عزيزاتي و اخواتي.......
زوجي - الله يعطيه العافية- يمر بظروف صحية تمنعه من تناول اي طعام دسم .....و أنا في حالة ريجيم - غير قاسي- في محاولة يائسة لاصلاح ما افسده الدهر!!!
عندي مشكلة و هي التنويع في الأكل حتى لا نصاب بالملل .....زهجت من كل يوم شوربة و سلطة و مشويات... عاوزة وصفات جديدة تكون خالية تماما من الدسم......
ح ابتدي سلسلة أكلات منزوعة الدسم.....بوصفة شوربة الخضار العادية....
المقادير
اي كمية ممكنة من الخضروات...( كوسة , بطاطس, جزر,فلفل اخضر, بسلة....الخ)
صدور دجاج مقطعة
كمية من شوربة الدجاج منزوعة الدسم (( يعني شوربة تدخل الفريزر و لما تطلعيها بيكون الدهن جامد.....ممكن تتخلصي منه بالملعقة)).....
الطريقة
اسلقي كل المقادير مع بعضها حتى تستوي....قدميها ...بعد اضافة الليمون.

يللا يا بنات.....ايدكم معاي عاوزة اكبر كمية ممكنة من الوصفات....من غير دسم ......اوكي؟!!!!!!

ممكن نبتدي ...ب...ان كل واحدة تكتب اكلتها المفضلة......يعني الاكلة اللى ممكن لما تاكليها ما تحسي بالذنب quilt-free recipes !!!!!
يللا يا بنات......انا في انتظاركم,,,,,,,,ما تتأخروا علي......ارجوكم........

أم ديمة .. ألف لابأس على زوجك ..

واللهى الأكل بدون دسم مشكلة وحيرة
( هو الأكل يحلى غير بالسمنة البلدى )
كله مشوى
ممكن ستيك مشوى .. وبجانبه بطاطس مشوية فى الفرن .. وسلطة
وعليكى بالفواكه والخضروات
sid sid sid

عزيزتي بوسي......
اخبارك ايه ؟ انشالله كله تمام و الاشيا معدن ( مصري 100 % )!!!
مشكورة حبيبتي على الوصفة الطيبة و الاقتراحات الجميلة . البطاطش المشوي قد ينفع في حالة زوجي , لكني لا اعتقده ينفع مع محاولة الريجيم اليائسة بتاعتي!!
اليوم اتغدينا شوربة عدس + لحمة باردة + سلطة
شوربة العدس ....عبارة عن عدس اصفر + كوسة + بطاطس+ جزر+ فلفل اخضر+طماطم + بصل +ثوم..... مع ما يغمرهم من ماء ......كلهم مع بعض في حلة الضغط ....بعد تمام نضجهم اضفت الملح و الفلفل و عملت قدحة ثوم ( استعملت كمية بسييييييييييطة من زيت عباد الشمس و ميزته انه خالى من الكوليسترول ). خلطتهم كلهم بالخلاط و صفيتها بالمصفى و قدمتها مع القليل من الليمون مع توست القمح الاسمر ( الردة).
اللحمة الباردة هي اللحمة الروستو او البيانكو.......بتكون على شكل اسطواني.......
حمرتها في الاول في القليل من زيت عباد الشمس , بعد كده شققتها و مليت الشقوق بالتوم و سلقتها في الكثير من الماء المضاف اليه حلقات من البصل + بهارات ( قرفة و هبهان و فلفل اسود و ورق لاورى.)......
قدمتها مقطعة شرائح ......اولادي اكلوها بالكاتشب......و انا و زوجي بلعناها حااااااااف كده!!!!!!!!

يللا يا بوسي و يللا يا بنات.......شوية همة و نشاط.........عاوزين وصفات زيادة........

ربنا يقويك يا اختي om deema والف سلامة لزوجك
خليني اعصرلك مخي منيح وان شاء الله لي رجعة

أم ديمة .. المصرى بتاعك زى العسل
شوفى يا ستى البطاطس تنفع فى الرجيم طالما أستبدلتيها بالخبز .. وبتكون عبارة عن حبة متوسطة الحجم .. سواء مشوية أو مسلوقة .. ولكن المشوية ألذ طبعا ..


أفضل شىء على فكرة فى الرجيم الأسماك .. وأقل اللحوم سعرات واالكوليسترول قليل جدااااااااا

وطبعا الأنواع زى البلطى اللى ما فيها دهون .. وتقدرى تنوعى فيها .. تنفع معاكى فى الرجيم
و مع زوجك شفاه الله علشان الكلوستريول

وعلى فكرة الزيت الحار بيقلل نسبة الكوليسترول .. مع الفول طبعا
وبذرة الكتان ..

