ملخص المحاضره
معامله الطفل بالرفق واللين ومحاوله فهم وجهه نظره من غير قهر ..واظهار حبى لاولادى بلمسه بنظره معنويا وليس ماديا
تطبيقى للمحاضره
ابنى عامل مشاكل مع اخوه واخته مش عارف يشغل نفسه بشى ناديته واخدته فى حضنى واتكلمت معه بهدوء لو عايز نرسم سوا وفرح فعلا و خليته يتم الرسمه اللى كنت شغاله فيها فكان مبسوط فعلا

كتبت بواسطة قطة شرسة

السلام عليكم ..

عزيزتى بنت الأحرار .. اشكرك جدا على مجهودك فى محاضرتك هى مفيده جدا ..

انا بشوف ان الطفل كمثل لوحه رسم بيضاء وانا كأم ارسم عليها احلى صورة واضع في هذه الصورة( الطفل ) اجمل احاسيس وحب واجمل الوان من كل ما وصانا به الرسول ( صلى الله عليه وسلم ) واكيد بإذن الله سأجد اجمل طفل ..

انا لى تجربه مع ابنتى سنه 8 شهور انا عصبيه جدا معاها ولكن والدها حنون وصبور جدا معاها فاجدها متفاهمة معاه اكتر من انها تتفاهم معى وتذهب اليه عندما تحتاج اى شئ ,, وكذلك مع والدتى ( جدتها ) لأنها حنونه معها ...

مع الأسف ابنتى حاليا مع والدتى وستعود غدا بإذن الله سأطبق معها ما قرأته وسأكتب ما توصلت اليه معها ..

لكى منى جزيل الشكر ,,,

لقد عادت ابنتى لى بالسلامه بعد ان كانت عند جدتها ...

اول حاجه خرجت بيها للنادى وهناك كنت صبوره جدا معاها لأنها عاوزه تلعب بالكوره او تشبط فى اى لعبه كنت بحاول اشغلها بأى حاجه تانيه ..
لكن عندما وصلت لحد الملاهى كل شئ ابتدأ يتغير ابتدت تعيط عاوزة تركب عربه (لعبه) ركبتها مرتين ولكن عند نزولها من فوق العربه يكون ببكاء شديد حاولت وشلتها واعدت اقولها القطه اهه لانها بتحب القطط فإبتدت تنتبه فين القطه وتدور معايا بس برضه كانت بتعيط حضنتها وبستها كان اصرارها اكبر على انها ترجع للملاهى وانا كنت عاوزة امشى لأن الوقت اتـاخر وانا تعبت اضطريت امشى بيها شويه لحد ما هديت الحمد لله

ولما رجعنا البيت ابتدت تدور ايه اللى اتغيراو الجديد اللى حصل فى البيت ( حطيت المفارش والبرواز الخاص بصورتى انا ووالدها على الترابيزه) لأنها كانت لما تشوف اى حاجه تشدها وتلعب فيها ..

نظرت لها وقلتلها بلاش تشيلى حاجه عشان ماما تحبك بصتلى وابتسمت وبعدت عن الترابيزة كنت مبسوطه انها فهمتنى .. بعد كده دخلتها تنام نامت على طول بدون اى مشاكل والحمد لله .. ولغايه دلوقت لم انفعل او اصرخ ..

السلام عليكم و رحمة الله و بركاته
كم تمنيت أن أكون أول من تكتب الواجب و لكن للأسف حدث عطل في جهازي و لم يحل إلا الآن الحمد لله..

تلخيصي للمحاضرة : من لا يَرحم لا يُرحم .. فلم أجد أجمل مما قاله الرسول صلى الله عليه و سلم للأقرع بن جالس عندما علم أنه لم يقبل أولاده أبداً فعلمنا حبيبنا الرفق و الرحمة للأطفال ...

تطبيقي للمحاضرة : الحمد لله أنا أعامل طفلي و هو عبد الرحمن عمره سنة بقدر كبير من الحنان و العطف و لا أقسو عليه و لكن أحياناً أكون عصبية بعض الشئ و لكنني قررت أن أكظم غيظي و في أقرب موقف يحدث أتذكر المحاضرة و أعامله برفق و قد حدث و تعلق كعادته بشئ خطأ و كان السكين و ظل يبكي و يصرخ حتى أعطيه إياه و أنا في كامل هدوئي أعلمه و أقول : حبيبي دة لأة دي كخ و هو يردد كخ هههههههههه و مع ذلك يصرخ و يريدها بدأت أنفعل و لم أستطع تكملة ما كنت أفعله فأخفيتها و هو ما زال يصرخ و ألقى بالكوب إلى الأرض فانكسر و أنا بداخلي منفعلة أتيت مسرعة حتى لا تجرح يداه و يبكي أخذته في حضني و ربت على ظهره و قبلته حتى هدأ أعطيته لعبة يحبها كثيرا أخذها و ابتسم و هو ينظر إلى إحتضنته فوجدته يحضنني فعلا بيديه حول رقبتي و يضع فمه على خدي و كان أجمل حضن و أجمل قبلة من طفلي ...

