الى الاخت tata

جزاك الله كل خير

دى صورة الوردة الهاشرح طريقة شغلها وبصراحة هى من كذا مرجع لانى كنت شفت موضوع لاخت فاضلة بتشرح ازاى نعمل فيه الوردة بس كانت طبقة واحده وكانت تستخدم ميدالية بداية الشغل مثل ماشرحت الاخت الفاضلة
نشوف الشرح
اولا نعمل 6سونغلق بمنزلقة
السطر الاول:عمل 11 عامود بداخل الدائرة ونغلق بمنزلقة
السطر الثانى:3س ارتفاع ثم عامودين ثم عامود وسلسلة ثم عامود ثم عامودين ثم عامود وسلسلة ونكرر حتى نهاية السطر(ع-2ع-ع-س) ونغلق بمنزلقة
السطر الثالث:3س ارلاتفاع ثم عامود ثم عامودين ثم عامود ثم سلسلة ثم عامود ثم عامودين ثم عامود ثم عامودثم سلسلة ونكرر بهذا الترتيب حتى نهاية السطر
(ع-2ع-ع-ع-س)
السطر الرابع:3س ارتفاع ثم عامود فوق كل عامود وس فوق كل س تقابلنا حتى نهاية السط ونغلق بمنزلقة
السطر 5-6-7:مثل الرابع
ملاحظة لو حبيتى تنقصى سطر او اثنين من الاسطر الاخيرة دى ممكن بس الافضل الالتزام بالمكتوب
السطر الثامن :اولا ممكن ندمج مع الشغل فى السطر دة سلك نحاسيى رفيع ليعطى صلابة للوردة وممكن لا
3س ثم عامود ثم عامود ثم عامودين بنفس المكان ثم عامود ثم عامودد ثم سلسلة ونكرر حتى نهاية السطر طبعا فى اول جزء من السطر هايكون ناقص عامود بس فى باقى السطر يكون الترتيب(ع-ع-2ع-ع-ع-س)
السطر العاشر:دة اليحدد البتلات س واحدة ثم غرزة حشو ثم(نصف عامود -عامود)بنفس المكان ثم(عامود-عامود بلفتين)بنفس المكان ثم(عامود بلفتين-عامود بثلاث لفات) بنفس المكان ثم (عامود بثلاث لفات -عامود بلفتين)بنفس المكان ثم
(عامود بلفتين-عامود بلفة) بنفس المكان ثم (عامود بلفة_نصف عامود) بنفس المكان ثم غرزة حشو وكمان غرزة حشو ونكرر الترتيب من اول ثانى حتى نهاية السطر ونغلق بمنزلقة
السطر 11:نعمل فوق كل غرزة غرزة غرزة حشو او نصف عامود وانا اشك انه هانشتغلة كما لو كنا بنشتغل غرزة بريد خلفية والله اعلم
وطبعا دة لانى حاسة ان السطرده راجع للخلف شوية وممكن نعمله عادى
كده الطبقة الاولى خلصت
وهاشرح الطبقة الثانية بعدين بس اطمن على دى
يارب tata والبنات يفهمونى
دى اول مرة اشرح حاجة

شوفى حبيبتى انا شوفت البترون بتاع البتلات الفى رابط شرح المفرش وهاحاول اترجمة واشتغل وردة تانية بية ولو فى اختلاف كبير هاقولك الطريقة
بس ان شاء الله نتيجة الشرح السابق مرضية الى حد كبير بس جربيها وقوليلى النتيجة

بس ياترى الشرح بتاع المفلرش يعطى نفس الشكل الفى الصورة يعنى الطبقتين الفى الجزء الاخير بيظهروا كدة
خدى بالك انا معدلة حاجة فى السطر العاشر بس مش عارفة احطها فى الشرح الاصلى

