و الله يا قر واحدة قالت انها سيئة جدا" فى تعاملها مع الطلاب و المشرفات و لا بيهمهم و بنتها كل يوم ترجع مضروبة و كانت حتنقلها من الدرسةكتبت بواسطة hana omar
|
للبحث في شبكة لكِ النسائية:
|
عضو نشيط
و الله يا قر واحدة قالت انها سيئة جدا" فى تعاملها مع الطلاب و المشرفات و لا بيهمهم و بنتها كل يوم ترجع مضروبة و كانت حتنقلها من الدرسة
عضو نشيط
الواحة زى ما قلت فى الرد اللى فات
غريانى ولاد خالى لزم فيها و مراتة بتشكر فيها جدا" جدا" و بتقول هى زى الشويفات بالظبط فى نظامها
تاجان بيقولوا هايلة و هى دى اللى استقريت عليها ان شاء الله
الاندلس بيقولوا بردة كويسة جدا" و بردة حاطاها فى حسبانى
نيو هورايزون معرفهاش بصراحة
المصرية اسمع انها كويسة بردة
نيحة منى خليكى فى الازهرى لانها الوحيدة اللى مش بيدرسوا موسيقةى حتى الفاروق بتدرس موسيقى و دة غلط لان مش معقول الولاد ياخدوا موسيقى فى المدرسوة و اجى اقولهم انها حرام فى البيت و من ترك شيئا" لله ابدلة خيرا" منة
بصى تاجان حلوة بس صاريفها للبرى 7250 و الكى جى 9000 و شوية
الاندلس 5500 تقريبا" للبرى و 7000 و شوية بردة للكى جى
عضو نشيط
يا جماعة انا محتارة قوى بنتى اول اكتوبر تبقى تلات سنين و نص الا 14 يوم فحاطر ادخلها برى سكول بدل كى جى بس جوزى بيقولى خلاص خليها للسنة اللى جاية بس انا شايفة انها تدخل و تطلع مع اصحابها كدة احسن و كمان علشان متبقاش متاخرة عنهم فى الكى جى و تحبط اية رايكم؟
و اللى اولادها برى ك اية النظام؟
عضو نشيط
أناناسة ازيك بصى انا عمر الايفليوشين بتاعة كاتبين كل حاجة مهارات الاستماع و القراءه و الكتابه و التعامل مع زملاءة و مدرسية و كل حاجة ارجعى لمدرسة الكلاس و اسأليها
عضو جديد
حبيبتى انا ارشحلك من المدارس دى تاجان لو عايزة ازهرى وغريانى لو ناشونال بيشكروا جدآ فى غرياننى وبيقولو مستواها احسن كل سنة انا رحتها السنة الى فاتت عجبتنى بس هى مش بتفصل تمامآ بين الولاد والبنات يعنى كانو مع بعض فى البريك بس غيرو النظام ده السنة دى ولا لأ
ماتنسيش برضه تعملى استخارة وربنا يوفقك يارب
عضو نشيط
بصي يا أية أنا دخلت أجياد ونة بدور على مدرسة لبنتي دخلنا من الباب مكنش فيه حد وإف ودخلنا جوا المدرسة لا حد قلنا رايحين فين ولا عايزين إيه و بعدين جيت أدخل بنتي الحمام لات الددوات فارشين في الأرض بفول و طعمية و بطاطس و بياكلو مش عرفة مرتحتلهش خالص
new horizon ممتازة بس مصاريفها معدية و بتاخد تبرع كبير و الأماكن محدودة جداً
المصرية بنتي فيها و مرتاحة جداً بس هما مش مهتمين بالدين أوي
غرياني أسمع برد انها كويسة و بيهتم بالدين أكتر من المصرية بس تعليمياً أعتقد المصرية أقوى
الواحة سمعت عنها من مدرسة بنتي في الحضانة شكرت فيها أوي بس لأن الإقبال عليها كبير ملحقتش أقدم فيها
عضو جديد
ماشى يا جميل هاقر واعترف اههايوة انااا
بصى قوليلى اية رايك فيها و فى تعامل المدرسات مع الطلبة و مستوى الدراسة و النضافة و اى ملاحظات عندك
و اية اللى خلاكى تختاريها؟؟
اعترفى يلا
بصى يا ستى انا بناتى من اول مافتحت تاجان وهما فيها من السنة الى فاتت يعنى
وهما كانو برى كى جى وكى جى وان وبصراحة احنا ما شفناش منها حاجة وحشة
المدرسة بتهتم بجميع الجوانب لحياة الطفل
تعليميآ
