مرحبا بكِ في منتديات لكِ! هل هذه هي زيارتك الأولى لمنتديات لكِ؟ اضغط هنا للتسجيل




للبحث في شبكة لكِ النسائية:
الصفحة 2 من 5 الأولىالأولى 12345 الأخيرالأخير
عرض النتائج 11 الى 20 من 45

أسئلة محرجة للبنات والزوجات

(ركن التغذية والصحة والرجيم - منتدى لكِ)
اجوان؛ بدون اسم حباكم الله بس حبيت اوضح لكم امر ان الموضوع لم ينتهي بعد وهو طويل جداُ وان نقلتة من احد المنتديات للفائدة وأن ...
  1. #11
    دانةالدنيا غير متواجد عضو نشيط
    تاريخ التسجيل
    Apr 2003
    الموقع
    على شاطئ نصف القمر
    الردود
    259
    الجنس
    اجوان؛ بدون اسم
    حباكم الله
    بس حبيت اوضح لكم امر
    ان الموضوع لم ينتهي بعد وهو طويل جداُ وان نقلتة من احد المنتديات للفائدة
    وأن شاء الله لم يكتمل الموضوع كله سوف تحصلواً على اجوبة لي اسئلتكم
    والله الموفق

    (استغفروا ربكم إنه كان غفاراً
    يرسل السماءعلبكم مدراراً * ويمدكم بأمول وبنين ويجعل لكم جنات ويجعل لكم انهاراً)

  2. #12
    دانةالدنيا غير متواجد عضو نشيط
    تاريخ التسجيل
    Apr 2003
    الموقع
    على شاطئ نصف القمر
    الردود
    259
    الجنس
    السلام عليكم حبيباتي
    سوف اكمل مابداتة واتمن الفائدة للجميع
    وسن 2: سوال هذه التحميله الي كتبتي طريقتها الي فيها حلبه او محلب

    أم عبير : اقول ياوخيتي ولا عليك امر بغيت رايك انا هالحين في اخر النفاس يعني لي 38يوم باقي يومين واخلص ان شاء الله والحمد لله طهرت لكن معي بعض الافرازات البنيه وانتي بكرامه يعني كدره المهم صديقتي عطتني تحاميل وحده عباره عن ملح والثانيه عن معمول وتقول استخدميهم تمدحهم مره تقول تنشف وتضيق لكن انا الى هالحين مااستخدمتهم وتحسفت سؤالي اقدر استخدمهم هالحين وانا في نهاية الاربعين والا لا؟؟؟؟؟؟؟

    فيافي : اختي وسن2 التحميله عبارة عن( م.ك.مرة+م.ك محلب+فنجان ملح خشناو مايسمى بالملح الفارسي)يعجنن بعسل ويجففن ثم تجعلين حجم الوحدة كبر حبة نوىالتمر وتتلبسين واحده كل ليلة.

    سرايـــــا جزاك الله كل خير ووفقك لما يحبه ويرضاة

    اختي ام عبير الحمدلله على سلامتك وطالعه من الشر ماقلتيلي ولادتك طبيعي ام قيصري على كل حال بعض النساء لاتنشف نهائي الا بعد خروجه من الاربعين بالنسبة لتحميلات صديقتك ضعيهن الفترة هذه واذا نشفتي احفضي الباقيات للحيضةالاخرى واستخدميهم كما وصفت لك صديقتك اما الخراب واضح اما صدور هواء مع صوت من منطقة المهبل وفي بدايته يكون عند الجماع واذا تطوريصبح في كل وقت هذا نوع منه وان شاء الله مايصيبك ولايصيب من يقراء اما النوع الثاني السوائل الكثيرة وياليت تقرين جميع الردود لاني موضحه فيها اما نصح النساء الكبيرات لنا فلخوفهن من الشمم وهو يقتل المرأة الله يكفينا شره وسببه ان المرأه ماتكون طهرت وتذهب مع زوجها وتتعطر ببعض الاطياب التي تسبب الشمم لذلك يجب تجنب المسك والريحان

    ام عبير شوفي ملابسك الداخلية اذا كمية السوائل الي نازله عليها كثيرة يعني مافيه نشوفة الله يستر اهتمي بنفسك بعدين الدورة الاولى بعد النفاس اهتمي فيهاجدا جدا جدا لانها ممكن تدمرك وممكن تعدلك واتبعي النظام الغذائي والعلاجي الي انا واضعته بالدوره القادمة وبعدين لاتقلقين نفسك انتي والله بتعرفين نفسك اذا خربانه بعد ماقريتي المقال ولا تنبهين زوجك لهذه الامور خليه غافل وخليه يحس انك احلا وحدة بالدنياواي شيء انا حاضرة بس قوليلي وانا ان شاء الله اساعدك بالي اعرفه

    أم عبير: ممكن ياعمري سؤالي صغينون ممكن احط التحاميل في النهار والا لازم في الليل علشان مااتحرك؟؟؟؟؟؟؟؟ والمويه هل شربها مضر في الدوره والاربعين والا لا؟؟ لان امي تنصحني بعدم شربها او على الاقل تقول قللي منها والعصيرات احسن

    نسرين : أنا متزوجة ولدي أبنان وأعاني من نفس الأعراض المذكوره من نزول السوائل وخروج الهواء من المهبل والرطوبه بالأضافه الى نفخه في البطن كما وأني أحس بأن فتحة المهبل قد توسعت وتغير شكلهاوقد عرضت نفسي على طبيبة وقد قالت لي بأن كل شيء على ما يرام ولكني غير مرتاحةوللعلم فأن الدورة الشهرية منقطعة عني منذ ولادة أصغر أبنائي البالغ من العمر سنة وثلاثة شهور ربما بسبب الرضاعة ماذا ترين في حالتي وهل هناك دواء لشد المهبل وتضييقه

    فيافي : هلا بام عبير التحميلات يوضعن باليل افضل واحسن عشان يسحبن كل الاوساخ

    ويطلعنهن برا اما شرب الماء مايضر بس لاتكثرين منه على جوع او بارد وهذا الاعتراض ليش؟

    لان الماء يكبر البطن ولان كثرته تسبب خراب للارحام اشربي بالمعقول لاتكثرين ولا تقللين

    اختي نسسسسسسسرين انتي معك خراب مهو هين الله يعينك المهم راح اعطيك خطوات العلاج شوفي الوصفات السابقة واعتبري نفسك نفاس وسويها لمدة اربعين يوم بحذافيرة واستمري لحد ماتحسين ان الوضع تعدل واذا ماتعدل بعد اربعين يوم ياليت تخبرينن عشان ابدا معك بالنوع الثاني من العلاج واي شيء يوقف او ماتفهمينه بلغيني واي استفسار بالنسبة لأنقطاع الدورة اذا انتي ترضعين عادي اما اذا لا فيمكن عندك ضعف بالمبايض وتقدرين تعرفينه بالطريقة التالية انسدحي على ظهرك وضعي اصبعك السبابة والوسطى عند السرة اذا سمعتي النبض قوي الحمدلله واذا كان ضعيف فالله يستر واذا ماسمعتيه فعندك ضعف فالحمدلله

    نسرين : نسيت أسألك أهم سؤال ما أدري اشلون بالنسبة للجماع مع زوجي خلال فترة العلاج لأني مثل ما خبرتك ان العاده الشهرية منقطعة عني وهو يعرف هالشي يعني ما أدري اشلون بقنعة يصبر عني أربعين يوم؟؟؟؟

    فيافي : نسريييييين الجماع عادي بس خففو شوي والتحميلات استخدميهن كل ليله واذا صار جماع

    بعده تلبسيهن وياليت تستخدمين كبو الهواء بعد العشرين اليوم الاولات كبو الهوى حبيبتي هو عبارة عن اعشاب تجدينها عند العطار وتوضع على الفحم ثم تقفين فوقها ويدخل الدخان الى كامل جسمك

    بس قولي للعطار ابغا كبو الهواءواذا انتي من اهل الرياض عندك طبيب عرب وزوجته تساعده في عيادته ممكن تروحين لمها وتشرحين الحلة وتسأله وتعطيك كبو هواءاسمه الصمعاني وهو رجل دين وثقة

    أ م عبير : اختي فيافي استخدمت تحاميل صديقتي ونزلت معي مويات وبعدها دم خفيف لونه الى اليوم التالي تنصحيني استمر على التحاميل والا لا ؟وعندي سؤال ثاني اسمع عن نزول الارحام نسال الله العافيه لنا ولجميع المسلمين لكن مااعرف وشي اعراضه

    (استغفروا ربكم إنه كان غفاراً
    يرسل السماءعلبكم مدراراً * ويمدكم بأمول وبنين ويجعل لكم جنات ويجعل لكم انهاراً)

  3. #13
    دانةالدنيا غير متواجد عضو نشيط
    تاريخ التسجيل
    Apr 2003
    الموقع
    على شاطئ نصف القمر
    الردود
    259
    الجنس
    اكرر مرة اخر عليكم يا اخواتي ان تصورا هذا اموضوعي لكي تقرئية على رواقة وتمعن ويكون مرجع لكي مستقبلاً

    النهروان : أختي فيافي أنا متزوجة منذ خمس سنوات ولدي طفل واحد والحمد الله لم أستعمل أي وسيلة لمنع الحمل ولكنني أعاني من نفس الأعراض ونزل السوائل بكثرة مصاحبة لها الألم في أسفل الظهر مع خروج الصوت من منطقة المهبل مع العلم بان الدورة ليست منتظمة وذهبت إلى إخصائيات نساء وولادة وكلهن قالن لي عندك إلتهاب شديد في منطقة الرحم أرجو ان تفيدني .

