السلام عليكم

عندى كام سؤال يا جماعة لطفلى 8 شهور ونص وعاوزة اللى عندها خبرة تساعدنى وتجاوبنى ارجوكم

1-اشك ان طفلى هايبر اكتيف اعرف منين انه فعلا كدة ولا نشيط .

2- فى موضوع الفطام الليلى طفل فى عمر ابنى ياخد وقت قد ايه على ما ينسى الرضاعة الليلة وينام طول الليل بالتقريب كدة يعنى 3 اسابيع ولا اكتر؟

3-ااكل ابنى ايه يا جماعة هو بياكل بطاطس وبيبض ورز وساعات مكرونة بس مش بيرضى ياكل رز بلبن ولا مهلبية ولا شعرية وانا مش عارفة اعمله ايه تانى حتى السيريلاك بياكله كل 5 ايام مرة

4-ادخله اللحوم ولا لسة ؟ ولو دخلتها ادخل فراخ بس ولا معاها لحمة ؟؟؟ والسمك امتى ؟؟

5- ابنى بدا يتسند كويس على الكراسى وبيقف كام ثانية لوحده اطلعه برة المشاية علشان يكمل ولا اخليه شوية كدة وشوية كدة اصل لما بطلعه براها طول الوقت بيتعبنى خالص خالص ولا لازم اطلعه برها طول الوقت علشان يمشى؟؟

وشكرا لكل اللى هيردو عليا مقدما

كتبت بواسطة queen2020

السلام عليكم

وعليكم السلام ورحمة الله
عندى كام سؤال يا جماعة لطفلى 8 شهور ونص وعاوزة اللى عندها خبرة تساعدنى وتجاوبنى ارجوكم

1-اشك ان طفلى هايبر اكتيف اعرف منين انه فعلا كدة ولا نشيط .
كيف شكيتي؟؟كل الاطفال عندهم طاقه زائده بتحسيه ما بهدا 5 دقايق وبضل يتنطط ومابركز بشي؟؟عادي الاطفال كلهم هيك
2- فى موضوع الفطام الليلى طفل فى عمر ابنى ياخد وقت قد ايه على ما ينسى الرضاعة الليلة وينام طول الليل بالتقريب كدة يعنى 3 اسابيع ولا اكتر؟والله بهاي الشغله ما بقدر افيدك بنتي ضلت لل6 اشهر تنام من ال12 المسا لل8 الصبح بدون ولا رضعه وهلا بتصيحيني من4او5 مرات ليليا

3-ااكل ابنى ايه يا جماعة هو بياكل بطاطس وبيبض ورز وساعات مكرونة بس مش بيرضى ياكل رز بلبن ولا مهلبية ولا شعرية وانا مش عارفة اعمله ايه تانى حتى السيريلاك بياكله كل 5 ايام مرة
فاصولياء بيضاء..بازيلا..رز ابيض من اكلكم..انا من السادس بطعمي بنتي من اكل السفره وهلا بتكيف عالاكل تبعنا وما بتحب اكل الاطفال بسم الله ما شاء الله..امليله سباغتي وحاولي انك تعطيه اكل مش مهروس بالخلاط لا بالشوكة احسن
4-ادخله اللحوم ولا لسة ؟ ولو دخلتها ادخل فراخ بس ولا معاها لحمة ؟؟؟ والسمك امتى ؟؟
اللحوم لازم دخلتيها من نهاية السادس قطعة صغيره لحوم حمراء وبيضاء لانو مهم جدا جدا وانا بستغرب من الامهات اللي ما بطعمو اولادهم لحوم
5- ابنى بدا يتسند كويس على الكراسى وبيقف كام ثانية لوحده اطلعه برة المشاية علشان يكمل ولا اخليه شوية كدة وشوية كدة اصل لما بطلعه براها طول الوقت بيتعبنى خالص خالص ولا لازم اطلعه برها طول الوقت علشان يمشى؟؟الشاية اثبت ضررها علميا...لا تستخدميها اتركيه براحته وكل شي حاد او ليه حواف ابعديه

