اهلا يااختي ان شاء الله ماأكون اتأخرت
انا اولادي -ماشاء الله- عبد العزيز بيتم 6 في محرم،خالدتم 4 سنوات، ساره( السكره)سنه
طبعا معوده اولادي البيجامات اذا غيروا يطبقوها(طبعا أي كلام)وكل واحد يحط بيجامته على كرسيه؛ونفس الشئ ملابس البيت
وملابس الخروج او الثياب إذا كانت نظيفه يعلقوها
اما الملابس المتسخه مكانها سلة الغسيل
طبعا هذا الكلام يطبق في الأوقات اللي اكون عامله فيها جدول وحوافز اما الأيام الثانيه فلازم اعيد الكلام عشرين مره وبعدين اما اني اصرخ عشان ينفذوا أو اريح دماغي وأرتب كل شئ بنفسي ،وفي بعض الأحيان بعد ماأرتب -عشان يحسوا بالندم- اقول انا كنت حعطيكم حلاوه او اعمل كيكه ....لكن عشان انا اللي رتبت وماحدساعدني راحت عليكم...بالنسبه للألعاب كنت دائما ارتبها في غرفتهم وارجع الآقيهم عاملين مهرجان التسوق وخاصة اذا جاء ضيوف
فكرت -وطبعا نفذت الفكره-اني افضي رف من ارفف المخزن وارتب فيها العابهم واتفقت اننا نحافظ على هذا الترتيب حتى لما يجينا ضيوف نرجع كل شئ مكانه (العاب التركيب في علبه خاصه والعاب البازل لها كرتونه خاصه نجمعها فيهاو.....والسيارات مرتبه والكور....)وطريقة التنفيذ كما سبق في الملابس.
اما المهام الثانيه فاأنا ماوضعتلهم جدول لكن احيان اطلب منهم يساعدوني في وضع السفرهوما أحب انهم يساعدوني في رفعها بعد الأكل عشان ماأضطر انضف المكان كله.وايضا تمسيح طاولات الصاله غالبا على الصغير -رغم انه يجنني إذا اصر يستخدم المنظف-
والكبير كنس الصاله بالمكنسه الكهربائيه(طبعا اي كلام)اما تمسيح الأرض فغالبا علي الا بعد الأكل اللي كب شئ تحته هو اللي عليه التمسيح(لكن في النهايه غالبا انا اللي امسح)
بالنسبه لسوسو اغلب الأوقات الصغير هو اللي ينتبه عليها اما اذا راحت على الحمام -وانتتوا بكرامه- او عند التلفزيون فياويل الكبير لو ما رجعهاهذا اللي فاكراه الآن
لكن عموما لاحظت ان التشجيع والحوافز تخليهم ينجزوا الأعمال وهما مبسوطين كمان ويجروا يقولولي ماما حطيلنا نجمه او وجه يبتسم ....
اما العصبيه فإما انهم يقوموا بالعمل من غير نفس ويشعروا بالضيق وانهم مظلومين.....،او يجلسوا يبكوا وما يعملوا شئ وتوقع على راسي في النهايه[COLOR="Teal"]
بالنسبه للجدول جربت اطبع لكل واحد فيهم ورقه واضع للي ينجز عمله نجمه او ستيكر...
وكانت النتيجه جيده لكن الشعور بالتنافس قليل عشان كذا فكرت
اطبع ورقه وحده واعلقها على باب غرفتهم وبدل الكلمات اضع صوره مثلا بدل ترتيب الملابس اضع صورة ملابس مرتبه...اشعر ان هذي الطريقه افضل خاصة للأطفال الأقل من سن المدرسه
وكمان تعطي حيويه اكثر للجدول[/COLOR
]......تعبت من الكتابه لكن عندي طلب انا بحاول اعرض جدول مبدئي قابل للتعديل والإضافه لكن ماأعرف كيف اعرضه ياريت احد يساعدني ويعلمني وجزى الله الجميع وخاصة ام سميه كل خير لأنها حركتني بعد ما برد الموضوع في دماغي
الروابط المفضلة