قبل سنوات كنت أتحدث الى صديقة .. فأخبرتني أنها تلزم نفسها بساعة يوميًا للعب مع أطفالها ولا تنقص منها دقيقة واحدة .. منذ ذلك الوقت تربت لدي عقدة ذنب لأنني لا أستطيع ذلك .. فأنا ملولة ولا ألعب مع طفلي إلا عندما أروق لذلك .. ( شغلة مزاج )

كل يوم أؤنب نفسي إذا مكث ابني فترة طويلة وحده ولم أجالسه .. خاصة عندما تمر عدة أيام دون أن نخرج .. وخاصة أيضًا أنه وحيد وليس لديه اخوة ..

مع أنني أبذل الكثير لأجله وأشعر أنه سعيد .. لكنني أصاب بالكآبة والأسى عندما أسمع منه كلمة واحدة ( أنا طفشااااان )

في رأيكم هل علي أن أفعل مثل صديقتي ؟؟ أم أن وضعي طبيعي ؟؟


كيف تقضين يومك مع طفلك ؟؟ كم ساعة ؟؟ وكيف يكمل يومه بدونك ؟؟ وهل تنوعي في الأنشطة ؟؟ هل لديك برنامج معين تمارسانه معًا يوميًا ؟؟ أسبوعيًا ؟ شهرياً ؟؟

دعونا نستفيد من بعضنا .. ولعلني أجد من هي مثلي فتخف لدي وطأة الشعور بالتقصير والذنب ..

غدًا سوف أكتب لكم برنامج ابني كاملاً لتحكموا ما اذا كان الوضع طبيعيا أم لا ..

حياك الله اختي

والله شيء جميل جدا انك تعطين طفلك من وقتك يوميا
لكن ساعة ! احسها طويلة شوي
ربع ساعة ممكن كفاية

على العموم شوفي الرابط هذا انا متأكدة انك راح تستفيدين كثير منه
http://www.lakii.com/vb/showthread.p...t=%CF%E6%D1%C9

الله يهديك يا بشرى .. ربع ساعة فقط؟

لا والله قليل خصيصا أنه وحيد ..


أختي شفافية لن اقول لك ما يشعرك بالراحة ... عزيزتي للولد حق عليك يجب أن تؤديه .. ويكون وقت جميل وممتع .. وواحد مقدور عليه إذا طلعتي له ساعة ... ليس لزاما عليك أن تلعبي معه ممكن تتكلمي معه فقط .. تقرأي معه .. تلوني معه .. حتى إذا شاهدت معه فلم كرتون وضحكت معه فهذا جيد لكن اجعلي بينك وبينه نقطة تواصل ...


لم تقولي كم عمر ابنك؟

ابني عمره 9 قارب على العشرة سنوات .. أجلس معه فترة ليست ساعة ولكني أتمنى ذلك .. نتكلم عن أحواله في المدرسة ماذا فعل ماذا أخذ هل حضر صديقك؟ هل حضرت المعلمة فلانة؟ لماذا غابت أمس؟ هل كانت مريضة أم مشغولة؟

وابنتي .. الوسطى ممكن نتحاور بنفس الطريقة مثل أخاها ممكن تلعب بألعابها وتحضر لي أطباقا من أطباق لعبتها وتقول لي تذوقي يا ماما .. أتذوق وأقول لها: يااااااااه حار جدا هل أحضرته من الحلة مباشرة؟ وهكذا

أما الصغرى فنغني أدغدغها أو حتى أقبلها كثيرا هي تحب ذلك.

وأشعر بالذنب أيضا لأنني دائما مرهقة ومتعبة وينقصني الكثير مما أحب أن أقوم به لهم.

أسماء
شوفي الرابط وتفهميني

انا مع اني اقرأ لاولادي قبل النوم... واقرا معاهم قرآن ... واسألهم ونحن راجعين من المدرسة شو صار معاهم بس احس اني مقصرة لاني ما العب معاهم ... اقصد العاب حركية... واظل احس بالذنب... ولعب الحركي معاهم نادر وحسب مزاجي ...

الله يهدينا لعيالنا ويحفظهم لنا

يبغالك غطروفة .. الحمد لله اليي جابك ..

تعالوا يابنات اعرفكم على شفافية ..

هده من بنات مكة وعايشة في المدينة ..

