السلام عليكم ورحمة الله وبركاته
مبدأيا اسفة على التأخير
موعدنا الثالث من Toddlers : terrible or terrific?? والمحاضرة المرة دى عن ( دخول الحمام )
دخول الحمام سيكون سهلا اذا ادرك الاباء انه:
1- لا بد من الانتظار حتى يكون الطفل مستعدا فيزيائيا .. نفسيا ..ومهتما بالامر.
2- اتبعو طرق سهلة وواضحة .
3- يشجعون الطفل .. بهدووووووووووووووء وثقة .

علامات استعداد الطفل لدخول الحمام:
اولا استعداده الفيزيقى :
-يستطيع التحكم بعضلاته ( المقصود العضلات التى تتحكم فى التبرز والتبول - اعزكم الله).
- يستطيع المشى والجلوس بدون مساعدة .
- يكون جافا لفترات اطول ( خلال الليل خصوصا)

ثانيا استعداده التوعوى
-يستطيع ال كلام او الاشارة الى الاشياء والافعال.
- واعى بمعنى التبول والتبرز .
- يستطيع فهم الاوامر والنواهى وفهم طلباتك منه طبعا .

ثالثا استعداده المعنوى :
- اصبح يحس بعدم الراحة عند لبس الحفاظ .
- يسألك بنفسه ان تغيرى حفاظه المتسخ .
- مهتم بالتواليت ويحب ان يعلم ماهو وكيف يستخدم .
- الا يكون فى ظرف يضغط على اعصابه ( مثلا وصول بيبى جديد فى العائلة)

ينبغى لللام والاب ان يكونوا مستعدين لهذا الامر ايضا

كيفية التحضير لهذا الامر
- دع الطفل يشاهد افراد العائلة يستخدمون الحمام ( طبعا فى عرفنا وعاداتنا لا يصح هذا الامر فانا كتبته فقط للامانة)
- اختار بوتى ( قطعة بلاستيك مخصوصة توضع على الارض بالعامية المصرية قصرية ولا اعرف لها اسما اخر) او كرسى الحمام الخاص بالاطفال او قطعة الحمام مثل الصور
- دعى الطفل يستخدمه حتى وان لم يفعل شئ حتى يعتاد الجلوس عليه.




المعذرة على الصور (من الانترنت)


يتبع

ملاحظات هامة لنجاح عملية دخول الحمام (مع الطفل)
- اتنظرى حتى يكون الطفل بيت سنتين - سنتين ونصف من العمر فقبل هذا السن هو فعلا لا يستطيع التحكم فى الاخراج لعدم تمام نمو العضلة المسئولة عن ذلك.
- انتظرى حتى يكون طفلك مستعدا ويريد استخدام البوتى او الحمام "بنفسه".
- اخلعى الحفاظات تماما ولا تجعليه مترددا عندما تخلعيها يوما وتضعيها يوما اخر او تخلعيها نهارا وتضعيها مساء .. فذاك يربكه جدا .
- اشرحى له عدة مرات كيف يستخدم الحمام (ولا تملى من التكرار)
- بينى سعادتك وتشجيعك عند نجاحه فى ذلك وياحبذا لو مكافأه صغيرة له .
- كونى واعية بان حدوث الامر قد يتخلله بعض الحوادث .. لا تجعليها تحبطك
- جهزى ملابس داخليه - كثيرة العدد- لطفلك فى هذا الوقت .
- راقبى طفلك كيف يستخدم الحمام وعلميه غسل الايدى بعد كل مرة.


ملاحظات هامة لنجاح العملية ( مع الوالدين)
- انتظرى حتى يكون الطفل سنتين او اكثر.
- ابدأى عندما يكون طفلك جاهزا وليس عندما تكونى انت جاهزة .
-اشرحى له تدريب دخول الحمام بنفسك او باستخدام دمية يمكنك ان تبلليها.
- اعطي طفلك مشروبات باستمرار حتى يدخل الحمام كثيرا فى هذه الفترة فيتعلم بسرعة .
- علمى طفلك كيف يفحص نفسه اذا كان مبتلا او جافا .
- ساعدى طفلك ان يجلس على البوتى او الحمام كل فترة قصيرة .
- كافئى السلوك الجيد والنجاح .

اجعلى دخول الحمام ايجابيا
* ابقى هادئة وصبورة .
* اشكرى لطفلك واثنى عليه.
*نمى فى طفلك حب التعلم وخاصة للاشياء الجديدة .
*افهمى جيدا ان لكل تجربة جديدة بعض السلبيات وهنا تتشكل فى الحوادث التى قد تحدث عند فشل العملية او تأخر الطفل فى طلب الحمام .. حاولى تحمى الاثاث والسجاد فى هذه الفترة.
* عند عدم مقدرة الطفل او انتكاسه : -
- توقفى تماما.
- استخدمى الحفاظ من جديد .
- انتظرى فترة ثم اعيدى الكرة عند استعداد طفلك.