شكرا لك الوردة جميلة جدا

يالم يام جودى طبقيها وقوليلى النتيجة عامله ايه
بس للاسف مش عارفةtata فين مش عاوزاها تفتكر انى طنشتها
عموما ان شاء الله هاكمل الشرح بس اشوف شوية تفاعل من البنات
علشان ميكونش الشرح على الفاضى

يااااااه يا حبيبتى انا اول مره اشوفه فعلا لانتى فى الفتره دى كنت مسافره والظاهر الموضوع رجع وراء بس بجد شكرا لكى تصدقى انا ماعملتش المفرش لما لاقيت محدش بيرد عليا فى الورده قلت مش هاينفع اعمل المفرش من غير الورده بس كده انا هاتحمس واعمله ان شاء الله بس قوليلى انتى عملتيه بخيط ايه علشان ابقى اشتريه؟

الحمد لله انك شفتى الموضوع لانى مكنتش عايزاكى تفتكرى ان طنشت الرسالة بتاعتك ولا حاجه
انا بشتغل المفرش بخيط قطن بس فتلته مش سميكه بصراحه الخيط كان عندى وقولت اجرب بيه
وبالنسبه للوردة شرحها مش كامل لانك لما ماشفتيش الموضوع زعلت ومكنش فيه تفاعل من البنات
ان شاء الله لو بدأتى فيها وعملتى الجزء ده اكمل باقى الوردة

المشاركة الأصلية بواسطة شهرزاد الحزينة

الحمد لله انك شفتى الموضوع لانى مكنتش عايزاكى تفتكرى ان طنشت الرسالة بتاعتك ولا حاجه
انا بشتغل المفرش بخيط قطن بس فتلته مش سميكه بصراحه الخيط كان عندى وقولت اجرب بيه
وبالنسبه للوردة شرحها مش كامل لانك لما ماشفتيش الموضوع زعلت ومكنش فيه تفاعل من البنات
ان شاء الله لو بدأتى فيها وعملتى الجزء ده اكمل باقى الوردة

الحمد لله ان مفيش زعل دلوقتى وبجد ياشكرك على استجابتك وانا هاستناكى تشرحى بقيه الورده ولو بالصور يبقى كتر الف خيرك وانا عندى خيط قطن رفيع قوى هاحاول اعمل بيه وممكن تنزلى المفرش بعد ما تخلصيه علشان اتفرج عليه واشوف شكله هليطلع ايه واكيد شغلك هايطلع حلو باذن الله

ان شاء الله هاكمل شرح الوردة بس بالصور مش هاقدر لانى معنديش كاميرا حتى والله بطوط كان نفسى تشوفيه موضوع التصوير عاملى ازمه ومجتش فرصة اصور بيها لسه
بس الشرح هاحاول اوضحه على اد ماقدر وشكل الوردة طاله مش بطال وقريب جدا من الاصليه وانا وراها لحد ماتتطلع زيها بالضبط واى تعديل هاقولك عليه ان شاء الله
انا مستنيه بترون المفرش

المشاركة الأصلية بواسطة شهرزاد الحزينة

ان شاء الله هاكمل شرح الوردة بس بالصور مش هاقدر لانى معنديش كاميرا حتى والله بطوط كان نفسى تشوفيه موضوع التصوير عاملى ازمه ومجتش فرصة اصور بيها لسه
بس الشرح هاحاول اوضحه على اد ماقدر وشكل الوردة طاله مش بطال وقريب جدا من الاصليه وانا وراها لحد ماتتطلع زيها بالضبط واى تعديل هاقولك عليه ان شاء الله
انا مستنيه بترون المفرش

اكيد شرحك هيكون جميل ومفهوم وانا مستنيه باقى الشرح والباترون والله انا حاولت انزله من مواقع تحميل كتير بيقولى هذا الملف لايمكن تحميله مش عارفه ليه بس انتى شوفى الشرح هو زى الباترون وممكن تحطى الفرش فى موضوع ابله هنهن سؤال وجواب وان شاء الله هى هاتجيبه

وصلتى لحد فين يا شهر زاد انا مستنيه باقى شرح الورده