يا بنات فى حد يعرف حاجه عن مدرسة صلاح الدين او حد ولاده فيها

كتبت بواسطة Om Ziad

يا بنات فى حد يعرف حاجه عن مدرسة صلاح الدين او حد ولاده فيها

المدرسة حلوة اوى بنات خالتى فيها و بيشكروا فيها اوى هى طبعا امريكان و قوية جداو المصاريف و كا حاجة عنها هناhttp://www.salahaldinschool.com/

كتبت بواسطة Om Ziad

ماشى يا جميل هاقر واعترف اهه
بصى يا ستى انا بناتى من اول مافتحت تاجان وهما فيها من السنة الى فاتت يعنى
وهما كانو برى كى جى وكى جى وان وبصراحة احنا ما شفناش منها حاجة وحشة
المدرسة بتهتم بجميع الجوانب لحياة الطفل
تعليميآ
مهتمين جدآ باللغة "الانجلش" وبيدرسولهم بطريقة جولى فونكس انا كان ابنى الكبير فى امريكان وماحستش ان فى فرق بين طريقة تدريسهم فى تاجان عن ما كان ابنى

العربى برضه مهتمين جدآ بيه وكل الولاد بيتكلمو لغة عربية فى حصة العربى زى برضه ما بيتكلمو انجلش فى حصة الانجلش
اما العلوم الشرعية والقرآن ما شاء الله بيرجعوا حافظين وعارفين حاجات كتير عن السنة والرسول صلى الله عليه وسلم وعارفين ازاى يحببوهم فيه ويحكولهم كان بيعامل الاطفال ازاى وكده

من الآخر انا مالاقتش مكان أآمن فيه على بناتى زى تاجان
معاملتهم للاطفال ممتازة وايضآ لأولياء الامور وبيستجيبو للشكاوى

طبعآ كان فى اختلاف كبير السنة دى عن الى فاتت بسبب زيادة العدد جدآآآ فى اول السنة لكن هما عرفو يعدو الازمة دى ويرجعو لمستواهم تانى
واشكاوى كانت فى حاجات انا من وجهة نظرى مش مؤثرة زى لون اليونيفورم وشكاوى من الباصات وصحيح كان فى شكاوى من حاجات زى مدرسة مشيت وكده لكن دى بنلاقيها فى كل المدارس

ايه تانى اممم آه المدرسة نضيفة جدآآآ والمبانى على مستوى عالى الفصول كلها مكيفة وفى كى جى وان وبرى كى فصولهم فيها حمام

برضه فى ميزة انهم فى كى جى مش بيرهقو الولاد فى الواجبات مفيش غير حاجه بسيطة آخر الاسبوع وانتى بيجيلك آخر الاسبوع ريبورت بالى أخدوه تراجعيه مع ابنك ولو حاجه مش عارفها تكتبى للمدرسة وهى تعرفهاله

فى ابتدائى الشغل فيها بيزيد لكن برضه لو ابنك مش عارف يحل اى حاجه بتبعتى للمدرسة

بس يا ستى ده كل الى فى بالى ولو عندك اى سؤال انا فى الخدمة يا قمر

صحيح عايزة اقولك انى ماكنتش بدور على ازهرى خالص لكن انا قدمت لهم فى تاجان عشان هى تاجان مش عشان ازهرى

ماشى ي قمر الف الف شكر تقرير هاااااااااااااايل

ربنا يجازيكى خير انا ان شاء الله ناوية اروح اقدم النهاردة

كتبت بواسطة Om Ziad

الموضوع ده بيرجع للبنت والمدرسة بمعنى ان فى بنات صغيرين فى السن لكن تفكيرهم اكبر والعكس
وفى مدارس بتهتم بالبرى كى وفى لأ

انا رأيي لو جنبك حضانة كويسة وانتى واثقة فيها انها هاتضيف لابنك كتير تعليميآ وماشيين بمنهج وبيهتموا بالطفل يبقى خليها فيها افضل ولو لأ يبقى المدرسة احسن

انا عن نفسى جربت البرى كى وبنتى استفادت كتير منه ومن ناحية تانية بنتى الكبيرة دخلت كى جى وان وهى ماتعرفش حتى الحروف وما شاء الله استجابت للمدرسة وبقت ممتازة وما اثرش فيها ابدآ انها دخلت على طول على الكى جى

