سلام عليكم
انا بشتغل كروشيه وفكرت اشتري مكينة تريكو صغيرة اشتغل عليها بلوفرات ليا ولاقاربي ومعارفي وبحثت علي النت ولقيت مواضيع لحضرتك مدام تريكو ولاستاذ عادل زوجك ولاني طبعا مبتدئة مش عايزة اصرف فلوس كتير يعني انا كنت عايزة ماكنة واحدة اشتغل عليها وتكون بسعر معقول وزي ما حضرتك قلتي علي ماكينة الباساب الديوماتيك 80 وانها ب2000 وده سعر مناسب لامكانياتي بس عايزة اعرف هوا ليه لازم اشتري مكن تاني معاها يعني هي ماكينة واحدة مينفعش تعمل البلوفر من الالف للياء لازم اوفر لوك وحاجات تانية؟ ولو ماكينة الباساب دي بتحتاج مكن للقص والسرفلة مفيش ماكينات تانية سعرها معقول وتعمل كل حاجة من الالف للياء؟ ياريت تنصحيني لاني متحمسة وشكرا علي النصائح الهايلة اللي بتقدموها

اشكرك اختى مدام تريكوعلى ردك وانا والدتى مثل والدة الأخت اسكندارانية تشتغل بالقطعة وده شغل متعب جدا وبيكون غالى مش زى سعر السوق وماما شاكرة فى عمل الشال المثلث ونفسها تشتغل بالخيط القطيفة لكن بيكون تقيل جدا على الماكينة هل من طريقة لعمل بلوفرات بالخيط القطيفة ؟ وكمان عاوزة اعرف منين اجيب ماكينة تشميع الصوف ؟ وبتقولى ان الصياد ألغى التوكيل والإبر الصينى بتعمل صوت جامد فى الماكينة ومنيين أحصل على ابر الباساب الأصلية؟وشكرااااااااااا

اختى ماكينة التريكو لا تنتج بلوفر جاهز بل قطع كم و صدر و هكذا و تحتاج للتشطيب يعنى ماكينه خياطة و اوفرلوك او تشطبى شغلك برة وده لا انصح به
ماكينه التريكو تنتجى كمان عليها قماش تريكو صيفى و تعمليه فست او توبيك
او فستان يعنى موش ضرورى بلوفرات وده كله يحتاج ماكينة الخياطة و التشطيب

اختى ماكينة تشميع الصوف عندى بالسويس
و صوت الماكينة و التكسير زوجى بيقول ان العربات فيها عيب موش الابر وده يحتاج صيانة

و الماكينه تنتج بالصوف و القطيفة لكن الابر الاصليه لا توجد الا من ماكينات مستعمله

شكرا لردك السريع ... طيب لو حبيت اجيب ماكينة خياطة و ماكينة اوفر للتشطيب تكون ماركتها ايه واسعارها ايه؟

ممكن ماكينه خياطة جوكى صينى و ماكينة اوفرلوك ايطالى فى حدود 5000 من العتبه الرويعى وممكن تجيبهم لقطه باقل فى حدود 3000 جنيه استعمال
وماكينه التريكو ب 2000 جنيه يعنى كله 5000 جنية ويكون عندك مصنع فى منزلك

الله يستر عليك اختي مدام تريكو انا بشتغل على مكينة تريكو بساب اليدوية لكن فيه شغل لابد له من كوي لكن لاجد من يكوي لي جيدا هل هناك طريقة في المنزل سهلة
الى كان ممكن صورة مديل لاني لما اشتغل لا يكون مثل شغل السوق هل هذا هو شغلها؟
شكرا لك اختي وجزاك الله خيرا

السلام عليكم اخواتي في الله ورحمة الله وبركاته

اشكرك اخت مدام تريكو على مجهودك الرائع جزاكي الله عنه كل خير

عندي استفسار عن مكينة سانجر الخضراء عندي وحدا تقريبا جديدة اشترتها من وحده ماعملت عليها كثير وتعمل اشياء كثير حلوة بس مااعرف كيف افصل فيها بعد ياريت لو تقدري تساعديني واجرك على الله ربنا يعطيكي الصحة والعافية وكل ماتتمنينا يارب

السلام عليكم مدام تريكو
كنت عايزه اسال حضرتك على سينجر .. عندى مكنه قدبمه شويه هى سنجر 305 وعماله احاول اشتغل بيها ولكن الغرز بتفلت من الابر كتير وبلاقيها متعبه جدا .. وكنت عايزه اسال حضرتك اكمل محاوله فيها ولا اشوف حاجه جديده ولو جديد تبقى ايه وبكام ... وشكرا لذوق حضرتك