معليه متأخرة على نهاية الشتا .. بس أول ما أخدت اجازتي قلت فرصة أنزله .. ان شاء الله تلحقوا تعملوه وتلبسوه ولا عاد خلوه للسنة الجاية

الصورة الأصلية :

[IMG][/IMG]

وهذا شغلي :

[IMG][/IMG]

صح مو نفس الشغل لكن يشبهله .. وتراه بالتخمين لأنه ما كان عندي بترون ولا شرح طريقة

وهذه الغرزة من قريب :

[IMG][/IMG]

وهذاا القفا :

[IMG][/IMG]

تابعوا معي الطريقة إن شاء الله

بصراحه شغلك روووعه
وطلع احسن من الاصلي بكثير

تسسسسسسسلم ايدكى وعنيكى حبيبتى

لعمل هذا اللكلوك راح تحتاجي 3 ألوا متناسقة

أولا : القفا : اختاري له لون غامق شوية حتى يتحمل

وطريقته معروفة للجميع بس أكتبها للمبتدئات :

1- راح تعملي 45 سلسلة ( أنا مقاس رجلي 40 .. اذا مقاسك أصغر قللي عدد الغرز 2 أو 3 )

2- اشتغلي داير ما يدور عواميد بسنارة 3 ونص ملم .. يعني راح تطلعي سلسلتين بعدين في الثالثة تشتغلي 3عمود ثم في كل سلسلة عمود لحد ما توصلي لآخر سلسلة اشتغلي فيها 5 عواميد ثم دوري الشغل وكملي من الجه الثانية للسلاسل في كل سلسلة عمود لحد ما توصلي للسلسة اللي اشتغلت فيها 3 عواميد في البداية اشتغلي فيها كمان عمود وقفلي وبكدة نكون زودنا 10 غرز في كل جنب 5

3- اطلعي بسلسلتين واشتغلي عمود في نفس المكان .. ثم عمودين في نفس المكان فوق العمود الثاني وعمودين فوق الثالث وعمودين فوق الرابع بعدين كملي فوق كل عمود عمود لحد ما توصلي للخمس العواميد في الجهة الثانية حتشتغلي فوق كل عمود عمودين وتكملي الجهة المقابلة بنفس الطريقة اللين العمود الأخير تشتغلي فوقه عمودين وتقفلي

4 - نفس العواميد اللي زودتي فوقها أول راح تزودي فيها دحين .. بس راح تزودي في واحد وتتركي واحد بدون تزويد بالتبادل

5- السطر اللي بعده راح تزودي واحد وتتركي 2 من غير تزويد

6- قيسي القطعة على رجلك .. تمام ؟ دحين راح تمشي عادي فوق كل عمود عمود من غير أي تزويد

كدة خلصنا القفا وهادا بترون مصغر قد يكون فيه اختلاف عن شرحي شوية لكن كل الطرق صحيحة

[IMG][/IMG]

يا هلا بالأبلات

أختي روز ألف شكر .. والله اني استحيت لمن حطيت الصورتين جنب بعض حسيت حقي مو حلو .. بس صدقيني في اللبس مرة طالع أحلى من الصور كثييير ..

منورة الصفحة أبلة هنهن .. ويا رب أكون أضفت شي جديد ..

يسلموووووو حبيبتي شفافية

الف شكر وجزاك الله كل خير

الله يسلمك مذهلة ..

نكمل مع بعض :

7- الآن راح تبدلي اللون أنا حطيت أزرق فاتح .. واشتغلت بغرزة البندقة أو الفشارة أو الفقاعة ( زي ما تحبي .. ولها طرق متعددة لكن أحلى وحدة طريقتها انك تلفي الخيط وتدخلي السنارة في الغرزة بعدي تاخدي الخيط وتخرجي لكن لمن تخرجي تسحبي الخيط كثير حتى يصير بطول الفقاعة .. ثم تلفي الخيط تاني وتدخلي في نفس الغرزة وتسحبي الخيط كثير تكرري الخطوة هادي 4 أو 5 مرات .. راح يصير على السنارة حلقات كثيرة تلفي الخيط وتسحبي الحلقات كلها مع بعض .. ) الطريقة دي اتعلمتها من دورة الكروشيه حقت لبانية بجدة وزينة عبادي وكانوا منزلين فيديو بيها .. يا ريت ترجعولها اذا ما فهمتوا

هادي الغرزة راح نستخدمها في السطر اللي وصلناله .. راح تعملي فقاعة فوق العمود الأول ثم سلسلتين ثم تتركي عمودين ثم فقاعة .. يعني بين كل فقاعة وفقاعة اشتغلي سلسلتين واتركي عمودين .. لنهاية السطر

8- حطي اللون الثالث ( الأبيض ) واشتغلي بين كل فقاعة وفقاعة فقاعة وسلسلة .. يعني ما تشتغلي فوق الفقاعات .. لا حتشتغلي بيناتهم فقاعة + سلسلة

9 - ارجعي للون القفا واشتغلي نفس السطر السابق بس بدون سلاسل .. يعني بين كل فقاعة وفقاعة فقاعة وحدة بس بدون سلسلة لأنك بتضيقي .. فراح تنقصي غرز

10 - الآن كرري السطر السابق نفسه بس اشتغلي فوق الفقاعات مو بينها .. يعني فوق كل فقاعة فقاعة ولا تنسي تبدلي اللون

11 - الآن راح تعملي القطعة اللي فوق باللون الغامق وهي نفس طريقة القفا بس 15 غرزة فقط و3 أسطر

12 - راح تشبكيها في اللكلوك باللون الأبيض بغرزة الحشو ..

تم بحمد الله .. اتمنى يكون الشرح واضح .. كنت حابة أعملها ورشة بس استصعبت التصوير ..

حلووووو كتير ..سلمت يدك يا غاليه..........

ايوة نسيت أقلكم .. عشان تعملي التنية زودي عدد الغرز خليها 25 وفي الأخير اتنيها وثبتيها .. أنا ما عملتها بس جربوا انتو