اما بالنسبه لمدرسه princesses الصراحه انا ماروحتش هناك علشان اقولك بس اعتقد ان نفس منهج بايونيرز بس معلمماتي ان هو مش ماكميلان
وشكرا

السلام عليكم الاخت بوسبوس ام يوسف
شكرا جزيلا على المعلومه بس منار المعموره بعيده اوي انا ساكنه فى محرم بك وانا بدور فى منطقه وسط وشرق بس عشان انا مقتنعه ان المسافه البعيده ارهاق كبير للطفل غير ان الطرق كترت فيها العربيات والسكك مش امان ربنا يحفظ لنا اولادنا كلنا يارب وجزاك الله خيرا

السلام عليكم
الاخت هناء انت فين ياتري وصلت لقرار ولا لسه ابقى طمنينا عليك والخيره فيما اختاره الله

الاخت الفاضله ام ادهم وهنا
على فكره مدرسه جناكليس دي بالذات اوعي اوعي اوعي
انا روحت هناك شخصيا بناءا على اطراء شديد من احد الاصحاب ولكن لما روحت هناك انصدمت بالمستوى المتدني للمدرسه عارفه مدارس القديمه هي كده ده من حيث الشكل
ولم كنت انا مش مرتاحه للمدرسه من اساسه قلت اسال حد من الطلبه الموجودين في المدرسه على مستواها التعليمي ,قلت خليني موضوعيه ومش مهم الشكل سالت البنات فيها هما كانوا في مرحله الاعدادي وكانوا رايحيين يجيبوا النتيجه بتاعت اخر السنه وقلت لهم ايه رايكم انا عايزه اودي اولادي فيها ,قالوللي نصيحه لوجه الله بلاش بلاش ,المدرسه وحشه والشرح مافيش ده غير مستوى المدرسه اللي قالب على مدارس الوزاره وقالولي انهم بياخدوا دروس في كل المواد تقريبا يعني وديهم مدرسه تجريبيه لغات احسن
وده كان كلام البنات والله وانا قلت اقولك علشان حرام عليك الولاد باختصار لو ناويه عليها وفري فلوسك احسن .

هاى جميع الاخوات
هاى زوووزا متشكره على سؤالك يا جميل بصراحه انا قررت اجل الموضوع كمان سنه واقدم فى المدارس اللى تبع التنسيق لان سعرها معقول بس انا ما عجبتنيش غير زهران ومش عارفه ممكن اكتب ايه تانى غيرها
اما المدارس الغاليه بعد لف كتيير وسؤال ناس اكتر اقتنعت بالتالى
مدرسه بريليانس و بايونير والمصريه البريطانيه والقدس وليدرز بس للاسف كلها اكتر من امكانياتى
لى سؤال للاخت اشاوش واضح ان عندك خبره فى المدارس عاوزه اعرف ايه الفرق بين المدارس القوميه والمدارس التجريبيه
وكمان عايزه رايك فى مدرسه محمد كريم
وياريت تقولى لى ايه اللى عجبك فى مدرسه الاقبال كده تلات اسئله ما علش اصلى طماعه شويه

السلام عليكم الاخت اشاوش انا كنت بفكر كدة ان دى سنة وحتعدى لكن مفيش عمارة من غير اساس واول 3 سنوات دول الاساس ممكن ميستفدش حاجة من المدرسة وبعدين احب احولة مدرسة تانية مينجحش فى الانترفيو او اللغة تكون ضعيفة لانى لى صديقة حصل معاها هذا الموقف واللة انا بعد سؤالات كتير حركز على اسكندرية لغات واحب اعرف رايك فيها والله المستعان .

السلام عليكم الاخت زوووزا انا لية صديقة ابنتها فى الegc وسالتها فقالت ان مدرسة زهران مستواها ممتاز وكويسة جدا فحبيت اقولك وممكن تروحى تسالى وربنا يوفقنا جميعا.

