هاى شيماء هاى ام بيجاد
انا باضم صوتى لصوت شيماء وياريت حد يقدر يفدينا على مدرسه ليدرز كده المدرستين تقريبا نفس المصاريف ونفس المسافه المهم ايه الفرق بينهم من حيث الجوده
وسؤال لك يا ام بيجاد انتى بتقولى بيدرسوا المانى من جينيور 2 وتقريبا الفرنسى من جنيور 4 انا مش فاهمه يعنى هم بيدرسوا اللغتين الفرنس والالمانى ولا بنختار لغه منهم تكون اللغه التانيه بعد الانجليزى

ياجماعة ساعدونا ارجوكم ..... معقولة مفيش حد من اسكندرية عنده معلومة

هاى هناء لسة مدرسة ليدرز متصلة بية عشان الحفلة السنوية يوم 24\4
ومفروض اروح يوم الاحد او الثلاثاء عشان اخد الدعوات وابنى يعمل مقابلة بس عايزين فلوس عشان المقابله
والنهارده كنا بنعمل مقابله فى مدرسة دلتا اللى فى السيوف وكان معايا ابنى ومديرها كان مش ظريف معانا مع انها تانى مقابلة .... وشكرت وحمدت ربنا ان الموضوع مكملش عشان ماكنتش مستريحة وامبارح صليت استخارة ... الحمدللة
وجوزى بعد المقابلة خيرنى قالى يا اما تدخلية ليدرز يا اما تقعدية سنة فى البيت وتكون كل الفرص متاحة السنة اللى جاية
قوليلى رأيك ...... انا محتارة

انا من رائى تدخليه ليدرز السنه دى وتبقى تجربه لو حسيتى ان كله تمام يبقى تكملى فيها ولو ما ارتحتيش حيكون قدامك فرصه تانيه انك تقديمه له فى المدارس اللى بتاخد سن اكبر وبكده تكونى مسكتى العصايه من النص
لكن انا لسه مشكلتى ما اتحلتش لان زى ما قولت لك امكانياتى فى حدود 4000 فقط لكن باحاول انى اشوف طريقه ادبر بها امورى ولو ما لاقيتش حاستنى للسنه اللى جايه يكون كبر شويه والفرص كترت ومين عارف يمكن الوضع المادى يكون افضل وادخله اللى نفسى فيه
ياريت لما تروحى ليدرز لحضور الحفله تبقى تقولى لى رايك النهائى ايه

هاى هناء
ان شاء الله هاروح الحفلة وهقولك الاخبار كلها ... وربنا يعمل اللى فيه الخير

لا هما بيدرسوا اللغتين على ما أظن وهسالك برضوا علشان التأكيد

لامانة يا بنات انا زعلانة جدا من السفر
لاني تركت المدرسة بجد حلوة اوي و احنا هنا اللي حيرتنا حيرة
ربنا المستعان
زي ما قالتلككم و قالت الاخت ام بيجاد روحو وفو المدرسة على الطبيعة و شوفو المسافة
عملي
واتعرفو بالمدرسات حاليا قبل الامتحانات و مش حتلاقوا غير الادارة فقط
حتعجبكم
كتيررر
انا قبل ما دخل بنتي لفيت كتير بس عجبني جو التعامل في زهراء اوي
و لما دخلت عجبني جدا المتابعة معاهم و التشجيع لطفل
اعملو زيارة للمدارس كدة وبالتوفيق

ممكن تروحو سوا يا هنا انتي و شيماء اهو تدو رايكم لبعض على الطبيعة
ابقو طمنونا

ان شاء الله يا نسائم حائرة هاروح واشوف على الطبيعة
واكييد هقولكوا انطباعى ....... وشكرا ليكى انتى وام بيجاد على مساعدتكم
ودعواتكم ليا انا وهناء ولكل ام .... ربنا يهدينا للصواب

ربنا يبارك فيك نسائم الروح وربنا يرجعك بالسلامة اللهم آمين

شيماء وهناء يارب يوفقكم لكل خير وأحسن مدرسة لأبنائكم ويارب تشفوهم من علماء المسلمين

ام بيجاد ونسائم حائره
جزاكم الله كل خير على مشاركتكم معانا
وربنا يوفقنا جميعا للى فيه الخير لاولادنا تقبلو تحياتى وشكرى