السلام عليكم
الموضوع باين من عنوانه وحده جابتلي كتالوج اوريفليم منتجاته طبيعية وصناعة اوروبي بس انا استخدم من بودي شوب وحابة اجرب هذي الماركة عاملين عروض حلوة واسعارهم حلوة
ياليت تفيدوني للي جربت هذي الماركة
ومشكوووووووووووووووووورين
للبحث في شبكة لكِ النسائية:
|
السلام عليكم
الموضوع باين من عنوانه وحده جابتلي كتالوج اوريفليم منتجاته طبيعية وصناعة اوروبي بس انا استخدم من بودي شوب وحابة اجرب هذي الماركة عاملين عروض حلوة واسعارهم حلوة
ياليت تفيدوني للي جربت هذي الماركة
ومشكوووووووووووووووووورين
أنا مجربة الماركة و لقيت فيه أشياء حقيقة حلوة و تستاهل و كمان جربت منها إشيا طلعت مش حلوة خالص على العموم هي جيدة و ثمنها كويس لو قارنها بماركات عالمية أخرى غالية جدا
السلام عليكم
بصى يا اختى انا استخدمت منهاحاجات كتيررررررررررررررررررررررررررررررررررر جدا
واستخدمتها لفتره طويله
فى حاجات فيها ممتازه حتى لو جبتى زيها من ماركات عالميه بتلاقى بتاعت اوريفليم احسن
وفى حاجات عاديه جدا واقل من العاديه كمان
عموما انا عارفه تقريبا معظم الحاجات الى فيها
قوليلى انتى ناويه تجيبى منها ايه وانا هاقولك حلوه والا لاء لو كنت استخدمتها ان شاء الله
انا معاكى واسألى براحتك
الله يوفقك
اذكرى الله
ادعولىىىىىىى
سلام يا قمر
سبق و جربت من عندهم بعض المنتوجات للاستحمام و كانت جميلة
السلام عليكم
اولا لا شكر على واجب احنا اخوات
بصى يا حبيبتى
بالنسبه للكريمات الاساس هى نوعها حلو اوى بتدى مظهر طبيعى وبتخفى العيوب كتير فكرتينى بواحده صحبتى كانت خطيبها معاها فى الكليه وكانت بتشوفه كل يوم وكانت اليوم الى شنبها طالع فيه بتحط من كريم الاساس كانت جايباه من اوريفليم وكان فعلا بيداريه خالص(خدعه يعنى) هههههههههه
بس العيب الوحيد فى كريمات الاساس عندهم والبودره هو الالوان لو انتى بيضه مش هتناسبك لانك هتحسى انها مغمقاكى
حتى فتحوا الوانهم من فتره صغيره قولت اجرب تانى وجبت بودره طلعت غامقه برضه اديتها لاختى عشان هى اغمق منى وكانت معاها رائعه
يعنى انتى لو بيضا ابعدى عن كريمات اساسهم وابعدى عن البودره هى انواعهم رائعه لكن المشكله فى الالوان
اما بالنسبه لارواجهم بصى دى تجبيها وانتى مغمضه بس تفتحى بس عشان تختارى الالوان ههههههههههه
والله انا جبت منهم روج كانوا كاتبين عليه انه بيدوم ست ساعات وفعلا وقسما بربى مان بيدوم واكتر من كده كمان
ارواجهم بجد رائعه ومرطبه وجربت ارواج والله من ماركات عالميه ماركه ايف سان لوران والله ان بتوع اوريفليم احسن ميت مره رغم ان التانى اغلى منه ميتين مره
وكنت عايزه انصحك كمان ب(اليب جلوس ) من عندهم والله برضه جربته من ماركات عالميه وبتاعهم اثبت واحلى واقوى بس لو انتى متجوزه مش هينفعك لانه بتحسيه بيلزق كده لكن كشل اكترررررررررر من رائع ده جيبه على ضمانتى والله من الحاجات الى مقدرش عمرى استغنى عنها هو خمس الوان عندى منهم اربعه
بس الشفاف هو اهم واحد فيهم مقدرش فعلا استغنى عنه
تحطيه فوق اى روج بتحسى شفايفك بئت حاجه تانيه خالص وحتى لو حطتيه لوحده من غير روج بيدى لمعه للشفايف تحفه
بس نصيحه لو جبتيه بعد ما تحطيه حطى تحت الشفه السفليه بودره عشان ميلطخش على منطقه الذقن هتلاقيه صفحه رقم 40 ب(17 جنيه)فى كتالوج شهر 4 وفى صفحه رقم 26 ب( 14جنيه) فى كتالوج شهر 5
حظك حلو والله الكتالوج لسه واحده بعتاهولى النهارده الصبح
بس وانتى بتجيبى الروج خدى بالك من اختيارك للون ومتتخدعيش باللون الى الموديل بتكون حطاه لانه احيانا يكون افتح او اغمق
يعنى جبت روج على انه روز كانت الموديل حطاه لاقيته بيدى بس لمعه كأنى حاطه فازلين(اهم حاجه اختيار اللون)
