>>ابني والروضه سيناريو درامي كل يوم ....ما الحل ؟؟؟؟

**اسير الحريه** · 27-08-2008, 09:48 PM

خواتي الامهات الغاليات
انا خواتي قبل فترة وضعت استفتاء هل اضع ابني الروضه ام لا وعمر ابني 4 سنوات
المهم اني الان وضعته
اولها كان متشجع جدا حتى انو اول يوم ركب بالباص من غير اي مشكله وحتى لما رجع كان مبسوط جدا
لكن تاني يوم الولد تغير ماعاد بدو الروضه ولحديت اليوم وهو بصرخ وبمسك فيه وبيقول ما بدي اروح عالروضه ولما بيجي الباص بيركض وبيهرب وبيبكي بصوت عالي وبحطه في الباص غصب عنه وهو بعيط شو الحل فكركم
مع انو بس يروح بيكون مبسوط
بس الذهاب للروضه كتير صار مزعج وهلا كل شوي بيقولي مابدي اروح عالروضه
الصراحه مش عارفه كيف اتصرف بكره اخر يوم بالاسبوع بس اكيد الاسبوع الجاي في موال جديد من النكد
والعند
الصراحه اعصابي فرطت هل انا تسرعت في تسجيله وهو بهالسن ولا الموضوع عادي وبيعدي
حبيباتي الموضوع مارقني اللي عندها تجربه بهالموضوع او عندها حل او اقتراح او حتى دعاء تتفضل
لاني الان بحاجه للمسانده خصوصا اني حفقد الصبر
ساعدوني الله يوفقكم

**Niso** · 27-08-2008, 10:18 PM

اذا بتسمحي لي اضيف مشكلتي على مشكلتك!!! انا ابني من سن ابنك وبكرة آخر يوم بالاسبوع ....والاسبوع الجاي بنعيد النكد من أول متل ما حكيتي.... المشكلة الكبرى انه اليوم كان اصعب يوم بالنسبة.... الي تخيلت انه اول يوم يكون الاصعب بس كل يوم بمر اسوء من اللي قبله .... انت ابنك بينبسط هناك انا لأ مدرسته اليوم حكت لي انه ضل طول النهار يبكي .... بصراحة مش عارفة شو اعمل اذا لقيت حل وزبط معك خبريني بيه...

**barbie_souz** · 27-08-2008, 10:46 PM

حبيبتي عمره مناسب جدا لدخول الروضة برأي تروحي تشوفي شو عم يصير بالروضة يمكن المعلمات ما بيعملوه منيح يمكن منو منسجم مع باقي الأطفال شوفي المشكلة هناك وعالجيها

**اسير الحريه** · 27-08-2008, 10:47 PM

كتبت بواسطة Niso

اذا بتسمحي لي اضيف مشكلتي على مشكلتك!!! انا ابني من سن ابنك وبكرة آخر يوم بالاسبوع ....والاسبوع الجاي بنعيد النكد من أول متل ما حكيتي.... المشكلة الكبرى انه اليوم كان اصعب يوم بالنسبة.... الي تخيلت انه اول يوم يكون الاصعب بس كل يوم بمر اسوء من اللي قبله .... انت ابنك بينبسط هناك انا لأ مدرسته اليوم حكت لي انه ضل طول النهار يبكي .... بصراحة مش عارفة شو اعمل اذا لقيت حل وزبط معك خبريني بيه...

نيسو
هو حبيبتي اول ما يجي من الروضه بسأله مبسوط بيقول اه
مع اني اليوم زرت الروضه وسالت المعلمه بتقول ان بيحاول يتهرب من الفصل وانو امبارح طلع يلعب غير عن كل الطلاب وضله بره في الساحه
والله اني محتاره اختي زيك شوممكن نساوي حتى انو مش بياكل سندزيشته ولا بيشرب العصير وهو بيكره الشنطه تاعت الروضه كتير حتى اني اليوم عييت وانا ادور عليها وطلع الافندي مخبيها فكره هيه اللي بتخليه يروح عالروضه
ان شاء الله نلاقي حلول وخلينا نتابع بعض ونتابع تطورات اولادنا كل يوم ماشي حبيبتي نيسو
موفقه

