نادي لكِ الرياضي...يالله كلنا بدنا نحرك عضلاتنا

السلام عليكم
الله يجزاك خير على تجاوبك معانا واكيد مقدرين لك هالمجهود
ونا عارفه انك من خلال خبره تجاوبيني وعلى قولتهم أسأل مجرب ولا تسأل طبيب هههههههههههههههه
بجد والله احيانا التجربه افضل من الطبيب لأنه بنهايه انتي من واقع تجربه تنقلين لنا هالفوائد اما الطبيب
كله حرمان وكلي وماتاكلي خخخخخخخخخخخ وهذا مايمشي الحال معانا
وحبيت أسألك بعد أستحمليني
1= اذا تركت المشي يوم او يومين هل تروح فائدة كل الأيام اللي مشيتها ؟

لا اكيد ما بتروح والمشي بتضل فائدته لبعد 48 ساعة من التمرين
يعني العضلة بتضل مشدودة وتحرق لبعد يومين من التمرين حتى لو ما لعبتِ

2= هل يوقف نزول الوزن مع اني اسوي رجيم بس ما امشي هاليومي ؟

لا ما بيوقف النزول ابدا
لانه في ناس بينزلوا بريجيم بلا رياضة
والنزول بيستمر وطبعا بنسبة اقل من لما بتكوني بتلعبي رياضة

وشكرا لك

السلام عليكم

وعليكم السلام ورحمة الله وبركاته

أسمحيلي عندي سؤال مهم بجد

1= هل ينفع امشي وقت الدوره مدة ساعه او اكثر
وقد ايش السرعه تكون بشكل خفيف او سريع
وهل اذا كان النزف قوي خاصة اول يوم عادي امشي ولا لأ

شوفي انا كنت امشي وبسرعة عالية نوعا ما ايام الدورة
بس يفضل اول يومين ترتاحي لانه اذا النزف كتير انا بعرف انه المشي بنشط الرحم فما بدك يزيد النزف عليكِ
بس مو غلط انك تتحركي ولو مشي خفيف جوا البيت تضلي تتحركي
او تنزلي على السوق وتتمشي بين المحلات
المهم الحركة شو ما كانت بدون ما تكون عنيفة


2= انا تصاحبني وقت الدوره ألم قوي جدا فهل فيه شئ أشربه عشان يخفف الألم ويساعدني
خاصة وقت المشي اذا كان ينفع امشي

المشي بخفف الالم بس متل ما حكينا يكون عالخفيف مو مشي عنيف
اما اذا بدك ادوية عشبية انا بحكيلك من تجربة في عشبة اسمها المردقوش او البردقوش
هادي رائعه جدا للدورة بتشيل الالم ولا كانه في دورة
وحتى بالايام العادية لما يكون معك مغص مفعولها متل السحر
واحلى شي انها بتعدل الهرمونات وبتنقص الوزن
انا بشرب يوميا كاستين منها صباحا ومساء
والحمد لله مستفيدة عليها كتير
بتلاقيها عند العطار بتكون منشفه
وانا بالنسبة الي زارعتها بالبيت بطلع يوميا بلقط منها وبغلي


3= انا دائما وقت الألم والدوره اخذ حبوب بنادول أكسترا بكثره عشان يروح الألم
فهل هذا يأثر على جسمي خاصة وقت الرجيم

عادة الحبوب هادي ما الها تاثير اذا كانت بكميات معقولة
بس قرات انه كترة اخد المسكنات بتعمل سليولايت عند المراة
واول طريقة لعلاج السليولايت هو ترك المسكنات
انا بالنسبة الي بعقد بتحمل الوجع ولا باخدها


وشكرا جزيلا لك بجد مستحيه من كثر أسئلتي وعندي كثير أسئله اتمنى ماتنزعجين

تمارين حلوة اوى
مرسي كتير ليكى

السلام عليكم

وعليكم السلام ورحمة الله وبركاته

اشكرك على اجابتك لأسئلتي والله يجزاك خير يارب
وعندي بعد أسئله

الشكر لله عزيزتي اولا واخير والله يقدرني افيد الجميع بمعلوماتي البسيطة

1= هل الحاله النفسيه لها تأثير على نتيجة المشي ؟؟
لأنه احيانا لما اكون في حاله نفسيه سيئه أحس انه جسمي يألمني

