السلام عليكم ---معلش اناعنديسؤال و عايزة حد يساعدنى زززانا بسال علي الحضانات فى الأسكندرية و مش عاارفة اسال فين ....انا عارفة ان سؤالى بعيد عن الموضوع شوية بس انا جديدة هنا و اول مرة اكتب فى المنتدى....اسفة مرة تانية

اهلا بالاخت مونى بالنسبه للحضانات طبعا لازم تكون قريبه منك قولى لنا انتى ساكنه فين واللى معاكى فى نفس المنطقه من المنتدى ممكن تفيدك واى خدمه

صباح الخير جميعا
انا لفت نظرى الموضوع وقريتة كلة من اولة لأخرة
وطبعا ربنا يكون فى عون كل الأمهات اللى لسة ما ستقرتيش على مدرسة لولادهم ...بجد فترة سخيفة ومحيرة ومقلقة
على العموم انا اولادى فى المصرية الأنجليزية واللى عايزة اى استشارة بخصوصها انا حاضرة

صباح الخير عليكم جميعا....
شكرا ليكى يا أم لينة على مداخلتك معانا واهلا بيكى وكلها شويه وتبدأى تدورى اصل السنين بتعدى بسرعة وربنا يخليلك بنتك
نورتينا يا mony dent بالنسبة للحضانات انا ابنى فى حضانة A B C فى سموحه وهى اكتر من ممتازه
نورتينا يا marolaa وان شاء الله تساعدينا وربنا معاكى يا BARDES وشوفى ليدرز يمكن ترتاحيلها وشوفى بريليانس
وربنا يخترلك الخير
شكرا ليكى يااشاوش على رأيك ومستنيه اعرف رأيك بعد متلفى تانى على
المدارس
رانيا انا اتصلت بمدرسة بريليانس على نمرة الموبايل 0188890131 قالولى انهم بدأو يعملوا مقابلات وانهم حطوا ولاد على الويتنج لست
قولتلها انتوا متصلتوش بيه ليه قالتلى احتمال يتصلوا ....... انا خايفة انهم يكونوا استكفوا لاننا ممليناش حتى ابليكيشن هما اخدوا اسمنا بس
لازم اروح بكره ان شاء الله وربنا يستر لانها اخر امل لية
روحى يا رانيا وشوفى اية الاخبار بنفسك عشان شكل التيلفون ما ينفعش

شيماء ما تخافيش توكلي على الله و ان شاء الله خير ...اظن انهم ممكن يتصلوا على اخر الاسبوع او اول الاسبوع الجاي ...اصل لما كتبت اسم ولادي كان فيه قدامي كتير ..و اكيد كل يوم بيعملوا 6-7 انترفيوهات بس علشان كدة اتاخروا علينا..
عموما حاولي تروحي بكرة لو تقدري وخدي ابنك معاكي يمكن يرضوا يعملوله المقابلة بالمرة بدل ما تروحي تاني

السلام عليكم جميعا...انا عايزة حضانة تكون في بولكلى يا ريت حد يفدنى
شكرا shimaa&hanaa علي الرد....اعتقد ان لو الحضانة بعيدة حيكون سعرها مع الباص كتير ولا ايه؟!!انا ابني عنده سنة و 8 شهور ..تفتكروا لسة صغير؟

الاخت موني
على فكره ابنك لسه صغي على الحضانه جدا انا اول ماوديت ابني الحضانه كان اد ابنك وكان بيروح ينام بس
السن المناسب من بعد السنتين ولو مالهاش لازمه بلاش توديه ووديه بلاي سكول احسن لم يكبر شويه

اصل انا عندي مشكلة هني عندي بيبي عندة 6 شهور و ده مخلي الكبير ما بينمش قبل الساعة 5 الفجر و ا خر لخبتة بقي في كل حاجة و شقاوة علي الأخر فا فكرت ان لحضانة ممكن تظبتلى المواضيع شوية ,,,,مشش ممكن؟!

