تعويد الطفل على الحمام من 6شهور ........

**أم مهاب** · 05-09-2008, 07:36 AM

عايزة افتح معاكو موضوع مهم جدا جدا لكل ام

وهو تعويد طفلك على الحمام من عمر 6شهور اوعو حد فيكو يقول لا لسه صغير ولاحاجه لانى الصراحه قريت موضوع فى منتدى واستغربت جدا فى أمهات بيبدأو يعلمو اطفالهم على السنتين ونصو واكتر كمان لكن غلط طبعا لأن الطفل بيكون كبر وبكده لما تيجى تعوديه عالتواليت او القصريه مش بيرضى يقعد

طبعا عارفه ان عمرال6 شهور لسه مش بيستوعبو لكن مجرد التعويد على الجلوس مهم جدا لبعد كده انا عن نفسى بنتى عندها 6 شهور وابتديت اقعدها من5 شهور والحمدلله لما احس انها هتعمل اجرى اجيب القصريه واقعدها وبتعمل
صدقونى يابنات لازم تبداو من دلوقتى وللى لسه مابدأتش تلحق وتبدأ

انا اختى ماشاء الله عندها ولدين وبدأت تقعدهم على ال4 شهورومن عمر سنه ونص تقريبا خلاص مبقيتش تلبسهم بامبرز لان كل شويه تعرض عليهم دخول الحمام فابالتالى اتعودو واربطو ده بتعويدهم من وهما صغيرين
بجد جربو وفى الاخر هتنبسطو احسن مايوصل سنهم لسنتين وتلاته وهما لسه بيعملو فى البامبرز والتسلخات والمشاكل دى

احكيلكم انا بعمل ايه.........

انا اول مابصحى انا ونور من النوم ونصحصح مفيش عشر دقايق واجيب القصريه واقعدها وبتعمل لان طبيعى ان اول ماتصحى هتعمل بعد كده لما تعمل صوت او احس انها بتحزق اقولها استنى استنى طبعا بضحك واجرى واجيب القصريه واقعدها وتعمل

يلا كل واحده تبدأ من دلوقتى ومتكسلش وصدقونى كلامى ده عن تجربه
وماتصدقوش اللى تقولك لا لسه صغير

انا معاكو فى الموضوع يلا كل أم عسوله تبدأ وماتكسلش وتقول بلا وجع دماغ البامبرز وخلاص لان والله هتتعبى وهما كبار
انا ولاد خالتى والله فى الاعدادى ولسه بيعملوها لان مامتهم كانت سيباهم براحتهم فاطبعا مابيتحكموش فى نفسهم وهما نايمين وطلعت بنت خالتى بتربى بنتها بنفس الطريقه ودلوقتى بتسوط منها بقت 3سنين ولسه بامبرز

لكن الحمدلله ماما علمت اختى انها تقعد ولادها بدرى علشان يستوعبو والحمدلله ماشاء الله عليهم ..

وفى كذا طريقه تشجعى بيها ابنك او بنتك انك لما يعملو فى التواليت او القصريه تديهم حاجه بيحبوها واكيد هيتشجعو ولو ماعملوش فى التواليت قوليلهم خسارة كده مفيش حاجه حلوة بس بلاش ضرب وعصبيه وجربو الطريقه دى وربنا يوفقكو ولو حد عايز يسال حاجه انا معاكو

**نور تقية** · 05-09-2008, 08:25 AM

جزاك الله خيرا ام نور لعرضك لتجربتك

و ربنا يبارك فى بنوتك حبيبتى و يفرحك بيها

و كل سنة و انت طيبة و رمضان كريم

**Niso** · 05-09-2008, 01:24 PM

يسعد صباحك ام مهاب

اسمحي لي احكي لك انه انا مش معك ابدا ...6 شهور حرام عليك في اطفال على 6 شهور ما بكونوا يعرفوا يجلسوا اصلا حتى نعلمهم على النونو!!!

النقطة المهمة هون انه جهاز الاخراج عند الطفل لا يكتمل نموه الا عند بلوغه السنتين تقريبا يعني قبل هيك بكون اخراجه لا اراديا ما بعرف يتحكم في حاله هيك ربنا خلقنا ليش نستعجل ليش تحطي حالك وطفلك في نفسية سيئة لمدة طويلة لانه مش قادر يتعلم ....هدا شي مش بايده بعدين في بعض الأطفال "خاصة الذكور منهم" لازم نصبر عليهم حتى 3 سنين لحتى يكتمل النمو عندهم....

طيب بدي اسألك سؤال كيف بدك تعلمي طفلتك ما تعملها بالبامبرز خلال الليل؟؟؟؟ مستحيل لأنها ما بتقدر تتحكم في الموضوع ....
اسألي الصبايا االي علموا اولادهم على اي اعمار علموهم واذا تغلبوا والا لأ في هاي المرحلة راح تلاقي الامهات اللي علموا اطفالهم في عمر سنتين تقريبا ما تغلبوا اما الامهات اللي علموهم على عمر صغير كتير تغلبوا كتير....

لازم تستني الطفل حتى يبدي استعداده للموضوع وليس استعدادك انت!!

تقبلي رأيي وسامحيني على الاطالة

**جنى 23** · 05-09-2008, 03:43 PM

شكرا لكى حبيبتى

**المؤمن2** · 05-09-2008, 03:56 PM

بصراحة الموضوع ممتاز جدا بس الطفل يحتاج الى تدريب لكن من الافضل بعد ال7 شهور وتسلمي على هذا الموضوع

**ام سهيل** · 05-09-2008, 05:51 PM

جداتنا كانت هذه طريقة تعليم الحمام عندهم

لكن صحة اطفال زمان مش مثل اطفالنا
وفعلا فيهاطفال مابيعروفا يجلسوا فغلط انك تغصبيه يجلس
وبعدين خذي هذا النصيحة مني

وهي فعلا نتيجة للتسرع في تعليم الحمام

عند الكبر راح يصاب بامراض هو في غنى عنها
سواء في الكلى او في المثانة

وكل شي له وقته

اذا الفطام عند السنتين فمابالك في اشياء تعتبر من وظيفة الجسم

يعني مو انت من ستتحكمين فيها

وربنا يعينك على التربية

لا تتسرعي حتى ما تلاقي نتائج تندمي عليها.

**أم مهاب** · 05-09-2008, 10:04 PM

على العموم انا شوفت قدامى كذا تجربه حبيبت بس اقولكم
وكل واحده حسب ماتحب

**ام سهيل** · 06-09-2008, 12:21 AM

الله يجزاك خير ماقصرت .
لكن فعلا الاطفال ليسوا جميعا مثل بعض في القدرات.

**امل الحياة** · 06-09-2008, 01:13 AM

أنا مع رأي الاخت ام سهيل انو
الاطفال ليسوا جميعا مثل بعض في القدرات

طوبى** · 06-09-2008, 01:38 AM

كتبت بواسطة Niso

يسعد صباحك ام مهاب

اسمحي لي احكي لك انه انا مش معك ابدا ...6 شهور حرام عليك في اطفال على 6 شهور ما بكونوا يعرفوا يجلسوا اصلا حتى نعلمهم على النونو!!!

صحيح كلامك مية بالمية اختي