تويت
ورشه الشال (غرزه انصاف الدوائر) ----ياللا يابنات
السلام عليكم ورحمه الله وبركاته
نبدأ ياقمراتي ورشه الشال
ودي صوره للشال للي ماشافوش
الشال غرزته بسيطه وبيتعمل شرايط طوليه وتتشبك في بعضها
كده
وانتي لو عايزاه مثلث بتعملي شريط او شريطين طوال وبعدين شريطين اقل في الطول علي الجانبين وشريطين اقصر وهكذا
كده يعني اللي متحدد بالاسود ده شريط واللي متحددين بالصفر دول شريطين علي الجانبين
لو مستطيل بتعملي شرايط متساويه في الطول وتقللي العرض عن الطول
لو بطانيه بيبي بتعملي شرايط برضه وتحسبي الطول زي العرض
طرف الشال بيطلع زي الفستونات يعني انا عملته كده وماعملتوس مستوي
انا شبكت بالكروشيه بس ممكن تشبكي بالابره والفتله عادي وحايكون حلو جدا واسهل كمان
اخد حوالي 600 جرام من الخيط اللي بالكيلو
بسم الله
اعملي 10 سلاسل
اعملي عمود في اول سلسله
5سلاسل ثم عمود في اول سلسله برضه وده شكل السطر ده
العمود اللي في النص حااقول عليه عمود المنتصف
اعملي سلسلتين ولفي
اعملي 10 عمود ثم عمود في عمود المنتصف ثم 10عمود
ارتفعي بسلسلتين ولفي ثم اعملي عمود في العمود التالي
(ثم سلسلتين وسيبي عمود واعملي عمود في العمود التالي)
وكرري مابين القوسين حتي نهايه السطر
في نهايه السطر معاكي 11عمود غير سلسلتي البدايه وتحسب عمود
وده شكل السطر ده
ارتفعي بسلسلتين ثم (عمودين في اول لوب ثم عمود في العمود التالي)*
وكرري حتي نهايه السطر
ارتفعي بسلسلتين ولفي-عمود في العمود التالي -(ثم اعملي سلسلتين وسيبي غرزه واعملي عمود في الغرزه التاليه )وكرري
وده شكل السطر
وكده خلصتي وحده
ياللا اشوف التطبيق وبعدين نكمل
تعليق