انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.


للبحث في شبكة لكِ النسائية:
الصفحة 1 من 2 12 الأخيرالأخير
عرض النتائج 1 الى 10 من 14

الموضوع: 6 نصائح للتخلص من الدهون المتراكمة فى الجسم.

  1. #1
    تاريخ التسجيل
    Oct 2008
    الردود
    140
    الجنس
    أنثى

    byebye 6 نصائح للتخلص من الدهون المتراكمة فى الجسم.

    6 نصائح للتخلص من الدهون المتراكمة فى الجسم.

    النصيحة الأولى

    تناولي ثلاثة أكواب كبيرة من الماء قبل الوجبات الرئيسية 'الفطار والغداء والعشاء'
    لأن الميه مفيش فيها أي سعرات حرارية وبتساعد على ملء فراغ المعدة وبالتالي بتقلل من تناولك الطعام.
    كمان ياريت إنك ماتشربيش ميه وخصوصا ساقعة أثناء الأكل.
    أنا عارفة إن شرب الميه أثناء الأكل ساعات كتير بيكون ضروري بس معلش تعالي على نفسك شوية وخلي شرب الماء بعد الأكل بمرور نص ساعة.
    واوعي تنسي العدو الأول وهو المياه الغازية فياريت إنك تستغني عنها لو عايزة نتيجة كويسة فعلا.

    النصيحة الثانية

    ياريت إنك تتناولي كوب عصير جريب فروت أو كوب من الماء عليه معلقة صغير من خل التفاح قبل تناولِك للطعام علشان يقلل من إحساسك بالجوع ويحد من تناولك للطعام..
    كمان ياريت إنك تحرصي على تناول الأطعمة الغنية بالألياف لأنها بتاخذ
    وقت طويل في عملية المضغ مما يقلل الإحساس بالجوع وتؤدي إلى الشبع مع أقل كمية من الطعام.

    النصحية الثالثة

    ياريت إن طبق السلطة الخضراء المضاف إليها معلقة من الخل يكون طبق أساسي على السفرة أثناء تناولك للطعام،
    وتبدئي بيه طعامك علشان يعطيكِ إحساس بالشبع وهيقلل من تناولك للأطعمة الأخرى
    اللي فيها سعرات حرارية عالية، وخلي بالك إن السلطة الخضراء بتغذي وتفيد الجسم والبشرة كمان،
    وفي نفس الوقت مافيهاش سعرات حرارية عالية وبكده تكوني ضربتِ أكتر من عصفور بحجر واحد.

    النصيحة الرابعة

    وهي إنك تاكلي على مهلك وبراحتك وبلاش الاستعجال في الأكل واوعي تنسي تمضغي الطعام كويس قوي،
    بأسنانك علشان تصلي إلى مرحلة الشبع بسرعة من غير ما معدتك تمتلئ بأكل كتير، وده على عكس الأكل بسرعة يملأ المعدة بكثير من
    الأطعمة قبل أن تصلي إلى مرحلة الشبع وتجنبي تناول الطعام وإنتِ واقفة وتناوليه وإنت قاعدة، وفي هدوء واسترخاء

    النصيحة الخامسة

    والنصيحة دي عبارة عن إنك هتحاولي على قد ما تقدري إنك تبعدي عن بعض الأطعمة اللي فيها سعرات حرارية عالية زي التين والبلح والعنب،
    بالإضافة إلى الفاكهة المجففة زي التين، القراصيا، والمشمشية، والمسليات بأنواعها زي اللب والسوداني والمكسرات بأنواعها، والمياه الغازية والشيكولاتة.
    وياريت تستبدلي بالعيش الفينو العيش البلدي.
    والأطعمة المقلية والمحمرة ويكون بدل منها المسلوقة والمشوية، كمان ابعدي نهائيا عن المخ والكباب واللحم الضأن والكبدة، وبدل منه تناولي اللحم البقري الصغير.
    كمان ياريت إنك تبعدي عن النشويات، ولو مش قادرة إنك تبعدي عنها ممكن إنك تاكلي منها بس مش كتير.
    واوعي تنسي إن أهم حاجة إنك تاكلي الوجبات التلاتة بانتظام وده لأن إهمالك لوجبة من الوجبات هيأثر تأثير كبير قوي وهيدفعك إلى التهام أطعمة أكثر غير مرغوب فيها.

    النصيحة السادسة

    لو كنتِ من الناس اللي طبيعة عملهم بيتطلب الوقوف باستمرار يبقى خدي بالك من الطريقة اللي بتقفي بيها لأن طريقة الوقوف لها تأثير مهم على مظهر البطن،
    علشان كده من الضروري إن الوقوف يكون طبيعي وفي وضع مستقيم من غير ما يؤثر على العمود الفقري مع مراعاة عدم حمل حقائب ثقيلة على جهة واحدة لفترات طويلة..
    لكن لو كانت طبيعة عملك تتطلب منك الجلوس طول النهار على الكرسي أو كنتِ بتقعدي طول النهار يبقى خدي بالك من الطريقة
    اللي بتقعدي بيها على الكرسي، وهى إن يكون ضهرك مفرود في وضع مستقيم.
    وياريت تحاولي إنك تمشي في اليوم على الأقل نص ساعة، وياريت كمان إنه يكون المشي ده بعد الأكل، وخاصة وجبة العشاء،
    وده لأن بصراحة شديدة العلاج الفعال في علاج الكرش هو المشي..

