دروس كورس الانجليزي المستوى الأول ....موضوع للاطلاع فقط

**دكتوره فوفو** · 07-08-2007, 04:58 AM

السلام عليكم
جملتنا العربيه بتتكون من فعل فاعل ومفعول به
وفي النصوص البلاغيه يستحسن بناء الجمله بنفس الترتيب ده
يعني في التعبير كانوا يقولولنا الجمله الأقوى هي التي تبدأ بفعل مضارع
نيجي بقىللجمله الانجليزيه
فبتتكون من
فاعل ، فعل : و مفعول به
طبعا زي مافيه جمل عربي ليها ترتيب يشذ عن القاعده فأكيد فيه جمل انجليزي بتشذ برضه عن القاعده لأن لكل قاعده شواذ
English is a Subject-Verb-Object (SVO) language - meaning that sentences are made with the subject first, then the verb, and finally the object
subject=فاعل
verb=فعل
object =مفعول به

نبدأ نتكلم عن الفاعل
الفاعل ده ممكن يكون اسم انسان أو جماد أو حيوان
وممكن يكون ضمير وطبعا وظيفته بيوضح من قام بعمل الفعل
مادام جبنا سيرة الضمير تعالوا نراجع الضمائر مراجعه سريعه" طبعا بتكلم عن ضمير الفاعل "

Singularالمفرد ......................> Pleuralالجمع
Iانا ..........................> Weنحن
Youأنت ...................... > Youأنتم
Heهو .....................> Theyهم
Sheهي ....................>Theyهم
Itهو أو هي لغير العاقل ............>Theyهم

اتكلمنا عن ضمائر الفاعل أو personal pronoun
ومادام جبنا سيرتهم لازم نعرف بعض أحكامهم
الأحكام بتتلخص في حاجتين أحكامهم مع الأفعال المساعده
وأحكامهم مع الأفعال العاديه
وده اللي هناخده المره الجايه باذن الله مع بعض الحاجات التانيه
ابقوا معنا
ملحوظه لو حد الدرس صعب عليه أو فيه حاجه مش مفهومه ياريت يكتب كده
لو حد شايف برضه ان مستوى الكورس بطئ يقول
ولو حد مش عاجبه المدرس اللي بيشرح يبلغ الموجه عنه في أول فرصه
ملحوظه مافيش دروس خصوصيه

**دكتوره فوفو** · 07-08-2007, 04:46 PM

السلام عليكم
هكمل جزء مهم وهو جزئية الأمثله
هناخد بعض الأمثله على أبسط الجمل في اللغه الانجليزيه

Examples on simplest sentences:
1-The kid drinks water
2-Soha got a bike
3-He bought a shirt

هنلاقي في الأمثله السابقه الفاعل باللون التركواز
الفعل باللون الفوشيا
المفعول به باللون البرتقالي
دي طبعا أمثله للأفعال ويمكن انا كنت مأجله الأمثله لحد ماناخد على الأقل الزمن المضارع كقاعده
لكن في وجهة نظر أرجح بترجح انهم يتاخدوا كتوضيح دلوقتي ازاي الضمير ممكن يكون اسم "طفل The kid"
أو اسم بنت "Soha"
أو ضمير "He"
ممكن كمان أمثله على غير العاقل

Examples
1-The cat drinks milk
2-It brings her children inside

هنلاحظ في ترتيب لجمل الترتيب البسيط للجمله الانجليزيه
لأنها بتتناول زمن بسيط
يعني ايه زمن بسيط ده اللي هنعرفه لما ناخد الأزمان البسيطه

**دكتوره فوفو** · 07-08-2007, 04:48 PM

السلام عليكم

اتكلمنا وقلنا ان في في اللغه الانجليزيه جمل بسيطه يعني بتتكون من فاعل وفعل ومفعول به
وقلنا من البساطه برضه الجمل اللي بيكون فيها الفعل في الزمن البسيط
يعني ايه زمن بسيط ؟
يعني الفعل لوحده من غير أفعال مساعده
الله انتي هتلخبطينا ليه ياست فوفو ؟
ماكنا ماشيين كويس
لأ بالراحه ان شاء الله مش هيحصل خبطه
نمشي واحده واحده
زمن بسيط يعني مضارع بسيطpresent simple tense أو ماضي بسيط past simple tense
يعني باختصار الفعل سواءا في صورته في زمن المضارع أو في صورته في زمن الماضي يعني من غير فعل مساعد
ايه؟
فعل مساعد
يعني قبل ماناخد أمثله على الأزمنه دي ونشرحها بالتفصيل لازم نعرف الفعل المساعد عباره عن ايه عشان مانتلخبطش
الزمن البسيط لو اتواجد فيه الفعل المساعد يتواجد لوحده بديل للفعل الأساسي
نعرف الأول ايه هي الأفعال المساعده وايه هي وظيفتها لو ماجتش كفعل أساسي
الفعل المساعد من اسمه هو فعل الأساس في عمله انه بيساعد الفعل الأصلي في الجمله على اظهار شئ معين
نوضح أكتر بالأمثله؟؟؟؟؟؟
تعالوا ناخد مثال
في جمله مثلا He is astudent
في الجمله دي عندنا فعل مساعد قام مكان الفعل الأساسي

لكن لو زودنا فعل تاني هيدل على زمن تاني أو حاله تانيه
نعرف الأول أنواع الفعل المساعد وبعدين في الدروس القادمه باذن الله ناخد كل فعل بالتفصيل
verb to beفعل يكون
verb to have فعل يمتلك
verb to do فعل يفعل

