عضوه جديده تطلب المساعده

والله يا اختى ماعندى شىء اقدمه لك لاننى ام لاول مره ولكن كل ما استطيع ان افعله هو ان ادعى لابنك الله يهديه لك

الله يسلمك يكفي نورتي صفحتي الله يرزقك الذريه الصالحه

كان الله في عونج ’’’
وانا أقرا هذي الرساله ( بصراحه ولدك ممتع ومرح )
لا تنظري الى السلبيات فقط !!!!!!!!!!!!!
العناد أصل في الطفل لاتكسري ولا تلينه مع الى الأخر ( هو يحاول ان يستقل شخصية )
لاتنسين انه طفل ( بستطاعتك ان تحريك انتي وليس هو من يفعل اللي براسه على قولتج ) ألعبي معه ويغير الموضوع اللي ما يجوز لج بطريقتج بما ان الطفل ما يلاحظ ولايشعر بها
التدليل من جهة الاب ( المفروض لها حدود الاب يرخي والام تكون شديده ) والعكس صحيح
مزعج : طفل لاتنسى انه طفل
فوضوي : دعي غرفة نومه مركز اللعب واذا كان البيت لا يوجد به حوش او لا يوجد حديقه بالبيت حاولي ان يخرج لكي يفضي منطاقته ( لا ننسى انه طفل )
زعول لدرجة الحقد ( انتي تفنني باخراج هذا الحقد بكلامات رقيقه وجميله مع الطفل ) لا زلت اردد كلمة انه طفل
الغير : شي أساسي في الإنسان ( سؤال : هل الطفل اخت من ام واب او لا ؟؟؟ ) والغير من الصغير والكيبر شي متوقع وفترته محدوده
اما بخصوص الحيوانات شي جميل
وبخصوص المعده ( لا تتهاونين يجب ان تذهبي الى الطبيب المختص لعمل اللازم )
وانا أشوف ان طفلكي فيه إجابيات حاولي ان تستفيدي منها ( الله يسعدج فيه )

هذي مجرد إجتهادات من وحي الخبره والتربيه
وبالتوفيق لكم

الله يسعده ويصلحه
والله ياقلبي انه طفل رائع والمفروض انك تفرحي انه بهذي الشخصيه<<<اقصد من ناحية انه يسوي اللي براسه هذا دليل على قوة شخصيته في المستقبل .
شوفي يااختي راح احاول أوجز بعض الأفكار اللي خطرت على بالي:
- لاتتعاملي معاه وكأنه ند لك عشان مايعاندك لكن عامليه بهدوء وحنان يعني لما تتكلمي معاه خليه يحس بنبرة الحب والحنان بكلامك
مثلا (هيا حبيبي نغيير ملابسنا عشان حنخرج)(يلا يابطلي الحلو اعطيني بوسة النوم)(هذا الأكل سويته اليوم عشان الليث الأبيض ياكل ويصير قوي ويحمي الآخرين)
-اقولك وعن تجربه اهتمي كثير بموضوع القصه قبل النوم- والله وعن تجربه- نافعه جداااا
الأفكار اللي تبغي توصليها له جيبيها على هيئة قصه وخلي ابطالها من الحيوانات وافكاراها حاولي تكون ايجابيه مثلا
بدل ماتقولي( كان في غراب كذاب...)(قولي كان فيه عصفور شاطر وصادق وكل العصافير تحبه....)
وممكن تكتبي في جوجل قصص او حكايات وراح يطلعلك شي ماتتخيليه لكن اهم شي اختاري اللي يتناسب مع عقيدتنا
- وممكن بعد فتره اذا عودتيه على قصة قبل النوم وحسيتي انه حبها ،إذا زعلك حاولي تمسكي أعصابك وتقوليله( ترى ازعل واذا زعلت ماما يعني مافي قصه )
-وبعدين ياعزيزتي مادام ابوه مدلعه حاولي تخليه ياخذه معاه لأن الطفل صعب يجلس 24ساعه محبوس في البيت وكمان نبغاه يكون هادي
وعلى فكره حاولي تقللي الحلى والحلويات لأنها تزيد الطاقه بدون فايده
- وفي المنتدى وخاصة عند المواضيع المميزه راح تلاقي افكار رائعه راح تنفعك كثيير،وفيه كتاب الصراحه كلمة رائع قليله عليه
(كيف تتحدث فيصغي الصفار اليك وتصغي اليهم عندما يتحدثون)من مكتبة العبيكان
- اما بالنسبه لموضوع الغيره فانت لازم تنتبهي لتصرفاتك وتعليقاتك لأنك بالنسبه لأولادك محور حياتهم فاذا سلمت على واحد سلمي على الباقيين واذا مدحت واحد امدحي الباقيين حتى لو ماعملوا شي قولي مثلا (.....وفلان احسن ولد في العالم يساعدني واذا طلبت شي اول واحد يسبقهم ويجبلي ..)وصدقيني راح تبهرك النتيجه<<كني سامهه هالعباره في اعلان
- مممممممم شوفي ياقلبي بالنسبه لترتيب اغراضه ممكن تخليها لعبه اومسابقه مثلا (مين البطل اول واحد اللي يسبق الجميع ويعرف فين مكان الألوان ويرجعها مكانها)(مين اللي يجمع اكبر عدد من الكور ويحطها في الصندوق)
وممكن بعد هذي اللعبه تحكيلهم حكايه عن التعاون
وطبعا تكافئي اللي ساعدك بضمه اوقبله
وممكن تخلي الموضوع تحدي (اتحداك يابطل ترجع الألعاب مكانها قبل ما اعد لعشره)
- عموما الطفل يحب لفت الإنتباه فإنت حاولي تطنشي التصرفات اللي ترفع الضغط ولو عمل اي شي طيب امدحيه عشان يحس ان التصرفات الجيده هي اللي تحقق ذاته