    فيافي :غاليتي النهروان الم الظهر اللي معاك من زمان يعني بعد الولادة الى الحين او انه الم يجيك بس اثناء الجماع اذا كان بعد الولادة فيمكن تعرضتي لدفع شديد من قبل الممرضات ولابد من الذهاب الى طبيب عظام اما اذا كان مع الجماع فالخوف انه يكون ميلان بالارحام للخلف وهذا يحتاج الي علاج على يد طبيبة عرب عارفهلانه يتكون من المخبنة والتمريخ(التدليك)بالنسبة للاعراض الاخرى فأنتي معك خراب مهوب هين(شديد)ولذلك انصحك كما نصحت نسريييين بأتباع النظام السابق وكانك نفاس

    وياليت يقرين ردي على نسريييييين واذا فيه اي شيء مو واضح اسئلي بس قبل كل شي اذهبي لطبيبة نساء وعالجي الالتهابات اذا فيه واذاماعندك التهابات ابدأي العلاج على طريقتي وتوكلي على اللهوخبريني بكل شيء يصير معاك وانا ان شاء الله راح اكون معاك وتحت امرك وبالنسبة لتقطع الدورة هل كانت على هذا الوضع من قبل الزواج او الولادةام بس هذي الفترة ؟ وبعدين اذا نزلت تتفتفت زي التراب وسوداء في بدايتهاتم تنزل بس بشكل خفيف؟ياليت تخبريني

    ياسمينا : إذا سمحت أنا عدنس سؤالين :لما سالت الأخت عن الدورة هل تنزل على شكل سواد ......تشجعت أسأل ....أختي كانت تآخذ طب عرب في نفاسها ....وفي الدورة اللي بعد النفاس نزل عليها الدورة سوداء كانها صنبور ماء.....وكأنها معها تراب....إيش معنى هذا ......وإيش علاجها.....خاصة إنها من يومها تركت العلاج وهذا من سنين طويلة

    أختي الثانية : في اول ولادة لها .....تحمست وتبخرت بخور ( الخوا جوا ) لأنهم مدحوه لها وقالوا ينشف...... لكن المشكلة .....إنها تبخرت وهي توها طرية ....مع أول ايام الولادة....وعقب ما جابت إلا مرة ......لكن دائما ما تطهر.....وما هي هذه المشكلة.....المشكلة إنه مرة ( طبيبة عرب ) فحصت عليها وقالت لها إن رحمك ( رايح فيها ) متففت كأنه عيش ( على قولتها )وهذا بعد من سنين .....هل لها علاج.....دليني الله يجزاك خير على حل لهم الثنتين ؟؟

    النهروان : نصيحتك أن ألآلم الظهر ظهرت في هذاالوقت أي قبل شهرين وآلام مصاحبة قبل الدورة وبعدها واثناء الجماع كما أنني قد عالجت من مشكلة الألتهابات التي عندي ولكنها تنقطع يوم او يومين وبعدها تعاود من جديد وعدم إنتظام الدورة بعد الولادة مباشرة وعندما تاتي تاتي بشكل خفيف جدا فما هو الحل في نظرك

    أخت القمر : سؤالي ...عن بخور(كبو)اسويه بنفسي يتكون من (خواجوا,مرة،قشربصل،كمون،فلفلة الهوا)ياليت لوتعطيني رايك فيه,,,مع العلم اني بعد ما اتبخر به احس بالم في بطني وظهري

    ما ادري استمر عليه,,,وبرايك ايش سالفة هالالم؟؟؟

    نسرين :رحت اليوم وشريت معظم الأغراض تقريبا من عند الحواج بعض الأشياء غير موجودة انشالله باكر اكملها وبعض الأشياء ما سمع عنها العطار وهي قشرقهوه ونونخة وأرطا وكبو الهواء ما أدري اذا تعرفين لهم مسميات ثانيةوذكرتي بعد من أدوية العشرين يوم الأخيره الحبة السمراء فهل هاذي هي نفسها الحبة السودة وبعد بالنسبة للسفوف اشلون ناكله مع شاي الأعشاب نخلطه معاه والا ناكله في البدايه بروحه ونشرب وراه الشاي؟؟؟؟ويصير نحط مع الشاي شوية سكر أو عسل لتحسين الطعم؟؟؟؟

    فيافي : أولا سامحيني أختي أم عبير مانتبهت لسؤالك بالنسبة للتحاميل استمري عليهم لحد ما تنشفين أما نزول الأرحام ما عرف عته كثير ولكن إلى اعرفه أن الأرحام يتغير موقعها نزول وتكون رخوة وغير قادرة على تحمل الضغط(الحمل) ولذلك اكثر ألي يعنون منه الحوامل واسبابه ما عرفها

    أختي ياسمينا:بالنسبة لأختك الأولى من اعرضها كان المفروض إنها مكمله طب العرب اللي آخذته لان عندها ( فقرة) وأنا تكلمت عنها من قبل ويا ليت توضحين اكثر كم لها من يوم استخدمت العلاج إلى الحين وهل هي الآن عجوز أم شابه مازالت قادرة على الإنجاب أما أختك الثانية ما فهمت أي شيء من كلامك أبى توضيح شامل وكم لها سنه بعد الولادة أما قول المرأة لها أن ارحامك عيشه فهذا مصطلح عند نساء طب العرب يعني أن ارحمها خربانه جدا جدا جدا ويبيلها مشوار طويل مع العلاج

    أختي النهروان:على مايبدولي انه عندك ميلان للخلف ممكن اصبح عندك هذا الميلان من تو

    يعني تذكري الدورة الي قبل ماتحسين بهذي الاعراض يمكن انك شلتي شيء ثقيل فوق طاقتك او سحبتي حاجه ثقيله اثناء الدورة على كل حال ياختي هذا الميلان على مايبدولي للخلف لذلك استعجلي وابحثي عن مرأة تعالج واهم شيء تكون ثقه وتطمني منها افضل وياليت ترجعين شوي

    لموضوعي عن الميلان وتقرينه عشان تعرفين اخطاره وكذلك عندي ( فقرة) لاتتركين نفسك وياليت اعرف في أي بلد ساكنه يمكن افيدك بشيء

    اختي عذبه:مافيه مشكلة بس انا ماعندي من العلم الا القليل وكل الي عندي قلته

    اختي اخت القمر:لابأس بالكبو اللي ذكرتي وممكن تضيفين له ( محلب+حلتيته )

    اختي نسرييييييين:المشكلة ان قشر القهوه موجود ابحثي عنه في محلات العطارة والتي يعمل بها من الاخوة الحضارم (من اليمن)واكيد بيعرفونه على طول النونخة حبوب لونها اخضر ومثل الوبياء الحمراء لكن حجمه اصغر الحبة السوداء نفس الحبة السمراء الارطاء نبات صحراوي معمر معروف وهو ممتاز للجروح اتمنىانك تحصلينه ودوري عنه في محلات العطارة اللي يعمل فيها كبار السن من السعوديين .

    اختي النهروان لابد ان يبحث الانسان عن اسباب العلاج والشفاء وانا شخصيا كنت اعرف واحده عندها ميلان شديد وكل ماذهبت عند مرأة وعالجته عاد اشد من الاول حتى انها انحرمت الحمل لفترة العلاجات المستمرة ولكن المراة التي علجتها لاحظت ذللك فقالت لها :يابنتي انت علتك على ما يبدو لي نفس (عين) وقرأت عند شيخ واستمرت على العلاج والحمدلله شفيت وكتب الله لها الحمل وكانت هذه العين اصبتها على جمالها وسعادتها الزوجيه ولاكن يا سبحان الله بعد القراءة شفيت تماما ولذلك انصحك بالرقي الشرعيه وما اجمل ان يرقي الزوج زوجته والزوجه زوجها لان ياسبحان الله قراءة الزوج على زوجته افيد من اي قراءة خارجيه

    اختي اخت القمر: هل تتكبين وقت الدوره اذا وقتها فهذا الالم طبيعي لان الارحام تدفى وتنزل الد الفاسد

    اختي نسريييين: السفوف بملعقه بلعيه وراو الشاي وعادي حلي الشاي بعسل طبيعي افضل

    ياسمينا : لكن خواتي الثنتين شباب مو كبار يعني في الثلاثينات .....بس ما يبون عيال حياليا ......

    وعلاجهم ثنتينهم قديم من ( فوق 9 سنين ) وعقب أخذوا علاج عادي ....إما حلبة .....أو رشاد في وقت دورة...... لكن ما يستمرون لكن علاج متكامل ما في من مبطي .وهذا شرح مفصل لحالة الثانية منهم اللي ما فهمت حكايتها : ...أنا اقصد إنها تبخرت بخور الكبو ( أو بخور يستعملونه الحريم في آخر الايام حتى ينشف الرطوبة عندهم .... لكن هي تبخرته من أول يوم بعد الولاة مباشرة واستمرت عليه 20 يوم ) فطبعا دائما رطوبة عندها وارتخاء كبير ..في المنطقة .... وسالفتها مثل ما قلت لك قديمة ..

    نسرين : مشكوره يالغاليه على ردك واهتمامك رحنا اليوم نكمل باقي الأغراض وحصلنا كل شي بس الحين جفت في ردك المواصفات مختلفة عن اللي خذناها مثلا اللي خذناه....النونخه صاير مثل القش أو التبن كبو الهوا صاير حبات صغيره سودة اللون وقال العطار ان اسمه كبابة بعد اما قشر القهوة فما لقيناه فهل ممكن الأستغناء عنه أو انه ضروري ومهم

    فيافي : الى الاخت الغالية ياسمينا: انصح اخواتك بالبحث عن مرأة متخصصةوتعالجهم لانهم يعانون من امور كثيرة وتشوفهم ومافيه مانع من انهم يتبعون الظام السابق اللى انا كاتبته وجزالك الله كل خير وفتح في وجهك ابواب الخير.

