خلاااااااااااااص تعبت

**مس ميرو** · 02-11-2008, 02:02 PM

بنتي عمرها سنه و7شهور من اكتر من شهر بعلمها استخدام القصرية ومن اسبوع بدا يبقي فيه تحسن بالنسبه للpoop لما احس انهاهتعمل اقعدها وتعملهالكن من يومين لما اجي اقعدها ما ترضاش وتتعمد تعملها وهي واقفة
ياريت حد يساعدني اعمل معاها ايه تعبت والله
بعد ما حسيت بالتحسن وبقي فيه امل جالي احباط وبقيت اصرخ

**مصطفى قرة عينى** · 02-11-2008, 02:37 PM

حبيبة قلبى لا تفقدى الامل وإن شاء الله خير اصبرى شويا ولما تيجى تقعديها اضحكى معاها وامدحى فيها كتير انا مثلاً كنت مع ابنى اقول الله صاصا جميل عمل بيبى فى القصرية ومش بيعمل على نفسه وصدقينى هو بيفهم الكلام ده وبيتشجع وافضلى امدحى فيه انه مش بيعمل على نفسه وامام والدها امدحيها وامام المقربين وإن شاء الله يكون فيه نتيجة

**مس ميرو** · 02-11-2008, 02:53 PM

انا والله بشجعها وبيبقي عيد وبتيجي معايا الحمام ننظف القصرية بس مش عارفة ايه اللي حصل كمان البول عندها ما بتقولش غير لما تعمله وساعات بقعدها وبتعمل في القصرية وبقولها شطورة مريم عملت بيبيه هنا بس مفيش تقدم في موضوع البول