السلام عليكم ورحمه الله وبركاته
==============
انا بصحى متأخر المغرب الساعة 5 يعنى او العصر 2 -3 كده
وببدأ غدا علطول
ولو انى بصحى ماببيقاش ليا نفس للأكل وعايزة اخرة للساعة 6 او 7
واحيانا بصحى الظهر الساعة 1 - 2
بس ماببقاش عايزة اكل برده الا فالميعاد بتعاى اللى هو المغرب حاليا
علشان المعدة وكده ،قال يعنى كده صح الللى انا بعمله
وبسهر طبعا لحد الفجر او مابعد الفجر الشروق

ومش بجوع بس باكل من الفضى او الزهق اكمنى سهرانة طبعا
بحاول اخلى اخر ميعاد للاكل بتاعى الساعة 2 بليل
قبل النوم بتلات ساعات دي مش عارفة احافظ عليها لانى هاكل
بس بيكون مثلا فاكهة او خضار مش نشويات خالص بالليل،بتجنب الدسم والاكل التقيل مش بالليل خالص

وانا بيتهألى طبعا ان كده صح حتى لو اكل خفيف ماعلينا
علشان كده نفسى اعرف واتعلم ازاى اكل صح؟؟؟

انا دلوقت زهقت من ثبات الوزن ومش بخس
وشى اللى بيبان علية لكن المناطق اللى انا عايزاها مش بتنزل
وانا مش تخينة قوى بس عندى مناظق تعبانى من فوق دراعى وفخدى والهنش
ومحدش يسألنى عن وزنى وطولى لانى حقيقى مش عارفه
وافضل القياسات بالمازورة احسن

وكمان نفسى اعرف ازاى اكل صح وصحى
البروتينات مع اية ........؟؟؟ النشويات مع اية......؟؟؟الخ

ومش هاينفع برده امشى على نظام غذائى لانى محكومة باللى معايا فالبيت
وعاجبنى نظام اكل كل 3 ساعات ده بس مش راضى يظبط معايا برده ،وبنسى
او مش فاهماه قوى لسا

انا بس اعرف ازاى اكل وانا ليليى مقلوب نهار ونهارى ليل ع رأى امى

وعليكم السلام ورحمة الله وبركاته
اهلا بيك اخت شموسة
اولا لازم تعدلي من نظام نومك عشان تتعدل نظام حياتك كلها
جسم الانسان مبرمج على انه يكون نشيط نهارا وساكن ليلا
يعني اجهزة الجسم كلها بتبقى اكتيف خلال ساعات النهار وبترتاح بليل
ومهما حاولتي تغيري او تشقلبي النظام دا مش حينفع وحينتج عنه
خلل كبير في وظائف جسمك الحيوية والهرمونية واحساس دائم بالتعب والارهاق
فعشان تزبطي نظام اكلك لازم الاول تزبطي نظام حياتك وتحاولي جاهدة تعدلي من يومك
لان كدا غلط جدا على صحتك

للناس اللى عندها برد علشان ميبقاش فى حجه للرياضه