اما بالنسبه للاى شادو بصراحه عمرى ما جبت منهم لانى مش بحطه اصلاغير فى الافراح مثلا بس اصحابى الى استخدموه قالوا انه حلو وبيثبت والوانه جميله
بس نصيحه منى ليكى اللى يثبت الاى شادو انك تحطى البودره على وشك ومنطقه العين الاول كويس جدا ونصيحه تانيه لازم تجيبى الايشادو من النوع الى بتعرفى تستخدميه يعنى انا شايفه ان الاى شادو الى حطيتى صورته سايل وكريمى لو بتعرفى تستخدميه بس هاتيه لو لاء اوعى تجبيه لان من سهل تنك تستخدميه بحسه احترافى شويه لكن الاى شادو البودر بيكون اسهل بكتير
بانسبه للمسكرا مسكراتهم بتكون تحفه انا استخدمتها لمده اكتر من خمس سنين وحتى بتاعت ايف سان لوران مكنتش احلى منها لكن غيرتها بس لما جرت ماسكرا ماكس فاكتور بصراحه لاقيتها احلى
لو ليكى حد فى الامارات او السعوديه مثلا خليه يجبهالك لو مفيش توكلى على الله واستخدمى اوريفليم هى رائعه برضه بس لو ناويه تجيبى الى علبتها خضرا دى ممكن تستنى كتالوج شهر 5
لانى شفت فيه عرض على نفس( المسكرا + مرطب شفايف + قلم الكحل الاسود) ب 49 جنيه اذا اشتريتى ب 200 جنيه من الكتالوج وطبعا الى هتبعلك هتكون جايبه حاجات باكتر من 200 جنيه فهتجبهولك
المسكرا حلوه اوى و المرطب جميل جدا اا قلم الكحل ده راااااااااااااااااااااااائع
استخدمته مده طويله اوى بس دلوئتى بتخدم ايف سان لوران هو احلى سنه مش اكتر بس عشان جالى هديه بس لما يخلص هارجع لده تانى
لو مش محتاجه الحاجات دى خلاص توكلى على الله وجبيها
نصيحه بئى منى ليكى بره الموضع ابل ما تشترى اى حاجه فكرى كويس انتى محتجاها والا لاء هتستخدميها والا لاء مش كفايه تكون حاجات رائعه عشان تجبيها
لازم تكونى هتستخدميها عشان متلاقيش نفسك فى الاخر درجك مليان حاجات اكتر بكتير من استخدامك ومده صالحيتها تخلص وانتى لسه مستخدمتهاش
انا بقولك كده لانى اكتر واحده عملت كده فى الدنيا
هههههههههههه
ومتجبيش حاجه من اوريفليم الا الى عليها عرض (تخفيض يعنى) حتى لو عجبتك استنى عليها شهر او اتنين بالكتير هتلاقى نازل عليها عرض هى كمان
معلش طولت عليكى بس انا حبيت اشرحلك كويس
يارب اكون افدتك
ولو عايزه تسألى عن اى حاجه تانى انتى تأمرى حتى لو بعد كده بمده ابقى ابعتيلى على الخاص
الله يوفقك يا قمر وينفع بيكى المسلمين
اذكرى الله
ادعولىىىىىىى
سلام
ههههه كنت حابة ارد عليكي بس لاقيت بسبوسة ماشاء الله عليها قايلة كل حاجة.
انا تقريبا من سنتين ابتديت استعمل منتجات اوريفليم و بجد مرتاحة معاهم ع الاخر بس انصحك حاجة واحده ما تاخديهاش من عندهم و هي مستلزمات الشعر , انا ولا مرة جربتها بس كل الناس اللي استعملوها طلعت مش موافقاهم . بالنسبة لليب جلوس و دي اكثر حاجة بحبها عندهم , و تقريبا كل شهر باخد واحد جديد و لا عمري اشتكيت منهم .
و حابة اقول ليكي انو بردو البرفنات عندهم حلوة اوي و بتلاقيها خفيفة و ثمنهم بردو كويس و مناسب . و في كمان كريمات العناية باليدين و الرجلين , دول نتيجتهم بتبقى تحفة .
الماسكارا عندهم حلوة و بتدوم . الاي لاينر استعملته مرة وحده و ما عجبنيش عشان بسرعة بيروح . الاي شادو و اقلام العيون انواعهم كثيرة و باخد منهم انا و ماما و نوعيتهم بتطلع كويسة اوي و خصوصا انا عندي حساسية عيون , بس مع اوريفليك الحمد لله ما بقيتش بشتكي.
و لو عايزة اي سؤال ثاني احنا في الخدمة
جزاكم الله خير
معليش امر بظروف نفسية صعبة بسبب وفاة امي الله يرحمها وصرفت النظر عن كل شي الله يصبرني على فراقها
الله يرحمها ويصبرك... والله ما فى أمر من فراق الأم.
أنا جربته . الله لا يوريه لأحد
وإنشاء الله تكون آخر الأحزان يا لحن الغربة
أكثرى لها من الدعاء
يا رب ارحم والده اختنا لحن الغربة و اسكنها فسيح جناتك .
و الله يصبركم على فراقها يا اختي
الروابط المفضلة