    بس خدي بالك وإنتِ ماشية من شوية النصايح دي وهي:

    1- أن يمارس المشي بدون توقف إلا عند الضرورة كالإحساس بالتعب الشديد وعدم القدرة على المواصلة.
    2- أن يكون بخطى واسعة كالجري البطيء مع تحريك الذراعين بعكس حركة القدمين.
    3- - أن يكون الظهر مفرودًاً أثناء المشي حتى لا يسبب بروزًاً في منطقة البطن.
    4- أن يلامس مشط القدم الأرض قبل الأصابع والكعب.
    5- أن يكون بصفة منتظمة.. ويتم زيادة مدته تدريجيًا.
    6- ياريت تحاولي على قد ما تقدري إنك تمشي يوميا ولو لمدة نصف ساعة ولو مش هتقدري إنك تمشي يوميا يبقى يجب ألا تقل عن ثلاث مرات أسبوعيًا.
    مع ملاحظة إن أثر الرياضة والمشي يمتد إلى يومين بعد الممارسة حيث إن العضلات تظل بعد الرياضة في حالة انقباض مما يزيد من معدل حرق الدهون.
    وعلى فكرة فيه معلومة كتير مش عارفينها وهي إن المشي بسرعة متوسطة يفقد الجسم ما يقرب من 300 سعرا حراريا في الساعة والمشي بسرعة كبيرة يفقده 350 سعراحراريا.

  2. #2
    تاريخ التسجيل
    Aug 2006
    الردود
    1,557
    الجنس
    امرأة
    جزاكِ الله خيرا يا مرمر
    نصائح مهمة وبيغفل عنها كتير

  3. #3
    تاريخ التسجيل
    Sep 2007
    الموقع
    مصر
    الردود
    247
    الجنس
    أنثى

  4. #4
    اسورة's صورة
    اسورة غير متواجد كبار الشخصيات-متألقة صيف 1432هـ - لمسة جمال
    "متميزة صيف 1429هـ "
    تاريخ التسجيل
    Jun 2007
    الموقع
    ღ العــــــ بغــداد ـــــراق ღ
    الردود
    21,835
    الجنس
    أنثى
    مشكورة على النصائح الحلوة








  5. #5
    Lojain's صورة
    Lojain غير متواجد كبار الشخصيات "نبض وعطاء" "مجموعة العطاء في ركن الجمال والأناقة"
    تاريخ التسجيل
    Oct 2005
    الموقع
    في بيـــ【ツ】ــــــي
    الردود
    19,712
    الجنس
    امرأة
    مشكورة اختي على النصائح



    ينقل الموضوع لركن الصحة و التغذية و الريجيم
















  6. #6
    تاريخ التسجيل
    Jul 2008
    الموقع
    مصر أم الدنيا
    الردود
    290
    الجنس
    أنثى
    تسلم ايديكي

  7. #7
    تاريخ التسجيل
    Oct 2008
    الردود
    140
    الجنس
    أنثى

    angry

    تعقيب كتبت بواسطة كرفساية عرض الرد
    تسلم ايديكي

    الله يسلمك يا كرفساية تحت امرك يا جميل.

  8. #8
    تاريخ التسجيل
    Oct 2008
    الردود
    140
    الجنس
    أنثى
    تعقيب كتبت بواسطة كرفساية عرض الرد
    تسلم ايديكي
    تعقيب كتبت بواسطة Lojain عرض الرد
    مشكورة اختي على النصائح



    ينقل الموضوع لركن الصحة و التغذية و الريجيم
    يسلملى مرورك.

  9. #9
    تاريخ التسجيل
    Oct 2008
    الردود
    140
    الجنس
    أنثى

    تعقيب كتبت بواسطة اسورة عرض الرد
    مشكورة على النصائح الحلوة

    يسلملى مرورك يا اسورة.

  10. #10
    تاريخ التسجيل
    Oct 2008
    الردود
    140
    الجنس
    أنثى

    crazy

    تعقيب كتبت بواسطة هنورة عرض الرد


    شكرا لمرورك اختى.

مواضيع مشابهه

  1. هل تعلمين أن الزبادي تقضي على الدهون المتراكمة حول البطن..؟!
    بواسطة Lojain في ركن التغذية والصحة والرجيم
    الردود: 36
    اخر موضوع: 02-08-2011, 02:51 PM
  2. الماء تفكك الدهون الزائدة في الجسم حملة ضد الدهون أهلا بكن
    بواسطة salmitta في ركن التغذية والصحة والرجيم
    الردود: 59
    اخر موضوع: 04-04-2009, 11:18 AM
  3. الدهون الموضعية المتراكمة: كيف تتخلصين منها؟
    بواسطة أمل الحنين في ركن التغذية والصحة والرجيم
    الردود: 2
    اخر موضوع: 01-10-2008, 12:12 AM
  4. الدهون الموضعية المتراكمة: كيف تتخلصين منها؟
    بواسطة ♥أم عبد الله♥ في ركن التغذية والصحة والرجيم
    الردود: 16
    اخر موضوع: 19-05-2008, 06:44 PM
  5. البقدونس فعال في إذابة الدهون المتراكمة
    بواسطة elissar في ركن التغذية والصحة والرجيم
    الردود: 8
    اخر موضوع: 05-01-2007, 01:10 PM

أعضاء قرؤوا هذا الموضوع: 0

There are no members to list at the moment.

الروابط المفضلة

الروابط المفضلة
لكِ | مطبخ لكِ