السلام عليكم ورحمة الله وبركاته..........
التحيه كل التحيه للقائمات على هذا المنتدى الرائع والمشاركات فيه سواء بالابداع او بالنصيحه او بالمشاركات او....
سؤالي عن انواع الخيوط لعمل مفارش السفره او الخداديات بشكل يكون شيك وانيق ومرتب لاني ان شاء الله في خلال سنتين او تلاته هنقل في شقه تانيه فقلت يدوب ابتدي علشان الحق اخلصهم...هههههه

السلام عليكم
شوفي يا مني
لو حتعملي الخيوط
لونها بيج
او ابيض
عندك الخيوط
المصريه زي حلوان ممتازه
وفي خيوط
اسمها غزل بتاع التصدير بيبقي علي شكل شلل طويله بالوزن
بيج درجتين وابيض موجوده عند محل ليليكيان في المنشيه او في صلاح سلام
دول ممتازين
لو بقي عاوزه مفارش ملونه
افضل شئ
وانتي مغمضه
الجاردن التركي بس انتي بتحبي الرفيع والا لا
وكل ما كانت خيوط المفارش رفيعه كل ما زادت قيمتها وشكلها كان افضل واشيك

الغزل احلى و اشيك حاجه بيدي شكل تحفه للمفرش هوه رفيع بس نتيجته حاجه تانيه خالص

ده اول مفرش عملته و استخدمت فيه خيط الغزل

شكرا جدا لكل الاسكندرانيه العسولين ............بس هو خيط الغزل هو هو اللي اسمه خيط الصياد؟؟ وفيه منه الوان والا لأ؟؟

علشان خاطري ردوووووووو!!!!!!

ماشاءالله ماقصروا البنات

واني اعرف انه المفارش تنشغل بخيط الصياد الرفيع

بالتوفيق حيبتي

كتبت بواسطة mona allam

علشان خاطري ردوووووووو!!!!!!

مني انتي عاوزه حاجه تعيش
والا شغل وتعب قلبب وخلاص
خيط الصياد نايلون
وخيط المنجد او الغزل العادي سئ جدا
لكن لو الغزل الي بقولك عليه بتاع التصدير ممتاااااز
في كمان خيط في الازهر بالوزن بيتباع منصحكيش بيه
ودي وجهه نظري

السلام عليكم ورحمه الله وبركاته
الغاليات ردوا وكفوا ووفوا
انا شكلي كده حااعزل واجي اقعد جنبكوا في اسكندريه
احلي خيوط في الدنيا موجوده هناك ماشاء الله
بصي يامني انا لي زمن مش باشتغل مفارش
انما لما كنت باشتغل عملت شويه بخيط الصياد الرفيع
تحفففففه بجد وغسيل ولبس زي مابيقولوا ومتين جداا
ونتيجته زي الدانتيل بالظبط
بس هو بيكون متعب شويه في الاول لغايه ماايدك تاخد عليه في الشغل
الغزل المستورد ده ماسمعتش عنه قبل كده
بس خدي برأي خبيره الخيوط بنتي الغاليه فراوله ماشاء الله عليها
انا بس حبيت اقول راي في خيط الصياد

ام نور وندي ماشاء الله عليكي المفرش جميل قوي
قولي لي هو ده الحرير الفرنساوي