مهتمين جدآ باللغة "الانجلش" وبيدرسولهم بطريقة جولى فونكس انا كان ابنى الكبير فى امريكان وماحستش ان فى فرق بين طريقة تدريسهم فى تاجان عن ما كان ابنى
العربى برضه مهتمين جدآ بيه وكل الولاد بيتكلمو لغة عربية فى حصة العربى زى برضه ما بيتكلمو انجلش فى حصة الانجلش
اما العلوم الشرعية والقرآن ما شاء الله بيرجعوا حافظين وعارفين حاجات كتير عن السنة والرسول صلى الله عليه وسلم وعارفين ازاى يحببوهم فيه ويحكولهم كان بيعامل الاطفال ازاى وكده
من الآخر انا مالاقتش مكان أآمن فيه على بناتى زى تاجان
معاملتهم للاطفال ممتازة وايضآ لأولياء الامور وبيستجيبو للشكاوى
طبعآ كان فى اختلاف كبير السنة دى عن الى فاتت بسبب زيادة العدد جدآآآ فى اول السنة لكن هما عرفو يعدو الازمة دى ويرجعو لمستواهم تانى
واشكاوى كانت فى حاجات انا من وجهة نظرى مش مؤثرة زى لون اليونيفورم وشكاوى من الباصات وصحيح كان فى شكاوى من حاجات زى مدرسة مشيت وكده لكن دى بنلاقيها فى كل المدارس
ايه تانى اممم آه المدرسة نضيفة جدآآآ والمبانى على مستوى عالى الفصول كلها مكيفة وفى كى جى وان وبرى كى فصولهم فيها حمام
برضه فى ميزة انهم فى كى جى مش بيرهقو الولاد فى الواجبات مفيش غير حاجه بسيطة آخر الاسبوع وانتى بيجيلك آخر الاسبوع ريبورت بالى أخدوه تراجعيه مع ابنك ولو حاجه مش عارفها تكتبى للمدرسة وهى تعرفهاله
فى ابتدائى الشغل فيها بيزيد لكن برضه لو ابنك مش عارف يحل اى حاجه بتبعتى للمدرسة
بس يا ستى ده كل الى فى بالى ولو عندك اى سؤال انا فى الخدمة يا قمر
صحيح عايزة اقولك انى ماكنتش بدور على ازهرى خالص لكن انا قدمت لهم فى تاجان عشان هى تاجان مش عشان ازهرى
عضو جديد
الموضوع ده بيرجع للبنت والمدرسة بمعنى ان فى بنات صغيرين فى السن لكن تفكيرهم اكبر والعكس
وفى مدارس بتهتم بالبرى كى وفى لأ
انا رأيي لو جنبك حضانة كويسة وانتى واثقة فيها انها هاتضيف لابنك كتير تعليميآ وماشيين بمنهج وبيهتموا بالطفل يبقى خليها فيها افضل ولو لأ يبقى المدرسة احسن
انا عن نفسى جربت البرى كى وبنتى استفادت كتير منه ومن ناحية تانية بنتى الكبيرة دخلت كى جى وان وهى ماتعرفش حتى الحروف وما شاء الله استجابت للمدرسة وبقت ممتازة وما اثرش فيها ابدآ انها دخلت على طول على الكى جى
النجم البرونزي
في مدارس ذكرتوها واعرف بعض الاشياء عنها وان شاء الله تستفيدوا..
بالنسبة لمدرسة الفارابي في التجمع وحشة جداااااااااا
بحس وانا معدية من جنبها اني في قصر الاشباح..وتقريبا فاضية يعني الطلاب فيها عددهم قليل جدا..وقريبة لينا كانت عاوزة تقدم لولادها راحتها وتقريبا لما شافتها من جوا بتقلي هربت من اللي شفته..مش منظمة ابدا...
بالنسبة لمدرسة نيو اوريزن هي طبعا ممتازة جدا جدا جدا لكن من ناحية الدين فريييييييييييي جدا..اعرف ناس فيها ولا اوروبا
فيكتوريا كولدج مش قوية بالانجليش ابدااااااااا...
العروبة في المعادي اللي عاوز مصاريف معقولة..مدرسة منظمة وحلوة جدا والانجليش حلو جداااا..
بالنسبة لدخول الطفل بري سكول بيفرق معاهم جدا جدا في كجي1 وبيكونوا اقوى بكتير عشان بيتعودوا على النظام وبياخدوا كل حاجة لكن اورال وده بيخليهم يكتسبوا حاجات كتيرة جدا...
عضو جديد
طيب يا بنات هي مدرسة غرياني دي مصاريفها اية واية رأيكم في مدرسة كمبريدج في التجمع
أعضاء قرؤوا هذا الموضوع: 0
الروابط المفضلة