ورشة عمل دمى وألعاب ..

وعدتكم اني أعملكم ورشة للدمى اللي نزلتها في موضوع ( عالم الدمى ) وكان في ناس بتتكلم عن انه صناعة الدمى حرام .. عشان كدة اخترت لكم أول دمية ماهي من ذوات الأرواح .. عشان نطلع من الخلاف والكل يقدر يشارك .. شوفوا الصورة ..

[IMG][/IMG]

وبعد كدة إذا مداني نزلت طريقة بقية الدمى .. وربنا يوفق

نبدأ بسم الله :

الباترون :

[IMG][/IMG]

الطريقة :

1- نبدأ بعمل الدائرة .. ممكن بطريقة السلاسل وممكن بطريقة ( الدائرة السحرية ) وهي طريقة شاهدتها في أحد مقاطع الفيديو .. تخليلك الدائرة مغلقة تماما وهي كالتالي :

راح تلفي الخيط على أصباعك كما في الصورة بحيث تعملي شكل اكس طرف الخيط القصير من تحت والطويل (اللي موصول بالبكرة ) من فوق .. تمام ؟؟

[IMG][/IMG]

ثم تدخلي الصنارة من تحت الخيط القصير

[IMG][/IMG]

ثم تسحبي الخيط الطويل بالصنارة وتخرجي راح تتكون عندك دائرة على أصباعك ..

[IMG][/IMG]

بعد كدة تعملي سلسلة وتخرجي اصباعك وتبدأي تشتغلي داخل الدائرة 6 غرز حشو

[IMG][/IMG]

ثم تسحبي الخيط القصير وحتلاحظي انه الدائرة تنغلق :

[IMG][/IMG]

ثم تنهي بعمل غرزة منزلقة في أول غرزة في الدائرة ..

[IMG][/IMG]

يتبع

2- علمي أول غرزة أو آخر غرزة بخيط لونه مختلف أو استخدمي طريقة العد .. راح يكون شغلنا حلزوني يعني مافي سلاسل بداية والعمل كله بغرزة الحشو

[IMG][/IMG]

3- أشتغلي فوق ال 6 غرز 12 غرزة يعني فوق كل غرزة غرزتين في نفس المكان زي طريقة القبعة بالضبط

4- اشتغلي فوق ال 12 غرزة 18 غرزة يعني فوق أول غرزة غرزتين وفي ثاني غرزة غرزة واحدة فقط وهكذا لنهاية السطر ( 2 1 2 1 2 1 )

5 - السطر اللي بعده 24 غرزة .. ( 2 1 1 2 1 1 2 1 1 ) غرزة توسعي وغرزتين لا

6- السطر التالي غرزة توسعي و 3 غرز لا ( 2 1 1 1 2 1 1 1 2 ) ويصير عددها 30 غرزة ..

7 - الآن راح تشتغلي بدون زيادة يعني فوق كل غرزة غرزة وحدة بس 30 غرزة

8- كرري السطر السابق مرة أخرى


يتبع

تسلم ايديكى انا كان نفسى فى ورشه زى دى من زمان
ان شاء الله اعملها معاكى

بس يا ريت تستنى البنات لما يدخلوا عشان يلحقوا الشرح

أهلا بيكي بتوتة في ورشتي .. والحمد لله انها وافقت رغبة عندك .. أتمنى تعجبك وتستفيدي منها .. ولو اني أحس انك وكل اللي طلبوا الورشة أشطر مني بمراحل ..

حاضر يا ستي .. راح أستنى وأشوف .. بس انت لا تستني .. ابدأي عبال يجتمعوا الباقين ..

مبروك الورشة يا شفافية,, شرحك واضح و جميل.. ممكن أطلب منك طلب ,,أنا أولادي بيحبوا جدا كارتون سيمبسونز و نفسهم في بارت



يا ترى ممكن تضميه للورشة..

أختي أنا مني خبيرة للدرجة دي .. لو تلاقيلي بترون مرسوم له ممكن أعمله .. لكن بالصورة بس ما أقدر .. كان ودي أساعدك .. جربي الأشياء اللي حأطرحها وشوفي يفرحوا عليها ولا لا .. أنا كل ما أعمل شي جديد يعجبهم أكتر ولمن أعمل منه أكتر من نسخة يكون أجمل وأحلى في اللعب .. يعني مثلا السلاحف كونا بيهم عائلة .. والهمتارو بنتي ألحت عليا أعمله أخ أو أم عشان تأكله ..

نرجع لموضوعنا .. لو في أحد يقدر يبحث عن بترون الأخ دا يا ريت ينزلنا هو هنا ..

وشكرا لمرورك يا حنان ..

يعطيك العافيه يا شفافيه

عالم الدمى عالم جميل
شكراااا لك

الله يعافيك يا نونو .. ما راح تشاركي معانا ؟؟

موفقة حبيبتي
وتم حفظ الشرح
وانشالله باقرب وقت انفذ الشغل

يا هلا بأم مريم ... والشغل ما راح ياخد منك دقايق .. باذن الله .. أعتبريه ( مكسرات المغربية )