### شرح قفاز كروشيه بغرزة الضفيرة ###

[IMG][/IMG]


اول خطوة نعمل سلسلة على مقاس معصم اليد انا طبعا عملتوا على مقاس بنتي
السلسلة مكونة من 44 غرزة + 3غرز كاول عمود
الدور الاول نعمل عواميد على طول السلسلة

[IMG][/IMG]



الدور التاني اذا عمود 7 غرز اكس نلف الخيط على السنارة 3 لفات نترك 3 عواميد ونعمل بالعمود الرابع عمود امامي ثم عمودين ب3 لفات بسير معنا 3 عواميد ب3 لفات ثم ملف على السنارة 3 لفات منرجع منشتغل العواميد يلي تركناهم وطبعا عواميد امامية ثم منشتغل 3 عواميد عادية منكرر الجدلة ثم غرز الاكس وبالخير عمود




وهادا الشكل من الامام


نلف الشغل منعمل عمود 7 غرز اكس ثم 6عواميد بلفة امامية +3عواميد +6عواميدامامية +7غررز اكس +عمود

منشتغل 3 ادوار بنفس الطريقة

اذا كل 3 ادوار منعمل الضفيرة والضفير ة بتيجي من الخلف لما نضفرها منكرر بنفس الطريقة
اذا لمل عملنا اعمود غرز الاكس نلف الخيط على السنارة 3 لفات نترك 3 عواميد وبالرابع نشتغل 3عواميد
امامية
[IMG][/IMG]

منرجع منلف على السنارة 3لفات منرجع منشتغل العواميد يلي تركناهم ولا ننسى العواميد امامية
[IMG][/IMG]

وممكن تقللي حسب مقاس اليد ويلي بيناسبها


لما انتهينا من الطول المناسب بدنا نعمل فتحة الاصبع كالتالي
لليد اليسار نبدا بعمود 3 غرز اكس نعمل سلسلة من 8 غرز 6 عواميد امامية ثم 3 عواميد +6عواميد امامية +7 غرز اكس +عمود

منلف الشغل وعند الوصول لفتحة القفاز نعمل غرزة الاكس نترك سلسلة ومنعمل عمود بالسلسلة التانية ومنرجع للسلسلة الةلى ومنعمل عمود وهكذا بحيث يبقى معنا نفس عدد الغرز
منشتغل دورين ومنختم الشغل

منرجع نشتغل الاصبع نثبت الخيط بالعمود التاني ونعمل عمود ومنرجع منشتغل العمود يلي تركناه ومنكمل 4 غرز اكس ومنشتغل 3 ادوار


اما اليد اليمينمنعمل عمود +غرز الاكس +اضفيرة الاولى +3 عمود +الضفيرة التانية +8س حشو بالغرزة التالتة وبالعمود التاني من الغرزة الاكس نعمل عمود ومنرجع منشتغل العمود يلي تركناه ومنكمل ومنعمل دورين
بعد النتهاء من عمل القفاز عملت كنار للقفاز عبارة عن عرزة حشو
ثم اقواس من 3س
حشو بالقواس ثم اقواس دور تاني ونملي القواس بغرزة الحشو ثم بالدور الخير نعمل غرزة بيكو من 5س منشتغل 3 حشو بيكو الى نهاية الدور
منخيط القفاز من الداخل اما فتحة الاصبع منخيطه من وجه الشغل
وهادا الشكل النهائي

[IMG][/IMG]

[IMG][/IMG]

ودمتم بالف خير واي سؤال او استفسار تحت امركم