- :فعل يكون 1verb to be
am -is -are
نشوفهم كده كل واحد مع الضمير بتاعه
singular ..............................>pleural
I am .......................> We are
He is ....................>They are
She is .......................>They are
It is .....................> They are
Examples:
I am a student
He is a teacher
She is a doctor
It is acat
هنلاقي ان الفعل المساعد هنا لما استخدم كبديل للفع الأساسي ففي الحاله دي للتعبير عن وصف للشئ أو لوظيفه أو لتصنيف وممكن لحاله
Example:
أنا مريضI am ill
الجو بارد الآن Weather is cold now
أنت كذاب You are a lior

ده شرح مبسط لعمل أول نوع من الأفعال المساعده كفعل أساسي في الجمل في زمن المضارع البسيط
رجاء قبل مانبدأ في اللخبطه اللي اتلخبط من دلوقتي يقول

**دكتوره فوفو** · 08-08-2007, 04:47 AM

السلام عليكم
هنكمل النهارده شرح الدرس الثاني في المستوى الأول
احنا مشينا بسرعه امبارح والنهارده لأن الدروس الأولى سهله لكن هنبطئ شويه في الدروس اللي بعد كده باذن الله
اتكلمنا امبارح عن الزمن البسيط " مضارع بسيط ، وماضي بسيط"
يعني ايه بسيط
زي ماقلنا زمن بسيط مضارع أو ماضي معناه الفعل الأساسي فقط هو اللي موجود من غير أفعال مساعده
ووعدتكم اننا نتكلم عن الأفعال المساعده بالتفصيل
لما نقول فعل مساعد يعني ايه يعني زي العامل المساعد في الجمله مش بيغير من معنى الجمله لكنه بيساعد في تكوينها تكوين صحيح
طيب وهو ايه الفرق يعني
الفرق ان في عندنا كذا نوع منالأفعال الفعل الأساسي أو البسيط والفعل الناقص والفعل المساعد
ايه ده بقى؟؟؟؟؟؟؟
ماكنا ماشيين كويس
واحده واحده كده نوضح معنى كل نوع من دول مع الأمثله
اتكلمنا امبارح ببساطه عن الأفعال المساعده Helping verb
قلنا ان في عندنا تلات أنواع من الأفعال المساعده
Verb to be فعل يكون
verb to do فعل يفعل
فعل يمتلكverb to have
بدأنا امبارح بverb to be
وشرحنا أمثله عليه ومهم جدا ناخد بالنا كل فعل منهم بييجي مع ايه من الضمائر أوالاسماء
نيجي بقى للي بعده وهو verb to do
verb to do فعل يفعل
يعني ايه فعل يفعل ؟
هو فعل غالبا مساعد ويستخدم اما في صيغة الاستفهام أو للنفي
ونادرا ما يأتي كفعل أساسي بمعني يعمل
حد فاهم حاجه؟؟؟؟؟؟؟؟
نوضح أكتر بالأمثله بعد مانقول الأفعال "فعلين"
singluar"Does"...................> pleural "Do""
دول بس فعل يفعل
كل ده احنا بنتكلم عن الفعل المساعد في زمن المضارع لأننا لسه ماتكلمناش عن باقي الأزمان
ندخل عالأمثله بقى

Examples
*He usually does his work late "غالبا مايقوم بعمله متأخرا "
*I do my work usually early أنا بعمل شغلي بدري غالبا

في الجمل اللي فاتت دور فعل يفعل verb to do كفعل أساسي في الجمله
ناخد أمثله على دورها في الحالتين التانيين

?*Do you drink milk?
*does she play vollyball?

المثالين السابقين بيوضحوا دور الفعل المساعد في الاستفهام
ماينفعش نقول plays she football لأن الفعل في الاستفهام لازم يكون في صورة المصدر يعني مش متضافله أي حاجه وهنعرف يعني ايه الاضافه دي

she doesn't like milk
I don't believe you

دي أمثله على استخداماتها في حالات النفي
وهنلاحظ في الأربع أمثله اللي فاتوا ان الفعل الأساسي موجود باللون الفوشيا

بالنسبه لكل ضمير بياخد أي فعل فيهم ودي اللخبطه
هما قريبين من قاعدة فعل يكون نحفظ الضماير في مجموعه لوحدها "He,She, It,اسم ولد أواسم بنت أو أي شئ أو حيوان غير عاقل "
دي مجموعه أخدت is
نفس المجموعه دي بتاخد نفس الأحكام في معظم القواعد

He, She,It....................>Does
I ,You,We, They..............> Do

ده كل فعل مع الضمائر بتاعته

**دكتوره فوفو** · 08-08-2007, 04:49 AM

ايه رايكم لو نراجع مع بعض اللي قالته لنا ميس فوفو علي ماترجع لكم تاني. ميس فوفو قالت ان فيه حاجة اسمها Helping verb او Auxiliary verb وده اول شكل من اشكال الفعل واسمه الافعال المساعدة .
مين يقوللي يعني ايه افعال مساعدة . طيب احنا نكتب امثلة الاول وهي اللي ح توضح

He is a doctor
Is he a doctor
He is not a doctor
He is playing tennis

حنلاقي ان كل الجمل دي الفعل فيها is وهو من الافعال المساعدة ولكنه في كل جملة كان له معني معين
الجملة الاولي is حلت محل الفعل الاساسي ومعناه يكون
الجملة الثانية is استخدمت لتكون اداة استفهام بمعني هل
الجملة الثالثة is استخدمت لتنفي الجملة بمعني ليس
الجملة الرابعة is هنا لتكون زمن اسمه المضارع المستمر سندرسه فيما بعد