    الاخت شقائق النعمان: قد يكون موضوعي حساس وقد يكون اسلوبي فض ولكن ويعلم الله اني سعيده بكلامك لانك اتهمتيني بالشعوذة والحمد لله فلقد زاد رصيدي من الحسنات عند ربي الذي سوف اقتص حقي منك عنده ولن اسامحك الى يوم نقف حفاة عراه عند واحد احد لايظلم ولا يرضى بالظلم , اما قولك صدقت نفسي اني طبيبه لا والله ولكن ماعندي اريد ان انفع به كا نفعت به كل صديقاتي واخواتي ولا يهمني نظرتك او رأيك ولكن قبل كل شيء وضعت الله امام عيني ورأيت النار وعلمت ماوعد الله الكاذب وما اعد له من عقوبه ورأيت من اعطاه الله علما فكتمه وما اعدله ورغبت بالخير اكثر من رغبتي بالثناء ورغبت بدعوات في ظهر الغيب اكثر من مال او مجد فان ولتعلمي ان الله اعطى كل انسان من العلم ماليس عند غيره والله يهديك وان كنتي أمرأه فأحتفضي بالموضوع في ارشيفك فقد تحتاجين اليه يوم من الايام عندما تنسد في وجهك ابواب العافيه ولا تجدين من يساعدك

    اختي الغاليه:نسرييييييييين:ممكن تستغنين عن قشر القهوة وتضعين مع قهوتك اللي تتقهوينها قرنفل

    وتكثرينه ومشكوووووورة على ثقتك واتمنى من الله العلي القدير ان يعافيك
    آخر مرة عدل بواسطة دانةالدنيا : 11-09-2003 في 12:00 AM

    (استغفروا ربكم إنه كان غفاراً
    يرسل السماءعلبكم مدراراً * ويمدكم بأمول وبنين ويجعل لكم جنات ويجعل لكم انهاراً)

  4. #14
    بدون اسم غير متواجد عضو نشيط
    تاريخ التسجيل
    Nov 2002
    الردود
    137
    الجنس
    اختي الله يعافيك تكتبي لي عنوان الصمعاني بالظبط لاني احتاجه ارجو منك الوصف بالدقه لاني من سكان الشرقيهوانوي زيارته وهل هو طبيب عربي اي بالاعشاب
    ارجو ان لاتتاخر فانا اريده ضروري وكنت اسئل عنه من فتره


  5. #15
    دانةالدنيا غير متواجد عضو نشيط
    تاريخ التسجيل
    Apr 2003
    الموقع
    على شاطئ نصف القمر
    الردود
    259
    الجنس
    حبيبتي بدون اسم اصبر علي لين ماخلص الموضوع وئنشاء الله تلقين فية اسئلتك

    طيوبة : بالنسبة لي فأعاني من الهواء ولكن في فترات متباعدة وشئ بسيط والسوائل كذلك احيانا تزيد خاصة بعد اليوم التالي للجماع مع رائحة واحيانا لا توجد افرازات واود ان اعمل تضييق كما اني اشعر احينا بألم عند الجماع كوخز في نهاية المهبل مع العلم اني ركبت لولب بعدما انجبت طفلي الثاني بثلاث اشهر والأن افكر في ازالته اي بعد عشرة اشهرمن تركيبه ولكن الدورة تأخرت علي خمس ايام مع انها كانت منتظمه وخايفه بصراحة اني اكون حامل فوق اللولب واحيانا اقول يمكن اللولب طاح بدون ما احس وبصراحة اكثر خايفة اروح اكشف

    فيافي : اختي الحبيبه طيوبه كما لاحظت انتي لابد ان تتبعي النظام السابق وقت الحيض كما كتبته اما الوخز الذب تحسين فيه سوف اشرحه لك هل( عندما يأتيك وانتي واقفه لاتستطيعين الجلوس وكأنه عصا تخترقك)اذا كان مثل الوصف السابق فانتي داخلك هواء اثناء الحيض او النفاس لذلك بادري بالعلاج بالنسبه للحمل لابد انك تروحين وتشوفين وبعدين اذا انتي حامل لا تتضايقين الحمدلله هذي هدية الرحمن ويالها من هديه من اجمل الهداياقال تعالى(المال والبنونزينة الحياة الدنيا...) سورة الكهف ايه 46.واذا حامل بشريني لان عندي لك كلام خاص واذا مو حامل ابدأي العلاج

    اختينسريييييييييين:اسفه اختي يبدو اني خربطت شوي لقد وصفت لك (الماش) بدل (النونخه) النونخه تشبه الى حد كبير حبة الحلوة ولاكن لها لذعه شوي وطعمها حالي اما كبو الهواء على وصفك مهوب كذا كبو الهواء مخلط من مجموعه من الاعشاب مثل( خوا جوا + مرة+ كمون +حلتيته+محلب+ [حاجه والله مدري وس اسمه لكن مثل الانابيب المفرغه لونها اسود وحجمها متوسط]+قشر بصل +هدب الاثل) وفيه حبوب ضغيره حمرا يابسه زي الخرز هذي شيليها مهيب زينه

    بداير : انا اعاني من افرازات مستمره طوال الايوم ومويات والم شديد وقت الجماع قاتل جدا حسيت بهذه العراض من خروجي من النفاس بابنتي وعمرها سنه ويشهد الله لولا الله ثم موضوعك لبقيت على ما انا عليه اكيد خراب المشكله اني في امريكا ولا يوجد من يدلني علي هذه الامور ولا حتي العشاب التي كتبتيها فماذا افعل العشاب المتواجده لدي هي مره حلتيته مراميه محلب حلبه خوا جوا صك ولك عفص ماذا افعل هلدلتيني على شي افعله لني في عذاب وهل الامر يحتاج ذهابي الي السعوديه ويا ليت تعطيني رقم حرمه تعرف الدهان الرحام واتحاميل الي كتبتيها ما تماسكت معي يعني سايحه وهل احطها من اول يوم دوره الي اخر يوم انا انزلت الدوره معي الايوم وبدئت ببعض الموجود عندي

    فيافي : اختي بداير:اولا تجنبي (الصك والك والعفص)فهن الشر والبلا هن الخراب بعينه لانهن يزينن اول مرة وبعدين يخربن اما طلبك اعطيني بريدك وسوف اعطيك اكثر من عنوان لنساء اعرفهن غير كذا انا ممكن اجمعلك الاعشاب هذي وارسلها لك بأمريكااتبعي النظام السابق وحافظي على اكل التمرة مع الرشاد فهي تسمى عندنا بمصطلح طب العرب (ربيبة الارحام) ولايمكن تتخيلين فأدتها.

    ياسمينا : أختي فيافي ...لكن قلت لي أن ( رحم صاير عيشة ) مصطلح معروف عند طب العرب ما تعرفين علاجه......هذا مهم ..الله يعافيك

    طماطه : ماهي الطريقه اللي إذا شربت الحلبه مايطلع من جسمي ريحة الحلبه؟؟؟

    فيافي : اختي الحبيبه سما22 اولا انتي تامرين امر متسألين ونا تحت امرك وانا ماكتبت الموضوع الا عشان افيداما العلاج ياختي لخواتك الثنتين فلو كنت انا اعاني نفس اعراضهن كنت اتبعت النظام السابق اللي انا وضعته وماتتخيلين مفعوله وخاصه التمرة مع الرشاد والسمن البلدي

    خليهم يتبعون النظام وان شاء الله ماراح يشوفون الا كل عافيه وازيدك بحاجه اسمها (المكروشه)ولكن عمله صعب شوي:خذي كرش ذبيحه ماقطعت على شكله ونظفيها واحشيها بانواع الاعشاب الي ذكرت سابقا(كمون,نونخه,حبة حلوة ,حزاة,قيصوم,يانسون,قرفه,حلب,قرنفل,ماش حبه سوداء)ثم خيطي الكرش وضعيها في قدر كاتم وبعد ساعه تقريبا طفيها ولاتفتحين القدر لحد ملتبرد وبعدين تلحفي ببطانيه ودخلي القدر معك وافتحيه وشمي الرائحه وكلي من الكرش مع الاعشاب الي تقدرين عليه وممكن تسوينها مره واحدة فقط اما ياختي فانا لااعرف نساء طب عرب في المناطق اللي ذكرتي البحرين او الكويت

    وكما قلت فأنا معرفتي بهذا الطب محدوده

    طيوبة : بالنسبه للوخز اللي تقصيده هذا كان من زمان يجيني قبل الزواج وبعدين خلاص يعني نادرا ما احس فيه اما الوخز الذي اشعر به هو وقت الجماع اي بالداخل لا ادري يمكن عند بداية الرحم واحتمال يكون من اللولب ويمكن يكون سبب ثاني ما ادري بصراحة وحتى هذا الالم حسب طريقة الجماع ( اسفه على دقة الشرح ) واذا اتكدت انه ما فيه حمل شو اسوي بالضبط هل اتبع خلطة الحيض اللي ذكرتيها ولازم اتبع النظام الغذائي اللي ذكرتيه او يكفي اني ابتعد عن الممنوعات في تلك الفتره وبالنسبه للكبسولات استخدمها بعد فترة الحيض وهل هناك مدة محددة يعني شهر مثلا او اسبوع او الامر مفتوح وشو رايك بالرياضة بصراحة لما اسوي رياضة اشعر بالسوائل تزدادواخيرا شو هو الرشاد

    بداير : حبيت اسئلك هل انا يعني خربانه لان زوجي ما اشتكى ابدا بل عكس يقول مره ضيق هل يحسون با الهواء وهل الهواء اذا طلع وقت الدوره يعني اني في تقدم ام لا لاني بدئت من امس مع اول يوم دوره استخدم الي قلتي فعلان فتاك حب الرشاد والتحاميل استخدمها ايام الدوره ولا بعد

    طماطه : أبي أسألك عن الحبه السوداء تلهم ( تسف سفوف ) حب بدون طحن ( بودره ) وإلا مطحونوإذا طحناه تستخدم مباشره بعد الطحن ؟؟

    أخت القمر :بالنسبة للتحاميل..تصلح للي مركبة لولب،،يعني مافيه خوف ان الملح والعسل يذوب اللولب،،او ان الملح حار على الرحم ممكن يحرقه ؟؟؟؟

    فيافي : اختي الحبيبة :طيوبه اتبعي النظام السابق وقت الحيض, والكبسولات استخدميها كل ايام الحيض ولابأس في بعض الايام العاديه يعني مرة واحده في الشهربالنسبة للرياضة في ايام الدورة تجنبي الرياضة العنيفه ممكن تمشين وتعملين في المنزل الاعمال العاديه.اما بالايام العادية سوي جميع الرياضات الي تحبين حب الرشاد هو البذور وهي ضغيره ولونها بني ولطعمها لذعه واذا وضعتيها في ماء تصبح لزجة

    اختي بداير :الاوصاف اللي قلتي لي اوصاف خراب والتحاميل كل ايام الدوره

    اختي طماطه: فيه عرق الظهر يوضع مع الحلبه ويمنع الريحه ولكن ايضا يقلل من فائدة الحلب وممكن تقرين جميع الردود وانا كتبت عن الرائحه وايضا ممكن تطحنين(شبه بيضاء +البودرة اللي تحبين)وتستخدميها للابطين اما الحبه السوداء اذا قصدك مع السفوف نعم تطحن اما مع العسل لا ماتطحن.

    اختي العزيزة نووفتي:ممكن تستغنين عن السمن بزبده ولكن السمن البلدي افضل بكثير

    اختي اخت القمر والله مادري انتي تستخدميها مع اللولب ولا لا راح اسألك

    اختي نسريييييييييين:عمل التمره مع الرساد كالتالي:خذي تمر بدون نوى +سمن (المقادير على راحتك)ضعيهم في قدر وعلى نار هادئة لمدة 10 دقائق حتي يذوب التمر قليلامع شوي تحريك بعدين اضيفي الرشاد وهو حب ناشف وكثري شوي مثل السمسم لا تحطينه بماء.

