جنني جوجو الأزعر! الله يحميه...أحياناً بحسه بفهم زينا الكبار ومتعمد يحطني بمواقف بتعمل وجهي زي حبة البندورة!!!
قلت أتحفكم بعمايله، وأسمع منكم عن أفلام أطفالكم اللي لسا ما فقسوا من البيضة وعملوا فينا العمايل!

السيد جوجو من صغره مطلعني كذابة يا سوادة وجهي، كان يعبي البيت صراخ من أول ما يفتح عيونه ويعمل زي صفارة الإنذار...لأ لأ...زي صفارة طنجرة الضغط...وبمجرد ما يزورني حدا ويسألني عنه وأحكيله مجنني يصير قمممممممممممممة الهدوء والذوق...والستات يسألوني: "كيف بتحكي عن ابنك شراني؟ ما شاء الله حوله...زي العسل!" محسوبتكم بتتخيلوا لوحة الألوان اللي بتصير على وجهها.........

زوجي كان يتصل علي...شو عاملة؟ أحكيله والله جواد باشا جنني...بمجرد ما يدخل باباه للسيد جوجو بتصير الضحكة على وجهه طولها نص متر (مبالغ بالوصف أكيد)!

ولما كان يا دوب شهر، كانت حماتي بمجرد ما تدخل يطلق حضرته صفارة الإنذار، وعلى طول حماتي توجه إصبع الإتهام "إبنك جوعان! رضعيه!!!" وأنا أكون ساعتها مرضعته! والمشكلة بخجل كتير أرضعه قدام حدا، والمشكلة الأكبر انها بتزعل ازا تركتها وقمت على غرفة تانية أرضعه...فأنا أصير بموقف لا أحسد عليه...

الصبح لما أجهزه بدي أبعته للست اللي بتركه عندها تا أروح على دوامي ، بكون غيرتله البامبرز وبدي أطلع، بروح حضرته طاجها بعيد عنكم !!! وأنا بكون تأخرت على دوامي ولسا بده يأخرني أكتر...من يوم ما صرت أم حطيت X على الإلتزام بالدوام الحمد لله!

ونهفته الجديدة : عودته أغيرله البامبرز كتير...بضل يبكي تا أغيرله اياها حتى لو كانت نضيفة، وبمجرد ما البسه الجديدة بروح طاجها...! يعني يا ماما على بالي أقاهرك، عندك مانع؟!
أكيد لأ يا عمري...
من جديد بطل يعترف انه الليل للنوم! الساعة 12:00 بيجي على باله يلاعبنا...ويالله، اسهري يا ماما ياللي بكره عندك دوام بكير!
يا جماعة ما بعرف ليه...كل عمايلهم بتبسطنا مهما كانت...كأنهم قطعة من قلوبنا...

أخواتنا المشرفات: ازا مو هادا المكان المناسب للموضوع، اعملوا اللي بناسبكم، مشكورات...

يلا يا أحلى أمهات، اتحفوني بشقاوة بيبياتكم الأمامير...

يوه كوالا .. جوجو حركاته زي ليلي .. تكون تصيح واذا جا البابا تقعد تضحك كانها كانت مستنيه الفرج وانا معذبتها ..

لا وابشرك هاليومين طايحة بحركة غريبة .. تتفل !! اقسم بالله اني انصدمت من وين متعلمه هالحركة لا وتسوي bubbels بفمها وتنفخهم وبعدين تلعب فيهم .. انواااااااع الوصاخه .. المشكلة انها كيوت ونعومة .. الله يستر لا تصير عربجيه ..

هههههههه تصدقى محدش بياخد حقه مننا غيرهم
الله يقويه ويعمل فيكى ما بداله

هههههههههههههه مهما كانت تصرفاتهم بيضلوا حلوين
الله يخليلكم اولادكم يارب

يييييييييييييييييييييي ما شاء الله
يارب عقبال ما اشوف ابني او بنتي هيك مجننيني هههههههه
وعقبال يارب ما ربنا يرزق كل وحدة باللي تتمناه

كتبت بواسطة mano83

المشكلة انها كيوت ونعومة .. الله يستر لا تصير عربجيه ..

هاهاهاها
أنا ما صدقت انه جوجو بيقلد بنت جيراننا لما شافها بتطلع لسانها برا! لولا اني شفته بعيني
سبحان الله كيف بيلقطوا الحركات الخطأ بسرعة
لسا ما لحق يتعلم اسم الله عليه...

كتبت بواسطة ysmsma

هههههههه تصدقى محدش بياخد حقه مننا غيرهم
الله يقويه ويعمل فيكى ما بداله

صحتين على قلوبهم...يعملوا اللي بدهم اياه وتسلملنا أحلى ضحكة وأحلى عيون...بتعرفي الصبح لما بتطلع بوجهه وبيمد هديك الإبتسامة العريضة...بحس الكون بكل ما فيه بيضحك لي...وبنسى كل تعذيبه بالليل...

كتبت بواسطة منارة الحياة

هههههههههههههه مهما كانت تصرفاتهم بيضلوا حلوين
الله يخليلكم اولادكم يارب

UP

كتبت بواسطة ملاك لبنان

يييييييييييييييييييييي ما شاء الله
يارب عقبال ما اشوف ابني او بنتي هيك مجننيني هههههههه
وعقبال يارب ما ربنا يرزق كل وحدة باللي تتمناه

ما تستعجلي كتير...بس نصيحة بجمل، ما سمعتها ولا طبقتها: استمتعي بكل لحظة نوم هالأيام، وعيشي حياتك، مشاوير وسفرات وإلخ إلخ....

والله انا كمان سوسو مجنني, ونفس الي بعملوا جوجو طول النهار اشتكي منه ومن صراخه وبس رحت ازور بيت حماي الا وهو طول النهار نايم وماسمعت صوتوا حتى انهم تصوروا اني بقول هيك مشان الحسد شايفين شو بعمل فيني, والادهى اني رجعت على دوامي يوم السبت وبتركوا مع ماما ومن يوم الجمعه وهو مبلش يصحى على الساعه2 بالليل وينام 7 الصبح وانا راح انجن من عمايلوا معي كنوا حس اني بدي اسيبوا وقرر يجنني

ربي يحفظوا وكل البيبيهات ويقوم الحوامل بالسلامه ويرزق كل الي تتمنه الحمل عاجلا غير اجل يارب العالمين

ما شاء الله
الله يرزقنا جميعا

مانو انا ابني نفسج يتفل ويطلع بالونات عادي هاي الحركات مميزة ما يسويها الا الطفل اللي له نمو زايد ومميز انا قريت عنه في مجله للاطفال
الله يخليهم لنا يارب

كويس يا ام فجورة رفعتي من معنوياتي .. يعني بنتي على هالحركات بتطلع ذكية ..