نوع هام من انواع قصص الطفل (مع طريقه صنعها يدويا)

السلام عليكم ورحمة الله وبركاته


حبيباتى قصص الطفل هامه جدا جدا للاطفال فى سن الروضه وماقبلها ايضا

فالقصه تثير انتباه الطفل وتكسبه مفردات لغويه متعدده وجديده وطريقه فى التحدث وتفيد الاستماع والانصات

وهناك انواع عده من القصص للاطفال تكون مفيده جدا للطفل وبنفس الوقت تعتبر مثل اللعبه فيتسلى الطفل بها وممكن تضحكه


وفى هذا الموضوع ساتناول نوع من انواع القصص المفيده جدا للطفل وكثير منكن ستعرفها لاول مره وهى :::::::::



القصه الدائريه


وهى عباره عن قصه تكون فى بدايتها قصه عاديه ولكنها تكون متسلسله على مراحل ونهايتها توصل الى بدايتها فزوره صح؟

سوف احكى قصه منها توضح الفكره


كان يامكان ارنب صغير كل يوم يصحى من النوم وتحضرله امه الافطار المكون من خص وجزر

ففى يوم صحى الارنب وهو غضبان يقول لامه كل يوم جزر وخص كل يوم جزر وخص

امه تقوله ربنا خلقلنا النوع ده من الطعام ولازم نشكر ربنا عليه

فزعل الارنب وقالها انا حدور على اكل تانى

راح الارنب للقطه وقالها انا جعان قالتله انا عندى فار كبييييييييييييير تعالى كل معايا

فقالها مقدرش ده مقرررررررررررررررف وتركها ومشى

وراح للكلب اللى عزم عليه بعضمه وبرضو مرضاش وهكذا راح ل5 حيوانات وكل حيوان يعرض عليه اكل مختلف

لحد ماشعر بالارهاق وفجاه لقى الثعلب قدامه عايز ياكله فجرىىىىىىىىىىىىىىىىىىىى الارنب بسرعه وراح لمامته اتاسف لها وقالها الحمدلله على نعمه الطعام كل مخلوق ربنا خلقله طعام لازم يشكر ربنا عليه وبدا الارنب فى الاكل وهو بياكل بدا يحكى لامه على حكايته وقالها انا روحت للقط وقالى ...........



وهكذا اخواتى فان القصه تعيد نفسها مره اخرى

ومن فوائدها الاتى :

1 - تركيز الانتباه عند الطفل

2 -معرفه مفردات لغويه جديده

3 - العبره والعظه من خلال القصه

4 - تنميه ذاكره الطفل بتكرار القصه مره اخرى وترتيبها

5 - تنميه الطفل من الناحيه اللغويه (التحدث والاستماع)