    طماطه : حبيت أسأل كيف طريقة عرق الظهر مع الحلب سواء كانت الحلبه سفوف أو شرب وإذا كان شرب هل يغلى أو ينقع؟؟؟عرق الظهر أين توجد؟؟ وهل هي التي توجد عند العطار بإسم عود اليماني ؟؟

    بداير : سئال انا في وقت الدوره حا لين هل خروج الهواء وقت الدوره دليل علي اني في تحسن ولا مو شرط وقت العلاج خروج هواء بل توقفه وش رايك في التشطف با الرمان المغلي

    نووووفتي : اختي في الله فيافي..استحملي اسئلتي الله يجزاك خير,انا ماآكل السمن ولا الزبده ينفع التمر مع الرشاد بدونهم؟سؤالي الثاني اللي تحس نفسها مره خربانه كم المفروض تستمر على البرنامج يعني اربعين يوم تكفي؟

    فيافي : اختي طماطه انا انصحك ماتستخدمين عرق الظهر لانه يذهب فائدة الحلب

    اختي بداير: لاتقلقين استمري وان شاء الله بتشوفين تحسن

    اختي ياسمينا: اول مرة اسمع ان المكروشه تسبب تجاعيد انتي اذا استخدمتيها

    مثل البخار للوجه وبعدين مرة واحدة تستخدم في النفاس اذا الوحدة شكت ان نفاسها مو تمام

    اختي فدفيدو: ممكن ادلعك نعم التحاميل كل فترة النفاس حتى لو طهرتي وصليتي لان الارحام مازالت طريه وبحاجة للعنايه ويجب على الوحدة تجنب الزوج فترة الاربعين حتى لو طهرت

    اختي نووفتي: حاولي تغصبي نفسك عليها لان الحريم الاولات يسمونها ربيبة الارحام ومعناه انها ترب الارحام مثل مترب الدلال وتصير تلمع من النظافه واذا ماقدرتي جربي معه زيت الزيتون واذا متحبينه بس اطبخي التمرة واضيفي الرشاد(بس ماضنيت بتنفع كثير)ومثل ماقلت الخراب عشان الوحده يطيب منه ميه بالميه لازم يكون بعد نفاس بس اذا الوحده سوت النظام لمدة اربعين يوم عادي تكون بأذن الله نسبة الشفاء ثمانين بالميه وهذا تقدم ومع الدورات ترجع مثل اول واحلا واهم شي صحتها قبل كل شيء

    طماطه : بغيت أسألك عن شي إسمه ( مردود ) موجود عند العطار هل هو زين للنفاس والحيض ؟؟

    وياليت أخت فيافي تعطينا إذا فيه برنامج تتبعه الحامل في فترة الحمل

    وبغيت بعد الأشياء اللي تساعد على الولاده.شاهي الأعشاب اللي ذكرتيه للنفاس والحيض هل هو يطحن أو يترك حب ؟؟وهل يغلى أو ينقع حتى لا تذهب فائدته والنقع يكون بماء مغلي أو ماء فاتر؟؟

    ماهو مقدار الشب والبودره اللي ذكرتيه لي يروح ريحة الحلب ؟؟

    أوراد : حبيت أسألك عن المكروشه وكيف طريقة استخدامها؟

    هتون المدينة : عندي سؤال عن كبو الهوى فانا اشتريتة بشكل يشبة المزمار اي مجوف ولونة اسود واختي اشترتة يشبة هيك الفلفل الاسود ولاعرف ايهم هو كبو الهوا فارجو منك التوضيح

    فدائية من الرياض : أخت فيافي شاي الأعشاب جربته انا في نفاسي الأول وكان طعمه جنااان خصوصا انه كان من ضمن الأعشاب اللي فيه خزامى حتى قام البيت كله يشرب منه ، لكن اللي أبي اسأل عنه تعرفين (( شاي الهوا )) ووش مكوناته ، هو يشرب منه ثلاث او أربع بيالات في اليوم في النفاس والدوره ... ياليت عندك فكره عنه لأني ناويه هالمره أجربه

    بداير : انا الان في خامس يوم الدوره واستخدمت التحاميل والبخور عادي اتبخر ثم احط التحميله والتحميله ما نشفت عندي دخلتها وهي رطبه اشوي عادي ابي منك لو سمحتي وش احط اخر يوم دوره علشان المنطقه تضوق هل تنصحين با لي يسونه السودنين ولا هذه الشياء تكفي انا حاسه نفسي في الدوره غير اول مستهتره اشرب بيبسي واكل اسكريم لكن هذي المره لالالا

    الالم الي معي وقت الجماع شديد جدا كان ارحامي بتنفجر حتي نفسي يضيق منها ورحت لدكتوره من ثلاث اشهر واكشفت من تحت وقالت الارحام سليمه وارجعت لوضعها الطبيعي علشاني انا مرضع فانا علشان حاسه في الهواء توقعت هو الي يضغط علي ارحامي ما توقعت ميلان ابد لكن هل تتوقعين انهم ما عندهم سالفه وارحامي علي قولك ما يله اذا كذا لزم اجي السعوديه واعالج لان الالم حار وزوجي والله لو اقول له ابروح موعد ذبحني لانه مشغول وما فيه فايده من المواعيد يقولون سليمه فيقول لي انتي دلوعه ولا ما فيك شي وهل عندك طريقه لهذا الشي وش اسوي

    فيافي : الاخت العزيزة طيوبة:انصحك اذا بتجين للسعوديه اذا تمرين الرياض الي الطبيب الشعبي

    الصمعاني في حي المروج معروف ومشهور راح تلقين كل الادويه اللي تبين او اذا ماره حائل تمرين العطار (علي الحضرمي ) وهو يعرف ماشاء الله عليه واذا رايحه للمدينه او جده ابحثي عن أي عطار يكون له خبره 30 او25سنه ويكون من الاخوه الحضارم لانهم ماشاء الله عليهم يعرفون واذا شريتي اشرطي عليه ان يشيل الادوية اللي تسبب الخراب.

    (استغفروا ربكم إنه كان غفاراً
    يرسل السماءعلبكم مدراراً * ويمدكم بأمول وبنين ويجعل لكم جنات ويجعل لكم انهاراً)

  6. #16
    دانةالدنيا غير متواجد عضو نشيط
    تاريخ التسجيل
    Apr 2003
    الموقع
    على شاطئ نصف القمر
    الردود
    259
    الجنس
    الاخت طماطه:شوفي حبيبتي انا ماأنصحك تشرين دواء ماتعرفينه لان العطرين يبيعون بعض

    النباتات اللي تسبب الخراب مثال:الصك والك معروف يخرب وشكله زي الكلوه لونه بني واملس هذا ياساتر منه يسبب الخراب بشكل مرعب. وصدقيني الادوية اللي كتبت عبارة عن مردود

    وهي ممتازة .اما شاي الاعشاب مايطحن تغلينه على شكله لمدة عشر دقايق وتحلينه اما

    بسكر نبات او عسل طبيعي .الشبة خذي الحجم (كبر حبة المشمش) واطحنيها واضيفي عليها تقريباَ

    12 م.ك من البودره المفضله عندك وهذي للاستخدام اليومي ماراح تضر اذا كل يوم الصباح غسلتي منطقة الابط ووضعتيها وهكذا

    اختي الحبيبه اخت القمر: جزاك الله كل خير انا مانسيت سؤالك بس ماخليت ولا مرأة متخصصه بطب العرب ماعرفها مسألتها لاني انا ماعرف الاجابه غير كذاانا معمري ركبت لولب. المهم اغلب الحريم اللي سألتهم قالوا لي ممنوع استخدام التحميلات مع الولب يخربن اللولب

    اختي الغاليه اوراد:لقد ذكرت المكروشة وشرحت طريقتها قبل كذا بس ابعيدها مرة ثانيه عشان اوضحها اكثر: وهي ممتازة جدا بس تبي الحذر والتعامل الجيد مع البخار عشان متسبب حروق

    خذي كرش ذبيحة غنم لاتكون مقطعه يعني على شكله غسليهاونظفيها وبعدين احشيها بأدويه مثل:

    كمون +فلفل اسود+حبة حلوه+دارسين(قرفه)+حلبه +محلب+نونخه ماش+قيصوم+شيح+يانسون+ميرميه+حزاة+الحبة السوداء+قرنفل)وبعدين تخيطينها وتحطينها في قدر كاتم لمدة ساعه بعدين تسكرين النار ولاتفتحين القدر خلي لهواء ينسم مع الفتحه المخصصه بعدين بربع ساعه خذي القدر معك داخل بطانيه وافتحيه شوي شوي واستنشقي البخار واذا تقدرين تاكلين منها يكون احسن وبعدين اجلسي لك شوي انتي ومتلحفه بالبطانيه وخلي احد يروح ويوزنلك الدش على ماء دافي وقومي وانت والبطانيه وادخلي تحت الدش وتروشي ,والهدف انك ماتطلعين من تحت البطانيه عشان ماتتعرضين لتيارات الهواء المختلفه ويكون الماء اللي تتروشين تحته دافي .وكذا تمت العمليه كامله .

    اختي الحبيبة هتون المدينه:كبو اللهواء مكون من كل الاعشاب اللي ذكرت سابقا واللي زي المزمار

    يسمى عود الهواء(اسمه توي اعرفه من امي) والي اختك حصلت عليه هذا اسمه فلفل الهواء وها العنصرين اخلطيهم مع بعض راح اعطيك بعض من مكونات كبو الهواء(محلب+ورق حناء+فلفل هواء+ عود هواء+مرة + حلتيته+خوا جوا+قشر بصل+كمون+هدب اثل).