في انتظار عصير مخك يا ام رامي......ما تتأخري علينا........


مش عارفة اعمل ايه من غيرك يا بوسي؟!!!!! تسلملي عيونك.......
على فكرة زوجي بيحب السمك جدا جدا.....فكرة ممتازة جدا جدا........خصوصا ان للسمك فوائد اخرى ( ما اقدر اقولها يا بوسي عشان ما يتحذف الموضوع)!!!!!!!!!!!!!!!!!!!!!
في انتظار المزيد...يللا في امان الله.....

أم ديمة ..
قصدى السمك بس
أوعى الجمبرى والأستكوزا .. ولا الكابوريا ..

بتخلى الضغط والكوليسترول فى السماااااااااااااااااااااااااااااااااااااااااااااا اااا
عن تجربة

حبيبتي om deema سلامتك وسلامة زوجك
انا عاملة رجيم بعد بس اكل الي اريدهيمكن لانه طبخي يختلف عن طبخك وهو قليل او منزوع الدسم طبخي اما مرق خضار باللحم او الدجاج وصحن رز لزوجي والاولاد بالنسبة لي اما قطعة خبز صغيرة او 4 ملاعق اكل رز مع صحن سلطة
او مشاوي مع خضار مسلوقة سوف اكتب لك وصفتين واذا اعجبتك اكمل والناس اذواق

1مرق الفاصوليا الخضراء
يسلق قطع اللحم ويحتفظ بماء اللحم.
يقلى بصلة صغيرة ومفرومة فرما ناعما في الزيت ثم يضاف اللحم والفاصولياالخضراء ويقلب الخليط لبضع دقائق ثم يضاف وصلصة الطماطم والماء وترك على النار حتى تنضج ويضاف الملح اخ شئ
كوني مسوية رجيم فاني اسلق اللحم واضع البصل المفروم والفاصوليا الخضراء والصلصة مرة واحدة واتركها لى نار عالية تغلي لمدة 3 دقائق ثم اوطي النار و اغطي القدرحتى ينضج . بالنسبة للفاصولياالخضراء انا استخدم المجمدة واذا استخدمت الطازجة فتقومين بغسلها وفطع الاطراف وتقطع على شكل اصابع بطول 2 سم وتسلق نصف سلقة ثم تطبخ كالسابق وتقدم مع صحن الارز والسلطة


2 مرق الكوسا الحمراء
يسلق قطع اللحم ويحتفظ بماء اللحم
يقلى بصلة صغيرة ومفرومة فرما ناعما في الزيت ثم يضاف اللحم والكوسا المقشرة والمقطعة دوائر والحمص المسلوق نصف سلقةويقلب الخليط لبضع دقائق ثم يضاف صلصة الطماطم والماء وترك على النار حتى تنضج ويضاف الملح اخ شئ وتقدم مع صحن الارز والسلطة وانا اضع شي فوق شئ مرة وحدة وتركه على النار بدون اضافة زيت


مرق الكوسا الصفراء
يسلق قطع اللحم ويحتفظ بماء اللحم
يقلى بصلة صغيرة ومفرومة فرما ناعما في الزيت ثم يضاف اللحم والكوسا المقشرة والمقطعة دوائر والحمص المسلوق نصف سلقةويقلب الخليط لبضع دقائق ثم يضاف ملعقة صغيرة من كل من الملح والكاري والكركم والفلفل الاسود وممكن اضافة مكعب ماجي بس خلي بالك انه الماجي فيه دسم ويقلب الخليط لبضع دقائق ثم يضاف الماء ويترك لينضج وتقدم مع صحن الارز والسلطة

وصحتين وعافية واذا كان عندك اي سؤال فانا بالخدمة

خلاص يا بوسي ح اركز على السمك و بلاااااااااااش كابوريا ( أز أز كابوريا.......لو أزأزوني.....ح أزأز ايه؟!!!!).........
اختي الحبيبة وهج القمر.........عاجزة عن شكرك......انا فعلا من الصباح محتارة و ما عارفة اعمل ايه للغداء......ح اعمل اليوم مرق الكوسا الصفراء لاني بحب الحمص جدا جدا......تسلميلي حبيبتي و في انتظار المزيد ( طماعة.....مش كده؟!!!!!)........