الرجاء مساعدتي

كيف الحال وان شاء الله مبسوطين يا رب

انا بدي اعرض مشكلتي ويا ريت للي بتعرف اتقلي اش اعمل ؟؟؟؟
انا بنتي عمرها سنتين الليلة الفاتت صحيت في الليل واستفرغت يمكن اربع مرات ورا بعض علي فترات ورحت شربتها مية لهي رجعتها بعدين نيمتها والصبح بدي افطرها برضو رجعت الاكل الظاهر يمكن معدتها مش مرتاحة مع العلم الليلة اللي قبلها رحنا علي فرح واكلت كيكة وشكلها كترت من الكريمة وعملت معدتها ضلت طول اليوم ما تاكل اشي وتطلب كل اشوية ماء ولما اعطيها بترجع ونامت وبطنها فاضي ولما صحيت لقيتها سخنة اعملتلها كمادات ماء ؟؟؟؟ماذا افعل و ما الحل ارجو المساعدة ؟ ؟ ؟

خذيها على طول للطبيب واعملي لها فحص براز ، اكيد عندها تلبك معدي او تلوث ، لا تتأخري لانه ضروري تعطيها خافض حرارة للحمى مش بس كمادات لا ترتفع حرارتها غير هذا قد تحتاج لدواء ومضاد للتقيء فلا تترددي بسرعة خذيها للطبيب ، وربنا يشفيها ويعافيها يارب وابقي طمنينا عليها .

فعلا أختي قد يكون جرثومة بمعدتها ضروري تاخذينها على الطبيب الله يشفيها يارب آآآآآآآآآآآآآآآآآآآمين.

الحمد الله اليوم صحيت اكويسة والحرارة راحت والله كنت خايفة عليها اكتير وشربتها دوا للحرارة وطابت وشكلها ماخدة برد بس الحمد الله احسن شكرا لاخواتي اللي اعطوني رأيهم (العربية المسلمة ونعمة ) الـــــــــف شكر .

قبل ما تروحي للطبيب لازم تنزلي الحرارة العالية بمسكن او مخفض اذا ما نزلت الحراره اعمليلها مغطس ماء
لا تنسي انها لازم تشرب ماء كتير عشان تعوض السوائل اللي فقدتها (خليها تشرب)
هاي الأشياء اللي المفروض تعمليها على بين ما تروحي للطبيب

الحمد لله والاخزات ما قصروا

ههههههه اسفه الاخوات

الحمد لله على سلامتها وربنا يبعد عنها كل داء ويلبسها ثوب العافية يارب .

تسلمي يا اختي العربية المسلمة ومشكورة لكل الاخوات اللي شاركوني ؟؟؟؟؟ظ

الف سلامه عليها انا بنتى حدث معها نفس اللى حصل لبنتك من حوالى اسبوعين واضح انها كانت واخده برد فى معدتها بس احسن شىء انك تنزلى الحراره بخافض فورا فيه نوع اسمه ادول نتيجته سريعه واعملى كمادات ميه بخل وبعدها اذهبى للطبيب