    اختي فدائيه من الرياض:اسمعي اول مرة اسمع بشيء اسمه شاي الهواء وكذلك سألت عنه بعض نساء طب العرب ويقلن نفس كلامي مافيه شيء اسمه شاي الهواء يمكن يكذب عليك العطار او انه يستخدم لانواع اخري من الامراض

    اختي بداير: اللي يسونه الاخوة السودانيين بصراحه معمري جربته لكن فيه نساءجربنه ويمدحنه وانا ماأدري عنه شيءحبيبتي خروج الهواء هذا خراب وما يسبب الم ابد ابد لكن الميلان والالتهابت هي اللي تسبب الالم وانتي تقولين انك كشفتي ويقولون لك مافيه شيء وانا اسألك لو كان كل شيء تمام ماكنتي حسيتي بالألم ولاطلع من هواء صح؟ عشان كذا اقولك شكلك معك ميلان ويمكن للخلف واذا تقدرين تجين هند اهلك بالاجازة لاتخلين نفسك روحي لمرأة متخصصه بعلاج طب العرب وياليت تكون هذه المرأه من نجد لانهم جدا شاطرات.اما علاج الميلان فلايعالجه اعشاب الذي يعالجه (المخبنة والتدليك)وهذا يسونه الحريم وياسبحان اللي عطاهم المعرفه .تخيلي بنت عمتي عندها ميلان ومحد اكتشف هذا الميلان وكانت دايم تشكي من الالم وقلنا لها اكيد ميلان وراحت لمرأة وعالجتها والحمدلله

    الحين تعدل الرحم والحين هي حامل ويكون بعلمك أي واحده عندها ميلان يأما متحمل ااو اذا حملت مايثبت لازم تأخذ مثبت والعلاج مرة في الشهر حتى يتعدل بعض الحريم من اول شهر وتطيب وبعضهن يبيلها 3 شهور.

    حبيبتي نسريييييييييييين :وتري العلاج والنظام يبي صبر لاتفترين او تتهاونين واهم شيء يكون الرحم قوي ويتحمل الحمل لان صحة المرأة من صحة ارحامها وانا شخصيا اعرف واحدة مهتمه بنفسها وبرحمها وما شاء الله عليها الحين عمرها 50 سنه وماشاء الله عليها تعطينها 35سنه ونشيطه وحيويه.

    وعندها من الاطفال 15 ابناء وبنات واصغرهم عمره 3سنوات.

    بدور : هل الفلفل مع العسل في اخر ايام الدورة زين للمرة حيث سمعت من الصديقات انه يحرحر .....!! وهل المحلب ينزل المويات ..

    فيافي : نعم اختي بدور الفلفل الاسود ممتاز مع الشوربات والايدامات والمرقوق والمطازيز والعسل ايضاممتاز لكن معمري انا خلطتهم مع بعض والمحلب ينشف وينزل المويات بس مايستخدم إلا في اخر ايام الدورة او 20 يوم الاخيرة من النفاس بدور : هل شرب منقوعة العنزروت في ايام الدورة ضارة لاني سمعت من بعض الاخوات انها ترخي..!!

    للفائدة لقد استعملت الشبة وياليتني ما استعملتها الله اعلم وش صار لكني ادركت نفسي وانقذتها

    من هلاك كاد ان يبطش بها (مويات ما توصف ) المرة بعد عناية الله هي الحل الوحيد .. انصح الجميع بها" لاتذكريها لعدوك " غاليتي وش رأيك بالغسول المذكور"جرجبيت ريسيب" انة يطهر ويضيق

    فيافي : اختي بداير:الله يجزاك خير ويصلح لك ماعطاك فعلا حنا في حالات الكسور والجروح الصعبه نمنع المصاب من اكل السكر لانه مايساعد على التأم الجرح او الكسر وننصح بالعسل الطبيعي لانه يساعد على تكون الانسجة التالفة. عشان كذا قليل مانستخدم السكر في النفاس او الحيض ونلجأ الى العسلالطبيعي .

    اختي bodormo3 :بدور لا منقوع العنزروت ان شاء الله مايضر لانه منظف للمعده والامعاء ولا يضر ابدا لكن يكون مكون من(عنزروت+مرة+شوي محلب) ويشرب يومياَ اما الشبه فهي مخربة جدا جدا بعض النساء تستخدمه لجهلها كتحميلات او كغسول لمنطقة المهبل وهي لاتعلم ان اثره شديد وتسبب التهابات وتخرب اما اغسول اللي ذكرتيه ما أعرفه .

    فدائية من الرياض : طيب أخت فيافي إذا ( لاقدر الله ) وكانت الولاده قيصريه هل أستعمل كل هذه الأشياء الكبو ، شاي الأعشاب ، التحاميل ، الغسول ... وإلا خلاص أريح عمري مالها فايده ؟؟؟؟

    لؤلؤة : حبيت اسأل الدش المهبلي 00زين ولا يخرب المرأه لان صديقتي قالتلي حطي فيه مويه وملح وتغسلي فيه اومويه مع مره في الدور او النفاس او الايام العاديه 00000000والحامل هل الماي والمره او الملح يضرها لو تشطفت فيه من جوا 00000000وش احسن حاجه للمره في النفاس التنقع في الماي والملح لمده عشر دقايق او التشطف فقط 00وش احسن يوم تبدا فيه بعد الولاده بالماي والملح لاني سمعت لازم بعد اسبوع من الولاده 0000000وهل استمر فيه لاخر يوم من الاربعين 0000بغيت اسأل عن البخور متى تبدأ فيه الوحده بنفاسها في اي يوم ولمتى لحد ماتخلص الاربعين ولا لا

    فيافي : اختي فدائيه:انا جبت بعملية ومشيت على النظام لان الارحام هي الاساس والخراب يكون بالارحام مو بالمهبل. بالنسبه لشاي الهواء زي ما قلتلك مافيه شاي هواء لكن ممكن المقصود المطبوخة وفيها مجموعة من الاعساب فيه حاجه يابسه زي ورق البازلا وخشب زي الاغصان وحب صغير احمر هذي تنظف من الدم ولكن فيها اعشاب لابد تتخلصين منها لانها اذا انقطعت عنك تخربين

    ولذلك اعطيتك شاي اعشاب حتى لو ماتوفر ماتخربين اذا تركتيه وانا استخدمه وخواتي وخالاتي وكلنا ولله الحمد تمام

    اختي لؤلؤة:الدش المهبلي مايضر بس استخدميه من برىاما التنقع بالماء تجنبيه لان الحين اللحم اذا تعرض لماء يفسد والارحام بعد الولادة تكون عباره عن لحم متجرح فوش يصير لو تعرض لماء (تخرب الارحام) والتشطف للحامل عادي بس مو داخلي وتتجنب التحميلات عشان ماتسحب موية الطفل

    اما الكبو يستخدم في الايام الاخيرة من الدورة او20 يوم الاخيرة من النفاس وافضل شي بالليل عند النوم.

    أخت القمر : فيافي قلت مع اللولب اتجنب التحاميل,,,طيب بقية الادوية اللي ذكرتيها تكفييعني ،،،اذا كنت تعبانة ممكن بعد الله تساعد على الشفاء

    (استغفروا ربكم إنه كان غفاراً
    يرسل السماءعلبكم مدراراً * ويمدكم بأمول وبنين ويجعل لكم جنات ويجعل لكم انهاراً)

  7. #17
    دانةالدنيا غير متواجد عضو نشيط
    تاريخ التسجيل
    Apr 2003
    الموقع
    على شاطئ نصف القمر
    الردود
    259
    الجنس
    أوراد :فيه وحده قريبتي عندها ضعف في المبايض وكل ماحملت وصار لها شهر سقطت ومافيه مستشفى إلا وراحت له بس ما استفادت شي وش تنصحينها تستخدم من الأدويه

    فيافي : اختي الحبيبة: اخت القمر مافيه اي شيء اذا تركتي التحميلات واهم شيء الادويه الداخليه

    السفوف والشاي والاهم انك تتقيدين بترك الممنوعات والجوع اثناء الدورة والحيض وان شاء الله بتشوفين بنفسك الفرق لما تخف المويات والرطوبة ولكن استمري ولاتملين

    اختي اوراد: اذا تكرر التسقيط عند زميلتك فما ادري وشو السبب لان لابد ان تكشف عليها مرأة متخصصة بطب العرب في بعض الحالات لايكون معروف عند النساء ولذلك تنصح بالرقية الشرعية

    فقد يكون عين او نفس هي المانع اما اذا كان التسقيط معروف سببه عند الاطباء مثل (قصر المهبل) فهذا اكيد يحتاج ربط ويسويه المستشفى واللي مثل حالتها لاتستخدم اي دواء شعبي حتي لا يطيح الطفل وحتي الحلب توقف استخدامه

    اختي اوراد:قلتي صديقتك عندها ضعف عليها بالحلب حتي يتم الحمل بعدين توقف استخدامه

    وممكن تستخدم عسل طبيعي +بار النخيل(كافر واحد) وتأخذ ملعقة كل صباح وان شاء الله يكون حمل وانا اخاف ان صديقتك معاها ميلان معه عشان كذا مايثبت الحمل وبالغالب اللي معاها ضعف بالمبايض قليل مايثبت الطفل لكن انا انصحه تعالج عند مرأةطب عرب.

    طماطه : بغيت أسئلك عن الرز ناكله عادي بفترة النفاس والدوره؟؟لأن فيه ناس يقولون يكبر البطن ليه هو يضر أكله بهالفترتين؟؟_ بالنسبه لشاهي الأعشاب ذكرتي أنه ناخذ 3ملاعق كبيره من الأعشاب وش كثر الماء اللي نغلي فيه ؟منقوع العنزروت والمره والمحلب قد إيش أشرب منه والماء اللي أزيده قد ايش هو كثر اللي آخذ منه ؟؟_ البنت بفترة الدوره تسوي ( كبو الهواء ) ؟؟ومتى أصلحه؟؟وهل ضروري أسويه وإلا أكتفي باللي قلتي بفترة الدوره؟؟عزيزتي فيافي أنا طلبت منك تعطينا إذا فيه برنامج تتبعه الحامل فترة الحمل وكذلك الأشياء اللي تسهل الولاده لأن أختي حامل

    ياسمينا : التجشؤ الكثير بصوت عال يعني الهواء اللي يطلع من المعدة .ومو بعد أكل يعني على طول

    هل هو دليل على شيء مو زين ؟؟؟

    هتون المدينة : ماهي المقادير تبع كبو الهواهل مقاديرها تقاس بالكوب ام ماذا

    وسن : متى تستخدم التحميله يعني من اول يوم من النفاس حتى لو كان فيه جراحه00000

    فيافي : اختي العزيزة طماطه:اكل الرز عادي بس المشكلة فيه انه يكبر البطن ويسمن وثقيل على المعدة عشان كذا نستغني عنه بالبر وخاصه البر ونخالته مثل المطازيز او المرقوق او ايدام لحم مع خبز بر.اما شاي الاعشاب 3.م.ك مع 3اكواب ماء حجم وسط منقوع العنزروت كوب ماء صغير او وسط واذا شربتي زيدي نفس كمية الماء واذا ذابت العنزروت والمرة والمحلب اضيفي ثاني .

