السﻻم عليكم ورحمة الله وبركاته. .


وبعد ..

أوﻻ أحمدالله ربي على نعمته علي بأن رزقني بأجمل وردتين .. رتال ودانا .. الله يحفظهم ..

ومن ثم أود أن اطرح عليكم مشكلتي التي بدأت حقا تؤرقني ..

بنتي الكبيرة عمرها سنتين و 8 شهور ..
بما انها اول حفيدة للعائلتين .. الكل دلعها واتعودت انه كل شيء موفر لها وانه اللي بدها اياه ﻻزم تاخده ..

وغير هيك هي انولدت وزنها قليل 2 كيلو و400 غرام وصحتها وهي صغيرة ما كانت منيحه فالكل كان يخاف عليها ..

وبدأت تكبر وكبر معها دﻻلها ودلعها ..

قبل فترة عانيت معها لمدة طويلة بمشكلة قضم الأظافر

جربت معها كل الطرق الهدوء العصبية الضرب المنع حتى جربت اني انسى وما انبهها عالموضوع وللأسف طولت ..
بعدين والحمدلله بطلت فجأة ..

بحب أخبركم انه ابوها دايما مسافر هو بيشتغل بالصين وتقريبا كل شهرين او ثﻻثة بيجي عندنا شهر ..

قرأت انه بعد احد الابوين عن الطفل يسبب له مشاكل نفسية بتتمثل اما بقضم الاظافر او التبول الليلي او العدوانية والنكد ..

وبتوقع هو فعﻻ كان سبب في مشكلة بنتي لانه من 3 شهور سافرت عند زوجي عالصين وﻻحظت تغير كبير في شخصيتها ..

حتى اني بعلمها الحروف والارقام وقصار السور وحتى نطقها ما شاء الله اتحسن ..

هي ذكية ماشاء الله ونبيهة ..

لكن المشكلة اللي صارلها تقريبا اسبوعين انها صارت عصبية لابعد الحدود
طول اليوم صراخ وبكاء ونكد ..

حتى انها لما بتعصب باضرب اختها الصغيرة بدون سبب ..
وبس تهدأ بتصالحها وبتبوسها لانها عارفه انها غلطانة ..

زمان كانت لما تغلط كنت اتبع معها اسلوب اني زعلت منك تجي بسرعه تصالحنبظي وتعتذر ..
بس من جديد بطل ينفع معها اي اسلوب

لدرجة انها بتطلب الشغلة او الحليب او اللعبة ولما بعطيها اياها بترميها وبتصير تصرخ بدون سبب ..
حتى انها كسرت الايباد اكثر من مرة ..

حاولت امنعها عن الايباد والجوال لانها طول اليوم بتلعب فيهم ولو خلص الشحن بتنجن ..
بس للاسف مر علي يوم جنوني لما منعتها عنهم ..

فيها صفه من زمان بتضل تبكي لحد ما تاخد اللي بدها اياه ..

حاولت اغير هالشي بس هي كتير عنيدة وكمان ازا انا ما اعطيتها اي حدا غيري رح يعطيها اكيد .. ابوها او جدتها او عماتها ..

ابوها حاولت انبهه لهالموضوع بحكيلي انا مابشوفها غير وقت قليل صعب ازعلها وانكد عليها .. انت ربيها ....

وانا .......
حسيت اني استنفذت كل الطرق معها ..
والله هاليومين ضربتها ضرب للاسف اتقطع قلبي عليها ..
بس صوتها ببحسسني مخي رح ينفجر ..



ساعدوني جزاكم الله خيرا ..

واكيد فيه كثيرات مرو باللي عم بمر فيه ..
ارجوا من صاحبات الخبرة افادتي .


ومشكوووووورين جميعا ..

♥♥

انا ابنى عمرو سنتين او ست اشهر
نفس حالت بنتك ببس ايكون جوعان او مال بصير ايصرخ حاولي اتطلعيها او تلاعبيها الله يهديهم


لا اله الا الله

الله يهدي ابنك كمان بتوقع السبب فعﻻ الملل

الله يعين ..
شكرا الك ..

جربي انك ما تدققي كثير بتصرفاتها او توجهي لها الانتقادات والتعليمات بشكل مباشر .

عشان الايباد ولعبها كثير عليه ... حاولي انتي تغيري الجو مثلا لو عندك وقت فاضي جيبي الالعاب تبعن واقعدي العبي فيها قدامها وطلعي اصوات يعني كانك بنت صغيرة(( وطبعا بدون ما تقولي لها تعي العبي او اتركي الجوال)) لحالها رح تترك الجوال وتطلع عليكي شو عم تعملي بعدين بتجي تلعب معك .

ممكن كمان تعملي حالك عم تحفظي اختها سورة من القران وقولي لها بتحبي تحفظي معنا ؟واشرحي لها ان الي بيحفظ القران ربنا بيحبه و و و ...الخ .

باختصار بنتك شكلها عنيدة ومثل ما قلتي كانوا يدلعوها هالنوع ما بيحبوا تعلقي ع تصرفاتهم السيئه او توجهي لهم اوامر لان رح تعمل الي بيزعجك ( لما بتشوفك بتضايقي من صوتها بتصرخ ... لما بتشوف انك خايفه عالايباد بترميه عشان تزعجك ..لانك زعجتيها باوامرك بنظرها )) ... وحاولي ما تركزي ع سلبياتها بس وطول اليوم تذكريها بانك زعلانه منها لا ... امدحيها لو عملت شي بسطك وركزي ع ايجابياتها وحاولي تطوري ايجابياتها ولحالها رح تصير تسمع كلامك ان شاء الله .

منمنمة
شكرا الك على مرورك وعلى كﻻمك الرائع دائما

عجبتني افكارك بصراحه وﻻ مرة جربتها وحسيت انك فهمت شخصيتها منيح
الله يجزيك الخير ..

♥♥

ربي يحميهم ان شاء الله وتشوفيهم عروسات ان شاء الله
بنتي صارت نفس الشي لانو بالبيت شي ولما تخرج تفرض نفسها لانو اول حفيدة والكل يلبي مطالبها حتى عادة قضم الاظافر صارت عندها وعصبية وترمي الاشياء وصراخ دائم وتضرب اخوها وطول اليوم بالكمبيوتر
استنفذت جميع الطرق
حتى اني صرت عصبية بسبب عصبيتها الدائمة
وما تتعب من البكاء الا لما يصير شو بتحب
اعتقد انو هالجيل كلو زي هيك وكل الامهات عم تحكي نفس الشي
اشتريتلها الوان وكتب وحقيبة احسها صارت تهتم شوي بيهم وحملت لها برامج تربوية وتعليمية وصارت تعرف الالوان والارقام واحسها احسن من اول
اما العصبية فاعتقد انها وراثة ولا حل لها ....