مافهمت رائحه من معدته لكن اذا تقصدي رائحة فمه ،انا ولدي لما كان صغير كانت رائحة فمه مزعجه ولما سألنا الطبيب قال هذا بسبب الحلويات والنشويات لاياكل حلاوه كثير ويفرش اسنانه على الأقل مرتين باليوم
وانت الأفضل تسألي طبيب لأنه ممكن يختلف السبب

واولا وثانيا وثالثا عليك بالصبر
ودائما ادعي ان الله يهدي ويطول بالك عليه
وتذكري ياحبيبتي ان عندك نعمه في غيرك محروم منها فاحمدي الله واسئليه انه يبارك في اولادك ويرزقك برهم

الله يسعدك دنيا وأخره واشكرا لك مرورك
والله يعطيك العافيه على النصائح
وبالنسبه رائحة المعده اكتشفت انه مثل الوحده الي متوحمه علي زوجه ما يشمها الا انا ولا أطيقه
بقرب مني وهو يعاند لا صق فيني
واخته وخوه من امه وابوه ويهدد لو أجيب ثالث

نسيت حاجه اضيفها في موضوع مثبت للأخت فرح الفؤاد الله يجزاها خير (مهم:فهرس ركن الطفل )
اكيد راح يفيدك لأنه فيه مواضيع كثيره ومنها الطفل العنيد

الله يعطيك العافيه نصائح قيمه
والله يرزقني الصبر بيجيب لي الضغط ومايرفع ضغطي زود الا دلال ابوه له
واذا قلت له أخذه معك قال ما أبيه يتعلق فيني وهو ياعيني عليه في دور علوي ومتعلق في ابوه دزجه كبيره لو أنه شاعر كان كتب قصيده في ابوه انا أحب بابا انا وحيد بابا مايجلس عندنا
وما عنده الاأنا يفرغ فيني نشاطه حتى الخضار الي في الثلجه ماسلم منه مثل النعاع أجي القاء البيت ريحته نعناع والقاه موزعه في البيت تحت السرير وسط الالعاب
القصه ياطويلة العمر نفع على غير بسم الله عليه ماتمشي عليه
تخيلي كل مارأح مع ابوه السيار ونزل ابوه البقاله وقاله اجلس في السياره ابي اجيب خبز أواي شئ
ما يدري الا هوسابقه وتعرفين اذا دخلوا البقاله مايطلعون منها الا السنه الجايه
وحكيت له قصه واقعيه بس بأسلوبي الولد الي راح مع ابوه وقاله ابوه لا تنزل من السياره وماسمع الكلام وصدمته السيار وتأثر الولده والدموع في العوينات قلت له خلاص تسمع كلام بابا وتجلس في السياره قال بنبره حزينه لدرجة اني حزنة من نبرت صوته قال خلاص ما نزل مع ابوي بس اروح البقاله بس ! وراح التعب ع الفاضي
وأنشاء الله ح طبق نصائح لاحرمك الله الاجر ولك دعوه في ظهر الغيب
والله يسعدك دنيا وأخره والله يرزقك الذريه الصالحه

وااله ماقصرت ياقلبي شاكر لك أهتمام أسعدني مرورك الطيب

الشكر لله يااختي
وصدقيني مادام انتي متابعه المواضيع اللي في المنتدى راح تشوفي تغير في نفسك للأفضل قبل عيالك
والمهم لاتنسي داااااائما ادعي لهم بالهدايه والصلاح
وبالنسبه للقصه ماتحكي فقط عند الموقف او المشكله
اقصد تخليها عاده عندك قصة قبل النوم لأن لها فائدتين منها توصلي الآداب والأخلاق بصوره محببه ماينساها ،ومنها تخليها وسيلة عقاب إذا زعلك بأنك تحرمي منها
(واحرصي ان القصه تكون قصيره واسلوبها مشوق يعني ممكن تغيري بنبرة صوتك لكل حيوان...)

نور الاسلام الله يعطيك العافيه والله انك صادقه تغيرت وبديت أصبر شوي عليه
والله يسعدك دنيا واخره