تويت
ورشة عمل الشنطة الروووووووووووعة بالكروشيه
السلام عليكم ورحمة الله وبركاته
دى الشنطة اللى هنعملها ورشة
وده لينك الموضوع القديم فيه بعض المعلومات واستفسارات لبعض القمرات
-
السلام عليكم ورحمة الله وبركاته
دى الشنطة اللى هنعملها ورشة
وده لينك الموضوع القديم فيه بعض المعلومات واستفسارات لبعض القمرات
-
بسم الله الرحمن الرحيم
فى البدية اللى عندها اى سؤال او استفسار تسأل بدون احراج يا بنات بس يا ريت متخفوش وتكملوا يعنى اللى تشتغل تبقى جدعة كده وتكمل للاخر
بصوا يا بنات
1 -الشنطة لكى فيها الحرية انك تدخللها الوان او تعمليها سادة زى مانتى عايزة تمام
والخيط ممكن يكون قطن او صوف او ممكن خيط الصياد يعنى تختارى الخيط اللى يريحك فى الشغل
2 - الشنطة انا عملاها بالحجم اللى هنزله بالصورة بس انا لسة مكملتهاش اللى عايزة تشتغل بالحجم ده هو متوسط يعنى كويس واللى عايزة تكبرها هقولها تعمل ايه
ده حجم الشنطة
وده الباترون احنا هنغير فيه حجات بسيطة بس حبيت انزلهلكم
وده الخيط اللى اشتغلت بيه خيط قطن اشتغلت على فتلتين وطلع جميل
-
بسم الله الرحمن الرحيم
السطر الاول
16 سلسلة
وبعدين نطلع 3 سلسلة بمثاية اول عامود
نمشى 4 عماويد بلفة
والخامس نعمل معاه عامود زيادة بنفس الغرزة
نمشى 5 عامود
والسادس نعمل معاه واحد زيادة بنفس الغرزة
ونكمل لاخر السطر عماويد بلفةتعليق
-
ياسمين انا عملت زى ماقلتى بس حاسة الشنطة هاتكون صغيرة بالنسبة ليا ولا انت شايفة اية ؟؟؟؟؟؟؟؟؟ اصل انا الشنطة بالنسبة ليا مش اناقة وبس دى مخزن كمان بامبرز وغيارات وما شابه ههههههتعليق
-
ياسلام بدت الورشه الله يسعدك نفس الموعدتعليق
-
السطر التانى نلف الشغل ونرتفع 3 سلاسل بمثابة اول عامود
وبعدين نمشى 5 عامود
نركز بقى احنا كده واقفين فوق العامود الزايد تمام فى السطور اللى جاية كلها احنا بيبقى فى عامودين فى غرزة واحدة تمام اول عامود نشتغل فوقيه عامود عادى
والعامود التانى نشتغل فوقيه عامودين (( يعنى الاولانى عامود عادى والتانى نعمل فيه العامود الزيادة ))وبعدين 5 عامود ونعكس بقى العامود الاولانى نشتغل فوقيه عامودين والتانى نشتغل فوقيه عامود
وبعدين نكمل باقى السطر
تعليق
-
تسلمي ياسمين على الورشه
شكله حتكون صغيره
ياليت تقولي كم مقاسها
بالطول والعرض حتى يكونوا البنات على بينه.
تعليق
-
هنمشى بعد كده السطور بنفس الطريقة تمام
اهم حاجة اوعى تنسى تعملى عامود فى اخر السطر بيبقى فى السلاسل اللى بمثابة اول عامود اوعى ما تعمليش عامود فوقيها
اظن السطور وضحت ماشية ازاى ناخد بالنا من الزيادة الاولانية وبعدين 5 عامود وبعدين الزيادة التانية
وتعدى كده كل كام سطر لازم العواميد اللى قبل الزيادة اليمين تبقى نفس عدد العواميد اللى بعد الزيادة الشمال فاهمنى
تعليق
-
انا عملت خمس سطور بس حساها صغيرة لو حابة اكبرها اعمل اية؟؟؟؟؟؟؟؟؟تعليق
-
بالنسبة لحجم الشنطة هى الطول فى المنتصف 24 سم والعرض فى نصها حوالى 34 سم
نفس حجم الشنطة بتاعتى ونفس حجم دى
تعليق
-
تماااااااام يافندددددددددم
شرح واضح وجميلتعليق
-
لتكبير حجم الشنطة احنا المفروض بنمشى السطور الزيادة حوالى 14 عامود وفى كل سطر بعمل عامود زيادة على اليمين وعامود على الشمال لكن لو انتى عايزة تكبرى حجم الشنطة هتعملى 5 سطور زى ما شرحنا وبعدين تزودى بدل عامود واحد تزودى عامودين
يعنى احنا بنعمل عامودين فى غرزة واحدة صح
هنعمل بقى 3 عواميد فى غرزة واحدة شمال ويمين
لغاية السطر ال 14
وده شكل السطور فى الزيادة بس دى بزيادة عامودين مش 3
تعليق
-
استاذه ياسمين هذا تطبيقي ان شالله تمام
تعليق
-
هدفـــــــــــــــــــــــــــــــــــــــــــــــ ـــــــــــــ تمام كملى يا قمر
رســــــــــــــــــــــــــــــــــــــــــــــــ ــــــل شكرا يا قمر كلك زوق
هبة تمام يا جميل بالنسبة للتكبيرتعليق
-
سبحان الله يا ياسمين انا من كام يوم فكرت اعملها وامبارح بس بدات فيها وكان عندي باترون قديم اشتغلت عليه بس عملت فلحوسه وقلت اكبرها عن الباترون شويه ، الشويه دول عشرين سلسله زياده !! عمرك شفتي تخلف اكتر من كدا
المهم اشتغلت واشتغلت وبلاد تشيلني وبلاد تحطني لحد ما عملت 24 سطر وبعدين حسيت انها كبيرة اوي وشكلها بايخ وماما كمان قليتلي كدا ، راحت اختك فكت الشغل تاني ونقصت العشرين غرزة الزياده واشتغلت زي الباترون بالظبط .. الحمد لله النهارده الضهر كانت خلصانه بس لسه اليد ، ان شاء الله اول المحلات ما تفتح تاني انزل الموسيكي اجيبلها ايد .. تعرفي يا ياسمينه محلات معينه في الموسكي بتبيع يد الشنط ؟؟ ان شاء الله هاصور شنطتي وانزلها هنا .. بس علي فكره انا عملتها بطريقة مختلفة .. مع انه نفس الباترون!!
تعليق
تعليق