    البنت عادي تتكبا؟ والكبو ضروري وافضل طريقه له هي كالتالي:حطي الفحم في المبخرة تحت كرسي مفرغ اجلسي على الكرسي والمبخرة تحته وضعي على الجمر قبضه من الكبو وتكونيين شايلة بس الملابس الداخلية وهذى يكون كل ليله عند النوم وفي الايام الاخيرة من الحيض او النفاس.

    بالنسبه للحامل افضل شيء لها المشي وبعدين اذا بدت الالام (الوضع)تشرب حلب وتأكل رطب (والرطب ذكرة الله لافضل نساء اهل الجنه مريم عليها السلام) وانا اعرف نساء كثير ولدتهن سهله من الله ثم للرطب وانا للاسف ما جربته لاني استفرغ اثناء الالام الله يكرمكم ولكن امي واختي جربنه

    كذلك اذا ماتوفر الرطب خذي تمر واعبطيه بماء وزعفران واقرائي سورة الزلزلة واول آل عمران واشربيه

    اختي ياسمينا: والله مااعرف عن التجشؤ شيء.بس اذا كان طول الوقت مع راحه كل محصل التجشؤ ورغبه للاستفراغ مع عدم شهية للطعام او كره للاكل (زي الوحم)والوجه لونه اصفر والرموش متفتلة(كأنها محروقه) فهذي اسمها خشة برد وتكون مصيبه الشخص بعد اكلة دسمة ومتعرض للبرد شديد وهذي لها علاج اخر.

    اختي العزيزة هتون المدينه:كتبت الطريقه في ردي علي طماطه واذا فيه شيء مو واضح لاتستحين

    اسألي عادي لاني انا ما احب اخذ أي شيء على عماي لازم اسأل واللي ما اعرفه اقول ماأعرفه وهذا اول العلم.

    اختي وسن:نعم التحميله من اول يوم لانها تعمل كمطهر للجروح وكمنظف وطارد للدم الفاسد .

    اختي الحبيبة لؤلؤة:نعم النفاس ماتتنقع في بانيو ابد ابد ابد ليش؟لان الماء يدخل الارحام ويفسدها(يخربها) والتروش (الاستحمام)ضروري مرة في الاسبوع بس علي السريع وانتي واقفه تحت الدش اما التشطف للمناطق الدخليه يكون يوميا بس(بالارطى+ الملح + الماء )غير كذا ممكن تغسل الرقبه والصدر الى السرة فقط واهم شيءالقدمين لايتعرضون لماء لفترة طويله او تمشين على الرخام حافيه لازم تلبسين شبشب لان البرد مو زين للقدمين.

    ياسمينا .. اجل هذي خشة برد واذا اهملت تتحول للصفار العلاج:اخلطي المقادير التالية :

    3.م.ك عنزروت+ 3.م.ك مرة+ مكعب من الحلتيته المطبوخه (مو الرطبه)وتلقينها عند العطار +3.م.ك علك مر+ م.ص كاثه +م.ص من الصبرة(المباركه)+ اقل من ربع ملعقه صغيرة كبريته .بعدين تأخذين ملعقه صغيرة من الخلطه مع كوب ماء حار وخليها لحد متبرد وحركي ثم اشربيها. يمكن يصير معك شوي اسهال (الله يكرمكم) بس لاتخافين اهم شيء تقيدي بالمقادير لان مثلا عندك الكبريته لونها رصاصي بودرة خطرة شوي ماتكثر اتمنى انك فهمتي واستمري على العلاج لحد متطيبين وهي ممتازة حتى للاطفال من عمر 3سنوات وما فوق. على فكرة ترا ريحتمه مرعبه بس عادي واذا جمعتيهم اطحنيهم بس في مكان برا المطبخ في الحوش مثلا لان اذا انكبو في المكان ماترو ريحتهم ابد

    (استغفروا ربكم إنه كان غفاراً
    يرسل السماءعلبكم مدراراً * ويمدكم بأمول وبنين ويجعل لكم جنات ويجعل لكم انهاراً)

  8. #18
    دانةالدنيا غير متواجد عضو نشيط
    تاريخ التسجيل
    Apr 2003
    الموقع
    على شاطئ نصف القمر
    الردود
    259
    الجنس
    بدور : هل الرشاد في ثاني يوم من الدوره له فائدة ..

    ياسمينا:الشراب يكون على الريق.. وإلا عادي خلال النهار وهل المعدة لازم يكون فيها أكل ؟وكم مرة في اليوم ؟طريقة تنظيف العنزروت ؟ فيه شيء معين ينشال منه ؟علك اللبان... يكون لين وإلا يابس ؟

    لؤلؤة : انا في ولادتي الاولى كنت اتروش يوميا ماكنت ادري ان المويه تضر لابعد اتاخر اتليف واتفرك واتنقع مرتين في الملح في اليوم

    هتون المدينة : ذكرتي عن خشة البرد وان ابنتي عمرها اربع سنوات وفيها الاعراض اللي ذكرتيهافهي اذا اكلت الاكل احس انها ودها تطلعة لكن انا توقعت انة حلقة صغير لهذا السبب فارجو منك التوضيح

    بداير : الدش المهبلي من جوه ما اسويه ابد لو مره بعد الدوره ويكون عباره عن عسل وماء دافي علشان انا بعدة عن الى في الصيدليه با المره والعسل وش رايك

    أخت القمر : اود ان اسالك عن الماش ،،،انا اذا استخدمته يبين مفعوله بسرعةينشف ويوقف الافرازات ،،،ياليت لو تقولين رايك فيه اخاف انه مثل الصك واللك اللي يخرب؟؟؟

    فيافي : اختي بدور:الرشاد ينشف الدورة بدون تنظيف عشان كذا نستخدمه مع التمر بس اول ايام الدورة وفي الايام الاخيرة نستخدمه مع التمر والسفوف

    اختي ياسمينا:تشربين الدواء مرتين في اليوم على الريق وعند المغرب من نفس الكوب يعني الصبح نص الكوب وعند المغرب باقي الكوب.العنزروت زي التراب وهولونين حليبي واحمر واذا اضفتي له ماء يلزق مع بعضه وما يحتاج تشيلين منه شيءالعلك المر طعمه مر وشين وهو دوائر صغيرة مو زي العلك المستكه.

    اختي هتون المدينة:اعطي بنتك منه وان شاء الله اذا ما نفعه ماراح يضرة وراح تلاحظين اذا خذته راح تتعدل شهيته وتنفتح وتزين حاله واذا تبينها تسمن شوي عطيها100 غرام من المحلب + سكر نبات اطحنيهم وكل يوم .م.ص

    اختي ام فيصل: مو هذي المشكلة وانا احاول الحين احلها بالبحث .

    اختي العزيزة بداير:ابدا لاتسوين دش مهبلي اثناء الدورة حطي تحميلات او تشطفي

    اختي اخت القمر:لا الماش ممتاز جدا جدا وقت الدورة ولا يهمك استخدميهوهو مو مثل الصك واللك

    محبوبة : ممكن تساعديني في معرفة العفص ايش هو وهل يصلح لتنظيف الرحم من الالتهابات

    أم عبير : انا لي 15يوم مخلصه الاربعين واحيانا يعورني ظهري مررررررررررررره وتنزل مني افرازات الله يكرمك بنيه او ورديه او دم خفيف ...مع ان الدوره جتني بعد الاربعين على طول ماادري وش الحل وجع ظهري متعبني مره خاصه مع شغل البيت والاطفال

    أم حصونة : , بغيت اسالك هل (خشة البرد ) هى اللى نسميها غبطة؟؟ واعراضها معدة منتفخة وريحة البطن خايسة ( الله يكرمك)ونلاحظها بالصغار اكثر شى لما يكثرون من البفك والبطاط , لان فى حرمة تعالج قالت ان البفك اخطر شى للطفل يخيس بمعدته وبعدها كل ما خرج بطنه تشمين ريحة خايسة ونصحتنا ان ما نعطى عيالنا منه.فهل هى اللى قلتيها؟؟ وعندى سؤال ثانى اعرف طفل فيه بو صفار من يوم ما انولد! لما اهله راجعوا فيه لقو كل شى فيه سليم واللون الاصفر اللى فى وجهه خلقة ما يروح وكبده سليمة مافيها شى الحمدلله. بس قال الطبيب انها حالة نادرة جدا . عندك علاج له؟ تصدقين فى عجوز تداوى شافته وقالت لامه جيبيه اكويه على رؤوس الاظافر وهو يطيب باذن الله ويروح البو صفار منه!! شرايك؟؟

    فيافي : اختي محبوبة : تجنبي العفص لانه يخرب سواء حمستيه او طحنتيه

    اختي ام عبير:الماش حب زي حبة الوبياء لونه اخضر وهو ممتاز ويضاف ممكن مع المرقوق

    او المطازيز او يطحن ويضاف الى السفوف

    اختي ام حصونه:خشة البرد تختلف عن الخبطة الخبطة هي عبارة عن تلبك معوى وممكن يزول مع زوال المسبب لتلبك لكن الخشة لا تصيب بسبب الدسم عند التعرض لبرد وتسري مع الدم

    والمصاب بالخشة يكرة الاكل ويصيبه الخمول ويصفر بشرته ورموش العين تتفتل(زي المحترقة) ولا يصيبه اسهال ولامغص اما الطفل اللي قلتي ممكن تعطيه (عنزروت بس تخففه مو ثقيلة ) وعسل طبيعي واذا مانفع تكويه عند المرأة

    طماطه : بغيت أسألك حبيبتي ياليت تعلميني الأشياء اللي نعطيه المولود مثلا للماغص وغيره..وياليت تذكرين المقادير والوقت علشان ما أعيد السؤال نفسه.بغيت أسألك أختي بناته يوم ولدتهم كل الليل يصيحون ولاندري وش السبب لدرجة إن بنته الأولى حصله بعج وسووله عميله.والثانيه مثل إخته كل الليل إلى الفجر تصيح بصوت واحد ولما سألنا وحده من الحريم الكبار قالت لنا نقطوا بحلقه نقطتين مره وصلحناه وكأنه أحسن إذا تعرفين السبب قوليلنا وعلمينا وش نسوي ؟؟صديقيني محتارين وش نسوي والخوف للي بيجي يصير مثلهم

