حردة الابط والرقبه........لو سمحتوا

شوفى الرابط ده اكيد هايفيدك
http://www.lakii.com/vb/showthread.php?t=265091&highlight=%C7%E1%CD%D1%CF% C7%CA

بسم الله
نبدأ من اول حردة الابط خطوة خطوةهنا انت وصلت بالتيشيرت للسطر اللى حتبتدى من عنده حردة الباط


نبتدى ب5 منزلقة وفى الغرزة السادسة نعمل 3 سلسلة تعتبر كأول عمود
ونكمل السطر ونترك فى اخره 5 غرز بهذا الشكل





نعمل فى السطر الجديد 4 منزلقة ثم فى الغرزة الخامسة نعمل 3 سلسلة تعتبر كأول عمود


نكمل السطر ونترك 4 غرز فى اخره كهذا الشكل



نعمل 3 منزلقة وفى الغرزه الرابعة نعمل 3 سلسلة كأنها اول عمود


ونستمر بهذه الطريقة السطر التالى نعمل 2 منزلقة و3 سلسلة ونكمل السطر ونترك 2 غرزة فى اخره
بهذا الشكل

ودى صورة السطر فى اخره


واخر سطر فى التنقيص نعمل غرزة منزلقة ونترك غرزة فى اخر السطر


ونكمل بدون زيادة او اتنقيص حتى تصلى الى مكان حردة الرقبه الخلفية

حردة الرقبة الخلفية 1</STRONG>

كده خلصنا كتف

برضه علشان الشغل يبقى نضيف ولانقطع خيط ونوصل نشتغل منزلقة على الحردة


ونشتغل منزلقة على الثلث بتاع الرقبة

حتى نصل لبداية الثلث الاخير


نشتغل غرزة منزلقة وبعدها حشو وبعدين نكمل السطر







نبتدى السطر التالى ب3 سلسلة ونكل السطر والغرزة الاخيرة نتركها واللى قبلها نعملها حشو


اخر سطر نعمل منزلقة ثم حشو ثم نكمل السطر

وتعقدى الخيط وتقصيه

حردة الرقبة الامامية مثل الخلفية بس الاول لا نقسم عدد الغرز على 3 بل نترك حوالى 10 او 12 غرزة فى المنتصف ونستمر فى التنقيص حتى نصل بعرض الكتف لعرض كتف الخلف

حبيبتي نونا شرحك بديع وانا حااحفظه عندي
بس اعتقد ان الاخت كانت بتسال علي الحرده اللي زي حرده الاطفال يعني تبدئي من الرقبه بعدد سلاسل وتعملي الحردات وتكملي البلوزه ولا يمكن انا فهمت غلط

شرح جميل وواضح وراح احفظه على الكمبيوتر واستفيد منه لاني راح اعمل بلوزه

اهلا ام قسمت

لو كانت الحرده من فوق تبقى سهلة انا عملتها كتير
بس عملتها والصدر مفتوح

عبارة عن سلسلة تعمليها بمقاس الرقبة وتحاولى تنظمى عدد الغرز بحيث ان العدد يكون بيقبل القسمة على الرقم 6 مثلا نقول 42 غرزة يكون السدس الواحد 7 غرز وتزودى 4 غرز للاركان يبقى المجموع 46 غرزة ( اى عدد يقبل القسمة على 6 + 4 غرز )

التقسيمة فى السطر الاول كالاتى غرزتين سلسلة لا(كأنهم اول عمود ) نتركهم ونشتغل فى التالتة عمود ثم 4عمود لدينا 7عمود (0السدس الاول)
نشتغل 3 عمود فى غرزة
7 عمود
3 عمود فى غرزة
14 عمود ( سدسين مع بعض )
3 عمود فى غرزة
7 عمود
3 عمود فى غرزة
7 عمود
كدهانتهى السطر الاول
2سلسلة ونلف
ونستمر فى العمل عمود فى كل غرزة وعندما نصل الى اى ركنه والتى بها 3 عمود فى غرزة نشتغل فى العمود الاول منها عمود فى العمود الثانى 3 عمود فى العمود التالت عمود
سوف تجدين ان الشغل بيكبر معك مكونا السفرة تستمرى بالعمل حتى تحصلين على الطول المناسب للسفرة والذى يصل بك الى مكان الابطين
ثم نشتغل حردة الابط
لعمل حردة الابطين
نلاحظ هنا فى المقاسات التى اكبر من البيبى نقيس محيط الصدر بالمازورة او المتر او العرض الذى نريد ان يكون عليه ذيل الجاكت وهذه الملاحظة هامة جدا حتى لا يكون وسع الجاكت اقل مما نريد ونقيس حجم الشغل الذى معنا والفرق فى الطول نقسمه على 2 ونشوف كام غرزة سلسلة تعمل هذا الفرق وهذه الغرز هى التى سنعملها فى كل حردة ابط
هناك ملاحظة اخرى ان عددالغرز الكلى لهذا السطر بعد ان ينتهى لابد ان يكون بيقبل القسمة على الرقم 5 يعنى تزودى او تقللى عدد الغرز فى السلسلة حتى يصبح العدد فى النهايه بيقبل القسمة على 5
سطر الحردة
2 سلسلة ـــ عمود فى كل الغرز التالية حتى نصل الى غرزة المنتصف الركنة والتى كان من المفترض اننا نشتغل فيها 3 عماويد نشتغل عدد من السلسلة يكفى لحردة الابط ونترك كل الغرز الى ان نصل الى منتصف غرز ال3 عماويد التالية و فى غرزة المنتصف نشتغل عمود ثم نشتغل عمود فى كل غرزة حتى نصل الى منتصف غرز ال3 عماويد فى غرزة التالية فنشتغل عدد مساوى للسلسلة التى اشتغلناها سابقا ونترك كل الغرز الى ان نصل الى منتصف غرز ال3 عماويد فى الركنة التالية ونشتغل عمود ثم ونشتغل عمود فى كل غرزة حتى نصل الى اخر السطر
وبكده نكون حددنا حجم حردة الابط وايضا محيط الجاكت الكلى

مثل هذا الجاكت



او هذا لطفلة كبيرة شويه

ربنا يحميكي شرحك جميل جدا واي حد حايسال بعد كده حااحط له رابط الموضوع ده علي طول

معلش يا جماعة

هناك ملاحظة اخرى ان عددالغرز الكلى لهذا السطر بعد ان ينتهى لابد ان يكون بيقبل القسمة على الرقم 5 يعنى تزودى او تقللى عدد الغرز فى السلسلة حتى يصبح العدد فى النهايه بيقبل القسمة على 5


الجزء ده خاص فقط بباترون الجاكت اللى فى الصورة يعنى مش ضرورى فى غرزة اخرى ان يكون العدد بيقبل القسمة على خمسة

ياسلام عليكي وعلى شرحك ..ماشاء الله ..اناكمان حفظته...
الله يسلمك ويبارك فيك عزيزتى..........

ربنا يخليكو ويبارك فيكو ويجازيكو كل خير

yasalam allah ikhalik lina yarab

شرح بسيط