علبه المناديل تعالوا شوفوا
انا كنت عملت علبه المناديل دى من كام شهر علشان كده ماصورتش الخطواتبس ممكن احط الصوره الاخيره وممكن اجيب الباترون ياريت تقبلوها معاكوا فى المسابقه
ولو ماقبلتوها يكفى انى شاركت فى المنتدى بعمل يشوفوه الاخوات .يارب تعجبكوا.
ده الباترون الرئيسى بتاع العلبه على شكل مربع ونقدر نتحكم فى الزياده زى مااحنا عاوزين على حسب الحجم اللى عاوزينه
وده باترون الورده
وده باترون ورقه الشجره انا عملت اتنين فقط
طريقه العمل :
العلبه عباره عن مربعين نعمل كل واحد على حده
المربع الاول نقوم بعمل 5س وتغلق بمنزلقه
السطر الاول:
نعمل 3 عمود ثم 3 س ثم 3 عمود ثم 3س ثم 3عمود ثم 3س ثم 3عمود ثم 3س ونغلق السطر.
السطر الثانى:
نعمل 3 عمود ثم 2س ثم فى الفتحه التاليه( نعمل 3عمود +3س+3عمود) ثم 2 س ثم فى الفتحه التاليه (3عمود +3س+3عمود) وهكذا حتى اخر السطر.
السطر الثالث:
نعمل فى اركان المربع (3عمود+3س+3عمود) ثم 2س ثم فى الفتحه التاليه 3عمود ثم 2س ثم فى ركن المربع (3عمود+3س+3عمود) وهكذا حتر اخر السطر.
السطر الرابع والسطر الخامس بنفس طريقه السطر الثالث .
نعمل مربعين بنفس الطريقه ونشبكهم مع بعض بغرزه حرف وليكن 3عمود ونشبكهم بغرزه حشو فى الفتحه التاليه وهكذ حتى اخر المربعين.
طريقه ورقه الشجره:
نعمل 11 سلسله ثم نعمل غرزه حشو ثم 2 بريد ثم 2 عمود بلفه ثم 4عمود بلفتين ثم 2 عمود بلفه ثم 2 بريد ثم غرزه حشو.
شرح الورده:
5 س وتغلق بمنزلقه .
(3س و2 عمود بلفه ثم 3س ونثبتها بغرزه حشو) ونعمل منها 8ورقات كمان بنفس الطريقه ونغلق بغرزه حشو.
السطر الثانى:
اعملى 5س وثبتيها فى غرزه الحشو بين الورقتين ثم 5س وثبتيها فى غرزه الحشو بين الورقتين وهكذ حتى اخر السطر.
السطر الثالث:
اعمل داخل ال5س (3س ثم 5 عمود بلفه ثم 3 س وثبتيها بغرزه حشو ) كملى بنفس الطريقه فى باقى السلاسل حتى نهايه السطر .
باقى السطور بنفس الطريقه السابقه وتستطيعى ان تكبريها بالحجم اللى انتى عاوزاه.
بعد ان عملتى الورده وورقه الشجره ثبتيهم بالابره والخيط العاديين فى العلبه ثم ضعى عليها لؤلؤ للتزين وتستطيعى الاستغناء عنه حسب رغبتك.
يارب الشرح يكون واضح
يارب تعجبكوا
رد مع الاستدلال
كتبت بواسطة ღلـؤلـؤة لـكِღ
الروابط المفضلة