يا جماعه مدرسه الاقبال القوميه اللي في الدائري دي كويسه والاخوات الفاضلات ممكن يروحوا ويتاكدوا
الاخت شيماء وكل الاخوات المشاركات : النهارده انا روحت لفيت مره اخرى على كام مدرسه اولها كانت مدرسه اسمها gateway دي في سموحه في شارع ادمون فريمون لو حد عارفه ملاحظاتي كالاتي:
المدرسه نظيفه جدا جدا وتحسي ان مستوى المدرسه فعلا عالي لكن المدرسه تحت الانشاء
التدريس يكون المنهج الناشيونال العادي ولكن على ايدي مدرسات اجنبيات
المقر ده مؤقت والسنه الجايه حتنقل الى منطقه ابيس
المصروفات كالاتي :3الاف جنيه مصروفات التسجيلregestration
6الاف جنيه مصروفات اساسيه شامله الكتب
1000 جنيه يونيفورم المدرسه ده على اساس انه اكيد فرساتشي او كريستيان ديور!
ده غير مصروفات الباص من 1000الى 1400 جنيه according to the distance
المدرسه مش ممكن قدري تكوني عنها فكره كامله على الرغم من ان المدرسه فعلا راقيه بكل معنى الكلمه بس انا ما ارتحتش ليها
بعد كده روحت مدرسه ليدرز مره اخرى مش عارفه ليه المدرسه دي معلقه معايا
ودي ملاحظاتي عليها :
اول لما دخلت لقيت المديره الاستاذه عزه يحى بتمر على المدرسه بالكامل ودي نقطه تحسب لها على الرغم من اننا في اخر السنه
ثانيا :بجد الست دي تحس انها عايزه تعمل مدرسه بجد بكل معنى الكلمه مهتمه بكافه التفاصيل في المدرسه وهي قويه الشخصيه جدا وده شئ مهم جدا لازم يتوفر في اداره المدرسه
ثالثا طلبت منها اعمل جوله في المدرسه مره اخرى وجدت المدرسه في منتهى النظام والمدرسات واجهة مشرفه للاطفال على فكره المدرسات لما روحت بيتكلموا مع بعض اساسا بالانجليزي ومدرسه البلاي سكول ممتازه في اللغه وبتكلم الاطفال بالنجليزي والغريبه ان الاطفال فاهمين وبيسمعوا الكلام انا باقول الكلام ده بناء على كلام الاخت شيماء انها كانت مش عاجباها ان المدرسه بتتكلم باعربي مع الاولاد بس يمكن كانت صدفه بس والله ياشيماء المدرسه انا متوقعالها مستقبل باهر لان فيها جميع مقومات النجاح : اداره حازمه منهج قوي في اللغه المدرسه مصروف عليها المدرسات انا حاسه انهم كفء واخر شئ المصروفات مناسبه جدا جدا
حتى الدادات انا حاولت ادي واحده بقشيش رفضت وقالت لي ده ممنوع
في كمان ملحوظه مهمه جدا ان المديره قالت لي ان من شروط الاتحاق بالمدرسه ان يكون احد الوالدين على الاقل جامعي وده شئ مهم
شيء اخير المديره قالت لي ان راح يكون في الصيف كورسات فونيكس للاولياء الامور وكورسات في اللغه حتى يتمكنوا من متابعه اولادهم في حاله عدم المامهم باللغه
اعتقد ان انا طولت بس بجد انا بانقل كل اللي حصل بكل امانه وشكرا

بصي يا اخت موني
انا راح اقولك احسن حضانه في اسكندريه من وجه نظري هي ترتلز ودي مشهوره جدا وهي تبع المدرسه المصريه الانجليزيه وبلاش تلفي كتيير لان انا لفيت من قبلك واستويت
وانا معاكي ان لو في طفل اخر في البيت انك ممكن توديه الحضانه ربنا يقويك
انا كمان عندي ثلاثه ومدوخنيي على الاخر ربنا يعيننا عليهم
وايسوؤال انا معاكي !