حبيباتي مازال التسجيل مستمر ولكن اي اخت تحب تسجل تسجل في موضوع التسجيل اشتركي معنا في دورة كيف تكوني أماً ناجحة .. دورة تربوية هادفة ..

واي رد في الموضوع يكون عبارة عن تسجيل في الدورة سيحذف الرجاء الانتباه

وعلى فكرة التسجيل مفتوح ونحن نسعد بانضمامكن لنا .

السلام عليكن جميعا..................
ألف شكر يا بنت الأحرار يا غالية على هذه التذكرة....ربنا يجعلها فى ميزان حسناتك .

الملخص: يجب أن نظهر لأبنائنا حبنا لهم بغض النظر عما يفعلوه-حتى لو أخطئوا, و انما فقط لأنهم أبناءنا.

التطبيق: اليوم كنت أصلى العصر فى المسجد و معى ابنتى عمرها سنتين و شهرين, أجلستها على الكرسى ورايا لغاية ما أصلى,و فجأة ابتدت تعيط....واحدة ست قاعده و معاها بنتها حاولوا يلاعبوها أو يسقوها مية,لكنها فضلت تعيط-هى مش بتكلم حد غريب بسهولة-المهم فضلت تعيط لغاية ما سابوها لوحدها.المهم أنا بعد ما خلصت الصلاة شلتها فى حضنى و اتكلمت معاها ليه هى عيطت فقالت لى انها اتضايقت لما الست حاولت تديها ميه.............المهم انى حضنتها و بستها بدل ما ازعق لها على عياطها

بس ملحوظه سريعة............يا ريت بلاش حد يكتب بلون فاتح لأنه مش بيكون باين خالص ....و لكن الشكر!!!!

ماشاء الله تسلم الايادي

اكثر من رائع اختي
ربي يجعله في ميزان حسناتك وفعلا اولادنا امانة في اعناقنا ومسؤلية كبيرة ومحاسبون امام الله عنهم

ربي يعيننا ونربيهم كما يحبه الله ويرضاه
انا معكم باذن ربي
ربي يوفقك ويجزاك الجنة امين

تلخيص الحاضرة : الحب مفتاح قلب كل طفل

التطبيق : ابني عمرة 10 شهور دايما ما اقبله اضمه الى صدري امسح على شعره وهذه نتيجتها اراها في تعلق ابنائي بي

اسفة للتأخير
سامحونى مشغولة كتييييييييييييير عندى عبد الرحمن سنة و3شهور وبمتحن ICDL
بس مهتمة جدا بالدورة وبتمنى تقبلونى ويجعلها ربنا فى ميزان حسناتنا

تلخيص المحاضرة فى سطر:
اجعلى منك وزوجك تربة خصبة ارويها بالحب وطاعة الله وابذرى فيها ثمار الحب والعطاءوالعلم تجنين حاملى لواء الإسلام والنصر بإذنه تعالى

المثال :
بودى عندى كتيييييييييييير الحركة ومهما حاولت اهديه مفيش فايدة بحس انى خلفت قرموط بس اليوم لما حاولت العبه وامون معاه وقت طويل نلعب ونغنى كانت حركته طبيعية وكان الحمد لله هادىء على غير العادة
عندى اكتر من مثال بس اعذرونى فعلا مشغولة
بتمنى اكون حليت الواجب صح
سعيدة جدا بتواصلى معكم والله يجمعنا على حبه فى الدنيا والآخرة

اولا : شكرا لضمي للمجموعة وجزاكم الله كل خير

ثانيا : ملخص المحاضرة
ساعامل طفلي كالامير واتوجة بتاج الحب والعطاء
التجربة
امس كان في حاله صراخ مستمر لدرجة انة تعب لاني لم اسمح له بالعب في الة كهربية لخطورتها علية وبسهوله شديدة عندما ضممتة الى صدري واخبرتة مين يحب ماما وبيسمع كلامها سكت وبصلى باستغراب لاني للاسف في المواقف المشابة كنت اعنفة بشدة واقول لة اتفلق لكن هذه المرة لا وبعدها بدائت اداعبة فضحك ونسي الصراخ وبعدها حذرتة برفق من العب في الكهرباء ومساء كان قريب من نفس الجهاز بعد عنة وقالى "ده كخ ياماما "