ومدرسة معالى السلام اللى جنب قصر القويرى ف الهانوقيل دى كويسة جدا قريبتى بتشتغل فيها وهى مالهاش فرع تانى وفى مدارس تانية اسمها معالى السيوف دى لها فرع تانى فى معالى الناصرية دى ف العامرية ودول تبع بع ض هما دول معالى اللى اعرفهم

يا دوودو
ياترى تعرفى كثافه الفصول فى الفراعنه كام

السلام عليكم ورحمه الله
جزاك الله كل خير يا اخت دودو على المعلومات
و تقريبا كده كل المدارس الخاصه الرخيصه فى وسط البلد متقاربه المستوي ومش فارقه
طب متعرفيش بالنسبه لمدرسه سيدى جابر تقبل تحويل فى الكج 2 ولا لازم نكون معاهم من البلاى لان انا ملحقتش التقديم فيها السنه دى
والسلام عليكم ورحمه الله

السلام عليكم ورحمة الله،
أنا اولادى فى مدرسة منار المعمورة للغات. المدرسة من المدارس الواعدة فى الأسكندرية خصوصا مع وجود الأدارة الجديدة وتحديث القسم الثانوى وبدء العمل بالدبلومة الأمريكية. المصاريف لا تتعدى 3500 جنيه لل KG وهو مبلغ بسيط بالمقارنة للمستوى العلمى الممتاز للمدرسة. الذى يعجبنى فى المدرسة هو تفاعلهم مع اولياء الأمور وابلاغ ملاحظتهم للمدرسين وهذا عكس ما يحدث فى المدارس القومية التى شعارها المدرس دائما على حق. انا انصح من لديه ميزانية محدودة ويريد مدرسة لغات بمستوى المصرية الأمريكية والأسكندرية للغات وتماثلهم فى المستوى العلمى بمدرسة منار المعمورة.
والسلام عليكم ورحمة الله وبركاته.

السلام عليكم اسم منهج مدرسة الاقبال القوميه للغات فرع الدائري poctes البوكتس ومصاريف المدرسه 2500+650 الباص بدون يونيفورم اي سوال عن الاقبال لان ابني فيها

السلام عليكم الاخت جى جى57 هى كثافة الفصل كام بالنسبه للاقبال بس المصاريف لما رحت فرع لوران عرفت انه عربى1700و انجليزى2300والباص500لاى من حتى الدائرى مش عارفه دا صح ولا لا طب والمستوى التعليمى ايه بالظبط وشكرا لك

اهلا بيكى با ام يارا وياسمين
عندى كام سؤال كثافه الفصول كام فى مناره المعموره فى الكجى والابتدائى
وايه المنهج اللى بيدرسوه وياترى اولادك فى سنه كام دلوقت
زوووزا
ازيك عامله ايه انا بالصدفه كنت باتكلم مع جاره لى وعرفت منها انها كانت بتشتغل فتره فى البلاى اسكول بتاع سيدى جابر اللى فىسموحه وقالت لى انهم حتى لو باب التقديم اتقفل بياخدو برضه يا بواسطه او انك تدفعى تبرع للمدرسه ده غير التامين طبعا وقالت لى ان كان فيه اولاد بيدخلوا والدراسه شغاله حتى السن مش مشكله المهم الواسطه والفلوس
وعرفت منها برضه انهم بياخدو تحويلات بس لو برضه عندك واسطه كبيره او حتدفعى تبرع كبيير
ربنا يوفقك للى فيه الخير اللهم امين

انا عملت بحث فى جوجل عن مدرسه مناره المعموره للغات ولاقيت موقع اسمه ابو العريف مكتوب فيه بيانات المدرسه وتعليقات على المدرسه لاقيتها كلها بتدين المدرسه وكل التعليقات مكتوبه السنه اللى فاتت والسنه دى واخرها تعليق بتارخ الشهر ده
ياريت يا ام يارا وياسمين تقراى التعليقات دى وتقولى لنا رايك فيها ايه
وجزاكى الله كل خير عننا

السلام عليكم ورحمه الله
اهلا بيك يا اخت ام يارا معانا
هناء معرفش اشكرك ازاى على المعلومات اللى قلتيها لى ربنا يجزيك خير وربنا يارب يجازي خير كل اللى اعطى فى هذا المنتدى معلومه حد استفاد منها
بقولك ايه رايك انا حخلى مدرسه سيدي جابر ا ش الله احتياطى للتنسيق لحد ما نشوف حنعمل فيه ايه والتبرع والتامين نعتبرهم كانهم مصاريف سنتين زياده طالما مفيش مدارس خاصه تانيه عارفين نستقر عليها ولا انت شايفه ايه
بس ياريت حد يقولى المصاريف بالضبط بالباص واليونيفورم لو يعرف
كنت عايزه اقولك مدرسه منار المعموره مكانها فى طريق الكليه البحريه بعد المعموره صراحه بعيد اوي لو انت ناويه على خاص السنه دى شوفى حكايه سيدى جابر دى بس طبعا لو الظروف الماديه تسمح ربنا يهديك ويهدينا للخير يارب
والسلام عليكم ورحمه الله

زووزا
للاسف انا امكانياتى لا تسمح بالتبرع واالتامين
وعلى فكره انا باكلم عن سيدى جابر اللى فى سموحه مش اللى فى الدائرى
وهى بتاخد تامين 5000 جنيه والمصاريف 3000 والبلاى اسكول موجود عند جامع حاتم والكجى فى سيدى جابر الشيخ ومن ابتدائى الى ئانوى فى سموحه وعلى فكره مدرسه البنات كويسه جدا اما مدرسه البنيين فهى سيئه جدا وده طبعا فرق الاداره
دى كل المعلومات اللى اعرفها عنها