و الله الحمد لله بنتى ذكية بس انا خايفة ان الحضانة متبقاش زى المدرسة من حيث النظام يعنى و كمان قلت علشان تتعود على المدرسة و تعمل اصحاب و تطلع معاهم الكى جى على العموم ربنا يسهل

كتبت بواسطة sadina

في مدارس ذكرتوها واعرف بعض الاشياء عنها وان شاء الله تستفيدوا..
بالنسبة لمدرسة الفارابي في التجمع وحشة جداااااااااا
بحس وانا معدية من جنبها اني في قصر الاشباح..وتقريبا فاضية يعني الطلاب فيها عددهم قليل جدا..وقريبة لينا كانت عاوزة تقدم لولادها راحتها وتقريبا لما شافتها من جوا بتقلي هربت من اللي شفته..مش منظمة ابدا...
بالنسبة لمدرسة نيو اوريزن هي طبعا ممتازة جدا جدا جدا لكن من ناحية الدين فريييييييييييي جدا..اعرف ناس فيها ولا اوروبا
فيكتوريا كولدج مش قوية بالانجليش ابدااااااااا...
العروبة في المعادي اللي عاوز مصاريف معقولة..مدرسة منظمة وحلوة جدا والانجليش حلو جداااا..
بالنسبة لدخول الطفل بري سكول بيفرق معاهم جدا جدا في كجي1 وبيكونوا اقوى بكتير عشان بيتعودوا على النظام وبياخدوا كل حاجة لكن اورال وده بيخليهم يكتسبوا حاجات كتيرة جدا...

انا بردة شايفة ان البرى سكول مهمة للطفل حاس انها تمهيد كويس لية و تريح اعصابة لانة مش مضغوط فى الكى جى

كتبت بواسطة hana omar

طيب يا بنات هي مدرسة غرياني دي مصاريفها اية واية رأيكم في مدرسة كمبريدج في التجمع

بصى يا قمر خالى بيدفع لابنة و بنتى الاتنين فى السنة 12 الف تقريبا" و هما فى اعدادى و ابتدائى بس لما سانا علشان اخوهم الصغير قد بنتى باليوم كانت البرى ك حوالى 6 الاف و شوية هما مش غالييتن يعنى فى المتوسط عامة الرينج كدة

كتبت بواسطة angie

المدرسة حلوة اوى بنات خالتى فيها و بيشكروا فيها اوى هى طبعا امريكان و قوية جداو المصاريف و كا حاجة عنها هناhttp://www.salahaldinschool.com/

جزاك الله خيرآ يا قمر
طيب ممكن كام سؤال عشان انا ناوية انقل ابنى الكبير <<هو فى امريكان فى البشاير حاليآ
عايزة اعرف هل المدرسة فيها تسيب والمدرسين مش بيعرفو يعملو كنترول على الولاد
والمناهج بيطبقوها وبيدرسوها صح ولا بيلغو منها
والعربى اخباره ايه مهتمين بيه؟ والدين فى صلاة وقرآن؟

معلش يا جميل دوشتك بس انا كنت خلاص هنقل فيها وواحدة اعرفها ماشكرتش فيها خالص وعايزة تحول ولادها

على فكرة يا بنات فى مدرسة اسمها البخارى هى ازهرى بس بيشكروا فيها جدآآ
برضه ابقو روحو شوفوها

كتبت بواسطة Om Ziad

على فكرة يا بنات فى مدرسة اسمها البخارى هى ازهرى بس بيشكروا فيها جدآآ
برضه ابقو روحو شوفوها

انا سمعت عنها بردة بس متعرفيش فين
و بعدين هو الازهرى دة تبقى البنت متدخلش غير جامعة الازهر صح و لا اية؟؟

السلام عليكم اية اخبار كل الامهات الحلوين انا عندى سوال دلوقتى انا ابنى المفروض اقدملة الدراسة اللى جاية ان شاء اللة وعايزة اقدملة فى غريانى والمصرية ان شاء اللة بس دلوقتى انا مدخلتوش السنة بيبى كلاس ولا حضانة لانى كنت خايفة علية من الانفلونزا بس دلوقتى طبعا هو مش عارف اى حاجة فى اى حاجة وكل الحاجات اللى خدها فى الحضانة السنة اللى فاتت طبعا نسيها تماما تفتكرو اية الحل لانى خايفة جدا من الانترفيو اللى هيتعمل فى اى مدرسة