وشكرا لكل اللى هيردو عليا مقدما

العفو ان شاء الله انك استفدتي من خبرتي المتواضعه

شكرا جدا يا لارا على اهتمامك وردك اما عن تعليقك بخصوص سؤالى الاول:
كيف شكيتي؟؟كل الاطفال عندهم طاقه زائده بتحسيه ما بهدا 5 دقايق وبضل يتنطط ومابركز بشي؟؟عادي الاطفال كلهم هيك
لا هو بيهدا دقيقتين 3 وبيركز فى بعض الاشياء لكم مستحيل يقعد على رجلى مثلا ربع ساعة واكون بلاعبه لازم يغير وضعه حتى تاعبنا قوى فى اكله ومش بيتعب خالص بس طبعا بيريح لما بينام مريتن فى اليوم غير نوم الليل -عارفة احنا 3 انا وامى واختى وبنتعب منه بنبدل مع بعض

ربنا يحفظهولك يارب كوين الظاهر ان سن ابنك من سن ابنى
ابنى قرب ع التسع شهور
3-ااكل ابنى ايه يا جماعة هو بياكل بطاطس وبيبض ورز وساعات مكرونة بس مش بيرضى ياكل رز بلبن ولا مهلبية ولا شعرية وانا مش عارفة اعمله ايه تانى حتى السيريلاك بياكله كل 5 ايام مرة

مش بنصحك بى سيريلاك بينفخ العيل كدةومش صحى اظن
خليكى فى الحاجات الطبيعه زى البطاطس والكوسه واووووعى ابنك ياكل حاجة تكون عندك من قبلها بيوم يعنى حاجات بيته فاهمه
ربنا يحفظلنا اولادنا الاكل اللى بيكون عندك قبلها بيوم بيكون فيه مدة عفنه بيتسبب امراض
ونزلات وحاجات احنا فى غينه عنها

اما من ناحيه اللحوم بيقول لسه شوبه

انا جوابت على اللى اقدر عليه انتى عارفه ابنى من سن ابنك
والف شكرا يا قمر على الاسئله اللى رح تفيدك وتفيدنا
حفظك ربى ورعاكى

شكرا لردك ياعبير وان شاء الله البنات اللى عندهم خبرة يفيدونا ويجاوبو على باقى الاسئلة

ايه يا جماعة محدش عاوز يساعدنى ويجاونى على الاسئلة بجد عاوزة مساعدتكم

حد يرد عليا

اختي الغاليه
ربنا يخليلك ابنك ويفرحك بيه يارب
انا معنديش اولاد بس هجاوب من خبرتي المتواضعه في العنايه بابنه بنت عمتي عمرها حاليا سنه و 5 شهور
واتمنى افيدك وماكونش دخيله عليكي
وللعلم بنت عمتي بتودي بنتها للدكتور محمد رفعت اللي بيقدم برنامج مركز خبراء بامبرز وكل اللي مشينا عليه كان من خبراته ونصايحه لينا

كتبت بواسطة queen2020

السلام عليكم

عندى كام سؤال يا جماعة لطفلى 8 شهور ونص وعاوزة اللى عندها خبرة تساعدنى وتجاوبنى ارجوكم

1-اشك ان طفلى هايبر اكتيف اعرف منين انه فعلا كدة ولا نشيط .

