بناااات شلون ابتدي في هاي البلوزه؟؟؟!

اختي البنانيه بجده
اذا بعمل البلوزه لي شلون اخذ القياسات؟؟؟!

السلام عليكم ورحمة الله وبركاته
اختي الكريمة على شان بداية البلوزة تشتغلي السلاسل على القاس يلي تريديه حول الرقبة وتملئيه الدورز الاول غرز بدون لفة على السنارة او اذا بتحبي كمان تساوي لفة بصير وبتقسمي الغرز على شان الأكتاف والامام والخلف وبعد ماتشتغلي الرسمة لحين توصلي عددالدروب مثل ماهو مبين ثمانية بتوصليهم بدور ولكن بدون ماتشتغلي مكان الاكمام على شان تطلع معك حفرة الكم وبعدين بتجيبي سنارتين وبتدخلي الغرز وحدة وحدة وبتشتغلي لحد ماتخلصي الامام والخلف وبتشتغلي دروب سادا على سنارتين بس مشان الشغل اذا مابدك يطلع معك خياطة من الجوانب فيه سنارتين بخيط بكونوا هدول منستخدمهم بشغل القبات بتدخلي الغرز فيهم واذا بدك تشتغلي بخياطة على الحواف بتدخلي غرز الامام فقط وبتشتغلي لحتى يصبح عندك الدروب اللون الزهر وبتجيبي اللون الابيض وبتبدأي فيه بتشتغلي الدرب الاول والدور الثاني بتاخدي غرزتين مع بعض غرزة قفا مشان يطلع بارز ويتم التنقيص وبتعملي لفة على السنارة حتى ماتنقص الغرز معك وبيطلع معك الفراغ وثم بتشتغلي درب ابيض وبترجعي للون الزهر بامكانك الخيط الزهرماتقطعي وقت بتدخلي اللون الابيض فقط تمرريه من داخل البلوزة مشان مايطلع عندك عقد داخل البلوزة بضل شغلها ارتب وبعد ماتساوي اللون الزهر مرة اخرى والابيض بتساويه المرة الثانية اعرض اكثر دربين الدرب الاول بكون قفا حتى يطلع بارز والدرب الثاني بكون وجه عادي وبترجعي للون الزهر حتى تنتهي وبتشتغلي داير البلوزة اذا كنت عم تشتغلي الشغل على سنارة الخيط بتكوني دائما بدور الوجه عم تشتغلي من بداية الشغل واذاكنت على سنارتين عاديات بكون عندك دور وجه ودور قفا بالنسبة لاسفل البلوزةبكون الشغل كله وجه اذا كان على سنارتين اما اذا كان على سنارة الخيط لزم تعملي دور وجه ودور قا مشان تطلع الرسمة البارزة
ارجو انو تكون وصلتك الفكرة تمام
وان شاء الله ملبوس الهنا