اذن الافعال المساعدة هي افعال لها عدة استخدامات وما قيل عن is ينطبق علي كل الافعال المساعدة التي ذكرتها ميس فوفو. عرفتم ليه اسمها افعال مساعدة ؟؟؟

الميس قالت كمان ان is من مجموعة verb to be وهي تستخدم مع الفاعل المفرد مثل
he
she
it
او اي اسم مفرد

وعايز اقول لكم ملاحظة مهمة جداااااااااااااااااااااااااااااااااااااا
اي فعل سواء كان مساعد او اساسي اخره حرف s يبقي الفاعل مفرد
لاحظ :
is
does
has
او اي فعل اساسي اخره s

والان مع هذا الحوار البسيط

Hello, what's your name

Hello I'm Hatem

How old are you

I'm nine years old

Who's your teacher

Miss Fofo is my teacher

Thank you

السلام عليكم
دي مداخله بسيطه من مشرف الدوره موجه عام لغه انجليزيه ادارة شرق التعليميه محافظة الاسكندريه . مصر للمرحله الثانويه
هو طلب مني ابعتهالكم كمراجعه
وتقبلوا تقديره

**دكتوره فوفو** · 08-08-2007, 04:51 AM

السلام عليكم وصلنا لتاني نوع في الأفعال المساعدة وهو verb to do نكمل كلامنا عن الأفعال المساعدةتالت نوع من الأفعال المساعدة هو verb to have
فعل يمتلك verb to have الفعل ده بمعنى يمتلك لكن ليه أكتر من وظيفةأولا كفعل مساعد بيساعد الفعل الأساسي على توضيح زمن بعينه يعني بنلاقيه مع الفعل التصريف التالت للفعل بيحول لزمن المضارع التام يعني حاجه لسه حاصله حالاأو الماضي بتاع الفعل ده مع التصريف التالت للفعل الأساسي بيحوله لزمن الماضي التام يعني حاجه كانت لسه حاصله وقت ما المتكلم تحدث في الماضيمش وقت اننا نتكلم عن الأزمان دلوقتيخلينا في veb to haveالفعل ده بييجي بمعنى يمتلك أو يأخذناخد أمثله عليه؟؟؟؟؟؟ طب استنوا الأول نعرف ايه الفعلين وبعدين ناخد أمثله Singular مفرد ................................... pleural < جمع Has ................................................<.Have Has بتييجي مع المفرد سواء ضمير و اسم يعني مع الضماير اللي اتعودنا عليها مع بعض "He , She ,It" وHave بتيجي مع باقي الضمائر I,We, You , They أو أي اسم في صغة الجمعناخد بقى الأمثله

Examples:

1-He has cold flue. عنده أنفلونزا "أو برد"

2- I have my break fast in work " بتناول فطوري في الشغل "

3- They have a game now عندهم مباراه الآن

4- You have a date after fve minutes عندك موعد بعد خمس دقائق

ممكن verb to have يقوم بدور داة الاستفهام خصوصا في حالة زمن المضارع التام أو الماضي التام والأمثله على الحاله دي هنشرحها في زمن المضارع التام والماضي التام بالتفصيل باذن الله الأمثله اللي فاتت بتوضح استخدامات verb to have باختصار الواجب بقى ايه مستغربين ليه ؟ كده أول وحده وهي وحدة الأفعال المساعده انتهت وهنبدأ الأفعالالناقصه وازمان الأفعال باذن الله المره الجايهالمفروض في في المستوى الأول جزء بناخد فيه كلماتلكن أنا شايفه ان مستوانا كلنا ماشاء الله كويس فماينفعش أفولكم apple وكدهفقلت على حل كويس نعرف منه اللي بيتابع الدروس من اللي غايبفي خلال كلامنا في كلمات عربي قلت معناها في أمثله مترجمهالمطلوب من كل أخت مشتركه في المستوى الأول واجب وهوكل كلمه ذكرت معناها في مثال تستخرج وجمبها معناها ومعاها فعل واسم كمان بيبدأوا بنفس الحرف يعني كل كلمه معاها كلمتين تانين اسم كمان وفعل كمانايه رأيكم في واجب اسهل من كده؟؟؟؟؟ملحوظه في امتحان مفاجئ بكره

**دكتوره فوفو** · 08-08-2007, 04:52 AM

اختبار على الوحده الاولى الأفعال المساعده

السلام عليكم
امتحان للوحده الأولى " الأفعال المساعده helping verb
اليكم الامتحان

question no 1:complete the space
* he........like banana
*I..... a teacher
*we.......happy by this deal
* my brother & I .......intend to travel this holiday, we have a lot of work to do in work

question no.2: choose the correct answer:

*John(does - goes - doesn't ) play football, he plays tennis
*I don't speak Arabic I(do - am - lives in )British .
*He think ewe must make a deal with them
but Mona ( want- doesn't - will) think so.