ما اتوقع انه الحالة النفسية الها تاثير
هاد مجرد تاثير نفسي
وبعدين المشي المفروض يحسن النفسية فاحسن شي استعيذي بالله من الشيطان وكل يوم اختاري ذكر وضلي اقرايه وانتِ بتمشي
انا لما امشي بضل احكي طول الساعة او الساعة ونص
استغفر الله الذي لا اله هو الحي القيوم واتوب اليه
ورح تشوفي النتيجة
انا ما رح احكي بس جربيها وادعيلي


2= هل زيادة الأكل مع الحاله النفسيه السيئه ممكن يكون لها تأثير سلبي على نتيجة الرجيم ؟
لأني انا لما اكون متضايقه ازيد شوي من الأكل بس بعدها انقهر من نفسي

اكيد الزيادة الها تاثير
وطالما بتاكلي تحت الضغوط معناه انتِ عندك مشكلة الاكل العاطفي
وهادي المشكلة هي سبب زيادة الوزن عندك
اذا ما تغلبتي عليها ما رح تستفيدي وبمجرد ما تنزلي رح ترجعي تزيدي اذا تعرضتِ لاي ضغط
والحياة اكيد ما بتخلى من المنغصات
واذا بتابعي اوبرا
هاد الي دايما بتنادي فيه انه لازم الواحد يعرف شو سبب البدانة ليحلها
الاكل مو سبب البدانة السبب الي خلانا بالاصل نلجا للاكل وانتِ بحالتك هي الضغوط

المفروض لما تتنكدي وتحسي انك بدك تاكلي
اول شي استعيذي بالله من الشيطان
بعدين نضفي اسنانك بالمعجون
اشربي ماء
كلي تفاح واشربي شاي اخضر
وابعدي عن مكان الاكل
مرة على مرة بتتغلبي على هادي العادة

3= اذا كانت السمنه متركزه في الجوانب وفي الظهر هل المشي ممكن يخلي هالزياد تروح
ويرجع ينرسم الجسم وكأنه السمنه ماكانت بيوم من الأيام ولا لابد انه يبان على الشخص
اللي نحف انه كان سمين بيوم من الأيام ؟

سؤالك متفرع جدا
اذا فعلا بدك تنحفي بحيث الي يشوفك ما يعرف انه في يوم من الايام كنت سمينة
لازم النزول يكون بطيء
لانه بالنزول البطيء رح الجلد يرجع لوضعه الطبيعي بوقت طويل نوعا ما ورح يشد وما رح يترهل
اما اذا نزلتي نزول سريع رح يضل في ترهل
لانه الجلد ما بيلحق يرجع لوضعه بسبب النزول السريع

المشي بخفف من الجوانب والترهلات الظهر لكن ما بشيلها نهائي
لازم تعملي تمارين الجوانب الي منزلتها انا بهاد الموضوع وان شالله بروحوا
بس لازم تعرفي انه دهون البطن من اصعب الدهون ورح تطول لتروح نهائيا


4= هل ترهل منطقة الزنود مو ممكن مع المشي انه ينشد ولايبان انه كان سمين في يوم من الأيام ؟

الزنود ما بتنشد مع المشي
لازم تعملي تمارين تكون مخصصة لعضلة الذراع الخلفية والامامية وانا منزلة اكتر من تمرين
فانتِ يوم بعد يوم اعملي تمرينين واحد للعضلة الامامية وواحد للعضلة الخلفية
والتمارين هادي العبرة مو بكثرتها
لازم تعمليها بشكل صحيح وبالطريقة المذكورة وبالعدد المذكور فقط
اذا زدتي اكتر بصيرلك عضللات وبتجهدي العضلة وما بتستفيدي

5= خطوط الرقبه بسبب السمنه سابقا والنحف لاحقا يكون باين من هالخطوط انه هذي كانت سمينه
كيف أتخلص منها وهل المشي ممكن يفيد معاها ويمحي هالخطوط؟

انا سمينة ونحفت 15 كيلو ما عندي خطوط وما عمري شفت حدا سمين عنده هالخطوط
فما رح اقدر افيدك
بس المشي ما بينفع مع الرقبة لانه ما بتتحرك بالمشي
حاولي دائما تستعملي الكريمات المغذية لهادي المنطقة
واعملي تمرين تمدد الرقبة يوميا
وكل ما تشوفي حالك فاضية وان شالله بتستفيدي



وشكرا لك

السلام عليكم
مشكوره ياقلبي .. قسم بالله اني مستحيه بجد هالمره وموعارفه كيف أشكرك
انك تحملتي أسئلتي وبصراحه عندي كثير أسئله بس ماودي أثقل عليك أكثر