**kouky5** · 28-08-2008, 03:00 AM

ممكن حبيبتي تجيبيلوه شيء بيحبه شوكولا او بونبون ... والصبح وانتي بتوصليه تقوليله مش هديهالك غير لما نروح هناك... وخصوصا شوكولاتة kinder اللي بتبقي بداخلها لعبة.. مايفتحاش غير لما يدخل جوه ... او ممكن تشتريله لبس جديد وتقوليله يلا بينا علشان نرويهم شياكتك النهاردة ويلبسه ويكون مبسوط
انا ابني كان بيحب القطط فكنت بلاقي قطط كتير في الشارع فكنت اقله تعالي ننزلناكل القطة واديله جبنة او اي حاجة يرميها للقطة ...فكان ينشغل وينزل علشان يشوفها.

**اسير الحريه** · 28-08-2008, 05:22 PM

كتبت بواسطة barbie_souz

حبيبتي عمره مناسب جدا لدخول الروضة برأي تروحي تشوفي شو عم يصير بالروضة يمكن المعلمات ما بيعملوه منيح يمكن منو منسجم مع باقي الأطفال شوفي المشكلة هناك وعالجيها

انا اليوم وديته الروضه وكان الوضع اسوء بكتير من الاول
مش عارفه الصراحه يمكن خلص اطلعه منها وخلص

واخرمحاوله يوم الاحد بدي اروح معا واقعد في الصف شوي حتى يطمن
الله يكون في العون بنات ارجوكم ادعولي

**اسير الحريه** · 28-08-2008, 05:26 PM

كتبت بواسطة kouky5

ممكن حبيبتي تجيبيلوه شيء بيحبه شوكولا او بونبون ... والصبح وانتي بتوصليه تقوليله مش هديهالك غير لما نروح هناك... وخصوصا شوكولاتة kinder اللي بتبقي بداخلها لعبة.. مايفتحاش غير لما يدخل جوه ... او ممكن تشتريله لبس جديد وتقوليله يلا بينا علشان نرويهم شياكتك النهاردة ويلبسه ويكون مبسوط
انا ابني كان بيحب القطط فكنت بلاقي قطط كتير في الشارع فكنت اقله تعالي ننزلناكل القطة واديله جبنة او اي حاجة يرميها للقطة ...فكان ينشغل وينزل علشان يشوفها.

اختي انا حاولت معا كل الطرق حتى اليوم اعصابي انهارت لما اجى الباص وهرب جوا الدار وانا لحقته وحملته ودخلته جوا الباص
ولما رجع رجع مبسوط
بس والله بحاول طريقتك بركي جبتله هديه تعطياها المعلمه حتى ينبسط ويحب الروضه يارب
ادعولي والله زهقت
شكرا الك اختي عالرد والاهتمام

**kouky5** · 28-08-2008, 05:35 PM

حبيبتي ربنا معاكي ...ابقي طمنينا ....وحاولي ماتستسلميش لان كل الاطفال بتعمل زي ابنك بالضبط..بس لما يلاقيكي مصرة علي ذهابه هيعرف ان ده بقي امر واقع و هيسلم وبعد كدة هتلاقيه هو من نفسه االي عاوز يروح ...معلش استحملي شوية لو استمرتي علي الحال ده لمده 3 اسابيع هتلاقيه باذن الله اتعود خالص وهيكون اخد علي المكان وعرف انه مهما عمل هيروح يعني هيروح.. بس بدها شوية صبر منك.

**Niso** · 28-08-2008, 05:59 PM

كتبت بواسطة kouky5

حبيبتي ربنا معاكي ...ابقي طمنينا ....وحاولي ماتستسلميش لان كل الاطفال بتعمل زي ابنك بالضبط..بس لما يلاقيكي مصرة علي ذهابه هيعرف ان ده بقي امر واقع و هيسلم وبعد كدة هتلاقيه هو من نفسه االي عاوز يروح ...معلش استحملي شوية لو استمرتي علي الحال ده لمده 3 اسابيع هتلاقيه باذن الله اتعود خالص وهيكون اخد علي المكان وعرف انه مهما عمل هيروح يعني هيروح.. بس بدها شوية صبر منك.

3 اسابيع؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟

الله ينزل علينا الصبر