حبيبتي النشاط الزائد دليل على صحه الطفل والحمد لله وكان دايما الدكتور يقولنا ان لو الطفل نشيط معناها انه متغذي كويس والحمد لله استجاباته كويسه
انتي تقلقي لو الطفل ميوله تدميريه او تخريبيه او بيميل لاذيه نفسه او الاخرين

2- فى موضوع الفطام الليلى طفل فى عمر ابنى ياخد وقت قد ايه على ما ينسى الرضاعة الليلة وينام طول الليل بالتقريب كدة يعنى 3 اسابيع ولا اكتر؟

من سن 6 شهور كان الدكتور طلب مننا ان البنت مترضعش مساء نهائيا يعني بالليل بنستبدل وجبه الرضاعه بوجبه بسكويت بالحليب او بطاطس وكوسه مهروسه فبالتالي معنديش اجابه للسؤال ده


3-ااكل ابنى ايه يا جماعة هو بياكل بطاطس وبيبض ورز وساعات مكرونة بس مش بيرضى ياكل رز بلبن ولا مهلبية ولا شعرية وانا مش عارفة اعمله ايه تانى حتى السيريلاك بياكله كل 5 ايام مرة

ما شاء الله 8 شهور المفروض ياكل كل حاجه ما عدا الاغذيه المحفوظه مثل التونه والمملحه مثل السردين والرنجه والمثلجات مثل الايس كريم والمياه الغازيه بكل انواعها
وبالنسبه للسيريلاك الافضل استخدامه ما بين الشهرين الرابع الى نهايه السادس فقط وبعد ذلك يستبدل بالكل البيتي الطاااازج وركزي على موضوع الطازج ده واكليه من اكل البيت العادي جدا اي طبيخ او اكل عندك اكليه منهم وان شاء الله يتقبلهم

4-ادخله اللحوم ولا لسة ؟ ولو دخلتها ادخل فراخ بس ولا معاها لحمة ؟؟؟ والسمك امتى ؟؟

السمك المفروض يكون اول حاجه تدخليها للطفل من منتصف الشهر الرابع لانه اسهل شئ ممكن الطفل يهضمه حتى اسهل من الدجاج وبالنسبه للحوم الحمراء الدكتور قالنا ندخلها بالتدريج من منتصف الشهر السادس وفتفوته فتفوته علشان متعملش امساك مع ملاحظه انها تكون مطبوخه كويس جدا وتكون مسلوقه فقط والطفل مياكلش لحمه محمره او مشويه لانها صعبه الهضم اصلا

5- ابنى بدا يتسند كويس على الكراسى وبيقف كام ثانية لوحده اطلعه برة المشاية علشان يكمل ولا اخليه شوية كدة وشوية كدة اصل لما بطلعه براها طول الوقت بيتعبنى خالص خالص ولا لازم اطلعه برها طول الوقت علشان يمشى؟؟

المشايه بتستخدم من منتصف الشهر الخامس لحد الشهر التاسع تقريبا وبعدين نسيب الطفل براحته في مكان فاضي او خالي من العوائق ونحاول نشجعه على الحركه والزحف باننا نحطله لعبه بيحبها بعيد عنه ونسيبه يوصلها هيزحف خطوه وييقف خطوه ويقع خطوه بس في النهايه هيوصل باذن الله مع مراعاه ان الارض متكونش ممكن تعور لا قدر الله يعني متكونش سيراميك او باركيه مثلا يعني ممكن تفرشي بطانيه او اتنين فوق بعض علشان لو وقع لا قدر الله ميتجرحش


وشكرا لكل اللى هيردو عليا مقدما

العفو واي خدمه وادعيلي ربنا يقومني بالسلامه انا والبيبي ويفرحني بشوفته بين ايديا يارب

شكرا ليكى قوى يا ملك روحى انا افادتينى فى حاجات كتير بجد وان شا ءالله تقومى بالسلامة انتى والنونو وشدى حيلك واستعدى للتربية

كتبت بواسطة queen2020

شكرا ليكى قوى يا ملك روحى انا افادتينى فى حاجات كتير بجد وان شا ءالله تقومى بالسلامة انتى والنونو وشدى حيلك واستعدى للتربية

متقوليش كده ياقمر
لا شكر على واجب
داحنا اخوات وبلديات
ربنا يخليهولك يارب وتشوفيه عريس
وجزاك الله كل خير على دعوتك الحلوه ولك بالمثل