اللة يعطيكى الصحه

الله يعطيك العافيه عن جد تمارين حلوه وانا اموت في شي أمه رياضه

السلام عليكم

وعليكم السلام ورحمة الله وبركاته

لوسمحتي عندي أسئله <<< ثقلتها

خدي راحتك

1= انا اليوم قبل المشي أكلت كيك ثم بعدها مشيت هل المشي في هالحاله راح يحرق اللي اكلته من الكيك .................................................. .................................................. ........................
وهل بينزل وزني ولا بكون بس جالس احرق اللي اكلته قبل الرياضه ؟
.................................................. .................................................. ........................

اول شي غلط انك تاكلي اي شي وتمشي
لازم قبل الرياضة بساعة وبعدها بساعة ما تاكلي ولا شي مشان ما يصيبك عسر هضم
سؤالك انا رح اجاوب ما بس بعرف اذا رح اقدر اوصلك الي بدي اياه
شوفي المشي المتوسط لمدة ساعة بيحرق بحدود 200 سعر
طبعا بيتحكم عدة عوامل منها الوزن والسرعة وهاد معناه انه كل شخص بيختلف عن غيره
لو انتِ حرقتي بساعة 200 سعر وقطعة الكيك الي اكلتيها كانت 200 سعر
معناه حرقتيها كاملة لحالها بدون ما تحرقي دهون

لو كانت قطعة الكيك اقل من 200 سعر بتكوني حرقتي كذا سعر من الدهون المخزنة

لو كانت اكثر من 200 يتكوني ما حرقتي ولا شي من الدهون ولو حرقتي رح تكوني عوضتيها بسعرات الكيكة

وما تنسي انه الكيلو لينزل لازم تحرقي 7000 سعر فحاسبي على اكلك وخليك
ش تخسري دهون مو تخسري سعرات فاضية متل الكيك
يعني كلي كيك مرة بالاسبوع

2= اليوم مشيت بالليل فهل مشي الليل يفيد في النزول مثل مشي النهار ؟
.................................................. .................................................. ........................

المشي كله مفيد وفي نظريات ناس بفضول المشي صباحا وناس بفضلوه مساء
انا بحب امشي صباحا وقبل الاكل
او ممكن امشي قبل الغداء بساعتين
المشي مساء ما بحبه

3= هل الجو الحار افضل للمشي ولا الجو البارد وايهم يساعد على النزول اكثر ؟
.................................................. .................................................. ........................

الجو ما دخله الفرق انه بالجو الحار بيعرق الواحد اكتر
والدهون ما دخلها بالعرق
الدهون لما جسمك يحرقها بتتحول الى بول اعزكم الله فقط
يعني العرق الي رح تعرقيه رح ترجعي تشربيه ماء
فما دخل الجو

4= هل الأكل بعد الرياضه يلغي كل شي سويناه من مشي ولا كأله مشينا ؟
.................................................. .................................................. ........................

لا ما بيلغي اكيد
بس اذا هدفك تنزيل الوزن حاولي تاكلي اكل صحي
مو تقولي انا لعبت رياضة خليني آكل الي بدي اياه

5= هل اكل الكيك << عقدتها الكيك خاصة ً بالليل ثم النوم بعدها بأربع ساعات مايخلي الوزن يزيد
.................................................. .................................................. ........................
لأن مشكلتي لما اكل اي شئ يتعلق بالمخبوزات من كيك او خبز فورا يطلع لي بطن وينتفخ ويبان بطني
.................................................. .................................................. .......................
انه زايد حجمه بس عشاني اكلت كيك او معجنات او مخبوزات ..
.................................................. .................................................. .......................

اختي هاد بيعتمد على سعراتك اليومية
يعني اذا كانت الكيكة رح تزيد السعرات اكتر من حاجتك اليومية فراح يزيد وزنك
اما اذا رح تضلي ضمن السعرات اللازمة لجسمك رح يثبت وزنك
واذا كانوا مجمل السعرات اقل من حاجتك حتىلو اكلتي كيك
رح يتقص وزنك وما تنسي الكيك كله سكر وكربوهيدرات ودهون فبلاه الكيك
امسكي حالك شوي


وشكرا لك

الله يجزاك خير قوية الارادة
دائما من يسوى الرجيم يحتاج اللى يشجعه
ومافى اقوى ولا انفع من التشجيع اللي تقومين به
بارك الله فيك ومتعك بالصحة