هلا زهورة سلامتك الف سلامة تطبيق جميل يعطيك العافية

غرزة الحافة اختي بتنشغل باول الادوار ومتل ما قلنا اما عدلة او مقلوبة حسب الباترون ما الها علاقة بالجدلة وحبيبتي غرزة الحافة مو لازم قبل كل جدلة بتكون قبل كل رزة من غرز التريكو مثلا بدك تعملي بلوزة او اي قطعة هل نبدا فورا بالجدلة من اول دور وا بيصير لازم نعمل كم غرزة قبلها لانك اذا بدك تعملي خياطة على الاطراف حتخيطي على الجدلة او على الغرزة نفسها لذلك بيعملوا مجال للخياطة هيدا مثال ذكرتوا حتى توضح الفكرة من غرزة الحافة وهي متل اي غرزة تانية بس بسموها غرزة الحافة لانها على اطراف او حواف القطعة

بالنسبة للجدلات هي كلها نفس الشغل ان كانت جدلة خلفية او جدلة امامية بس بتزيد احيانا بعدد الغرز واحيانا بتكون من 3 غرز فقط متل هيدا البارون يلي نزلتيه اول غرزة

[IMG][/IMG]

نبدا من الجدلات يلي بالاعلى مشار عليهم بالسهم الاحمر يلي على يمينك بتكون جدلة خلفية وهيدي شرحتها بالدرس من غرزتين ويلي على يسارك جدلة امامية ومن غرزين كمان شرحتها بالدرس بس انتبهي لشي انوا غرز الجدلة غرز عدلة لانوا احيانا بتكون الجدلة غرز عدلة وغرز مقلوب وانتي بتعرفي هيدا الشي من الرمز الموجود بالباترون متل يلي حشرحلك ياه بالغرزة الاولى و

المشار لهم بالسهم الاخضر جدلة بس من 3 غرز واحدة مقلوب و2 غرزة عدلة واحيانا فيه باترونات بيكونوا كلهم غرزة عدلة و يلي على يمينك جدلة امامية

طريقة شغلها نضع على الدبوس 2 غرزة امام الشغل ومنشتغل غرزة واحدة مقلوب ثم منرجع الخيط للخلف ومنشتغل الغرز التي على الدبوس غرز عدلة

اما يلي على اليسار جدلة خلفية نضع غرزة على الدبوس خلف الشغل ونشتغل 2 غرزة عدلة منرجع الخيط للامام ومنشتغل الغرزة يلي على الدبوس غرزة مقلوبة

اما الجدلات المشار اليها باللون البرتقالي نفس الشرح يلي شرحتوا للجدلات المشار اليها باللون الاخضر بس معكوسين يلي على يمينك جدلة خلفية ويلي على يسارك جدلة امامية وهدول الجدلات مهمين كتير لانهم موجودين بمعظم الباترونات يلي على شكل معين

واحيانا منشوف جدلات من 5 غرز فقط لازم تنتبهي ان كانت امامية او خلفية وفيه جدلات منوعة كتير وبخلف بعدد الغرز
وانا سعيدة باسئلتك وارجو ان اكون وضحت الفكرة وان شاء الله اذا مهتمة بالتريكو وبعمل الجدلات بس تنتهى الدورة ممكن نختار غرز فيها جدلات ونشتغلها موفقة واي سؤال اسئلي ولا تترددي

مشكورة يالغاليه على الشرح تعبتك معي

وان شاء الله احاول اطبق هذا البترون عشان اتاكد اذا اللي فهمته صح او لا

موفقة زهورة وبانتظارك واي سؤال انا تحت امرك موفقة