**دكتوره فوفو** · 08-08-2007, 04:58 AM

question no 1:complete the space
* he.doesn't.......like banana
*I.am... a teacher
*we..aren't.....happy by this deal
* my brother & I .don't......intend to travel this holiday, we have a lot of work to do in work

question no.2: choose the correct answer:

*John(does - goes - doesn't ) play football, he plays tennis
*I don't speak Arabic I(do - am - lives in )British .
*He think we must make a deal with them
but Mona ( want- doesn't - will) think so

\

دي اجابة الاختبار الاجابه باللون الفوشيا

**دكتوره فوفو** · 08-08-2007, 06:03 AM

كلمات للحفظ مجمعه من الواجب اللي حليتوه

Kid – طفل ,, King - ملك ,, ketchup كاتشاب - kind لطيف Drink – شرب ,, ه ,, Do – يفعل ,,,, Doctor – دكتور ,,, Date - موعدdistance مسافة - date موعد - disc قرص - dig يحفر - discoverيكتشف - dictionary قاموس - diet نظام غذائي -difficult صعب - dream حلم أو يحلم door باب - dock يختصر او يلخص Water – ماء ,, Wife – زوجة ,, Work - عمل weather الجو - wonderful رائع - wood خشب - walk يمشي Bought –اشترى ,, Brother – أخ ,, Buy – يشتري ,,,, Bring – يجلب ,,,, - Believeيصدق ,,, Break fast - فطور believe يصدق - bracelet عقد - blame يلومbike دراجه - book كتاب - boxing يصفع او يلاكم play يلعب - probably ربما - poetry شعر Shirt – قميص ,, Sara- سارة ,, See – يرى ,,,, Student – طالب swim يسبح - silk حرير Milk – حليب ,, Manager – مدير ,, Make – صنع ,,, Minutes - دقائق mother ام- move يتحرك او ينتقل Children – أطفال ,, Cat – قطة ,, Cook – يطبخ ,,, Cold - بارد cake كعك -lair كذاب -lamp لمبه - look ينظر Inside – داخل ,, Ill – مريض ,, Ice – ثلج ,, Intone – يرتل - image صوره - imprint يطبع او يختم Teacher – معلم ,, Teeth – أسنان,, Take - يأخذ teacher معلمة - travel يسافر - tomb قبر - tusks انياب
Usually- غالباً ,, - Useيستخدم ,, USA – الولايات المتحدة الأمريكية- unit وحده - Late – تأخر ,, live – سكن ,, Life - حياة - laugh يضحك - light خفيف او ضوء Early – بدري ,, Eat – يأكل ,, Egypt - مصر - expensive غالي - enjoy يستمتع - eyes عيون - eat يأكل Game – مباراة ,,, Go – يذهب ,,, Getup - يستيقظgame لعبه - galaxy مجره - flue انفلونزا - foot قدم - flock يتجمعمجموعة الكلمات دي اللي انتم استخرجتوها من الدروس وخرجتوا عليها من عندك كل واحده أد الكلمات اللي أنا قلتاها مرتين
تخيلوا؟؟؟؟؟؟؟
تقدروا تحفظوا الكلمات دي بمنتهى السهوله واللي تقابلها كلمه صعبه تقوللي

**دكتوره فوفو** · 09-08-2007, 06:20 PM

مراجعة الوحده الأولى

الله المستعان نتوكل على الله

هبدأ أول شئ لأني لقيت فيه لخبطه فيه

الجمله البسيطهه العربيه بتتكون من إيه ؟؟؟؟؟

من فعل و فاعل و مفعول به

يعني إيه

يعني مثلا

يشرب أحمد اللبن

يشرب هي الفعل

أحمد هو الفاعل

اللبن هو المفعول به

ممكن في بعض الجمل بنستخدم ضمير غائب بدل الفاعل

زي إيه

ضمائر الغائب في العربي " هي ، هو ، هم ،........"

لو مش حابين نقول أحمد

فممكن في العربي نقول يشرب هو اللبن

فأصبح الضمير" هو" ضمير مبني في محل رفع فاعل

اذن الضمير ممكن يحل محل الفاعل وأحيانا المفعول به

لكن استحاله الضمير يحل محل الفعل

انا شرحت الجزء ده في الجمله العربيه عشان بس اللخبطه في الجزء ده

نيجي بقى نطبقه عالجمله الانجليزيه

قلنا أن الفرق الأساسي بين الجمله العربي والجمله الانجليزي ان الجمله الانجليزي بتبدأ بالفاعل وبعدين الفعل وبعدين المفعول به يعني ترتيب فقط لا غير

ونفس الشئ بالنسبه للفااااااااعل ممكن نستبدله بضمير غائب

ناخد أمثله

Ahmed drinks milk يشرب أحمد اللبن

لو عاوزين نغير في الفاعل و نستبدل الاسم Ahmed بضمير غائب he

يبقى الجمله هتبقى

He drinks milk

He wants an apple هو يريد تفاحه

لو بقى عاوزين نعكس ونستبدل الضمير باسم في الفاعل

هتبقى الجمله

Ahmed wants an apple

وطبعا ممكن نستبدل أي اسم ولد أو راجل أو كلمة رجل نفسها بضمير غائب والعكس

نيجي بقى على الفعل

الفعل يعني العمل

أنا افعل كذا يعني أنا أعمل كذا

والفعل في اللغه العربيه تلات أزمان او صور

الصوره الاولى زمن المضارع يعني يفعل والصوره التانيه زمن الماضي يعني فعل والصوره التالته زمن الأمر أو صيغة الأمر افعل

