طيب يا نوجا بليز لما تعرفي حاجة قوليلنا .ما تزعليش يمكن ده خير لولادنا والله.

لا و الله انا الحمد لله مش زعلانه ما هى كل المدارس فى الهوا سوا و دى بقت حاله عامه
و انا ابتديت ابرمج نفسى ان انا الميس بتاعة كريم
يالا بجملت

والله يا نوجا انا فعلا باعمل كدة باقعد اقوله كل كلمة بتشكيلها و بعدين نسمع ونراجع من الاول
بس ايه شلل بقي ومابيقعدش علي بعضه 5 دقايق
كل شوية يقوللي تعبت ، عايز بريك ، عايز اكل ، عايز انام ، عايز اي حاجة المهم ما يقعدش يزاكر
وطبعا التليفزيون والبلاي استيشن ليهم الاولوية

كتبت بواسطة UM FARIDA

ربنا يخليلك جنى وسندس ايه رايك في المدرسة انا مبسوطة وانتي؟؟؟؟؟؟؟؟؟
بذمتك مش طلعت اشاعات مغرضة بس رعبوا الواحد على الفاضي

فعلآ المدرسة ممتازه وبالرغم من انى متردده بطبعى لاكنى اقتنعت بها 100%
وانا بحاول اقنع زوجى ان ننقل سكننا جنبها لان المسافه لا تقل عن ساعه فى الذهاب وساعة ونصف فى العوده ده غير ان الطريق الدائرى خطر وقلبى بيوجعنى عليها كل يوم وهي ماشيه وهى دى الحاجه الوحيده اللى مضيقانى فى الموضوع
ربنا يحفظ ابنئنا من كل سوء

يا بنات بيقولو في سايت المدرسة إن المدرسة هتفتح تاني يوم الحد الجاي، هنعمل إيه و نضمن منين إن المدرسة المصابة دي معدتش حد تاني من المدرسات أنا بجد حموت من القلق

هى سنه باينه من اولها
يا رب تكون سنه سوده ومهببه بجد على وزير التعليم وربنا ينتقم منه اشد انتقام

أمين يا رب

كتبت بواسطة om sondos

فعلآ المدرسة ممتازه وبالرغم من انى متردده بطبعى لاكنى اقتنعت بها 100%
وانا بحاول اقنع زوجى ان ننقل سكننا جنبها لان المسافه لا تقل عن ساعه فى الذهاب وساعة ونصف فى العوده ده غير ان الطريق الدائرى خطر وقلبى بيوجعنى عليها كل يوم وهي ماشيه وهى دى الحاجه الوحيده اللى مضيقانى فى الموضوع
ربنا يحفظ ابنئنا من كل سوء

انتي ساكنة فين يا ام سندس؟؟؟؟؟؟

ايوه المدرسة حتفتح يوم الاحد.مش عارفين نعمل ايه .المديرة كان حد نقل عنها ان بتعمل كل الاجراءات عشان سلامة الطلبة.انا حموت من القلق.

ازيكو يا جماعة انا متابعة من زمان و حبيت اقول لنوجا اي الفيوتشر اللي ظهر فيها الاسبوع اللي فات هي فيوتشر بنات kg1 مدينة نصر في فصل بنتي بس هي الحمد لله كويسة بس مش عارفة في فروع تانية ظهر فيها وللا لا