السلام عليكم لكل الاخوات الكرام
الاخت هناء انا عندى معلومات يمكن تكون مفيده
بالنسبه للمدارس القوميه دى كانت مبنيه ايام الاحتلال عشان ابناء الفرانسويه والانجليز وعلية القوم وهى مدارس عريقه ولكن تم تأميمها بعد الثوره واصبحت متاحه لعامة الشعب واصبحت تابعه للهيئه العامه للمعاهد القوميه ومن هنا جاء اسم قوميه بس تا بعه لوزاره التربيه والتعليم طبعا ودول فى اسكندريه الاتى:
كلية فكتوريا بنين- اى جى سى ودى تعتبر فرع البنات بتاع كليه فكتوريا – النصر بنين بالشاطبي-محمد كريم المشتركه- الفراعنه مشتركه- ليسيه الحريه مشتركه-كليه الاقبال القوميه- كليه البنات بزيزينيا- المنار بنات بمحطه الرمل

اما بالنسبه للمدارس التجريبيه: لم تكن موجوده زمان كانت كل المدارس الحكوميه عربي عادى وبعدين قرروا يطوروا مدارس الحكومه فانتقوا مدارس ونظفوها شويه ودخلوا فيها الا نجليزي كلغه تدريس وسموها تجريبى عربى وتجريبى انجليزي وغلوا مصارفها خلوها من 300-400 جنيه وبعدين يا ستى طلعت فى دماغهم يحسنوا المدارس اكتر ويدخلوا كمبيوتر وبتاع المهم نقوا شويه مدارس من التجريبى الانجليزي وسموه تجريبى متميز وخللوا مصاريفه فى حدود 1000 جنيه بس فى الاخر كل ده مدارس حكوميه.
التجريبى المتميز فى اسكندريه الاتى :
اداره وسط:الجبرتى – العبورالتجريبيه
شرق:زهران- مصطفى النجار-هدى شعراوي مشترك- سموحه مشترك التجربيه
المنتزه:طلعت حرب- الفضالى –امينه سعيد-عصمت عبد المجيد
غرب:راغب التجريبيه
الجمرك: الانفوشى التجريبيه
العامريه:اللواء محمد نجيب – حمزه عبد المطلب
المهم يبقى المدارس فى اسكندريه كالاتى:
حكومى : ينقسم الى 1- مدارس رسميه حكوميه 2- تجريبى عربى (300-400ج) 3- تجريبى انجليزي(300-400ج) 4- تجريبى انجليزى متميز(1000ج تقريبا)
خاص: وده يشمل المعاهد القوميه ( 2000-3000ج) - خاص لغات بكل انواعها الرخيص والغالى الانجليزى والامريكى والفرنسى والالمانى - خاص عربى والخاص عموما يبدأ من 2000 -3000 ج ويصل الى 15000 واكتر وده زي كل المدارس اللى انتم تكلمتم عنها

ومن ثم يمكن تقسيم المدارس الى مجموعتين 1- اقل من 5000ج : ودى بكل انواعها الحكومى والخاص تتبع التنسيق وتلتزم بسن 4 سنين
2- اعلى من 5000ج ودى غالبا لا تلتزم بالسن والتقديم فيها قبل ميعاد التنسيق
اتمنى ان تكون المعلومات مفيده واتمنى للجميع اختيار موفق

السلام عليكم لكل الاخوات الكرام
الاخت هناء انا عندى معلومات يمكن تكون مفيده
بالنسبه للمدارس القوميه دى كانت مبنيه ايام الاحتلال عشان ابناء الفرانسويه والانجليز وعلية القوم وهى مدارس عريقه ولكن تم تأميمها بعد الثوره واصبحت متاحه لعامة الشعب واصبحت تابعه للهيئه العامه للمعاهد القوميه ومن هنا جاء اسم قوميه بس تا بعه لوزاره التربيه والتعليم طبعا ودول فى اسكندريه الاتى:
كلية فكتوريا بنين- اى جى سى ودى تعتبر فرع البنات بتاع كليه فكتوريا – النصر بنين بالشاطبي-محمد كريم المشتركه- الفراعنه مشتركه- ليسيه الحريه مشتركه-كليه الاقبال القوميه- كليه البنات بزيزينيا- المنار بنات بمحطه الرمل