ده بالنسبه للغه العربيه

في اللغه الانجليزيه بقى الصوره مختلفه تماما

الفعل بيبقى اما في صوره بسيطه أو صور مركبه عديده

الصوره البسيطه ممكن يكون مضارع أو ماضي

الصوره المركبه بقى فيها باقي الأزمان

هكمل معاكممراجعة بناء وتكوين الجمله راجعنا يعني ايه فاعل وازاي نقدر نشيله ونحط مكانه ضمير والعكس وقلنا هنتكلم المرادي عنالفعل وقلنا كمان انه بيختلف عن الفعل في اللغه العربيه الفعل في اللغه العربيه فعل بسيط من 3 أزمنه اما في اللغه الانجليزيه هنلاقي عندنا العديد من الأزمان المشتقه من المضارع والماضي أزمان بسيطه " مضارع وماضي" أزمان تامه " مضارع وماضي" أزمان مستمره " مضارع وماضي" أزمان تامه مستمره " مضارع وماضي" منهم اللي هندرسهم في المستوى الاول ومنهم اللي في المستوى الثاني هو عموما الازمان بالتفصيل هتشرح في المستوى الثاني كلها باذن الله في المستوى الاول اهم شئ يهمنا التعامل مع الفعل فقط كفعل وبعد كده نعرف الافعال المساعده قلنا برضه ان الفعل تلات انواع فعل اساسي " في اي زمن من الازمان اللي قلناها فوق " فعل مساعد فعل ناقص اتكلمنا عن الفعل الاساسي قلنا زي يشرب او ياكل او اي فعل الفعل المساعدبقى معناه انه فعل ممكن ييجي لوحده كفعل اساسي لكنه غالبا بييجي مع فعل تاني زي ايه؟ زي اول فعل خدناه وهو فعل الكينونه او يكونVERB TO BE BE يعني يكون يعني ممكن أستخدمه كفعل اساسي ناخد أمثله ازاي ؟؟؟ He is a childهو طفل " او هو يكون طفل " she is a doctorهي تكون طبيبه وهكذا ممكن بقى ييجي كفعل مساعد في حالة الاستفهام وفي حالة الزمن المركب يعني أي زمن غير الزمن البسيط مش هينفع أديلكم أمثله على الحته دي دلوقتي لأن لو خدنا أمثله هنتلخبط وقلنا احناهنستخدمه دلوقتي بس في حالة انه فعل بمعنى يكون الاسبوع الجاي باذن الله نستخدمه في صيغة الاستفهام طيب مش عندنا في العربي في كان واخواتها؟؟؟؟؟ كل فعل مساعد برضه ليه اخواته يا اخ واحد يا اخين طب فعل يكون فين اخواته؟؟؟؟؟؟[IMG]file:///C:/DOCUME%7E1/ADMINI%7E1/LOCALS%7E1/Temp/msohtml1/01/clip_image001.gif[/IMG] فعل يكون عباره عن تلات اخوات واحد يبقى مع ضمير المتحدث اناI وواحد مع ضمير المتحدث هو وهي وهو وهي لغير العاقل او اسم ولد او اسم بنتHe , she / itواسم ولد او اسم بنت وقلنا ناخد قاعده عامه هنفهمها بعدين ان أي فعل مساعد فيه s أو اي فعل اتضاف عليهsبيبقى معhe , she , itواسم ولد او اسمبنت طيب ناخد كل ضمير معاه ايه من يكون واخواتها؟؟؟؟؟؟؟ I................> am He, she , it...... ............> is , اسم ولد اواسم بنت " او اي مفرد ماعدا I" you , they , we.................> areاو ايجمع ناخد بقى الامثله بمعنى يكون I am a teacherأنا مدرس he is happyهو سعيد she is luckyهي محظوظه you are kindأنت طيب we are a family نحن عائله they are a teamهم فريق ممكن كمان تستخدم للتعريف بالاسم فالمعتاد عندما يسأل شخص شخص آخرwhat's your name? ان يكون الرد my name is wafaaمثلا لكن من الممكن ان يرد I'm wafaa مباشرة وممكن طبعا نفس الشئ للتعريف باي حد موجود تاني she is soha he is ziad

**دكتوره فوفو** · 09-08-2007, 06:28 PM

بعد ماخلصنا الأفعال المساعده ناخد فكره بالمره عن الأفعال الناقصه
أفعال ناقصة ايه دي؟
الفعل الناقص فعل بيتواجد مع فعل أساسي عشان يغير معناه أو يديله صفة التسويف أو ممكن عشان يقول ضرورة الفعل ده ايه
الله امال يفرق ايه بقى ياست فوفو عن الفعل المساعد بقى؟؟ ماده بيعمل شغل ده ماكنا نقول كل واحد فيهم على حسب معناه فعل مساعد بس كده هو كتر قواعد وخلاص ؟
بالراحه كده
أنا هقولكم حاجه استنتجتها ببساطه وعرفت بعد كده ا استنتاجي ده صح
الفعل الناقص مالهوش معنى فعل بالمعنى المعروف لكنه مش اسم نهائيا عشان كده اتسمى فعل واتسمى ناقص لأنه على عكس الفعل المساعد فهو ماينفعش يستخدم كبيل للفعل الأساسي أو كفعل أساسي زي الأفعال المساعده يعني هو فعل لكنه ينقصه القيام بصفة الفعل في الجمله
ايه ده بقى ؟
هتتوهينا ليه بس
بالرااااااااااااحه
الأفعال الناقصة Auxiliary verbs
في عندنا هنا بقى مجموعة من الأفعال المحترمه
أه محترمه
زي مافي قوانين بتحدد تصرفات البني آدمين فيه كمان أفعال بتحدد تصرفات الأفعال التانيه
نوضح بقى الأفعال دي ايه
ملحوظه صغنونه
فرق كمان بين الفعل المساعد والفعل الناقص
الفعل الناقص فعل قوي جدا غير الفعل المساعد يعني الفعل المساعد يقدر ييجي الفعل بعده في أي تصريف سواء ماضي أو مضارع او مستمر و تصريف تالت
ما في حالتنا هنا بقى الفعل الناقص لااااااااازم الفعل بعده ييجي في صورة المصدر
ايه صورة المصدر دي؟
مؤقتا نعرف انه مش مضاف ليه أي حاجه يعني في صورته الخام وبعدين باذن الله هنعرف ايه صورة المصدر دي في الوحده الجايه
أول فعل نعرفه من الأفعال الناقصه هو can فعل يكون أو فعل الكينونه
Can
يعني ايه
الفعل ده يحددلي الفاعل يقدر يعمل الفعل الأساسي و مايقدرش يعمله
نوضح بالمثال أحسن
1- I can hear your voice now أنا قادر أسمع صوتك الآن
2- you cannot bear this pain أنت ماتقدرش تتحمل الألم ده
كده الصوره وضحت بالنسبه لفعل can ?