السلام عليكم لكل الاخوات الكرام
واهلا بكل المشاركات الجدد
الاخت monydent بالنسبه للحضانات انا انصحك تنزلى المنطقه اللى انت ساكنه فيها وتلفى على كل الحضانات اللى جنبك وممكن تسالى بوابين العمارات بيبقو عارفين المنطقه كويس واهم حاجه انك نفسيتك تستريح للحضانه اللى تختاريها واهم حاجه النظافه لازم تشوفى عالطبيعه تروحى وقت الشغل بتاعهم تشوفى بيعاملوا الاطفال ازاى وتكون حضانه لها بروجرام ومقسمه وقت الطفل لعب تعليم حواديت....... و ربنا يوفقك للخير وصراحه انا شايفه ان السن مناسب الحضانه بتفتح مخ الطفل على المجتمع اكتر بس طبعا دى وجهة نظر وخصوصا لو هى حضانه متميزه وليس له اخوات فى البيت

الاخت bardes انا لما قريت كلامك اتعقدت يعنى حتى التنسيق ممكن ما نتقبلش فيه يعنى"( احنا رضينا بالهم و..........) دلوقت انا بنتى حتكمل ا ش الله 4 سنين وشهرين اول اكتوبر ا ش الله وطبعا على كلامك دى فرصتها منعدمه فى المدارس اللى اهى بنقول كويسه وحتى المعاهد القوميه برضه سمعت بتاخد سن كبير طب وبعدين
انا عايزه اسالك هو احنا بنقدم كام ملف يعنى واحد حكومى وواحد خاص وكام رغبه ولا هو ملف واحد لكله
ولو كل رغباتنا لم تقبل الحل ايه
بس يمكن عشان انت كتبت كله متميز وطبعا كل منطقه حتملا مدارسها بسرعه ومن ثم المفروض نكتب مدارس تجريبى عادى كمان مش متميز بس عشان الفرصه تبقى اكبر
ولو حصل وجات مدرسه بعيده اوي العمل ايه وخصوصا ان التجريبي مش عارفه له باص ولا لا هل يمكن التحويل بعد كده .

معلش اسالتى كتير شويه بس عايزه اسالك برضه انت دفعت المصاريف والولد ما راحش خالص ولا لازم يحضر على الاقل حاجه شبه امتحان اخر السنه عشان يثبت وجوده فى المدرسه
جزاك الله خيرا وهدانا ربنا للخير امين

[الاخت الغاليه زووزو ما فيش معلش انا ماكنتش اقصد انى اعقدك بس للاسف ده واقعنا الاليم
وده الرد على اسئلتك



بالنسبه للملف الحكومى انت بتسحبيه من مدارس محدده الاداره بتحددها وبيكون سعره حوالى25جنيه بتسحبيه وتملى الرغبات وترجعى تقدميه فى نفس المكان الى سحبتيه منه وتقريبا هما 20رغبه
اما بالنسبه للمدارس الخاصه فالسحب والتقديم بيكون فى نفس المدرسه يعنى كل مدرسه لها ملف خاص بيها
الحل حاجه من الاتنين
ياما انت عندك مدرسه خاصه عملاها بديل فى الحاله دى وتدخل بنتك فيها
يا تستنى للسنه الجايه وتقدمى تانىوفى ملحوظه مهمه لو بنتك ما قبلتش لما يطلع تنسيق المدارس اوعى تروحى تسحبى الملف بتاعك لان دى غلطه انا عملتها سحبته عشان كنت عايزه الورق الى فيه اقدمه ليه فى المدرسه الى دخلها .لانهبعد المدارس ما تبتدى ويوزعوا الطلبه بيحصل حاجه اسمها المرحله التانيه من التنسيق ودى بياخدوا فيها سن اقل من الى اتقبلوغالبا بتكون فى اول9
على فكره كتبت مدارس عاديه برضه لانهم 20رغبه هتجيبى منين 20متميز؟مش بحبطك بس لازم تكتبى حتى لو بعيد بس العادى على فكره سىء جدا فى الكثافه فحتى لو جت لازم تفكرى تنقليه لمتميز بعد كده.
حصل وزى ما قلتلك ده انا دخلته مدرسه فى محافظه تانيه وعموماعندى جارتى اول سنه دخلت ابنه فى برج العرب وبعدين تانى سنه حولت ليه kg2على طول ما فيهاش مشكله بس المهم قبل ما تحولى تجيبى موافقه المدرسه على تحويله وده الى انا هاعمله باذن الله اما بالنسبه للباص التجريبى ما لوش باص مخصوص بس هتلاقى باص خاص تبع شخص معين وده كتير لان كل الطلبه بيروحوا بباص لانى كنت بودى ابنى حضانه مع واحد بياخدطلبه طلعت حرب
لا خالص دفعت واستلمت الكتب وما حضرش ولا يوم كل ما هنالك انى دخلته حضانه بصراحه هى بعيده شويه عنى بس الميس ربنا يجازيها خير درست ليه كتاب المدرسه تقريبا وهو اصلا ما فهوش حاجه على فكره الفكره دى قالتلى عليها مديره مدرسه تجريبى اعرفها فما تخافيش من النقطه دى نهائيا
ولو عندك اى سؤال انا تحت امرك يا رب اكون افدتك