نسيت اقولك حاجه اوعي من حضانه اسمها توم اند جيري في سموحه وشكرا

معلش اشاوش هي فين الحضانة دية ص مشص تعرفى اى تفاصيل تانية عنها علشان انا الصبح ان شاء اللة حروح جولة حرة....و لكى الدعاء
يا رب يتقبل علشان الفجر الان

اسلام عليكم ورحمه الله
اولا الاخت اشاوش : احب اسالك هى مدرسه الاقبال اللى فى الدائري دى اولاد بس انا اعرف كده ولا فيها بنات عشان انا عندى بنوته
وسوال تانى معلش هى تبع مدرسه الاقبال الخاصه ولا تبع كليه الاقبال القوميه وهل هى تبع التنسيق وكمان سمعت انها عربي مش لغات
وجزاك الله كل خير يا رب

الاخت الكريمه bardes
جزاك الله كل خير على معلوماتك القيمه هى الصوره بدات تتضح شويه
معلش كان عندى سؤالين كمان
الاول بالنسبه للمعاهد القوميه زي اى جى سى والمنار ومحمد كريم و....... هل التقديم داخل المدرسه زي الخاص ولا تبع التنسيق اصل انا سالت السنه اللى فاتت فى اى جى سى وفهمت انهم تنسيق وهل لهم تنسيق منفصل عن الحكومى

ثانيا بالنسبه للتحويل من كلامك هو متاح الحمد لله يعنى ممكن الواحد لو جات له مدرسه بعيده او مستواها وحش يحول السنه اللى بعدها متميز بسهوله من كلامك ولا الموضوع مش سهل وخصوصا ان المتميز القريب منى زهران ومصطفى النجار وانا فاقده فيهم الامل
وانت ليه ما دخلتيهوش السنه اللى فاتت خاص على طول بدل التعب ده وهل الخاص الحمد لله متاح مهما كان السن (طبعا اقصد الخاص اللى اقل من 4000 ج ) وهل ممكن احول لاحد المعاهد القوميه السنه الجايه لو ما جاتش السنه دى ولا هى مقفوله برضه على اللى فيها زي المتميز
وجزاك الله كل الخير يارب وبارك لك فى اولادك

الاخت bardes
معلش ان انا بسال كتير اصل انا بره مصر ومعنديش الفرصه انى الف على المدارس واسال وعمه بنتى هى اللى حتقدم لها اش الله
وجزاك الله كل الخير يا رب

السلام عليكم ورحمه الله وبركاته
انا اتصلت النهارده بمدرسه بريليانس و قالوا ان الانترفيو هيبدا من يوم الخميس اللي جاي وهيبقى كل جميس ان شاء الله وهما هيتصلو بينا عشان يحددوا الموعد فأعتقد مفيش داعي للقلق وكل واحد هياخد نصيبه

السلام عليكم ..مدرسة بيرلانس ...اجمع.. يا جماعة انا اتصلت اليوم بالمدرسة وحددوا معايا ميعاد يوم الخميس ..بس دة للبلاى سكول ..فيريت تتصلوا وتسالوا ..لانى معتقدش انهم حيغرموا مكالمات لكل المتقدمين عندهم وطمنونى عملتوا اية ..وربنا يوفقنا جميعا.

السلام عليكم ..الاخت مونى انا لية تجربة مع موضوع الحضانة احبك تعرفيها ابنى كان عندة سنة ونص وكان مغلبنى ومرتبط بية اوى ففكرت في الحضانة وبدون مبالغة لفيت تقريبا اسبوعين ..لحدما استقريت على واحدة فى لوران ..وكانت بعيدة عنى لكن قلت استحمل عشان مستوى الاولاد فى الكلام والنظافة حلو.....المهم راح 4 ايام يومين منهم كنت قاعدة معاة..و3يوم سبتة بس ساعة ورابع يوم سبتة ووقفت عند باب الجاردن وكان فية خرم كدة اشوف منة الاطفالويارتنى ماشفت.........................ابنى طبعا مفلوق من العياط المس شيلاة على كتفها راسه تحت ورجلية فوق .......اكنها معلئا وواقفة تتكلم مع الس المسؤلة عن الحضانة .........اقسم باللة فتحت شنطة ابنى وطلعت الموزة والعصير اكلت وشربت ورمت الحاجة في اخر الجاردن...........طبعا انا صعقت ودخلت اخت ابنى ومشيت ومقدرتش اقول حاجة وكانت مصروفتها 270 لم تسترد طبعا ...اية رايك ......بس اليومين اللى فاتوا رحت حضانة اسمها تيمور فى سموحة دة البلاى بتاع المدرسة بتعتهم لو تسمعى المس وهى بتزعق للولاد وهم اصلا بسكوتات....قلتلها السلام عليكم ومشيت... ويارب يهدينا للخير.