    فيافي : اسموحة اختي ام عبير والله نسيت اولا دورة النفاس تسمي(ردة النفاس) وهي مهمة وممكن انتي مانظفتي زين يعني باقي دم فاسد وابعطيك وصفه استخدميها مع الدورة القادمة

    ( فنجال مرة+فنجال حبه سوداء) اطحنيهم واخلطيهم مع عسل طبيعي على الريق وان شاء الله بيتحسن وتنظفين اما اذا استمر وجع الظهر فيمكن متعرضه لظغط اثناء الوضع من الممرضات وصاير شيء لفقرات الظهروالافضل تأخذين اشعه للاطمئنان .واذا ماصار تحسن بلغيني

    اختي طماطه:للمولود اذا فيه مغص اطبخي شوي كمون مع ماء وسكر نبات ورضعيه

    يهدي المغص اما اطفال اختك فامراض الاطفال تختلف فمثلا ولدي الصغير بعد ماجبته بأسبوعين صار بس يصيح ويرجع راسه وراء ومايرضع بغى يموت وماخليت مستشفى ماوديته المهم وديته لمرأة متخصصه بالاطفال وشافته وقالت لي مشتم بريحان ولازم كوي المهم كويته وتوكلت على الله ماتصدقين نام على طول ورضع ولله الحمد عشان كذا صعب اقولك وش فيه لكن اكيد انتم بعد الولادة مارضعتوة جليكوز لانه ينظف المعدة وهوحلو للمواليد

    (استغفروا ربكم إنه كان غفاراً
    يرسل السماءعلبكم مدراراً * ويمدكم بأمول وبنين ويجعل لكم جنات ويجعل لكم انهاراً)

  9. #19
    دانةالدنيا غير متواجد عضو نشيط
    تاريخ التسجيل
    Apr 2003
    الموقع
    على شاطئ نصف القمر
    الردود
    259
    الجنس
    بدور : هل خشة البرد علاجها اللي ذكرتيه.. هو نفس اللي يبيعونة الحريم (سعوط)ام لازم انا اخلطهم رغم ان الحريم موثوق فيهم ..لونه بين الكحلي والبني سؤال ثاني ...طولنا عليك ..ما ننعطا وجه...ما عندك خلطة ترد حالي مع الرغم من ان جسمي زين لكن اريد وجهي يمتلي شوي (اعشاب )

    أم عبير : ممكن اعرف شلون تعرضت للضغط من الممرضات ؟؟ونسيت اعلمك انه ظهري بدا يالمني قبل الولاده بخمس ايام يعني الالم موجود قبل الولاده وسؤال اخير الله يعطيك العافيه وش الحل اذا كنت متعرضه للضغط من الممرضات يعني مافيه شي اسويه او اكله قبل الدوره الثانيه واخاف مع الرضاعه تطول ماتنزل والالم صعب خاصه مع شغل البيت

    طماطه : كم مقدار الجيليكوز في الرضاعه وكم مره في اليوم؟أضيف للجليكوز سكر نبات أو عسل لأنه طعمه مالح؟؟ فيه شاهي المولود يصلح بالبيت وهو مكون من :حلب + كمون + يانسون + كراويه +نعناع +|حبه سوداء نخلطهم مع بعض من طحن وناخذ ملعقه صغيره ونحط عليه مويه مغليه ونخليه ألين يصير دافئ ونشربه..وش رايك فيه زين وإلا مو زين للمولود بالنسبه لحلة بنت أختي صياح من الليل للفجر والعصر تلوى من بطنه وإذا رضعت الله يكرمكم تستفرغ والله يكرم الجميع البراز قليل ولما عطيناها مثل ما قلتلك نقطتين من منقوع المره الله يكرمكم برزت وإرتاحت..

    فيافي : ام بدور ممتاز السعوط مع الدواء اللي كتبتلك يعني اضيفي سعوط مع نفس الكوب اللي فيه الدواء ويشرب وانا للاسف ما أعرف مكونات السعوط وإلاكان كتبته لاني اخذه من عجوز تقرب لامي وحنى متكلين عليها ولا عمري فكرت اخذ مقاديرة

    اختي ام عبير:الضغط من الممرضات يكون بتفريق القدمين ودفعهن للخلف بشده ومع الالم ما تحسين لكن بعدين تكتشفين ان اخر عضمه بالظهر متحركه عن موقعهاعلى كل حال الم الظهر طبيعي بعد الولاده وتجلسين تقريبا ست شهور وانتي تعانين منه وخاصه اذا كنتي غير معتاده على المجهود

    العضلي لكن انصحك تأخذين اشعه على الظهر واذا طلع كل شيء تمام لاتضغطين على نفسك بالشغل وكلي (الماش) وهو ممتاز للعضام والجروح وتقدرين تأكلينه في اي وقت اما الرضاعه الطبيعيه ماتضر ابد بل على العكس مفيده للام ولطفل.

    طماطه:لا يأختي شراب الجيليكوز حلو مو مالح والطفل ابدا ماتعطينه ملح في السنه الاولى من عمرة عشان ما يصاب بالتسمم.انا ابوصفلك الجليكوز: في علبه زجاج صغيره علتها طبعه ورديه وهوثقيل حالي والغطي معدني وهو مصنوعه عشان تشيلين الغطى وتحطين بداله الحلمه حقت الرضاعه. الشاي اللي قلتي حلو بس شيلي منه اليانسون والحبه السوداء لانهم حارين على معده الطفل الصغير ممكن تعطينه هذولي اذا كان عمره اربعة اشهر بالنسبه لبنت اختك ابغى اسألك؟؟؟ هل تخريجه(ولكم الكرامه) زي الخيوط الصمغيه اللي فيها لون اسود او اخضر غامق او زي القطن الابيض وله ريحه كأنه طالع من ثلاجه ومعاه زي الزلال

    فيافي : نووفتي الرد جاك بالطريق بالنسبه لفاكهت الصيف زي المشمش والعنب والكرز بعد الاكل يعني على شبعه بس لاتكثرين اما اذاكان العنب حامض تجنبيه كذلك الرمان ممنوع الخوخ ممكن بس على شبع

    طماطه : أخت فيافي زي القطن الأبيض وله ريحه وزلال.. بالنسبه لشاهي المولود اللي قلتلك عليه كم مره نعطيه المولود.؟؟

    فيافي : اختي طماطه هذا برد يمكن اختك نايمه عند المكيف بدون لتغطي البنت زين المهم اعطوها من الشاي اللي ذكرتي تقريبا رضعتين الى ثلاث رضعات باليوم بس بدون لا تطحنون الاعشاب اغليها 10 دقايق وصفيها بالرضاعه ونقعيله شوي عنزروت في فنجال قهوه وخليها خفيفه واعطيه مرتين مرة الصبح ومرة عند المغرب واذا تعرفين السعوط عطيه سوي مع العنزروت منه وطمنيني على بنت اختك اذا فيه تحسن لازم

    طماطه : بنت أختي اللي أقولك عليها كبيره لها سنتين وشوي والحمد الله ما تشتكي من شي بس أختي من كثر ما تعبت من بناته لأنهن نفس الطريقه وخافت ليكون كل عياله نفس الشي لأنها تعبت تخيلي ماتنام ولاترتاح وقلق وخوف على البنت يعني حالتها النفسيه مرررررررررره تعبانه وخافت ليصير كل عياله نفس الشي وتعيد المأساة من جديد حبت تسألك وتعرف السبب علشان إذا جاها مولود جديدتكون عارفه السبب وتداويه لأنهم نفس المشكله وحده ..

    فيافي : الله يخلي لاختك بناته بس الحين خليها تعطي بنته لو مرة بالاسبوع (عنزروت)اما بنسبة للمواليد ابعطيك بعض النصائح للمستقبل

    اولا: بعد الولاده مباشرة تعطيها جلوكوز رضعه كامله ليش؟؟؟؟لان الطفل يكون في بطنه بعض من سوائل الام فلازم تطلع والجليكوزيساعد على تنظيف باطنيته

    ثانيا: تشربه مغلي الكمون مع سكرنبات

    ثالثا: تحرص على الدفى وتعطيه عنزروت لو مرة في الاسبوع بس تخففه

    رابعا: تحاول ترضعه طبيعي لو فترة الاربعين لان هذا مفيد لطفل ولها

    طماطه : ممكن نعطي المولود شاهي الأعشاب اللي قلتلك عليه وندهنه بزيت الزيتون يومياطبعا مع النصايح اللي قلتيلي عليها ..وكم مره نعطيه من الشاهي ؟؟وكم المقدار؟؟؟كم مره نعطيه من الجلوكوز طبعا غير الرضعه الكامله اللي قلتيلي عليه؟؟كم المقدار؟؟؟متى نوقف الجلوكوز مانعطيه المولود؟؟؟كم مقدار العنزروت اللي نعطيه المولود؟؟؟ومتى نوقفه عن المولود؟؟

    نسرين : بس بغيت اخبرك اني ماشيه تمام على النظام وبديت احس ان خروج الهواء قل بنسبه كبيره عن قبل قبل خمسة أيام كنت مسافره ووديت معاي الأدويه وكل شي بس تعرفين زحمة السفر ويا العيال يعني شوي صار في خربطة في العلاج بس في هالأيام ما أدري الحين اواصل عادي والا اعوض الأيام اللي طافتني يعني ازيد العشرين يوم الأولات خمسة ايام بعد على نفس الأدويه وبعدين انتقل للعشرين يوم الأخيره.