**دكتوره فوفو** · 10-08-2007, 08:55 PM

السلام عليكم

نكمل كلامنا النهارده عن الأفعال الناقصه modal verbs
الأفعال الناقصه شرحنا وظيفتها وشكلها عموما بالتفصيل امبارح
لكن ما قلناش منها غير أول فعل وهو verb can
ياترى في أفعال ناقصه زي ايه تاني؟؟؟؟؟
قبل مانتكلم عن الفعل الناقص أحب ألفت نظركم ان التصريف الوحيد للفعل الناقص هو الزمن الماضي وبيقوي معناه مش بيضعفه
هشرح كل فعل منهم بمعناه وكلهم بتنطبق عليهم نفس القاعده العامه للفعل الناقص
1-mustلازم أو لابد
2- can يستطيع
3-may ربما
4-shall ينبغي
5- have to = must لازم أو لابد
ايه ده ايه اللي انتي بتعمليه ياست فوفو ده
واحده واحده بالأمثله هنفهم ان شاء الله
examples
- You must pay my money back لاااازم ترجعلي فلوسي
معنى كده ان لو مارجعتش الفلوس هيقع عليك عقاب
- I may go to luxor this winter احتمال أو ربما أروح الأقصر الشتا ده
يعني يا أه يا لأ
- You shall advise her not to swim so far ينبغي عليك انك تنصحها ماتعومش بعيد
يعني هو المفروض انك تنصحها انما انت حر تنصحهاأو ماتنصحهاش " بالعربي حاجه مفروض تتعمل بس انت وضميرك"
- You have to be present in the exam
انت لاااااااااازم تكون موجو في الامتحان بكره
لوماجتش هترسب

حاجه مهمه اننا نذكرها في الأفعال الناقصه وهي حالات النفي
مش كلهم نفيهم زي بعض
يعني مثلا

- you ( mustn't ) must not break any of these staffsانت ممنوع تكسر أيا من الأغارض دي
يعني ممنوعه برضه لو كسرتها هتنال عقاب
- you shan't ( shall not ) go to work to morrow
مش لازم تروح الشغل كره
يعني انت ممكن تروح وممكن ماتروحش
- he mayn't come tomorrow احتمال مايجيش بكره
ناخد بالناأوي من لمثال الجاي
- you don't have to pay for her انت مش لازم تدفعلها يعني مش مجبر تدفعلها
خدتم بالكم الفرق بين have to و must في حالة النفي
تغيير جذري
have to لما اتنفت قربت في المعنى من shall المنفيه وبعدت عن must اللي اتقلبت من الضروره للتحريم

قاعدة الأفعال الناقصه ايه بقى؟؟؟؟؟؟؟؟؟
الفعل الناقص هو فعل يساعد في توضيح حالة الفعل الأساسي لكنه ناقص لعدة أسباب أهمها أنه لا يصرف الا في صيغة الماضي البسيط ثانيها أنه لا يمكن أن يحل محل الفعل الأساسي
ثالثا لا يمكن أن يضاف اليه حرف sالمفرد
وظيفة الفعل الناقص وصف الفعل الأساسي في الحاله من الضروره الى الأفضليه الى الامكانيه أو الاحتمال و القدره
بكده خلصنا الافعال الناقصه أو modal verbs

**دكتوره فوفو** · 17-08-2007, 02:54 AM

مراجعة الأفعال الناقصه

السلام عليكم

أخواتي الحبيبات واخواني الأعزاء

شرحنا الأسابيع الماضيه الأفعال الناقصه

قلت انها افعال ناقصه اتسمت كده لسببين أولا لأنها ماتقدرش تكون جمله مفيده من غير ما يكون معاها فعل أساسي في الجمله على عكس الأفعال المساعده اللي ممكن جدا انهم ييجوا في الجمله كفعل أساسي ويدوا معنى مفهوم

الفعل الناقص بقى ماينفعش ييجي لوحده لسبب بسيط انهم معظمهم بييجي بهدف الترغيب في فعل شئ أو النهي عنه أو التحذير أو تبيين وجوب عمل شئ معين

فماينفعش حتى في اللغه العربيه نقول انت لازم اللبن

لا احنا نقول انت لازم تشرب اللبن

وهكذا باقي الأفعال الناقصه

تاني سبب لتسميتها بالأفعال الناقصه انها مش بتتعامل زي باقي الأفعال " الطبيعيه العاديه " من ناحية النفي ومن ناحية التصريفات

