مرحبا اخواتى اللى عندها خبره فى موضوعى ترشدنى
بنتى مزعجه ماهمهاالاانها تخلع ملابسها كلما لبستها ما ادرى شسوى معهاالبسها وارجع الاقيها خالعه الملابس عمرها سنتين ونصف والى الان استخدم لها الباميرز واريد اعودها على الحمام (تكرمون)بس هى عنيده ما الحل

هلا اختى نفسس الحاله مع بنتي عائشه نفس الشى
بالنسبه للملابس احياننا تحب تتحرر من كل شى اخليها نصف ساعه او اكثر وهى بدون ملابس علشان ما اكسر رغباتها وكل دقيقه او لحظه اسالها اذا ما تبى تروح الحمام واحياننا اخلى الحمام الصغير فى اى مكان هى تلعب فيه علشان اذكرها فيه ..المهم لما تتنتهى المده اخذها لخزانه الملابس واخليها تختار بنفسها الملابس صحيح اناه صغيره بس هى تفرح وتحب تختار واخبرها انى راح البسهاوراح ازعل اذا خلعتهم هى تلبسهم وما تخلعهم لانها خذت وقت كافى وهى من غيرهم
بالنسبه للحمام الله يكرمك حاولى تقنعيها بالكلام اولا ويبى فتره يعنى تساليها وين يعملوا....وحاولى تخبريها انه بالحمام وكل مره تساليها راح ترد عليك بالحمام..المهم تيى المرحله الثانيه وهى لما تكون من غير ملابس اساليها وهى جالسه علىيه وين وهى راح ترد بالحمام وخبريها ان البامبرز مو حلو حق الكبار وشوى شوى وان شاء الله راح تتقبل صحيح لما تكون جالسه عليه حاولى تتكلمى معها علشان تنسى وتعملها ولما تخلص صفقيله او اعطيها حلاوه او ماشابه حتى تحس انه صح

مرحبا يا ام عائشه جزاك الله الف خير على النصائح المفيده وان شاء الله بجربها معها من اليوم والله يعطيك الف عافيه ويخليلك عائشه ان شاء الله

هلا ام لولو الله يخليك ويخلي لك لولو وهم الاطفال محتاجين صبر شوى وتره فى مثل يقول ما يطلع شاب الا ومشيب شاب