اما بالنسبه للمدارس التجريبيه: لم تكن موجوده زمان كانت كل المدارس الحكوميه عربي عادى وبعدين قرروا يطوروا مدارس الحكومه فانتقوا مدارس ونظفوها شويه ودخلوا فيها الا نجليزي كلغه تدريس وسموها تجريبى عربى وتجريبى انجليزي وغلوا مصارفها خلوها من 300-400 جنيه وبعدين يا ستى طلعت فى دماغهم يحسنوا المدارس اكتر ويدخلوا كمبيوتر وبتاع المهم نقوا شويه مدارس من التجريبى الانجليزي وسموه تجريبى متميز وخللوا مصاريفه فى حدود 1000 جنيه بس فى الاخر كل ده مدارس حكوميه.
التجريبى المتميز فى اسكندريه الاتى :
اداره وسط:الجبرتى – العبورالتجريبيه
شرق:زهران- مصطفى النجار-هدى شعراوي مشترك- سموحه مشترك التجربيه
المنتزه:طلعت حرب- الفضالى –امينه سعيد-عصمت عبد المجيد
غرب:راغب التجريبيه
الجمرك: الانفوشى التجريبيه
العامريه:اللواء محمد نجيب – حمزه عبد المطلب
المهم يبقى الدارس فى اسكندريه كالاتى:
حكومى : ينقسم الى 1- مدارس رسميه حكوميه 2- تجريبى عربى (300-400ج) 3- تجريبى انجليزي(300-400ج) 4- تجريبى انجليزى متميز(1000ج تقريبا)
خاص: وده يشمل المعاهد القوميه ( 2000-3000ج) - خاص لغات بكل انواعها الرخيص والغالى الانجليزى والامريكى والفرنسى والالمانى - خاص عربى والخاص عموما يبدأ من 2000 -3000 ج ويصل الى 15000 واكتر وده زي كل المدارس اللى انتم تكلمتم عنها

ومن ثم يمكن تقسيم المدارس الى مجموعتين 1- اقل من 5000ج : ودى بكل انواعها الحكومى والخاص تتبع التنسيق وتلتزم بسن 4 سنين
2- اعلى من 5000ج ودى غالبا لا تلتزم بالسن والتقديم فيها قبل ميعاد التنسيق
اتمنى ان تكون المعلومات مفيده واتمنى للجميع اختيار موفق

السلام عليكم الاخت ام بوسبس: شكرا يا ام بوسبوس على المعلومه مدرسه زهران انا ناويه اكتبها اش الله فى التنسيق بس مشكله التنسيق ان لازم اكتب مدارس كتير عشان الاختيار حسب السن يعنى ممكن ما تجيش المدرسه اللى نفسى فيها ومن ثم انا بسأل عشان اعرف ايه المدارس احسن من التانيه عشان ايه اكتبه فى الاول وايه فى الاخر ويا عالم نصيبنا فين
وجزاك الله خيرا

الاخت هناء انا كنت عايزه اقولك :
انا لو مكانك كنت وديته سموحه الخاصه طالما هما مش فارق معاهم السن بدل السنه ما تضيع عليه وجربى يمكن تعرفى تحولى بعد كده وطبعا دى حاجه ترجعلك
تصدقى انا مسميه المدارس بتاعتنا دى مدارس محدودى الدخل مع انى كنت اتصور ان توفير 4000 ج لكل طفل ده ثراء بس واضح ان الزمن ده بتاع الفلوس عشان ابنك حتى يدخل مدرسه كويسه لازم نبقى مليونيرات
على فكره ربنا يبارك لكل الاخوات ويزيدهم من فضله بس فعلا لا مستوانا الثقافى ولاتعليمنا ولا اخلاقنا بس تقدر توفر عيشه كريمه من غير الفلوس بس انا مقتنعه ان ربنا ا ش الله حيبارك لنا فيهم ومش حيحسو ا بالفرق ده مع اقرانهم انه ولى ذلك والقادر عليه
ومن يتوكل على الله فهو حسبه