أوضحلكم ازاي

يعني احنا لو عندنا فعل عادي هننفيه فهنستخدم فعل مساعد لنفيه زي ماهنشوف في شرح الزمن المضارع البسيط والأزمان كلها ونفيها أما الفعل الناقص فبننفيه هو ذات نفسه مش بنستعين بفعل مساعد منفي بدل منه

وفي نفس الوقت فعلى عكس باقي الأفعال اللي في منها ماضي بسيط وماضي تام وماضي مستمر ومضارع بسيط ومضارع تام ومضارع مستمر

فالفعل الناقص بيتصرف بس في صورتين المضارع البسيط والمضارع المستمر

دي كانت أسباب تسمية الأفعال الناقصه بالاسم ده

باقي بقى نعرف إيه هما وايه هي احكامهم

قلت ان الفعل الناقص ده بالرغم من اسمه الا انه فعل جامد بيخلي الفعل معاه ييجي مظبوط

يعني بيجيب الفعل بعده في الصوره الطبيعيه بتاعته يعني في الصوره الخام اللي بتسمى المصدر اللي هي زمن المضارع البسيط من غير تمييز

يعني مثلا لو عاوز اقول لحد انت لازم تبقى شاطر فهقوله

You must be clever

أيا كان الحد ده هنلاحظ ان الزمن جه في المصدر بتاع فعل يكون be حتى لو بتكلم عن مفرد فهقول

She must be clever

He must be clever

It must be clever

شايفين عمل إيه في الفعل ؟؟؟؟؟؟

وحد صورة الفعل وساوى بين الضمائر والأسماء كلها والمفرد والجمع في الفعل

كده عرفنا هو بيعمل ايه في الفعل اللي بييجي معاه

باقي نعرف إيه هي الأفعال الناقصه دي ومعنى كل فعل إيه

الأفعال دي هي

Must معناها لابد او بالعاميه يعني لازم بمعنى ان لو ماتعملش الفعل اللي بعدها هيقع ضرر على اللي ماعملهوش

You must pay for him انت لازم تدفعله يعني لو مادفعتلهوش هيقع عليك اذى اما انه هيسجنك او هيضربك او او

تاني فعل هو can بمعنى يستطيع ممكن ان احنا نستخدم الفعل ده للتعبير عن السماح بشئ معين او التعبير عن القدره على شئ معين

يعني إيه ؟؟؟؟

هشرح مثالين يبينوا

You can sleep here just tonight معناها انتتقدر تنام هنا الليله دي بس

بمعنى اني بسمحلك بالنوم هنا الليله دي

I can swim well أنا بقدر اعوم كويس

يعني بعبر عن قدره معينه

وهكذا ممكن نستخدمها في الاستخدامين دول على حسب الجمله اللي انا حاططها فيها

تالت فعل هو فعل shall الفعل ده شبه فعل must لكنه أخف منه في الحده

بمعنى ينبغي نفهم بالمثال أكتر

لو قلت you shall help her ده لو بتكلم عن مساعدة حد غريب فهقول انت المفروض انك تساعدها معنى ده ان الواجب بيحتم عليا فعل الشئ ده لكن مافيش عقاب هيقع عليا لو ماعملتش كده

يعني انا بقول لحد انت المفروض تعمل كذا واسيبه لضميره

رابع فعل كان فعل will بمعنى سوف يعني انا هعمل كده بكره " معلش هما ماعندهمش ان شاء الله "

يعني انا ان شاء الله هعمل كذا بكره

I 'll go for the beach next week بمعنى انا هروح الشاطئ الاسبوع القادم " عندنا احنا ان شاء الله "

مالهاش أي معنى محور

خامس فعل من الافعال الناقصه فعل may بمعنى ربما او يمكن

وساعات بييجي بمعنى التمنى

نقول امثله احسن برضه

I may come tomorrow انا يمكن آجي بكره " بمعنى احتمالية حدوث الفعل او عدم حدوثه "

May exam come easy ياريت الامتحان ييجي سهل

فاضل كده فعل مشتق من verb to have وهو have to …..

Have to = must بتفيد ضرورة فعل الفعل الليبعدها ولو ماتعملش هيقع ضرر

يعني must و have to لما ييجوا قبل فعل يبقى كأنهم امر بالفعل ده ولوماتعملش الفعل اللي وراهم هيقع ضرر او عقاب

فاضل كده حاجه ا وهي نفي الفعل الناقص

هنسيب must و have to للآخر

Will……..willn't بس ماتتكتبش كده لان الكتابه دي غلط تتكتب won't

May ………mayn't

Shall…….shalln't لكنها قليلة الاستخدام غير في اللغه القديمه جدا في المراجع هنعرف ليه بعدين ان شاء الله " ملحوظه هنا النفي معناه ينبغي ألا تفعل كذا........... "

Can ………can't " cannot "

فاضل بقى must و have to

الفرق بينهم بقى في حالة النفي ان

Must ………mustn't النفي معناه ممنوع

مثال" ممنوع التدخين هنا" you mustn't smoke here

بمعنى انك لو دخنت هتقع تحت طائلة القانون أو هتعاقب من قبل الناهي عنفعل الشئ يعني انتلازم ماتعملش الحاجه دي

