بلوزة بنوتة (( فن وإبداع مع غزل البنات )) الاسبوع الأخير
هذه مشاركتى الثانية فى الاسبوع الاخير
بلوزة لمارو اخت مازى بنات اخويا
الجزء الاعلى
الجزء الاسفل
ودى للشعر
ودى مارو هانم وهى لابسة البلوزة
الخيط المستخدم خيط ماكس MAX (احلى خيط قطن اشتغلت بيه ناعم ومريح فى الشغل )
البداية من خط الصدر عن الشريط الستان
نشتغل سلسلة بدوران البنت ثم بشتغل الصدر يعنى لأعلى
اول سطر كله حشو
تانى سطر عمود سلسلة عمود عشان ندكك فيه شريط الستان
باقى الصدر بغرزة 4عمود سلسلتين ونعمل حساب الجزء اللى داخل مع بعض ( الكروازيه ) معرفش مسمى غيره اللى هو عند منتصف الامام
يعنى الشغل مش حيبقى دوران لأ حيكون سطر امام وسطر خلف يارب اكون عارفة اوصل الفكرة
وبعد 6 سطور نبدأ بحردة الصدر وهى اننا بننتهى من الخلف ونشتغل فى الامام لناحيتين الصدر فى كل سطر بننقص غرزة (اللى هى عبارة عن 4 عمود سلسلتين )من الناحيتين الى ان نصل الى جزء الحمالات وهى عبارة عن سلسلة بالطول المطلوب ونشبكها فى الخلف ثم نرجع على السلسلة بعمود خمس سلاسل عمود حتى يتكون مستطيلات صغيرة نشتغل داخل المستطيلات فستونات من 8 أعمدة
الآن نبدأ فى الجيبة
من مكان البداية نشتغل الدوران كله بشبكة ( عمود - سلسلتين - عمود ) الى ان نصل لطول الجيبة المطلوب
ثم بندأ بعمل الكرانيش وده باترون الكرانيش للتوضيح
السطر الثانى نشتغل 9 عمود فى الخمس سلاسل ثم حشو فى ال4سلاسل
السطر الثالث تسيبي اول عمود من ال9عمود وتعملي عمود في العمود التالي ثم سلسله ثم عمود في العمود اللي بعده وهكذا
حتي تعملي 7عمود(يعني تسيبي العمود الاول والعمود الاخير )
السطر الرابع
اعملي سلسله ثم غرزه حشو في نفس الغرزه ثم غرزه حشو في السلسلة اللي بين العمودين الاول والثاني(3سلسلة - حشو فى السلسلة اللى بعدها ) وكرري مابين القوسين حتي نهايه المجموعه(كده حايكون عندك 5فستونات صغنونة )ونكمل باقى السطر
وبكدة خلصنا اول كورنيشة
نشتغل باقى الكرانيش
اتمنى ان اكون وفقت فى الشرح
واتمنى انه ينال اعجابكم
لكم منى كل الحب
تعليق