    فيافي : اختي طماطه:اعطي الطفل من شاي الاعشاب اللي عندك عادي في اليوم مرة واحده

    واذا فيه مغص مرتين اما الجليكوز اعطيه مرة واحده كل صبح فترة الاربعين بس وبعدين اقطعيه

    العنزروت مقدار ملعقه صغيرة مرة في اليوم الزيت الزيتون يدهن الصدر والبطن بزيت دافي مرة الصبح ومرة عند النوم

    اختي نسرييييين:الحمدلله على التحسن واذا ان شاء الله استمريتي في كل دوراتك بتشوفين العجب وياليت انك مالخبطتي لان الفايدة في الالتزام بالنظام بس معليش الحين بعد مارجعتي كملي النظام عادي واذا جتك الدورة اقلبيه على الايام الاولى من الدورة ثم الايام الاخيرة من الدورة ثم كمليه عادي وصدقيني وحدة مشت على النظام 3 دورات هي وزوجها حسو بالفرق

    طماطه : كم مقدار الجلوكوز في الرضاعه ؟؟ياليت تبينين لي مقدار العنزروت والماء ؟؟

    فيافي : اختي طماطه:لا مافيه تعارض ولا شيء انا اقولك تعطينه عنزروت لو مرة في الاسبوع اذا هو طيب مافيه شيء لكن اذا كان تعبان تعطينه ممكن مرة في اليوم ملعقه صغيره او ملعقتين صغار مايضرة ان شاء الله يعني اذا هو تعبان مرة تعطينه مرتين في اليوم عنزروت مرة الصبح ملعقه ضغيرة ومرة المغرب ملعقه صغيره بس اهم شيء ماتثقلينه تتركينه خفيفه

    (استغفروا ربكم إنه كان غفاراً
    يرسل السماءعلبكم مدراراً * ويمدكم بأمول وبنين ويجعل لكم جنات ويجعل لكم انهاراً)

  10. #20
    دانةالدنيا غير متواجد عضو نشيط
    تاريخ التسجيل
    Apr 2003
    الموقع
    على شاطئ نصف القمر
    الردود
    259
    الجنس
    لؤلؤة : يقولون الغسيل بالصابون والشامبو للمنطقه يخرب ايش رايك 00وهل في صابون طبي تعرفينه زين وفي حريم ينشفون المنطقه التناسليه من داخل بشاش او قماش ناعم هل هو كويس ولا لا

    أم الحسن : إذا كانت المرأة ولله الحمد سليمة ولا تعاني شيئا مما سبق من بعض أمراض النساء فهل هناك أعشاب معينة تتناولها المرأة أثناء الدورة مثلا لتحافظ على صحتها مع زوجها؟

    والسؤال الثاني:إذا كانت المرأة قبل النفاس لا تعاني من أي مرض مما سبق ذكره فما هي نصيحتك لكل امرأة نفساء ويمكن أن نطلق عيها(النصيحة الذهبية) حتى ترجع مثل ماكانت وتنال رضا زوجها؟

    طماطه : في فترة النفاس فيه شي نستخدمه علشان البطن يرجع لوضعه الطبيعي أي مثل ماكان قبل الحمل ؟؟_ حبيبتي أبغى غسول للمنطقه يومي وأنا طاهره ما فيني الدوره ومنب نفاس ؟أنتي ذكرتي ( أرطأ+ ماء + ملح ) لكن ماذكرتي المقادير ياليت توضحين حبيبتي..وإذا طبخته أحطه بالثلاجه وإلا برى وكم مره باليوم؟؟كذلك التحميلات:م ك مره + شوي محلب + ملح خشن.<<< ياليت توضحين الشوي وش كثره والملح وش كثره

    أم الحسن : عن قشر الرمان وبأنه يزيل البطن بشكل فعّال .والوصفة هي:نضع قطعة من قشر الرمان الجاف في ماء مغلي ونتركه يغلي خمس دقائق ثم يشرب فنجان صغير على الريق يوميا (والله يعينكن على مرارة الطعم).والوصفة يحتاج لها قوة إرادة حتى نصل إلى المطلوب

    وسن2: بالنسبه للسفوف هل يمكن ان يخلط مع الحليب ويشرب 0000

    نسرين : للي تعاني من بروز الكرش: خذى كميه من قشرالرمان اليابس اطحنيه ثم انخليه ثم ضعي عليه كميه من العسل الطبيعي كوني منهاعجينه متماسكه شكلي منها على هيئه اقراص بحجم نصف حبه الباندول ضعيها في علبه ثم ضعيها في الفريزر استعمليها في العشرين الاخيره من النفاس (او) في الثلاثه الايام الاخيرة من الحيض خمس حبات في الصباح على الريق وهى مفيده ايضا للمعده وتقوم بتنضيف الرحم

    فيافي : اختي لؤلؤة:التغسيل بالماء او الصابون وقت الحيض او النفاس من مسببات الخراب ولكن في الاوقات العادية غسلي بماء وصابون عادي ولكن تجنبي الشامبو او الصابون المعطر انا شخصيا استخدم (صابون ديتول) بس مو دايما واحرصي انك تنشفي المناطق هذي بعد التشطف بمناديل أي نوع لان الفطريات والبكتريا تحب تتجمع في المناطق الرطبه الحارة وهذا من المساعدات على حصول

    الالتهابات.

    اختي ام الحسن: وان شاء الله سوف اعمل بنصيحتك وافرد نصيحه ذهبيه واذكر فيها كل شيء اما السيدة التي تريد المحافضه على صحتها انصحها بأن:

    1ـ ان تستمر على نظامها الذي اعتادت عليه ولاتغيره

    2ـ ان لاتشتري ادويه مطحونه من العطار او أي امرأة دون ان تعرف مكوناته فقد يكون بعض الادويه مخلطه من نباتات ضارة لها

    3ـ تتجنب الجوع فترة الحيض او النفاس

    4ـ ان لاتستخدم تحميلات لاتعرف مكوناته وافضل التحميلات اللي ذكرت لانه لو تركته لم تؤثر عليها .

    واتمنى اني وضحت مع ان الذاكرة بعض الاحيان لاتسعفن

    مشكورة ام الحسن وقد استفيد انا منها ولكن قشر الرمان معروف كعلاج لقرحة المعده

    اختي طماطه:البطن لم يكن مشكلة كبيرة قبل 30 عام فجداتنا وامهاتنا كن ينجبن 15 من الابناء او 12ولانرى لهن بطون وكان الدواء هو نفسه الذي نستخدمه الان وانا لاانكر ان العمليات تؤثر ولكن لعمل الشاق له دور فمثلا عندك المشي على الرمال (الثمامه,الدهناء,النفود)كله تمسح البطن

    مسح فقد كانت جدتي حامل في شهرها التاسع ولانرى لها بطن كله من المشي لذلك اللي يكبر البطن شرب الماء اثناء الحيض والنفاس عدم الحركه فمهما اكلتي من الادويه حتي تذهبي البطن لن يروح مادمتي لن تبذلي مجهود عضلي وانا اعرف افضل رياضه وهي المشي على الرمال وصعودها فهذه تشد عضلات البطن شد خيالي, ايضا تمارين البطن اما ادويه شعبيه تنزل البطن ما اعرفها .

    اختي طماطه:والله يا اختي انا اقدرها تقدير ولكن خذي مقدار 3كوب ارطا 1ملح +لتر ونصف ماءواغليهم وهذا يمكن استخدام يومين ومافيه داعي تحطيهم في ثلاجه ولكن اذا كثرتي الكميه احفضيها في الثلاجه اما التحميلات م.ك مرة + فنجال ملح خشن+ م.ك محلب اعجنيهم بعسل طبيعي لحد مايتماسكون وكوريهم كبر حبة نوى التمر ويبسيهم يومين وبعدين استخدميهم.

    اختي نسايم:اولا المفروض متأكلين حبوب منع حمل وانتي توك ماسبق انك ولدتي ثانيا ماتاكلين حبوب وانتي عندك هرمون الحليب مرتفع الحين زواجك له سنه وانتي اكلتي الحبوب ست شهور صح فلازم تعطين نفسك سنه بعد الحبوب مناعه مايصير فيه حمل يعني اذا صارلك سنه وست شهور من زواجك ابدي فكري بالحمل واهم شيء ريحي نفسيتك ولايصيبك القلق بعدين قبل لاتبدين بالعلاج الطبي استخدمي شاي الحلب مع عسل طبيعي ولاتستعجلين توك عروس لاني اخاف تهلكين نفسك بالادويه وانتي اخذه حبوب حمل وتختلف مناعتها من واحدة لاخري فبعض النساء اذا اكلت الحبوب تكتسب مناعه عن الحمل لمدة 3اشهر عن الشهر الواحد وبعض النساء تحمل وهي تستخدم حبوب منع حمل لذلك لاتستعجلين .

    اختي وسن2:لاتخلطين السفوف بالحليب السفوف يكون مطحون وتأخذين بملعقه وتبلعينه وعشان يروح ميلزق بالحلق تشربين وراه حليب .

    اختي نسريييييييييين: والوصفه اللي ذكرتي ممتازه للمعده

    طماطه : بالنسبه للغسول الأرطأ كم مره أستخدمه في اليوم هل كل ماأدخل الله يكرمك الحمام أتغسل منه ؟؟سؤال ثاني :الحين إذا بغيت أغسل المنطقه أغسلها بماء ثم بالأرطأ؟؟

    (استغفروا ربكم إنه كان غفاراً
    يرسل السماءعلبكم مدراراً * ويمدكم بأمول وبنين ويجعل لكم جنات ويجعل لكم انهاراً)

مواضيع مشابهه

  1. أسئلة محرجة اذا قدها جاوب
    بواسطة amante في ركن المواضيع المكررة
    الردود: 1
    اخر موضوع: 11-07-2010, 12:00 PM
  2. أسئلة محرجة ارجو من الجميع المشاركة
    بواسطة **كارولين** في ملتقى الإخــاء والترحيب
    الردود: 2
    اخر موضوع: 14-06-2008, 12:57 AM
  3. أسئلة الأطفال محرجة... فكيف نجيب عنها؟
    بواسطة اخصائي نفسي في نافذة إجتماعية
    الردود: 7
    اخر موضوع: 08-07-2007, 12:59 AM
  4. هل يسألك طفلك أسئلة محرجة تشعرك بالارتباك؟؟
    بواسطة مملكة الفهد في الأمومة والطفولة
    الردود: 1
    اخر موضوع: 20-06-2005, 04:25 PM
  5. أسئلة محرجة
    بواسطة بسمة أمل في نافذة إجتماعية
    الردود: 16
    اخر موضوع: 07-08-2002, 03:34 AM

الروابط المفضلة

الروابط المفضلة

قوانين الكتابة

  • لا تستطيع إرسال مرفقات جديدة
  • لا تستطيع إرسال ردود
  • لا تستطيع إرسال مرفقات
  • لا تستطيع تعديل ردودك
  •  
لكِ | مطبخ لكِ | جمالكِ | منزلكِ | جوالكِ | طفلكِ | تحميل صور | تكرات | المجموعة البريدية | لكِ أطباق لاتقاوم

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97