عندها ولد عمره 5 سنين وكم شهر .. ودوبها جابت بنت

شفافية عمة معاذ ولدي

نرجع للموضوع .. تصدقي انا الطفشانة ..

قد ايش اقعد معاهم .. ؟

تتذكري لما قلت لي عن صديقتك .. حسيت بتأنيب الضمير زيك ..خاصة تجاه معين لانه كان قاعد لي طول النهار تقريباً زي عندك ..

حالياً نقعد انا ومعين يجي ماشاء الله 3 ساعات لحد ما أنام نقعد نبربر مانسوي شي غير الكلام .. نقعد على الكنبة ونتغطى لانه برد مرة ونتكلم ..اليوم عنده موعد وراح مع ابوه وأنا قاعدة لوحدي .. شعور غريب جداً ..

الباقين اليي مانلحق نقعد سوا .. قلت لهم كل واحد يقعد معايا نص ساعة نتكلم بس مافي وقت .. ماشاء الله مدري كيف صاحبتك تقعد ساعة ..

فوووووووووووووووق كل هدا مانلعب ألعاب حركية .. ناااااااااااااااااااااااااادراً ما اقوم انطنط معاهم وألعب .. واضح عشان كدا البشرى قالت ربع ساعة ..أصلاً الدورة حقت ايمان تقول 10 دقائق ..

على العموم احس انه لازم تشاركي ولدك ألعاب حركية لانه وحيد وان شاء الله لما تكبر الصغيرة تلاقوا شي مشترك تتكلموا عنه وتلعبوا معاه ..

اهلين شفافية ياحيا الله مين جانا انا شفت ولدك ياحليله طعمون عجب زوجي ماشاء الله عليه .

حمرة لاتقولي لها مين انا .


شوفي حبيبتي وزعي يومك مثلا في النهار ربع ساعة لعب

والعصر كمان

والليل كمان

راح تلقي نفسك مابعدت عن ولدك كثير.

وولدك اظنه في التمهيدي يعني مشغول في النهار بالمدرسة ؟

ومبروك البنوتة .

ماصار لنا نشوفك ترى اهل زوجك نعرفهم , لاتنفجعي هههههههههههههه.

أم سهيل .. عاش من شافك ..

لي يومين اقول صفيت علي كل المشرفات مشغولات ..

دحين تجي تقولي لها اعرف اهل زوجك من أولها .

طيب قولي اعرف وجنات ..

المهم ارجوك لاتتركيني لوحدي في الركن ..

ايووووووه هذا الي اقصده يا حمرة الورد

فهمتوني ؟؟
ماشاء الله ماشاء الله
حيا الله اهل مكة واهل المدينة
((المدينة خير لهم لو كانوا يعلمون))

وعمة اولاد وجنات بعد!!!! كذا زاد غلاك

حياك الله معنا راح تستفيديييين ان شاء الله

بس ارجوك افتح الرابط وانتي ترتاحين مثل ما انا ارتحت بعد ما طبقت الي فيه

والله يابشرى هلاك اللعب معاهم ماشاء الله ..

الله لايحرمهم من بعض هم يلعبوا ألعاب حركية مع بعض ..

نحنا كبرنا وتقلنا وعندنا امراض صدرية وهم لو اعطيتهم الضوء الاخضر مايرحموك .. يبغوك طول اليوم تجري ..

ما اقول اني مررررررررررررررة ما ألعب معاهم لكن مو كل يوم ..

أغلب ألعابنا حروف وكلمات ومعلومات زي امس ونحنا بنتعشى قلت لهم في حيوانات آكلة أعشاب وفي حيوانات آكله لحوم ..

بس في حيوانات تآكل الاتنين تعرفوها ؟

وقبلها قلنا الدجاجة تآكل ايش ؟ والخروف ياكل ايش ؟

وبعدين محد عرف الحيوانات اليي تآكل اللحوم والأعشاب .. بس أنا قلت لهم هي .

معاذ لما عرف عن الدجاج قالي الغراب؟ وبدأوا يعرفوا شوية حيوانات وآخر شي قلت لهم الدب .. أظنه الحيوان الثدي الوحيد اليي غذاءه مشترك!!صح؟

هنا الامريكان الغربي الأطوار يحطوا في أكل الكلاب خضار !!

جاتني فكرة بعد اذن شفافية .. ايش رأيك نحط الالعاب المسلية اليي مايبغالها حركة ؟