وفى النهاية

تذكرى ان دخول الحمام يحتاج ان
تبدأى متأخرة
تعلمينه ببطء
لا مكان للشجار حول هذا الموضوع

رااااااائع
قراته بتمعن لاني كنت محتاجة له
ابني اتم سنتين ونصف لكن اشعر بانه غير مستعد

يخاف الحمام
لايخبرني عند اتساخ حفاظه

يرفض الغيار حتى لو لم يكن متسخ

الله يعين
ويسعدك ويفرح قلبك بابنك ويجعله قرة عين لك يارب


Sent from my GT-I9100 using منتديات لكي mobile app

ما شاء الله موضوع رائع واجه بوكته
بنتي صارلي أربع ايام معاها جيدة نوعا م الله يعطيني الصبر واعلمها بهدوء
وأكثر الأشياء تنطبق ماعدا العمر هي سنة وعشر اشهر طبقت

كتبت بواسطة ام سهيل

رااااااائع
قراته بتمعن لاني كنت محتاجة له
ابني اتم سنتين ونصف لكن اشعر بانه غير مستعد

يخاف الحمام
لايخبرني عند اتساخ حفاظه

يرفض الغيار حتى لو لم يكن متسخ

الله يعين
ويسعدك ويفرح قلبك بابنك ويجعله قرة عين لك يارب


Sent from my GT-I9100 using منتديات لكي mobile app

اللهم تقبل دعائك يارب .. ربنا يفرحك باولادك غاليتى ام سهيل

بالنسبة لابنك .. من الكلام اللى دار فى المناقشة بين الامهات اللى حضروا الندوة دى .. الاولاد -سبحان الله- بيتأخروا فى التعليم عن البنات فى حاجات كتير ومنها دخول الحمام
كل مانتأخر حتى يستعد الطفل كل ماكان افضل حتى تصبح العملية سهلة لكلا طرفين وحتى لا تتكرر انتكاسات الطفل وبالتالى تتكرر احباطاته وتهتز ثقته فى نفسه وقدرته
الاولاد يتعلمون التبول وهم جالسين وليس وقوفا كالكبار
اهم شئ اتعلمته لاحظى هل يكون حفاظه جافا عندما يستيقظ صباحا ام لا .. هذه اهم علامة بعدها ستتوالى باقى العلامات
وماتضغطيش ابدا على ابنك فى الموضوع ده .. هيتعلم هيتعلم باذن الله وربنا يقدرك عليه وعلى باقى اخواته يارب ويديكى الصحة

كتبت بواسطة المطبخ وبس

ما شاء الله موضوع رائع واجه بوكته
بنتي صارلي أربع ايام معاها جيدة نوعا م الله يعطيني الصبر واعلمها بهدوء
وأكثر الأشياء تنطبق ماعدا العمر هي سنة وعشر اشهر طبقت

الله يعطيكى العافية .. انا شوفت موضوعك وبنتك الله يحميها ماشاء الله سكر .. وكتبت لك انى هاكتب الموضوع ده عشان خاطر عيونها
هو طبعا فى فروق فردية بين الاطفال .. يعنى طالما ماشية كويس وعندها باقى مؤهلات دخول الحمام خلاص توكلى على الله

بس اللى باتوقف عنده ان الاختصاصيين بيقولو ان العضلة المسئولة عن التحكم بالتبرز -اعزكم الله- وكذلك عضلات المثانة لا يكتمل نموها الا عند بلوغ العامين !!
انا اما عرفت المعلومة دى اتصلت بامى وقلت لها عايزة تعويض كبير عن العقاب اللى اتعاقبته ايام زماااااااااااااان بدون ذنب .. لانى على حسب ما اسمع امى علمتنى الموضوع ده بدرى اوى جدا خالص وكنت باتعاقب فيه .. الله يديهم الصحة اهالينا بقى ماكنش عندهم كل المعلومات دى .. والمصريين بالخصوص بيستعجلو على كل حاجة بدرى جدا عن ميعادها مش عارفة ليه!!