فعل have to زي ماقلنا هو زائد على الأفعال الناقصه ولأنه فيالأصل مشتق من الأفعالالمساعده فماينفعش ننفيه هو بنستخدم فعل يفعل كفعل مساعد للنفي

You don't have to give him tips انت مش لازم تديله بقشيش

هنلاقي الاختلاف في النفي هنا انها على عكس must اللي اتحولت لتحريم الفعل

بعد نفيها اتحولت لمجرد الترغيب في عدم فعل الشئ يعني بقول لحد انتمش مضطر تعمل كذا

بكده انتهينا من مراجعة الأفعال الناقصه اللي كانت عامله لكتير منكم مشكله

وأتمنى تكونوا فهمتوها لو فاضل شئ مش مفهوم رجاء كتابته وباذن اله أحاول أوضحهولكم

اترككم في رعاية الله وأمنه

و إلى القاء في الدرس الجديد باذن الله

**دكتوره فوفو** · 18-08-2007, 02:11 AM

دروس كورس الانجليزي المستوى الأول ....موضوع للاطلاع فقط

السلام عليكم
هتكلم النهارده عن قاعده خفيفه وهي المفرد والجمع في الأسماء
singular & pleural
اللغه الانجليزيه طبعا لغه جميله وسهله زي ماكلكم عارفين
مافيهاش مثنى
فيها مفرد وجمع بس
خلصينا ياستي انتي هتشلينا بقى؟؟؟؟؟
ملحوظه بعض المعلومات دي بقولها لأن فيه أمهات بتاخد الكورسات دي وتشرحها لأبنائها في ابتدائي فلازم وضحها
أسفه عالأطاله عليكم بخصوصها
نيجي بقى للمهم
في كلمات مفرد بتجمع بمجرد اضافة حرف ليها وهوحرف s
وفي كلمات شاذه الجمع بتاعها بيحفظ والسبب في كدهانهاكلمات مشتركه بين أكثر من لغه وجمعها في كل اللغات قريب من بعضه
ناخد مثله عالجمع بقى ......ولا أقولكم استنوا شويه
المفرد
نتكلم عن المفرد
المفرد ليه أدوات عشان لازم تتحط قبله أو حروف
الحروف دي يا اما حروف تنكير لوكان المفرد ده نكره a, an

وحرف تعريف لو كان شئ معروف
the زي الشمس والقمر مثلا أو بعض الحاجات اللي هنوضحها تحت

مش فاهمين طبعا
أنا بكلم الناس الصغننين برضه
أداة المفرد النكره يعني بتكلم عن مجرد حاجه
طيب ايه الفرق بين aو an ?

الاتنين ليهم نفس الوظيفه وهي توضيح ان الاسم بعدهم مفرد ونكره ماحدش يعرفه
الفرق امتى نحط a ,و امتى نحط an ?
نحط aفي كل الأسماء ماعدا الأسماء اللي بتبدأ بحرف من الحروف المتحركه ( A,O,U,I,E )
أو بمعنى آخر بنحط an قبل الأسم اللي بيبدأ بحرف متحرك
ناخد أمثله ونطبق عليها الحروف دي ونشوف بتتجمع ازاي

Examples:

* Apple تفاحه......جمعها..... Apples........لما نحب نقول تفاحايه واحده نقول An apple معنى كده اننا بتكلم عن مجرد تفاحه
*Door باب .....جمعه Doors......لما نحب نقول باب واحد نقول A door

يعني بنتكلم عن مجرد باب عادي
طيب لو قلنا The door يبقى بقول الباب يعني بقصد باب معين
طيب لو قلنا the apple يبقبتكلم عن التفاح عموما كفاكهه معروفه
نيجي بقى لأمثله على الجمع الشاذ
woman ( singularمفرد)........> women ( pleuralجمع)
man...........>men
child.......> children
نيجي بقى على أسماء بنتصرف تصرفات مخصوصه واحنابنجمعها باضافةs
.زي الأسماء اللي بتنتهي ب حرف y بنحول ال y الى ies ( اذا سبقها حرف ساكن ) للتحويل لصيغة الجمع
Boy - Boys
Lady - Ladies
بعض السماءبتنتهي بحروف قريبه في النطق من حرف ال s .زي z, x ,ch, c
بنضيف es للتحويل لصيغة الجمع

.....مش متذكره حاليا مثال على اضافة es لكن باذن الله أول ماأفتكر هضيفه على طول

ملحوظه :
بعض الأسماء مش بتتجمع
ليييييه؟؟؟؟؟؟؟؟؟؟
لأنها في حد ذاتها جمع ومفرد في آن واحد أو لأن جمعها يحولها لمعنى آخر

money لا تجمع لأنها أصلا عباره عن نقود يعني الاسم في حد ذاته مفرد وجمع في آن واحد
milkلا تجمع لأنها سائل وجمعها يدل على تنوع أصناف
cloth قماش ......لو جمعت clothes فمعناها تحول الى ملابس وليس قماش
glass زجاج ...... لو جمعت ل glasses تحول معناهالنظارات
desertصحراء ..... لو جمعت ل deserts تحول المعنى لحلوى مابعد الطعام أو التحليه
وهحاول أجمعلكم كل أسبوع كام كلمه منهم باذن الله
أشوفكم على خير مع درس جديد
السلام عليكم
أستودعكم الله اللذي لا تضيع ودائعه

دروس كورس الانجليزي المستوى الأول ....موضوع للاطلاع فقط

دروس كورس الانجليزي المستوى الأول ....موضوع للاطلاع فقط

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق