ياجماعة للمعرفة بس عايزه اعرف هى المدارس اللى بتاخد سن 6 سنين يتدخل الولاد سنه كام؟؟؟؟؟؟؟؟
KG1 ?????????

كتبت بواسطة shaimaa 78

ياجماعة للمعرفة بس عايزه اعرف هى المدارس اللى بتاخد سن 6 سنين يتدخل الولاد سنه كام؟؟؟؟؟؟؟؟
KG1 ?????????

المدارس اللي بتاخد 6 سنين يعني كي جي 1 = 6 سنين

و هي زهران و السيكرت هارت و اعتقد النجار

بس مش شرط سته بالظبط ممكن خمسه و 9 شهور او 7 شهور

تقريبا بس الاولويه للسن

و بالنسبه لزهران الاولويه للمستوى الاجتماعي للاهل و بعدين السن

يعني كمان ليهم شروط و لو ليكي واسطه يكون احسن بس برضو السن كبير

اتمنى اكون افدتك

كتبت بواسطة shaimaa 78

وبالنسبه للمسافه انا تغاضيت عنها مدام المدرسة كويسه وابنى هيستفيد منها
انا ساكنه فى سموحه ومدرسة ابنى فى العصافره قبلى عند الطريق الدولى جنب مدارس القدس
مش مشكله المسافه ...

هاي شيماء انا الصراحه مش من مؤيدي موضوع بعد المدرسه و عن تجربه

و دا ردي علي رانو يمكن يفيدك

تحياتي يا قمر

كتبت بواسطة راندا صالح

هاي رانو

ميرسي علي ردك في موضوعي

بس نصيحه متفكريش تودي بنوتك ( ربنا يخليهالك ) مدرسة بعيده

انا اصلا ولادي في مدرسه سان فنسان دي بول قسم انجليزي

الصراحه المدرسه فوق الممتازه و اهتمامهم بالاولاد راااااائع و التعليم ممتاز

و طبعا معروف مدارس الراهبات و تعليمها و التزامها

مشكلتي هي ان المدرسه بعيده

شوفي يا ستي ولادي بيصحوا 6 الصبح الباص بيجي الساعه 7 الصبح الولاد بيرجعوا الساعه 4 الظهر

تخيلي من 6 الصبح ل 4 الضهر يادوب يرجعوا يتغدوا و بيعملوا الواجبات و هما بينامو

غير اني لاقيت انهم بياخدوا حاجات صعبه علي سنهم

بس الحمد لله المدرسه تمام و الولاد مش بيتعبوني في المذاكره

بس و هما في كي جي ومفيش وقت للمذاكره اومال في ابتدائي هعمل ايه

عشان كده عايزه انقل لزهران و زي ما كتبت في موضوعي انا شوفت امثله حيه لولاد زي الفل يفرحوا بمجاميعهم ومستواهم الاخلاقي و اهاليهم بيشكروا جدااا في المدرسه بس عايزه اعرف الوضع الحالي للمدرسة

خصوصا كثافه الفصول انا سمعت انها مش بتزيد عن 30 بس حابه اتاكد

دا غير طبعا عشان احول لزهران محتاجه واسطه و مش اي واسطه (فهماني طبعا )

و بالنسبه للسيكرت هارت طبعا فوق الممتازه و بفكر ان ادخل بنتي فيها لو منفعش زهران

ومفيش وسايط فيها ولا حاجه انما بتاخد سن 6 سنين زي زهران

ربنا يوفقك و تلاقي مدرسه كويسه بس نصيحه وعن تجربه

بلاش المدارس البعيده حاولي تقربي قدر المستطاع

هاى ليكم كلكم وحشتونىىىىى
شوفى يا رانو احنا مشكلتنا فى سموحه ان المدارس قليله واحنا بنحسد كل اللى فى سيدى بشر والعصافره وميامى لقربهم من مدارس متميزه وكمان عندكم مدارس كويسه وباسعار قليله زى الرحمن وطيبه
لكن فى سموحه ما فيش غير زهران ومصطفى النجار
وعلى فكره انا معلوماتى ودى من موقع وزاره التربيه والتعليم انك فى التنسيق لازم تكتبى المدارس التجريبيه اللى تبع موقعك الجغرافى وبعد كده تكتبى الباقى
وكذلك المعاهد القوميه ودى تنسيق لوحده
وربنا يوفقك للى فيه الخير

انا متشكره جدا جدا على كل الصديقات الى ردوا عليا وربنا يخليكم ليا . انا عايزه برده اعرف اسعار المدارس ديه باليونيفورم والبص واذا كانت كويسه ولا لأ وياريت تفودونى زى ما فدتونى فى اسألتى الى فاتت مدرسه طيبه ومدرسه المصريه الانجليزيه ورويالتى وتيمور ومرسى ليكم جدا

هاى راندا ...
شكرا على النصيحه بس هانعمل ايه انا المدرسة اللى مناسبه ليه ماديا ومستواها التعليمى كويس ........
وقبلت ابنى KG1 سنيين4 وهو ناقص شهرين ...
تفتكر ى استنى على ابنى سنه او سنتين عشان ادخلوا مدرسة قريبه وضيع عليه السنين دى كلها ولا اتغاضا عن المسافه ...
ده كان رأيى...

كتبت بواسطة shaimaa 78

هاى راندا ...
شكرا على النصيحه بس هانعمل ايه انا المدرسة اللى مناسبه ليه ماديا ومستواها التعليمى كويس ........
وقبلت ابنى KG1 سنيين4 وهو ناقص شهرين ...
تفتكر ى استنى على ابنى سنه او سنتين عشان ادخلوا مدرسة قريبه وضيع عليه السنين دى كلها ولا اتغاضا عن المسافه ...
ده كان رأيى...

هاي شيماء

ادخلي موضوعي اللي في توقيعي

لان انا و هناء كنا بنتناقش في النقطه دي

و ان شاء الله نلاقي حل في الموضوع ده

ياجماعه الى يعرف اى معلومه عن المدارس ديه ياريت يقولى عليها عن مصارفها - مستوى التعليم فيها ياريت اى معلومه الله يخليكم مدرسه بريليانس-طيبه لغات وليس براعم طيبه- المصريه الانجليزيه- تيمور-رويالتى وانا معلش زهقتكم معايا فعذرونى . انا فى انتظاركم

حبيبى حبايب المنتدى انتم فين محدش رد عليا خالص رحتم فين زهقتم من الكلام على المدارس بصراخه عندكم حق بس هنعمل ايه معلش اصبروا علينا شويه لان الموضوع مش هين وربنا يوفقكم جميعا ويعملكم الى فيه الخير يارب

السلام عليكم رانو
انا كنت زيك ولفيت على كل المدارس ويارب اساعدك

1-م.اسكندرية مستوى التعليم والمدرسة ممتاز مصروفات تقريبا بكل حاجة 8000ج

2-م رويالتى لسة جديدة متوسطة م 5000ج

3-م الليدر نفس الكلام

4- القدس تحفة فى كل حاجة م.7500ج

5- فرونتيرز عادى م.7500

6- بايونيرز مستوى ممتاز م8000ج

7-طيبة عادية جدا م.5000ج

8-بيرلانس كويسة انا قدمت لابنى فيها 4500ج

9-كلية ميامى عادى م.4000ج

10- تيمور ممتازة م.7000ج

11- المصرية الانجليزية ممتازة م7500ج

12-دار السلام عادى 4500ج

وفى سان فنسان ميامى وفى برينسيس

والمصروفات دى تقريبا لكن الرقم الاكيد لما اروح اسالى عن المدرسة وانا اقولك التفاصيل بالضبط واى سؤال انا فى الخدمة .