جميل جدا انابيلا
فى بناتى الاتنين بدات معاهم بدرى والحمدلله خصوصا الكبيرة ما غلبتنيش خالص
عمر بأه مكسلة معاه على الاخر
الحمدلله كل حاجة قلتى عليها موجودة يعنى لما اخلع له الحفاض مهما طال الوقت ما يعملش فيه
ولما يعمل في الحفاض يضايق ويشاور عليه علشان اخلعه
وباليل لو متغطى كويس غالبا بيصحى والحفاض نضيف
المشكلة انه بيخاف موووووت من البوتى او القاعدة الى فوق التواليت
جربت معاه اكتر من مرة يصرخ
وحاسة انه مش فاهم ان البوتى ده لايه
يعمل ايه يعنى
شوفيلى حل للموضوع ده يا انابيلا واكون ممتنة لكِ

كتبت بواسطة ام اروى 86

جميل جدا انابيلا
فى بناتى الاتنين بدات معاهم بدرى والحمدلله خصوصا الكبيرة ما غلبتنيش خالص
عمر بأه مكسلة معاه على الاخر
الحمدلله كل حاجة قلتى عليها موجودة يعنى لما اخلع له الحفاض مهما طال الوقت ما يعملش فيه
ولما يعمل في الحفاض يضايق ويشاور عليه علشان اخلعه
وباليل لو متغطى كويس غالبا بيصحى والحفاض نضيف
المشكلة انه بيخاف موووووت من البوتى او القاعدة الى فوق التواليت
جربت معاه اكتر من مرة يصرخ
وحاسة انه مش فاهم ان البوتى ده لايه
يعمل ايه يعنى
شوفيلى حل للموضوع ده يا انابيلا واكون ممتنة لكِ

ماشاء الله لاحول ولا قوة الا بالله .. ربنا يخليهم لك وتفرحى بيهم
شوفى ياستى فى مناقشة الامهات على السيشن دا ناس كتير قالو كلام يشبه كلامك واكتر .. لدرجة انه واحدة من الحاضرات قالت ابنى كله مشكلته اما بيعمل وبعدين يشد (السيفون) عايز يعرف الحاجات دى بتروح على فين ورفض يستخدم التواليت عشان كده !!! تخيلى !!
مش فاهمة يعنى هو بيجمعهم ولا هيتبرع بيهم ولا ايه ؟؟!!! عقل عيال بقى
اعتقد الصح انك تعملى موضوع الموديل ده يعنى طبعا ش هقدر اقولك خليه يشوفك طبعا لانه بالنسبة لى دا مستحيل لكن ممكن تدورى على التدى بير او الدمية اللى بتبل نفسها وتمثلى الموضوع قدامه كذا مرة بعدها تمثليه وانتى بتقعديه يعنى خليه هو مكان الدميه دى وواحدة بواحدة هيتعود .. اهم شئ الصبر والتكرار والمحافظة على معنوياته.. الله يعينك يارب
وكمان ممكن تغير البوتى لواحدة شكلها اظرف من اللى بيبقو شبه الحيوانات دول او شوفى انتى حاجة ويسة فى محلات الاطفال وهتلاقى اشكال كتييييييييييييير خللى يختار معاكى واحدة او بمعنى ادق يشبط فيها عشان يحب يجربها .. وربنا كريم

موضوع قيم وكلنا بحاجته
بارك الله فيك
لدي مشكلة في تنظيف ابني ذو الثلاث اعوام و7 شهور في فترة الليل
فهو يتبول _ أجلكن الله _ بكميات كبيرة
خففت السوائل جدا قبل النوم
وأدخله الحمام قبل ان ينام وأتفاجأ عند استيقاظه في السابعة صباحا بحفاظته ممتلئة
أشارت علي إحدى الأخوات ان أيقظه في الليل وأدخله الحمام
وفعلا كنت أدخله 3 مرات خلال الليل
ووقت الفجر
ثم أيضا أجده مبللا السابعة صباحا
تعبت من هذا المضوع وعدت لإلباسه الحفاظة في الليل

ما الحل؟

كتبت بواسطة وأبقى غريبة

موضوع قيم وكلنا بحاجته
بارك الله فيك
لدي مشكلة في تنظيف ابني ذو الثلاث اعوام و7 شهور في فترة الليل
فهو يتبول _ أجلكن الله _ بكميات كبيرة
خففت السوائل جدا قبل النوم
وأدخله الحمام قبل ان ينام وأتفاجأ عند استيقاظه في السابعة صباحا بحفاظته ممتلئة
أشارت علي إحدى الأخوات ان أيقظه في الليل وأدخله الحمام
وفعلا كنت أدخله 3 مرات خلال الليل
ووقت الفجر
ثم أيضا أجده مبللا السابعة صباحا
تعبت من هذا المضوع وعدت لإلباسه الحفاظة في الليل

ما الحل؟

اهلا بك اختى .. اعتقد والله اعلم مشكلة ابنك مش مشكلة سوائل وكسل.. يمكن لان فى بيبى جديد جاى وهو عرف ؟؟؟ يمكن لانه يغار من اخته لاهتمامك بها اكثر (من وجهة نظره)؟؟؟
هل انتظم فترة ن جافا ثم انتكس مرة اخرى ورجع كما كان ؟؟
اعتقد فى اسئل كثيرة المفروض تجاوبى عليها اولا ثم تقررى عرضه على اخصائى او الصبر وتكرار المحاولات معه