شنط جوالات صنع يدي

**شفافية** · 01-08-2007, 09:56 PM

اتعلمت الكروشيه من حوالي 8 أشهر عن طريق كتاب رائع اشتريته من جرير بـ 50 ريال .. بس صراحة يستاهل المبلغ دا وأنصحكم كلكم بشراؤه .. اسم المؤلفة سو وايتنج ..

كان أول عمل ليا شنطة يد أخدت طريقتها من الكتاب وعملتها مصغرة يعني نص الحجم الأصلي .. وطبعا كانت مليانة أخطاء بس اتعلمت منها أشياء كتيرة ..

بعد كدة جا في بالي أعمل نفس الطريقة بس على شنطة جوال .. وكانت هادي الفاتحة .. لقيت نفسي بعدها أعمل شنط كتير وأهديها .. وقلت لازم أنزل صورها في المنتدى اللي فادني كتير .. وأشوف آراءكم وخصوصا اذا كان في أخطاء أو انتقادات أو اقتراحات للتطوير .. ومنكم نستفيد .. أتركم مع الصور :

هاذي المجموعة الأولى .. وإن شاء الله راح أنزل المجموعة التانية قريب ..

**زهرة من الوادى** · 01-08-2007, 10:18 PM

حلوين مشاء الله تسلم اديكى و مستنين المجموعه التانيه يا سكر

**دعوة للتفاؤل** · 01-08-2007, 10:35 PM

مجموعه حلوه تسلم ايديكي

**hilary14** · 01-08-2007, 10:50 PM

تسلم ايدج بس بسألج سوال شلون سويتي الشنط أرجوج قوليلي ؟؟؟؟

**فنانة مصرية** · 01-08-2007, 11:34 PM

تسلم ايدك
بداية موفقة ان شاء الله

**ساعه شروق** · 01-08-2007, 11:40 PM

جمال جدا برافو عليكى

**marweta** · 01-08-2007, 11:51 PM

الله عليكى
عسولين اوى
تسلم ايدك

**دمعة حزن2007** · 02-08-2007, 03:45 AM

مافيه صور بس علامة اكس

**شفافية** · 02-08-2007, 07:36 AM

زهرة من الوادي : تسلمي والمجموعة التانية ان شاء الله أنزلها الآن

دعوة للتفاؤل : الله يسلمك .. شكرا

هيلاري 14 : مشكورة .. وبالنسبة للطريقة سهلة جدا هي كالتالي :

1- تعملي سلسلة بحجم جوالك .. يعني تاخدي قياس محيط جوالك .. اذا كنت حابتها مشدودة عالجوال اعمليها عالمقاس بالضبط .. لأنها راح تنكمش مع الشغل .. واذا كنت حابتها واسعة شوي زيدي كمان سانتي ..

2- اشتغلي السلسلة بالغرزة اللي تحبيها ( المجموعة الأولى كلها بغرزة البريد أو العمود وفي الكتاب اسمها الثلاثية ) واعملي قطعة مستطيلة لحد ما توصلي لآخر الجوال .. يعني لفي القطعة عالجوال وشوفي غطته أو لا .. بس تقريبًا تحتاجي عشرين سطر بسنارة مقاس 2 أو 3 ..

3- بعد كدة تطويها وتقفليها من الجنب وتحت ..

وتعملي اليد بالطول اللي تحبيه كالتالي :

1- تعملي سلسلة طويلة لغاية ما تحبي .. بعدين تشتغليها إما بالغرزة الشبكية أو المزدوجة

2- توصليها بجوانب الشنطة .. وتنظفي شغلك .. وسلامتك ..

أما بالنسبة للزينة فأنا أحاول أتفنن في أشكال الغرز وألوان الخيوط .. وأعمل في آخر سطر حركة .. يعني مثلا الشنطة الكحلي في آخرها عملت سطرين شبكي .. والوردات اتعلمتها من هنا من الأخت المبدعة هالة القمر ..

واذا تحبي طريقة شنطة معينة أعطيك هيا .. بانتظارك وأي توضيح أنا جاهزة ..

أستاذتنا فنانة مصرية .. شهادتك أعتز فيها .. بس من جد ما بتجامليني ؟؟ اذا في أي انتقاد أرجوك قوليلي ..

ساعة شروق : من ذوقك عزيزتي

مارويتا : كلامك اللي عسل مشكورة ..