اهلا بيكى يا سلمى
ياريت علشان احنا فعلا محتارين احنا عايزين مدارس فى حدود ال 3000 ومستواها معقول واهم حاجه الاخلاق فلو ممكن وما فيهاش ازعاج ليكى انك ترتيبى لنا المدارس من وجهه نظرك
امدارس التجريبيه المعاهد القوميه المدارس الخاصه ياريت تحددى لنا فى كل فئه المدارس الكويسه علشان تسهلى علينا الاختيار
وسؤال محيرنى انه الافضل مدرسه سيدى جابر اللى فى سموحه ولا محمد كريم
ماعلش اسئلتى كتييره استحملينى
وجزاكى الله كل خير

اهلا بيكم يا جماعه انا اول مرة اشترك معاكم وسعيدة بكدة. عاوزة ادخل اولادى مدرسة مشتركة علشان هما بنت وولد لو حد يعرف اى تفاصيل عن مدرسة الشمس المشرقة بليييييز يقولى

مدرسة معالى السلام لها فروع كتير مش فرع العجمى بس مثلا لها فرع فى سيدى بشر

السلام عليكم ورحمه الله
شكرا جزيلا الاخت سلمى على المعلومات القيمه ربنا يبارك لك
على فكره القوميه اللى فى ش فؤاد انا سمعت انها كويسه وفى الموقع بتاعها عالنت نظامها حلو بس للاسف انا شايلاها من دماغى خالص عشان مصاريفها تعدى 7000 بكتير

الاخت جوجو اهلا بيك معانا
اعتقد انك تقصدى معالى الاسلام مش السلام والله اعلم هى اللى لها فرع فى سيدي بش

بصى يا هناء المدارس الخاصه اللى مكتوبه فى الدليل عندى فى منطقه شرق ووسط الاتى
شرق: القلب المقدس- نهضه مصر -جلال قريطم--سموحه مشترك--جناكليس القوميه مشترك--الزهراء مشترك--الرياده-- تيمور--برج السلام--دار اللغات--مصر الحديثه--سيدى جابر زنانيري--فاروس لغات--نوتردام--جيرار

وسط:محرم بك الخاصه الجديده--الشمس المشرقه-- دار الحكمه بنين --دار الحكمه بنات--المرقسيه الخاصه-- القوميه لغات--النجاح مشترك--خالد بن الوليد مشترك--المصريه الامريكيه--سيدي جابر لغات بالدائري--راهبات الفرنسيسكان--المير د دي-- سان جوزيف-- سان جبرائيل--سانت جان انتيد-- سان مارك
والمدارس دى من دليل 2007-2008 لو الاخت ام بوسبوس عندها حاجه زياده ياريت تكتبها

اخيرا يا بنات حشارك معاكو
السلام ع الجميع
بالنسبة لمدرسة الفراعنة علشان انا روحت فيها تعامل الناظر كويس ومنهج ماك ميلاون بيخدو بلاى من 3 ف اكتوبر اللى جاى وقال الناظر انه حياخد مثلا ف كى جى 1 80 طفل منهم 30 من البلا ى بتعهم والباقى من الاولاد الى حيقدموا من التنسيق يعنى كده كده حينقل عادى كى جى بس طبعا لما يجى معياد التقديم حتسحبى ملف وتحطى اول رغبة المدرسة وهى اوتوماتك حتقبل

ونسيت اقول انى سالته عن السن اللى حيقفل علية قال لى ع 4 و7 او 8 شهور وسمعت كمان ان مدرسة المنا ر ف محطة الرمل تحفة وهى بنات بس ولحد ثانوى وهى من الكى جى ومصاريف من 2500 او اكثر 200 وبيقولوا انهم قدموا للشئون الاجتماعية علشان يفتحوا بلاى من السنة اللى جاية بس مش عرفة ده اكيد او لا وان كان ممكن لان فى البلاى اللى فى مدرسة الفراعنة وكلية البنات ف زيزينيا وفى مدرسة سان جوزيف ف منشا ف محرم بك (دى فرنساوى) لسة فاتحين بلاى السنة دى بس دة معناه ان ممكن مدارس قومية تفتح بلاى وتاخد العيال من غير قرف التنسيق

اه وكمان فى مدرسة نوتر دام دى سيون ف جليم تانى شارع قبل سنترال جليم عند محل مليون بتاع الهدوم وسالت فيها وهى راهباتبتاخد بلاى برضة من سن 3 فاكتوبر بس مصاريف حواللى 1500 للبلاى والكى جى والباقى حوالى 2500 غير يونيى فورم بس قالوا لى حتاخد هم بتوع البلاى ف كى جى بس ف كذا ولى امر سالتهم شكروا فيها جدا وهى بنات بس وفرنساوى لحد ثانوى وفيها قسم عربى بياخد انجليزى اضافى لحد 6 ابتدائى وبعد كة بيطلعوا يكملوا اعدادى وثانوى ف مدرسة اسمها القومية مش عرفة تقريبا ف قكتوريا او قبلها

واللى بتسال ع مدرسة الشمش المشرقة دى ف قناة السويس وبتاخد كى جى من 3ونص تقريبا ومصاريفة حوالى 3500 غير يونيى فورم وباص وبيقولوا عادية وهى لغات ومدرسة النجاج دى للى ساكن ف محرم بك ف شارع جرين ف ظهر بنك مصر والتامينات بس ممكن اروح اسالكم واقول للعايز ودار الحكمة دى بيقولوا كويسة بس دى فى اخر شارع اسكندرانى وتقاطعة مع عرفان بس معرفش عنها حاجة تانى