كيف اتعامل مع ابني وهو فاقد ابوه؟؟سؤال لاهل الخبره

السلام عليكم
ولدي عمره سنتين سافر أبوه عنه قبل ثلاث شهور
وهو متعلق بابوه مررره ودايم يصيح على أبوه واذا شاف رجال يشبه له صااااح ويلحقه
ويناديه بابا
وهو يكلمنا كل 10 أيام تقريبا واذا كلم ولدي ابوه يقعد يومين حالته غريبة اما يضحك أو يصيح بس الاحظ نفسيته تتحسن شوي

بنات وش رايكم هل أخليه يكلم أبوه أو لا ؟؟ خصوصا اني ما ادري متى يرجع ؟
وكيف اتعامل معه اذا تكلم عن ابوه؟

أشكركم مقدما

ادعوا لزوجي بالعوده لنا عاجلا سالما الله يفرجها

وعليكم السلام ورحمة الله وبركاته.
من الصعب أن يترك الأب طفله في هذا العمر، فهو عمر الولع والتعلق بالوالدين.
وأنا عني صراحة أرى إن كانت رحلة الأب طويلة هكذا، أن تكونوا معه، فالمدة طويلة جداً وفيها الطفل ينسى أباه.
والأفضل أن يتصل فيه والده باستمرار، فكل عشرة أيام لا تكفي، الأفضل كل ثلاثة أيام إن طالت المدة، حتى يبقى الطفل متذكراً لوالده ومتشوقاً له.
وإن كان لديك أشرطة فيديو عائلية، اعرضيها عليه حتى يؤنس شوقه.

وأرجو من الله أن يعيده إليكم سالماً معافى

وعليكم السلام ورحمة الله وبركاته..

العنوان أخافني،،
الحمدلله انه لفترة معينه ويعود اليكم ان شاء الله..

بس الاحظ نفسيته تتحسن شوي

اذا كانت نفسيته تتحسن فليكلمه متى ماأراد واطلبي من أبيه أن يطمئنه أن مجيئه قريب (هذا ان كان يفهم ابنك الكلام)..

ونسأل الله أم يلم شملكم..

إبني تقريبا بنفس عمر إبنك وعلمت دائما بالدعاء يحصل كل شي، إذا سافر أبوه وبعد مايكلمه بالتلفون أقوله أعي الله إن يردلنا بابا بالسلامة ويجيب معاه هدايا وألعاب. مسكين طول الوقت يرفع إيده ويدعي ويكون مطمن ومرتاح إن الله عزوجل ما راح يرده.
إنشاء الله أفيدك.

أخواتي شكرا لردودكم
لكن أبوه ما يقدر يكلم إلا كل 10 أو 20 يوم والولد تتغير نفسيته وهو عمره سنتين
وما أدري متى يبي يجي ؟؟ الله وحده يعلم .
والولد هاليومين متغيره نفسيته وصاير متشتت ودايم يطري أبوه وأنا ما بيدي حيله إلا أني أبكي
وأحاول أصرف الموضوع .
كيف أتعامل معه.. هل أخليه يطلع اللي بنفسه عن أبوه ويفضفض . أو أحاول أصرف الموضوع ..
فكري محتار ومتشتت ،، أرجو من عندها حل صحيح أن تنفعي الله يجزيها خير

ربنا يرد لكم ابوكم بالسلامة

وبصراحة المفروض انت تساعدي ابنك على تخطي هذه المرحلة يعني اجلسي معه كثير اخرجي مع طفلك واذهبي به الى العائلة خليه يجلس ويخرج مع خواله واعمامه بيعوضوه فقد الاب ولو شوي .

وربي يعينك .

أم دحوم...

حاسة بالموضوع شي,,,ماادري ليش ؟؟!!!

يمكن لان الحالة اللي توصفينها تشبه تماما ما اراه امامي.....!!

من كلامك...:
لكن أبوه ما يقدر يكلم إلا كل 10 أو 20 يوم
.وما أدري متى يبي يجي ؟؟ الله وحده يعلم .


عموما............حاولي ان تكوني خير معين لابنك...وكما قالت ام سهيل حاولي ان يختلط بأبناء أخرين وتشغلين وقته بالألعاب بالفيديو..إذا سألك لا تبكين...كوني أقوى وحاولي أن تجيبيه بأن والده سيأتي قريبا...

والله ماادري كيف أجاوبك ضربتي على وتر حساس عندي............واعتذر ان كان في ردي فضول....

كان الله في عون الجميع.............