انا كان نفسي اعمل زي طماطم بس المدرسة لما لاقيت نسبة الغياب كبيرة جدا منعت تماما موضوع توصيل الهوم ورك بالباص الي عايزه يروح ياخده بنفسه من المدرسة
للبحث في شبكة لكِ النسائية:
|
انا كان نفسي اعمل زي طماطم بس المدرسة لما لاقيت نسبة الغياب كبيرة جدا منعت تماما موضوع توصيل الهوم ورك بالباص الي عايزه يروح ياخده بنفسه من المدرسة
يعني كوكي ينفع اقعدها واجيب لها الهوم ورك كل يوم بنفسي؟؟
وبعدين ليه ما يجيبوا الهوم ورك هم مش واخدين اجرة الباص؟؟؟يعني بدل ما يجيبوا الطفل يجيبوا الهوم ورك بعد الضهر..
انا سمعت ان فية حالة فى مدرسة فيوتشر محدش عارف انهى فرع ؟؟؟
سادينا يمكن النظام ده لسه موجود عندكم في التجمع وبيبعتوا الهوم ورك بالباص
انتي عندك حق هما واخدين اجرة الباص يعني مفيهاش مشكلة لما يبعتوا الهوم ورك ...هي حركة بس عملوها علشان يجبروا اولياء الامور انها تودي ولادها ومايستسهلوش ...بس المدرسة مش شايفة الظروف اللي احنا فيها يعني المفروض يكونوا مرنين اكتر من كدة
صحيح يا كوكي انا عارفة في اي ازمة لازم الكل يبقى متعاون لكن تقولي لمين؟؟ احنا وصلنا لمرحلة ما يعلم بيها الا ربنا.
اللهم اني لا اسألك رد القضاء ولكني اسألك اللطف فيه.
ازيكو كلكو يا حلوين
طبعا ربنا يحفظ الكل و يعين الكل على حالة القلق الفظييييييييييييييييييييييعة دى
بس بجد بجد يا جماعة..........احنا هنا فى مصر مزودين الموضوع فوق الوصف
يعنى انا اخويا دكتور و كان فى مؤتمر فى فرنسا الشهر اللى فات,و لسه راجع النهارده من امريكا..............و بيقول ولا فيه أى حاجة من القلق اللى الناس هنا عاملاه.......عادى........الناس بتعيا و بتخف........ولا مدارس بتتقفل,ولا أى حاجة
و واحدة قريبتى فى الكويت بناتها فى مدرسة انترناسيونال و معاهم اجانب و ظهرت عندهم 10 حالات,و عادى الدراسة ماشية عادى جدا
اهلا بنت مصر .ازيك؟؟ معاك حق برا مش عاملين كده عشان الطبابة هناك افضل حاسين بالامان لكن هنا لأ..بعد ما الولد مات طلعوا يقولوا ان بلاش الاسبرين ومشتقاته وخلوكم بالباراسيتامول.
آخر مرة عدل بواسطة sadina : 09-11-2009 في 02:41 AM
صباح الخير على الكل
سادينا..
اه طبعا ينفع مش تودى بنتك خالص علشان الكى جى مافيش فيه نسبه غياب .. ده حتى فى ناس بتقدم لاولادها وتسافر علشان تحجز السنه فى المدرسه علشان لما ترجع
كوكى..
طبعا انت من حقك ان الباص يجيب ليكى الهوم ورك مدام انت دافع فلوسه كلها.. بس تقريبا لازم الواحد يتخانق علشان ياخد حقه
بنت مصر ..
يا نيمو انا ما كنتش خايفة من الفيرس وكنت بودى البنت عادى خصوصا لما سمعت الام الى بناتها فى الميردى ديو بتقول ان البنات ماخدوش التامى فلو اساسا لانهم على ما عملوا التحليل وطلع كان فات 4 ايام والبنات بدأوا يخفوا على المسكنات العاديه فاالمستشفى ادتلهم بس مضاد حيوى على الرغم من ان الست لما كانت بتحكى على البهدله والمعاناه الى شافوها فى المستشفى خلت جسمى يقشعر
وبعدين الى حصل لمصطفى -الله يرحمه ويصبر اهله- من اهمال وجهل خلانى خلاص قلت ان شاله ما اتعلمت خالص خليها قاعدة جنبى
حتى دلوقتى لما فتحوا العلاج فى المستشفيات الخاصة هو طبعا المعامله هتكون احسن وانضف بس انا ايه الى يضمنى انهم بيعرفوا يتعاملوا صح مع المرض اصلا , ده لسه ماعندهمش خبره خالص ماهو الى ادى مصطفى الحقنه دى كان دكتور كبير فى عياده خاصة واستشارى
ناهيك بقى ان اكيد المستشفيات الخاصة هيعملوا دايما من الحبه قبه ويعملولك قلق على الفاضى علشان يستنزفوكى ماديا
انا استخرت ربنا وقعدتها ويمكن لو احتجت اوديها احيانا بس يوم الاحد لانه بيبقى فيه مراجعه على الاسبوع الى قبله وبيدوا فيه حاجات جديده واكمل انا معاها
يا جماعة الوباء ده زى الطاعون الى قال فيه الرسول صلى الله عليه وسلم حديثه الشريف
قال النبي صلى الله عليه وسلم : إن هذا الطاعون رجز وبقية عذاب عذب به قوم ، فإذا وقع بأرض وأنتم فيها فلا تخرجوا منها فراراً منه ، وإذا وقع بأرض ولستم بها فلا تدخلوها . رواه مسلم في الصحيح عن أبي بكر بن أبي شيبة عن وكيع .).
وهنا ماكانش المقصود بيه الطاعون كمرض فى حد ذاته ولكن اى وباء سريع الانتشار بالعدوى علشان يقلل فرص العدوى وده من باب الاتكال على الله مع الاخذ بالاسباب
و المدارس للاسف تعتبر كلها ارض خصبه لانتشار الوباء ده وعلشان كدة هتبع الحديث الشريف ومش هدخلها حتى لو حلفلى وزير الصحة على الميه تجمد ان الوضع مطمئن
لو الوزارة مش فارق معاها عيالنا هم عندنا اغلى من روحنا
آخر مرة عدل بواسطة الاميرة طماطم : 09-11-2009 في 10:06 AM
صباح الخير يا بنت مصر
و الله معاكي حق و انا فعلا ماكنتش مكبرة الموضوع و لحد دلوقت باودي المدرسة عادي.
المشكلة مش في المرض .. المشكلة أننا معندناش ثقة في رعاية المستشفيات الحكومية المنفردة بعلاج المرض و ده طبعا مش من فراغ .
احنا عندنا وباء اهمال مش انفلونزا .
ربنا يسترها علينا و علي أولادنا.
الروابط المفضلة